කතරගම ඇසළ පෙරහැර ආරම්භ වීමට දින 45 කට පෙර කපු සිටුවීම නම් පෞරාණික චාරිත්‍රයක් කතරගම මහා දේවාලයේ මිණි බැදි මණ්පයේ නියමිත ස්ථාන 02කකදී සිදු කරනු ලබයි. දින 45ක් ඉකුත් වූ පසු ඇසළ පෙරහැර ආරම්භ වේ. කප් සිටුවීම සමග පෞරාණික චාරිත්‍රයන්ද ඇරඹේ.
01. යාපනයේ සිට පාද යාත්‍රාවෙන් කතරගම පුදබිම කරා පැමිණෙන බැතිමතුන් ගමන් ආරම්භ කිරීම.
02. දේවාලවල නළලේ ගාන තින්නොරු නම් සුදු පාට කුඩු විශේෂය ලබා ගැනීම සදහා දෙවියන්ට භාරහාරවී තින්නෝරු ලැබෙන වල්ලිමලේ නම් ප්‍ර දේශයේ කැනීම් ආරම්භ කිරීම.
03. කතරගම අෂ්ඨළුල බෝධින් වහන්සේගේ එක් ස්ථානයක රන්වන් බෝපත් හට ගැනීම.
 |
| කතරගම අෂ්ඨළුල බෝධින් වහන්සේ |
යාපනයේ ආරම්භ කරන ලද පාද යාත්‍රාවේ නැගෙනහිර ප්‍ර දේශයේ කෝවිල් වල රාත්‍රී නවාතැන් ගනිමින් එනවිට අතරමගදී මේ පිරිසට තව තවත් පිරිස එකතුවේ. යාල අභය භූමියට ආසන්න ප්‍ර දේශයේ මහ මුහුද සමීපයේ ඇත. කතරගම දෙවියන්ට පුදපූජාවන් පවත්වන, ඔකදකතරගම දේවාලයට බැතිමතුන් එකතුවී පූජාවන්ට දින ගණනක් සහභාගී වෙයි. බැතිමතුන් එනවිට තමන් අවශ්‍ය ආහාර පාන පිළියෙල කර ගැනීමට දේවල් රැගෙන ඒම විශේෂත්වයකි.
යාල වනෝද්‍යානය හරහා ගමන් කරන ගමනේදී ගල් උඩ ගස් යට කුඹුක්කන්ඔය හා මැණික් ගග ආශ්‍රිතව රාත්‍රිය නවාතැන් ගනී.
එයින් දින ගනනක් මහා කැලෑවේ මැදින් අලි කොටි, වලසුන්ට මුහුණ දෙමින් භක්තියෙන් යුතුව ගමන් කර පුද බිමට පැමිණේ.
හාස්කම්
එක් වර්ෂයක් වැස්ස නොලැබීම නිසා පාද යාත්‍රාෙව් න බැතිමතුන් ජලය නොමැතිව මහත් පීඩාවට පත්වූහ. ගංගා සමීපයට එනතුරු ජල හිගයට මුහුණදුන් බැතිමතුන්ට පිහිට වීමට සාමි කෙනෙකු මහා කැලෑව මැදින් දැක ගත හැකි වීය. රාත්‍රිය එළඹෙන විට ජලය බෙදන සාමි අතුරුදහන් වීය. මෙම සිද්ධිය පයින් කතරගම වර්ෂ කීපයක් කතරගම පැමිණි බැතිමතුන් අත්විද ඇත. ඔවුන් කාරණය කථා කරන්නේ මහත් භක්තියෙන් යුතුවය. කතරගම දෙවියන් පිළිබද දැඩි භක්තියෙන් එන අය ඔවුන්ගේ සිත්තුළට අමුතුම ප්‍රෙබා්ධයක් දානෙන්නේ පාද යාත්‍රා ගමන පුරාම කතරගම දෙවියන්ගේ ඇල්ම බැල්ම තිබෙන බව ඹවුන්ගේ සිත් තුල ඇත.
රොටී හැදීම
මෙම ගමනේදී මහා වන මැද ගල් උඩ රාත්‍රිය ගත කරන ස්ථානද ඇත. එම ස්ථාන වලදී ඔවුන් රාත්‍රියට ආහාර සදහා රොටී සාදා ගනී. පලමුව දර වලින් ගිනි මැලයක් සාදා ගනී. ටික වේලාවකින් ගිනි මැලය සාදා ගත් දර කැබලි ඉවත් කර කොළ අතු වලින් ගිනි මැලය දැල්වූ ස්ථානය පිරිසිදු කර ගනී. රොටි සාදා රත්වූ ගලේ අලවයි. රොටී ඉක්මනින් රත්වී කෑමට සුදුසු අයුරින් සැකසේ. පිරිසේ සියලුදෙනා මේ ආකාරයෙන් රොටී සාදා ගනී.
රාත්‍රී කාලයේ වැඩිපුර ගත කරන්නේ අවුරුදු ගණනාවක් පාද යාත්‍රාෙවන් පැමිණි අය ලැබූ අත්දැකීම් හා හාස්කම් පිළිබදවයි.
මොනරෙකු පැමිණ කළ හාස්කම
එක් වර්ෂයක ඔකද දේවාලය අසලින් යාල වනඋද්‍යානයට ඇතුළු වී කුඹුක්කන් ඔයද පසු කර එන වට පන්සියයකට අධික පාද යාත්‍රා බැතිමතුන් පිරිසකට කැලෑවේ සිටින වල්මීහරක් රංචුවකට මුහුණ දීමට සිදුවීය.
මී හරක් රංචුව පාරේ ඉදිරියට ගමන් කරයි. බැතිමතුන්ද ඔවුන්ගේ ඉදිරියට ගමන් කරයි. බැතිමතුන් අත ර කිසිදු ආයුධයක් නැත. හරෝ හරා කියමින් මෙම පිරිස ඉදිරියට ගමන් කරයි. අන්දෙක කෙලින් කර ගත් වල්මී හරක් රංචුව බැතිමතුන්ට පහරදීමට ඉදිරියට එති. බැතිමතුන්ට ඇත්තේ හරෝ හරා කියන ශබිදයේ ආයුධය පමණි.
මී හරක් රංචුවට ආසන්න වන විට හරෝ හරා ශබ්දය තවතවත් වැඩි විය කිසිම බයක් සැකක් නැතිව බැතිමතුන් ඉදිරියට ගමන් කරති.
කතරගම දෙවියන්ට භාරහිර ඉටු කිරීමට පැමිණෙන මෙම පිරිස දන්නවා මහා කැලෑවේ උනත් කතරගම දෙවියන් මොනම මොහොතක හො තමන්ට පිහිටවන බව.
මේ පිරිස අතර කුඩා දරුවන් ගැබිනි මාතාවන්, වයසක අය මෙන්ම තරුණ අයද සිටිති.
වෛද්‍යවරුන්, විශ්ව විද්‍යාල කථිකාචාර්ය්‍ය වරුන් රජයේ නොයෙක් විදියේ නිලතල දරණ අයද පැමිණේ. මේ ගමනේ දී ඔවුන් සියලු දෙනා එකම පවුලක සහෝදර සහෝදරියන් වශයෙන් කාන්තාවන් අමතන්නේ සාමි අම්මා යනුවෙනි. කතරගමට එනතුරු එම කණ්ඩායම එකම පවුලකි. ඔවුන් සියලූම දෙනා සෑම දෙයක්ම එකට බුක්ති විද ගනී. කෑම බීම ජලය පවා එකිනෙකාට හුවමාරු කර ගෙන කටයුතු කරයි.
දුප්පත් පොහොසත් භේදයක් නොමැත. තනතුරු දරණ අය වෙනම නැත. එකට එකත්වී ආහාර පිස ගෙන එකට වාඩි ළුී කෑම බීම ගෙන ජලය හුවමාරු කරගෙන රාත්‍රිෙය් මෙන්ම දවල්ද ගත කරයි.
ප්‍රමාණයෙන් කෙතරම් වුවත් එකිනෙකාට ඇති අඩුපාඩු සොයා බලා හුවමාරු කර ගනී. සියලුම දෙනා ආරක්ෂාවද , කවුරුත් එකමුතුව සලසා ගනිති. මේ කාලය තුල ඔවුන් තුළ ඇත්තේ අමුතුම බැදීමකි.
අම්මා, තාත්තා, මාමා, නැන්දා. අය්යා, නංගී, සාමි, සාමි අම්මා, අණ්නා, තම්බී, අක්කා, තංගච්චි යනුවෙන් අමතන්නේ ඔවුන් තමන්ගේ පවුල් වල සාමාජිකයන් වශයෙනි.
පිරිසක් යාපනය තවත් පිරිසක් ත්‍රීකුණාමලය, මඩකලපුව, කොළඹ, මහනුවර, ගාල්ල, මාතර, හෝ ලංකාවේ වෙනත් ප්‍ර දේශයක අයයි.
නමුත් මෙම ගමනේ දී එකම පවුලක් මෙන් සියලුම දෙනා එකට ගමන් ආරම්භ කරති. එකට නවාතැන් ගනිති. එකට රාත්‍රිය ගත කරති. එකට කෑම බීම ගනිති.
මේ අය අතර ඇත්තේ අමුතුම බැදීමකි. මේ ඉන්නේ බෞද්ධ හින්දු මුස්ලිම් ක්‍රිස්තියානි යන ආගම් වලට අයත් වුවත් මෙම ගමනේ දී ඔවුන් සෑම දෙයක්ම කරන්නේ එකම පවුලක් ලෙසිනි. මේ බැදීම ලෝකයේ කිසිම ස්ථානයක ඇති නොවේ.
කතරගම දෙවියන්ට පූජෝපහාර දක්වන්නට භාරහාර ඉටුකිරීමට යන පාදයාත්‍රා ගමනේදී පමණි. තමන් ඉන්නේ අලි කොටි වලසුන්ගේ පිරී පවතින මහා වනය මැද ගලක් උඩ ගසක් යට කියා ඔවුන්ට හැගීමක් පහල නොවේ. එකම චේතනය කතරගම දෙවියන්ය. දේව භක්තියට හිරු එළිය, සීතල ඔවුන්ට බාධාවක් නොවේ. සිත සැහැල්ලුය. සිතට කරදර ප්‍රශ්න කිසිවක්නැත. සැහැල්ලුවෙන් රාත්‍රියට නින්ද යති. අලුයම අවදිවී ඊළග දිනයේ ගමනට සූදානම් වෙති. ඔවුන්ගේ සිත් තුළ ඇත්තේ කතරගම දෙවිවන් තුළ දැඩි භක්තියකි.
එක්වරක් හෝ මේ ගමනට එක් වූ අයෙක් ඊළග වර්ෂයේදී මෙම ගමනට එක්වෙති. මේ සැප පහසු ගමනක් නොවේ. දුෂ්කර ගමන්ක නමුත් සිතට දැනෙනා අසීමිත භක්තිය සියලු සැප සමිපත් පරාජය කරයි.
මීහරක් රංචුවේ පරාජය
බැතිමතුනි පිරිස ඉදිරිපිට ගමන් කිරීම නැවතීමක් නැත. වල්මීහරක් රංචුවද පහරදීමට සූදානම්ව ඉදිරියට පැමිණේ.
හදීසියේම කුඩා හෙලි කොප්ටරයක් බිමට බාන අයුරින් විශාල මොනරෙකු මෙම දෙපිරිස අතර, බිමට පත්විය.
මෙම බිමට පාත්වීමෙන් බියට පත්වූ වල්මී හරක් රංචුව කෑලෑව දෙවනත් කරමින් දුවන්නට පටන් ගත්තේ. බැතුමතුන්ගේ හරෝ හරා නාදය මුළු වනය පුරාවට රැවු පිළිරැව් දෙන්නට විය. මුරුගා යනුවෙන් බොහෝ දෙනෙක් ප්‍රකාශ කළේය.
මද වේළාවකින් විශාල මොනරෙකු අහසට ගමන් කළේය. අවශ්‍ය අවස්ථාවකදී කතරගම දෙවියන්ගේ පිහිට ලැබීම දෙවියන්ගේ බලමහිමය පෙන්වූ අවස්ථාවකි.
මෙම සිද්ධිය පසුගිය වර්ෂවල ගමනට එකතුවී මහත් භක්තියෙන් යුතුව කථා කරති.
ආහාරපාන
මහ වනය මැදින් ගල් උඩ ගස් යට නවාතැන් ගනිමින් තමන් ගෙන ආ ද්‍රව්‍ය වලින් නිර්මාංශ ආහාර පිළියෙල කර ගැනීම සිදු කරන අතර, වෙනත් සංවිධාන හෝ පුද්ගලයින් දෙන ආහාර ගැනීම ඔවුන්ගේ කැමැත්තක් නැත. මේ පාද යාත්‍රා ගමන දුෂ්කරව පැමිණ කතරගම දෙවියන්ට භාරහාර භක්තියෙන් යුතුව ඉටු කිරීම ඔවුන්ගේ බලාපොරොත්තුවයි. අහාර ලබා දීම ඔවුන්ගේ ගමනට බාධාවකි. වන මැද තුළදී ජලය පමණක් ලබා දීමට අකමැත්තක් නැත. භක්තියෙන් කතරගම දෙවියන් වෙනුවෙන් ඉටු කරන පාද යාත්‍රා ගමනට ආහාර පාන ලබා දීම මගින් කරන බාධාවට ඔවුන් කැමිති නැත.එසේ ආහාර පාන ලබා නොදෙන්නයි, ඔවුන් ඉල්ලා සිටිති.
දන්සල්
යාල වන මැද කටගමුව ප්‍ර දේශයේ පසු කිරීමෙන් කොච්චි පතාන ප්‍ර දේශයට පැමිණීමෙන් මන මැද පාද යාත්‍රා ගමන අවස්නවෙයි.
කොච්චිපතාන කැලේ දේවාලයේදී පැමිණි සියලු දෙනාට නවාතැන් පහසුකම් මෙන්ම ඔසුපැන් දන්සල් ඇත.
කොච්චිපතාන බුද්ධජයන්ති විහාරස්ථානයේදී පාදයාත්‍රා බැතිමතුන් වෙනුවෙන් මහා බත් දන්සලක් පැවැත්වේ.
එතැන් සිට ඔවුන් කතරගම පුදබිමට පැමිණ දේවාල භූමියේ ඇති අංගනයේ නවාතැන් ගෙන දෙවියන්ට වූ භාරහාර ඔප්පු කරති.
කතරගම පුදබිමේ නවාතැන් ගන්නා සියලූම බැතිමතුන්ට තේවානි අම්මා දේවාල සංකීර්ණයේ දිවා රාත්‍රී බත් දන්සලක්ද තේ කෝපි කිරි දන්සලක්ද පැවැත්වේ . කතරගම පුරාණ ගණ දේවාලයේ බත් හා කිරි කෝපි දන්සලක් පැවැත්වේ. ඇසළ පෙරහැර පැවැත්වෙන දින 15ක් පුරාවට පාද යාත්‍රා වෙන් කතරගමට බැතිමතුන් පැමිණෙති. සියලුම දෙනාට කතරගම පුදබිමෙහි නවාතැන් ගැනීමට ආහාර පාන ලබා ගැනීමටත් පහසුකම් සලසා දෙති.
කතරගම විශේෂ ඊ.එච්. සෝමපාල
dinamina
========================================================
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම් like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya
