Saturday, January 25, 2020

වසර 29කට පසු සෙනසුරු මාරුවෙයි - ලග්න හයකට සුබම සුබයි.....(wasara 29kata pasu senasuru maruwa අබිරහස් අඩවිය - Abirahas Adawiya - ශාස්ත්‍රීය ළිපි)

ලග්නයෙන් ලග්නයට පලාපල මෙන්න
”සෙනසුරු’’ හෙවත් ශනි ග‍්‍රහයා ජ්‍යොතිෂයේ නිතර කථාබහට ලක්වන අප සෑම සියලූ දෙනාගේම අවධානයට ලක්වන නවග‍්‍රහයන් අතරින් ප‍්‍රධාන වූ පාපී ග‍්‍රහයෙකිx සඵල වලට වඩා අපල බාධා හා පීඩා ඇති කරන ග‍්‍රහයෙකු ලෙස ප‍්‍රසිද්ධියට පත් සෙනසුරු  2020 ජනවාරි (24) සිට තවත් ග‍්‍රහ පෙරළියකට සූදානම් වෙයිි. එනම් ග‍්‍රහ බල බිඳී, පෙරළිකාර ශනි, ජනවාරි 24 සිට ශනිටම අයත් මකර රාශියට පිවිස ග‍්‍රහ ගමනේ යෙදීමට සූදානම් වෙමින්යx පසු ගිය වසර 3 කට ආසන්න කාලයක සිට රාශි වළල්ලේ ධනු රාශියේ සම රාශි ගතව ඉදිරියට පැමිණි සෙනසුරු හෙවත් ශනි ග‍්‍රහයා අද පෙ.ව 09x56 ට මකර රැුසට පිවිසිණි්. මෙම ග‍්‍රහ මාරුව රටට දැනෙන සිදුවීම් ඇති වන ප‍්‍රධාන හා අතිවිශේෂ ග‍්‍රහ මාරුවක් වනු ඇත.

 ග‍්‍රහ මඬුල්ලේ පෙරළිකාර මෙන්ම මන්දගාමි ග‍්‍රහයෙකු වන දුකට අධිපති ශනි ග‍්‍රහයා නෛසර්ගික වශයෙන් පාප ග‍්‍රහයෙක් වෙයි. මකර හා කුම්භ යන රාශි වලටද පුෂ, අනුර, උත‍්‍රපුටුප යන නැකැත් වලද හිමිකාරිත්වය දරනු ලබන අතර තුලා රාශියේදී උච්ච වී මේෂ රාශියේදී නීචවෙයි.

 වසර දෙකහමාරක් එක රාශියක ගත කර වසර තිහක් පුරා චක‍්‍රය වටා කරකැවෙමින් ඒ ඒ රාශිවලට ඒරාෂ්ටක බලය ඇති කරමින් විවිධ වූ අපල හා පීඩාකාරි තත්ත්වයන්ට මිනිසා ගොදුරු කිරීම මේ සෙනසුරුගේ සිරිතයි. ලෞකික අනිශ්ඨ ග‍්‍රහයෙකු වන සෙනසුරු 3, 6 හා 11 යන භාවයන් වලදී පමණක් සුබ ඵල ලබා දෙන ශනි ග‍්‍රහයා අනෙකුත් සියලූ භාවයන් වලදී ලබා දෙන්නේ අසුබ ඵලයි. කෙසේ වෙතත් ඔබත් ඔබේ ජන්ම පත‍්‍රය නිසි ලෙස ජ්‍යොතිෂවේදියෙකු ලවා පරීක්ෂා කර ගැනීම තුළින් සෙනසුරුගේ සුබ අසුබ ඉතාම පැහැදිලිව දැන ගැනීමෙන් ඊට අදාළ නිවැරදිව ග‍්‍රහ ශාන්ති කර්මය ඉටු කර ගැනීමේ හැකියාව ඇත.

 සෙනසුරු හෙවත් ශනි ග‍්‍රහයා අපේ නවග‍්‍රහ මණ්ඩලයේ 7 වන ග‍්‍රහයා වන අතරම ඔහු නපුංසක ග‍්‍රහ ලොවක් ලෙසද හැඳින්වේ. සතියේ දිනයක්ද සෙනසුරු වෙනුවෙන් වෙන් කර දී ඇත. අපේ ග‍්‍රහ මණ්ඩලයේ සිටින තදබල කේන්තිකාරයා ද වන්නේ සෙනසුරුය. එසේම අයුෂ්කාරකයාය. මේ අනුව ශාරීරික පීඩා, නඩුහබ, කල්පවතින රෝගා බාධ, ඇති කිරීම මෙන්ම ආයුෂ වලටද බලපෑම් ඇති කිරීමට සෙනසුරු සමතෙකි. කළුපාටට හුරු නිල් වර්ණයෙන් යුතු ශනි ග‍්‍රහයා තමාගේ වාහනය ලෙස අප හට හුරු පුරුදු කපුටා තෝරා ගෙන ඇත. සිය වාසස්ථානය ලෙස නුග වෘක්ෂය තෝරා ගන්නා සෙනසුරු බටහිර දිශාවට අධිපතිත්වය දරයි. කාක නිල ශනිට හිමි මැණිකයි. අප සෞරග‍්‍රහ මණ්ඩලයේ නායකත්වය දරන සූර්යයා හෙවත් හිරු සෙනසුරුගේ පියා ලෙස සලකනු ලබයි. නමුත් මෙම පිය පුතු දෙදෙනා පරම සතුරන්ය. සිය ආහාරය ලෙස නරක් වූ කුණු මාංශ ආහාරය ලෙස ගන්නා සෙනසුරුගේ කක්ෂය වටා පවතින විෂ වායු ධාරාවන්ගෙන් පිරි වළලූ නිසාවෙන් ශනි ග‍්‍රහයා වාතයට අධිපති ග‍්‍රහයා ලෙසද සලකණු ලබයි. දුකට අධිපති සෙනසුරු ජ්‍යොතිෂයට අනුව අප ජන්ම පතේ සිටින ප‍්‍රබල පාපී ග‍්‍රහයෙකි. දීර්ඝ කාලයක් එක් රාශියක රැුඳී සිටිමින් විවිධාකාරයෙන් මනුෂ්‍යයන්ට අපල උපද්‍රව ඇති කරමින් බලය එල්ල කරන සෙනසුරු තම තමන්ගේ ජන්ම පත‍්‍රවල පිහිටා ඇති ආකාරය අනුව සැම විටම එසේ අපල උපද්‍රව එල්ල නොකරන අවස්ථාද අපට දැක ගත හැකිය. සෙනසුරු හොඳට සිටිය කල ජන්මියා ඉහළටම ඔසවා තැබීම සෙනසුරුගේ සිරිතයි. මෙම කරුණු කාරණා නිසාවෙන් වැඩි දෙනකු සෙනසුරු ගැන කතා කරයි.

 ලෞකික අනිශ්ඨ ග‍්‍රහයෙකු වන සෙනසුරු ග‍්‍රහයාගේ ගෝචරය හෙවත් නැවත වසර 30 කට පසු මකර රාශි ග‍්‍රහ ගමන නිසාවෙන් එලඹෙන මෙම ශනි මාරුව හේතු කොට ගෙන ලග්න 12 හා අතුරින් ධනු, මකර, කුම්භ හා මිථුන යන ලග්න හිමියන්ට තම ජන්ම පතේ ශනි පිහිටා ඇති ආකාරය අනුව සෙනසුරු ලග්න, හා අෂ්ඨම ඒරාෂ්ඨක අපලත්, පොදුවේ ඒ ඒ ලග්න හිමියන්ට සඳු ගේ පිහිටීම හා මහ දශා, අතුරු දශා, හා විදශා වශයෙන් පීඩා හා අපල තත්ත්වයන්ට හා සුබ, අසුබ මිශ‍්‍ර පලයන් වලට විශේෂයෙන් මුහුණ දීමට සිදු වනු ඇත. අනෙක් ලග්න අතරින් වෘෂභ, කටක, මකර කුම්භ, යන ලග්න වලට පොදුවේ මධ්‍යම ඵලත් මේෂ, සිංහ, කන්‍යා, තුලා, වෘශ්චික, මීන යන ලග්න වලට සුබ ඵලත් උදා වනු ඇත. 3, 6 හා 11 යන භාවයන් වලදී පමණක් වඩා සුබ ඵල ලබා දෙන ශනි ග‍්‍රහයා අනෙකුත් සියලූ භාවයන් වලදී ලබා දෙන්නේ සම හා අසුබ ඵලයි. කෙසේ වෙතත් ඔබත් ඔබේ ජන්ම පත‍්‍රය නිසි ලෙස ජ්‍යොතිෂවේදියෙකු ලවා පරීක්ෂා කර ගැනීම තුළින් ඉදිරි සෙනසුරු මාරුවේ සුබ අසුබ ඉතාම පැහැදිලිව දැන ගැනීමෙන් ඊට අදාළ නිවැරදිව ග‍්‍රහ ශාන්ති කර්මය ඉටු කර ගැනීමේ හැකියාව ඇත. කෙසේ වෙතත් ඉදිරි ශනි ග‍්‍රහ මාරුව ජ්‍යොතිෂානුකූලව අප රටෙහි ජනතාවට මෙන්ම රටටද යම් පමණකට සුබවාදී වනු ඇත.

 සෙනසුරු හෙවත් ශනි ග‍්‍රහයා කුම්භ ලග්න කේන්දරය හිමි අප රටෙහි ලග්නාධිපති ග‍්‍රහයා වන අතර එම ලග්නාධිපති ශනි මෙම ග‍්‍රහ මාරුවත් සමග ශ‍්‍රී ලංකා කුම්භ ලග්න කේන්දරයේ

 ලග්නයෙන් 12 වැන්නට හෙවත් මකර රාශියට පැමිණ

 තමාගේම රාශිගත වනු ඇත. පොදුවේ අප රට සම්බන්ධයෙන් සිතා බැලීමේදී මෙම සෙනසුරු මකර රාශි මාරුව තුළින් ඉදිරි කාලය තුළ විශේෂයෙන්ම අප රටට සමඵල උදාවන අතර නමුත් දේශගුණ විපර්යාස ඇති වීමේ අවදානමක් දක්නට ලැබේ. විකෘති වූ කාලගුණ ස්වරූපයන් මෙන්ම ගංවතුර, නායයෑම්, ජලාශ පිටාර ගැලීම් අධික සුලං තත්ත්වයන්ද, නියඟයන්ද ඇති විය හැකිය.

 ඉදිරි කාලය තුළ අප රට සම්බන්ධයෙන් ගත් කල දේශපාලනික ක්ෂෙත‍්‍රයේ සුවිශේෂ සිදුවීම් රාශියක් සිදුවනු ඇත. දේශපාලන පිල්මාරු නව දේශපාලන පක්ෂ හා කණ්ඩායම් බිහි වනු ඇත. විපක්ෂයේ දේශපාලන පක්්්්්්්ෂ වල නව පිපිදීම් මෙන්ම නව නායකයන් රටට බිහිවන කාලයක් වනු ඇත. ජනතාවට ආර්ථික වාසි ඇතිවන අතර කම්කරු ප‍්‍රශ්නවලට යම් පමණක විසඳුම් ඇති වනු ඇත. විවිධාකාරයේ උද්ඝෝෂණ වැඩ වර්ජන ඇතිවුවද කම්කරු ව්‍යාපාරයේ නැගීටීම් ද ඇති වේ. එමෙන්ම සමාජීය ගැටලූ රාශියක් ඉදිරි කාලයේ ඇතිවේ. අධ්‍යාපන හා විශ්වවිද්‍යාල ක්ෂේත‍්‍රයේ ගැටලූකාරී තත්ත්්වයන් ක‍්‍රමයෙන් නැතිවේ. රිය අනතුරු, ගිනි අනතුරු, හදිසි පිපිරීම් තත්ත්ව, හදිසි අනතුරු උද්ඝෝෂණ, වැඩ වර්ජන හා විවිධ නොසන්සුන්තා යම් පමණකට ඇති වන තත්ත්වයන් උදාවන්නේය. බුද්ධිමතුන්ට මෙන්ම පැවිදි උතුමන්ට අපල හා බාධාකාරී කාලයකි. දේශපාලන වාද විවාද, මැති ඇමැති මාරු අතිවන කාලයකි.

 ලෝකය සම්බන්ධයෙන් ගත් කල රටවල් වල විවිධාකාරයේ ත‍්‍රස්තවාදී කණ්ඩායම් හේතුවෙන් යුද තත්වයන් හා ගැටුම් ඇති විය හැකිය. ලෝකයේ රටවල් ආශ‍්‍රිතව විශාල වශයෙන් කාලගුණ විපත් ඇති වන අතර එම නිසාවෙන් ජනතාවට විවිධ වූ අපහසුතාවලට ලක් වීමට සිදුවේ.

 ශනි අපල ඇති ලග්න හිමියන් එම අපල වලින් මිදීම සඳහා ඇති ග‍්‍රහ ශාන්ති කර්ම පිළිබඳව අවධානය දක්වන්නේ නම් යහපත්ය. ශනි මකරයට පිවිසීම ඔබගේ ලග්නයට කෙසේ බලපානු ඇද්ද ?

 මේෂ ලග්නය

 ශනි ලග්නයෙන් 10 වැන්නට පැමිණීම යහපත් කාලයකි. වෘත්තීය අංශ වල මෙන්ම රැුකියා වල යහපත උදා වනු ඇත. සතුරන්ගෙන් ඡුය ලැබෙන කාලයකි. සතුරන් පරාජය කළ හැකි කාලයකි. දේපළ දියුණුවන අතර සාමාන්‍යයෙන් ධන ලාභ ලැබෙන කාලයකි. ණය ගනුදෙනු වලින් නිදහස් වීමට හැකියාව ලැබේ. විවිධ වර්ගයේ ආහාර පාන ලැබෙන කාලයකි. සුව පහසු භාණ්ඩ ගැනීමේ අවස්ථා උදා වෙයි. අධ්‍යාපන කටයුතු වලට සුබ ඵල ගෙන දෙන අතර ප‍්‍රමාද වී පවතින රැුකියා ස්ථාන මාරු වීම් හෝ උසස් වීම් සඳහා සුබ ඵල උදා කරනු ඇත. නිතර හිතවතුන් සමග ගමන් බිමන් යෑමට අවස්ථාව සැලසේ. මෙම කාලයේ සමාජයේ ප‍්‍රසිද්ධ වීමට කාලය උදා වනු ඇත. සමස්තයක් වශයෙන් බැලූ කල සුබ ඵල ඇති කිරීමේ ප‍්‍රවනතාවක් දක්නට ලැඛේ.

 වෘෂභ ලග්නය

 ඔබගේ අෂ්ඨම ඒරාශ්ඨකය අවසන්ව ශනි ලග්නයෙන් 9 වැන්නට පැමිණීම ඔබට සමපල ගෙන දෙන පිහිටීමකි. පෙර පින ඇති කරයි. මෙම කාලය ශරීර සනීපය ඇති කරන කාලයකි. මේ කාලය මිශ‍්‍රඵල දායක වේ. ලිපි ලේඛන හා නිර්මාණාත්මක කටයුතු සඳහා හොඳයි. කාන්තා පක්ෂයෙන් විශේෂ උදවු උපකාර හිමිවේ. දරු ඵල අපේක්ෂිත අයට දරු ඵල උදාවනු ඇත. අචිවාහක අයට මංගල යෝජනා උදාවේ. රැුකියා අංශ වල විසිතුරු භාණ්ඩ අලවිය වැනි අංශවලින් ආර්ථික වාසි හිමිය. අධ්‍යාපනයට සම්බන්ධ අයට ඒ කටයුතු වලින් දක්ෂතා ගෙනදෙයි. සේවක ගැටලූ හා ගෘහ නිර්මාණයකට සම්බන්ධව ගැටලූ පැන නැගීමට හැකිය. වා, පිත් සම්බන්ධ රෝගාබාධ හට ගැනීමට අවස්ථා ඇත. ස්වයං රැුකියා වල නිරතවන්නන්ට සුබ දායකය. රෝග වලට හරියට ප‍්‍රතිකාර නොගත්තොත් ඒවායේ සුවය ප‍්‍රමාද වනු ඇත. ගෘහ ජීවිතය සතුටු දායකය. රැුකියාවේ උසස් වීම් වගේම වෙනස්වීම්ද බලාපොරොත්තු විය හැකිය. නීතියට එරෙහිව කටයුතු කිරීම නිසා මුදල් හෝ

 අරැුකියාවේ පාඩු සිදු විය හැකිය. සෞඛ්‍ය තත්ත්වය යහපත්ය.

 මිථුන ලග්නය

 ශනි ලග්නයෙන් අටවැන්නේ ගෝචර වීම ලග්න අෂ්ඨම ඒරාශ්ඨකයයි. සෙනසුරු ග‍්‍රහයා ධනුවේ ගත කරන ඉදිරි වසර දෙකහාමාරක කාලය අෂ්ඨම ඒරාශ්ඨක අපලය උදාවන කාලයකි. වැටීම්, තැලීම්, සීරීම් මෙන්ම මානසික පීඩා හා දිගු කාලීන රෝගාබාධ හට ගැනීමේ ප‍්‍රවනතාවක් පවතින බැවින් ඒ පිළිබඳව කල්පනාකාරී වන්න. වියදම් පක්ෂය අධික වන අතර අධ්‍යාපන කටයුතුවල නිරත වන්නේ නම් ඒ සඳහා බාධා හා කරදර විටින් විට ඇතිවිය හැකිය. යාන වාහන පැදවීමේදී සැලකිලිමත් වන්න. රැුකියා වල නිරත අය තම රැුකියා ස්ථානයේ බුද්ධිමත්ව කටයුතු කිරීම තුළින් එම ස්ථාන බාධා බොහෝ දුරට සමනය කර ගත හැකිය. රැුකියා අපේක්ෂිත අයගේ ඒ පිළිබඳ බලාපොරොත්තු තරමක් ප‍්‍රමාද වන අතර ශරීර සෞඛ්‍ය කෙරෙහි අවධානය යොමු කරන කල්හි කොන්දේ අමාරු, මුත‍්‍රා අමාරු, වැනි රෝග පීඩා හටගැනීමේ අවදානමක් පවතී. ඒ පිළිබඳ සැලකිලිමත් වන්න.

 කටක ලග්නය

 ශනි 7 වැන්නේ ගමන් කරන මෙම කාලයේ ඔබට සමඵල උදා කරයි. විවාහයට යහපත් වේ. නමුත් නීතිමය කටයුතු වලින් නම් යහපත් නොවේ. අධ්‍යාපනය ලබන ශිෂ්‍ය ශිෂ්‍යාවන්ට එතරම් සුබ ඵල උදා කරන කාලයක් නොවනු ඇත. දරුපල බලාපොරොත්තු වන ඔබටද මෙම කාලය තුළ එතරම් සුබදායක ප‍්‍රතිඵල නොලැබෙනු ඇත. අධික වියදම් සහිත කාලයක් වෙයි. පේ‍්‍රම සම්බන්ධතා පවත්වන්නන්ගේ එම සම්බන්ධතා බිඳී යෑමට ඉඩ ඇත. වසංගත රෝග හට ගැනීමට ඉඩ ඇත. වැඩිමල් දරුවන්ට හෝ ශිෂ්‍යන්ට මෙම කාලය තුළ විවිධ අන්දමේ බාධා කරදර ඇති වෙයි. නම්බුනාම ලැබේ. අනාගත බලාපොරොත්තුවකින් සිටි යම් කාරණයක් පිළිබඳ අවසන් මොහොතේදි එය බිඳී යෑමට හැකිය.

 සිංහ ලග්නය

 ලග්නයෙන් 6 වැන්නට ශනි පැමිණෙයි. යම් යම් අංශ වලින් යහපත උදා කරයි. වෙහෙස වන දුර ගමන් යෙදෙන කාලයකි. නමුත් යහපත් ප‍්‍රතිඵල උදා වනු ඇත. තම මවට වාත වේදනා ඇති විය හැකිය. මව් පාර්ශ්වයේ නෑදෑ කෙනෙකුට යම් අපල දායක තත්ත්වයක් ඇති විය හැකිය. මෙම කාලයේ ව්‍යාපාර වලින් ලාභ සිදු විය හැකිය. පරණ විශාල ගෙවල් හා නව වාහන ලැබීමේ ප‍්‍රවනතාවක් පවතී. එසේම ඔබට වැඩිහිටි නෑදෑයින්ගෙන් දේපළ හා යාන වාහන ලැබීමේ අවස්ථා ද උදා වනු ඇත. අධ්‍යාපන හා උසස් අධ්‍යාපන කටයුතු වලට යහපත් වන අතර විදේශ ගමන් වලටත් සබුදායක වනු ඇත. රැුකීරක්ෂා කටයුතු වල යම් යම් ගැටලූකාරී තත්ත්වයන් ඇති විය හැකිය. රැුකියා අපේක්ෂිත අයගේ ඒ පිළිබඳ බලාපොරොත්තු තරමක් ප‍්‍රමාද වන අතර ශරීර සෞඛ්‍ය කෙරෙහි අවධානය යොමු කරන කල්හි ඉතා යහපත්ය.

 කන්‍ය ලග්නය

 ලග්නයෙන් 5 වැන්නේ ශනි බලවත් වීම යහපත් වේ. මෙම කාලය තුළ ඔබට යම් මුදල් හා ධන ලාභ ලැබීමේ කාලයකි. එසේම ශරීර සනීපයට හේතු වන කාලයකි. සතුරන්ගෙන් ජය ලැබෙන කාලයකි. දේපළ ලාභ ලැබෙන කාලයකි. අසනීපවලින් සුවය ලබන කාලයකි. උත්සව වලට හා සමිති සමාගම් වලට ආරාධනා ලැබෙන කාලයකි. ඔබගේ සමාජ තත්ත්වය මෙම සෙනසුරු මාරුවෙන් පසුව යම් ප‍්‍රමාණයකට ඉහළ යනු ඇත. අවිවාහක අයට මංගල යෝග උදාවේ. ඉඩම් හා ගෙවල් මිලදී ගැනීමට මෙම කාලය ඉතාම සුබ දායක වනු ඇත. විශේෂයෙන්ම පවුලේ දියුණුව ඇති වන කාලයකි. තම හිත මිතුරන් හා නෑදෑයන්ගේ ප‍්‍රීති උත්සව හෝ මංගල උත්සවවලට සහභාගි වීමට අවස්ථාව උදා වනු ඇත.

 තුලා ලග්නය

 ලග්නයෙන් 4 වැන්න තුළ ශනි මෙවර බලවත් වීමෙන් ඔබගේ යහපත් සුබදායක කාලය පැමිණ ඇත. ගේ දොර ඉඩකඩම් කටයුතු වලට යහපත්ය. මව් පාර්ශ්වයෙන් දේපල ලාභ ඇතිවන කාලයකි. ධන ලාභ ඇති වේ. ශරීරයේ ඇති ලස්සන වැඩිවන අතර ශරීර ශක්තිය වර්ධනය වීමට කාරණා යෙදේ. මුදල් අතේ රැුඳෙන වියදම් අඩුවන කාලයකි. මෙම කාලය තුළ ඔබට මිල මුදල් අතින් තදබල අගහිඟතා ඇති වීමට නොහැකිය. ඔබ විවාහක නම් තම පවුල තුළ යම් යම් සුළු ගැටලූ හා ප‍්‍රශ්න ඇති වීමට ඉඩ ඇති බැවින් ඒ පිළිබඳ සැලකිමත් වන්න. පහසුවෙන් දත් දිරායෑමකට හෝ දත් සම්බන්ධ රෝගාබාධ ඇතිවිය හැකිය. විශේෂයෙන්ම උගුරේ ආසාදන ඇති වීමට හැකියාවක් පවතී. පාද වල ලප කැළැල් ඇති විය හැකිය.

 වෘශ්චික ලග්නය

 වසර හතහමාරක ලග්න ඒරාශ්ඨක අපල අවසන්ව ශනි ලග්නයෙන් 3 වැන්නට පැමිණෙන මෙම වසර දෙකහාමාරක කාලය ඔබගේ බලාපොරොත්තු ඉටුවන කාලයකි. නව ආදායම් මාර්ග ඇති විය හැකිය. රෝගාබාධ මෙන්ම මානසික පීඩා හා දිගු කාලීන ප‍්‍රශ්න දුරු වන කාලයකි. නව ආදායම් මාර්ග හට ගැනීමේ ප‍්‍රවනතාවක් පවතින බැවින් ඒ පිළිබඳව කල්පනාකාරී වන්න. ඔබගේ පවුලේ කෙනෙකුට හෝ හිතවතෙකුට කරදරයක් හෝ විපතක් ඇති වීමට හැකිය. මෙම කාලයේ නඩු හබ වලින් ජය ගත හැකි අතර එය තමාට ඉතාම වාසි සහගත වනු ඇත. රැුකියා ස්ථානයේ උසස් වීම් ඇතිවන කාලයකි. ඔබ විවාහක නම් තම පවුල් ජීවිතය තුළ ප‍්‍රශ්න හා ගැටලූකාරී තත්ත්වයන් ඇති විය නොහැකිය. සුබදායකය. විදේශ ගමන් සඳහා යහපත් අතර ඒ පිළිබඳව සැලකිලිමත් වන්න. ඔබට තම දරුවන්ගේ කටයුතු වෙනුවෙන් වෙනදාට වඩා වෙහෙස මහන්සි වී කටයුතු කිරීමට සිදුවනු ඇත. ඒ තුළින් දරුවන්ගේ අනාගත යහපත උදාවනු ඇත. සෞඛ්‍ය හා අධ්‍යාපන තත්ත්වය පිළිබඳව අවධානය යොමු කිරීමේදී යහපත් වන අතර තම සහෝදර සහෝදරියන් සමග වෙනදාට වඩා සබඳතා ඇති විය හැකි බැවින් ඒ පිළිබඳව සිය අවධානය යොමු කිරීම තුළින් එම තත්ත්වයන් තවත් වර්ධනය කර ගැනීමට හැකියාව ලැබෙයි. උසස් අයගේ කීර්ති ප‍්‍රශංසාද ලැබේ. මෙම කාලයේ සමාජයේ ප‍්‍රසිද්ධ වීමට කාලය උදා වනු ඇත. සමස්තයක් වශයෙන් බැලූ කල සුබ ඵල ඇති කිරීමේ ප‍්‍රවණතාවක් දක්නට ලැඛේ.

 ධනු ලග්නය

 ලග්නයෙන් 2 වැන්නේ ශනි ගමන් කරන මෙම කාලය ඔබගේ වැය පක්ෂය ඉහළ යන අතර ධන හානි ඇති කරයි. අතේ මුදල් නොරැුඳෙන කාලයකි. මෙම කාලය තුළ නීතිමය ප‍්‍රශ්න ඇති විය හැකිය. රැුකියා බලාපොරොත්තුවෙන් සිටින ඔබට එම බලාපොරොත්තු ඉටු වීමේ ප‍්‍රමාදයක් ඇති වන අතර රැකියා වල නිරත අයගේ එම රැුකියා ස්ථාන වල යම් යම් ගැටලූ ඇති වීමට හැකියාව පවතී. ඔළුවේ කැක්කුම් ස්නායු ආබාධ මුත‍්‍රා ආබාධ, වාත රෝග වැනි රෝග පීඩාවන්ගෙන් ආරක්ෂා විය යුතුය. විදේශගත වීමට බලාපොරොත්තුවෙන් සිටිනවානම් එම කාරණා සම්බන්ධයෙන් යම් යම් ගැටලූකාරී තත්ත්වයන් ඇති විය හැකිය. වැටීම්, තැලීම්, සීරීම් මෙන්ම මානසික පීඩා හා දිගු කාලීන රෝගාබාධ  හටගැනීමේ ප‍්‍රවනතාවක් පවතින බැවින් ඒ පිළිබඳව කල්පනාකාරී වන්න. ඔබගේ පවුලේ කෙනකුට හෝ හිතවතෙකුට කරදරයක් හෝ විපතක් ඇති වීමට හැකිය. අධ්‍යාපන කටයුතු සම්බන්ධයෙන් මෙම කාලය ඔබට එතරම් සුබ දායක නැත. ස්ත‍්‍රීන් නිසා කරදර ඇති විය හැකිය.

 මකර ලග්නය

 ශනි ලග්නයට පැමිණීම ඔබට සමඵල උදාකරයි. නිතරම ගමන් බිමන් ඇති වීම නිසා කරගෙන යන වැඩකටයුතු වලට බාධා හා ප‍්‍රමාදයන් ඇති වෙයි. විවාහකයන්ගේ පවුල් සංස්ථා තුළ

 ගැටලූ ඇති වීමට කරුණු යෙදෙනු ඇත. ඒ පිළිබඳ විමසිලිමත් වන්න. නඩු හබ හෝ තමාට විරුද්ධව කරන පැමිණිලි ඇතිවීමට හැකිය. වියදම් අධික වෙයි. මහජනයා සමග කරන කටයුතු වලදි අවුල් වියවුල් ඇති වීමට හැකි තත්ත්වයක් පෙන්නුම් කරයි. කරගෙන යන රැුකී රක්ෂා වලට අවහිර බාධා මතු වීමට ඉඩ ඇත. අසනීප වශයෙන් ලිංගාශ‍්‍රත රෝගා බාධ, වාතා රෝගා බාධා, හිරි වාත, අජීර්ණ රෝග වැනි අසනීප ඇති වීමට ඉඩ ඇත. විවාහ අපේකෂිත අයගේ බලාපොරොත්තු ඉටු වීම ප‍්‍රමාද වෙයි.

 කුම්භ ලග්නය

 ශනි 12 වැන්නේ ගමන් කරයි. ලග්න ඒරාශ්ඨකයේ ආරම්භක අවස්ථාව වේ. ඔබට මෙම කාලය මිශ‍්‍රඵල දායක වෙයි. ධනය අතින් යහපත්ය. උසස් අධ්‍යාපන අවස්ථා උදාවේ. ව්‍යාපාර අංශවලට සුබදායක වේ. රැුකියා අංශ තුළ කලකිරීම් ඇතිවන අතර හදිසි වෙනස් වීම්වලට හේතු වේ. සෞඛ්‍ය අතින් දණහිස සම්බන්ධ ආබාධ ඇතිවිය හැකිය. ගේදොර කටයුතු සම්බන්ධයෙන් දැඩි කැපකිරීම් කල යුතු වෙයි. රැුකියාවේ උසස් වීම් බලාපොරොත්තු විය හැකිය. නමුත් බාධා පවතී. පවුල් ජීවිතය යහපත් වන අතර ආදායම් තත්ත්වය ඉහළ යනු ඇත. අලූතින් නිවාස ඉදිකිරීමට හා දේපළ මිලදී ගැනීමටත් මෙම කාලයේදී සිත යොමු වේ. ගෞරවය හා පිළිගැනීම ඔබට ලැබේවි. දරු උපත් මගින් පවුල වර්ධනය වීමට ඉඩ ඇත. ඔබට මෙම කාලය මිශ‍්‍රඵල දායක වෙයි. ධනය අතින් යහපත්ය. උසස් අධ්‍යාපන අවස්ථා උදා වේ. ව්‍යාපාර අංශ වලට සුබ දායක වේ. රැුකියා අංශ තුළ කලකිරීම් ඇතිවන අතර හදිසි වෙනස් වීම් වලට හේතු

 මීන ලග්නය

 ලග්නයෙන් 11 වැන්න හෙවත් අයස්ථාන ගතව ශනි බලවත් වීම ඔබට සුබඵල දායකයි. අවිවාහක අයට මංගල යෝජනා උදාවේ. නමුත් සුළු බාධා ඇතිචේ. ධන ලාභ, රැුකියා වාසනා, තනතුරු, ලොතරැුයි වාසනා බෙහෝවිට උදාවේ. රැුකියා අංශ වල රාජ්‍ය අනුග‍්‍රහය හා උසස් අයගේ කීර්ති ප‍්‍රශංසාද ලැබේ. මහන්සියේ තරමට ප‍්‍රතිඵල ලැබිය හැකිය. ඥතීන් සමග මත බේද පහව යනු ඇත. පිරිමි දරු ලාභ ඇතිවන අතර සියලූ අංශ වලින් සුබයි. ඔබගේ අධ්‍යාපනයට ඉතාම හොඳයි. ඒ වගේම රැුකියා ස්ථානයෙන් උසස් වීමක්ද හිමි වීමට ඉඩ තියනවා. ඒ වගේම අලූතින් නිවාස ඉදිකිරීමට හා දේපළ මිලදී ගැනීමටත් මෙම කාලය සුබයි. මුදල් ඉතිරි වන කාලයකි. නව මිතුරන් ඇසුරට ලැබේ. කීර්තිය, ප‍්‍රශංසාව, ගෞරවය හා සමාජ පිළිගැනීම හිමිවනවා ඇත. ව්‍යාපාරවලින් ආදායම්ද හිමිය. පවතින රෝගාබාධ සුවවන අතර, සෞඛ්‍ය තත්ත්වයද යහපත්ය. ඔබට මෙම කාලය සුබය. එම නිසාවෙන් කායික මානසික වශයෙන් යහපත්ය. ආගමට දහමට නැඹුරු වන කාලයකි.

 සැ. යු.

 ඉහත සඳහන් පලාපල තත්ත්වයන් ඔබේ ජන්ම පත‍්‍රයේ ග‍්‍රහ පිහිටීම්, ගත වන මහ දශා, හා අතුරු දශා, ග‍්‍රහයන් උත්පත්තියේදී පිහිටී නැකැත් හා 22 දෙර්කාණාධිපති, 64 නවාංශකාධිපතිගේ තත්ත්වයන්, හා විවිධ ග‍්‍රහ දෘෂ්ටි මත යම් පමණක අඩු වැඩි වීම් සිදුවිය හැකිය.

 ජ්‍යොතිෂවේදී, වාස්තු විද්‍යා උපදේශක, පුවත්පත් ලේඛක,
 බණ්ඩාරගම, සම්පත් එස්. කල්පගේ
divaina
================================================

උපුටා ගැනීම් සහිතයි ....!!! 
දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

No comments:

Post a Comment