2018 ලග්න පලාපල‍ ටොලමියානු ජ්‍යොතිෂ ගණනය කිරීම් අනුව.....(2018 Lagna palapala අබිරහස් අඩවිය - Abirahas Adawiya - ශාස්ත්‍රීය ළිපි)

ජනවාරි පළමුවැනිදාට අලුත් අවුරුදු ලග්න පලාපල කිව හැකි කිසිම සිද්ධාන්තයක් ලොව පවතින කවර ම හෝ ජ්‍යොතිෂ ක්‍රමයක භාවිතා නොවෙයි.

ඊට හේතුව වන්නේ ජනවාරි 01 දා අලුත් අවුරුදු උදාවක් ලෙස ජ්‍යොතිෂය විසින් නොසලකනු ලැබීමයි. ජ්‍යොතිෂය අනුව අලුත් අවුරුදු උදාව සිදුවන්නේ ඕනෑම වසරක රවි ග්‍රහයා අස්විද නැකතේ ගමන් ආරම්භ කිරීමත් සමඟ ය. සාමාන්‍යයෙන් එය සිදුවන්නේ අප්‍රේල් 12-13-14-15 යන දින ආශ්‍රිතවයි.

එහෙත් ජනවාරි පළමුවැනිදා නව වසරක උදාව ලෙස සමස්ත ලෝකයම විසින් ව්‍යවහාර කරනු ලැබේ. එහෙයින් 'උදා වූ නව වසර ' සම්බන්ධයෙන් ලග්න පලාපල කීමේ පුරුද්දක් අපරදිග මෙන් ම පෙරදිග රටවල ද කාලයක සිට සිදු වෙයි. එහිලා වාර්ෂික ලග්න පලාපල කීම සඳහා උපයෝගී කැර ගැනෙන්නේ ඉදිරි ග්‍රහ ගෝචරය යි. ඒ අනුව ගත්තද ලොව වසන සෑම සියලු දෙනාටම එක ලෙස ම ඒ ග්‍රහ ගෝචරය බලපාන්නේ නැත. මන්ද එක් එක් අයගේ ජන්ම ග්‍රහ පිහිටීම් එක හා සමාන නොවන හෙයිනි. මෙහිදී සිදු කෙරෙන්නේ ජන්මියා උපන් ලග්නය පමණක් කේන්ද්‍ර කොට ගෙන පොදු පුරෝකථනයක් සිදු කිරීමයි.

එය ඔබේ ජීවිතයේ ඉරණම පිළිබඳ අවසන් තීන්දුව නොවන්නේ ය. මෙහි මතුවට සිදුකරන පුරෝකථතනය ඔබේ ජීවන ගමනට මාර්ග සිතියමක් ලෙස සලකා ඉන් විහිදෙන ආලෝකය දැකීම මැනවි.

මේෂ - උන්නතිකාමය තීව්‍ර කරයි

මේ වසර උදාවන්නේ ඔබේ කේන්දරයේ 1-4-7-10 යන කේන්ද්‍රස්ථාන හතරම පූර්ණත්වයට පත්ව උත්තේජනය වෙමින් තිබියදී ය. ලග්නයේ යුරේනස් ද 4 වැන්නේ රාහු ද 7 වැන්නේ ගුරු ද 10 වැන්නේ කේතු ද තැන්පත්ව සිටි. සෙනසුරු සහ ප්ලූටෝ 09 වැන්නේ ද නෙප්චූන් 11 වැන්නේ ද ගමන් ගනී. කෙටියෙන් ම කිවහොත් මේ වනාහී උද්වේගකර ග්‍රහ සිත්තමකි. ලග්න ශීර්ෂය මත සිටින යුරේනස් ඔබ තුළ ඇති සටන්කාමී ගිනි බලය උපරිමයෙන් අවුළුවයි. එයින් අංශක 90 ක දෘෂ්ටිය ඇතිව 4 වැන්නේ රාහු ඔබේ සිත තුළ ඇති උන්නතිකාමය නම් කලබලය තීව්‍ර කරයි. අංශක 180 දෘෂ්ටිය ඇතිව ගුරු 7 වැන්නේ සිටිමින් ඔබ තුළ ඇති තාර්කික ප්‍රඥාව නම් වේගය ජනිත කරයි. ලග්නයට අංශක 90 ක් සමීපව 10 වැන්නේ සිටින කේතු නැවත ඔබ තුළ ඇති කාර්යක්ෂමතාව නම් වේගවත් ගිනි බලය ම මතු කරයි. 09 වැන්නේ ත්‍රිකෝණස්ථානයේ සිටින සෙනසුරු සහ ප්ලූටෝ අළු යට ගිනි පුපුරු මෙන් එතැන ද ඔබ තුළ ඇති යුක්තිය සහ අරගලය පිළිබඳ ගිනි බලය නිර්මාණය කරයි. 11 වැන්නේ නෙප්චූන් මේ සියල්ල මැද ඔබ තුළින් ඔබට උරුම විප්ලවකාරී දාර්ශනික භූමිකාවක් ගොඩනගයි. මේ සාධක ඇසුරින් 2018 වසරේ ග්‍රහ චලනය විසින් ඔබ තුළින් මතු කරවනු ලබන්නේ කුමන ස්වරූපයක් ද ? කුමන ක්‍රියාකාරීත්වයක් ද ? ඒ කුමක් වූවත් මේ ඉස්මතු වන්නේ ඔබේ ම සහජ ප්‍රකෘතියයි.

සමස්තයක් වශයෙන් ගත් කල ටොලමියානු ජ්‍යොතිෂ ගණනය කිරීම් අනුව ඔබේ ජීවිතයේ හතර මායිම හෙවත් 1-4-7- 10 යන කේන්ද්‍රස්ථාන සහ ඔබේ පෞරුෂය කියාපාන ත්‍රිකෝණස්ථාන තුළින් ගිනි + වායු බල සංයෝගය උපරිමයෙන් උත්තේජනය වන අතර ගිනි බලය 3/4 කි. අධි වේගයෙන් ධාවනය වන වාහනයක වේගය අඩු කිරීම හෝ එය නතර කිරීම හෝ කළ හැක්කේ එකී වාහනය තුළම ඇති යන්ත්‍රණයෙන් පමණි. නැතහොත් යම් කිසිවක ගැටීමෙන් හෝ පෙරළීමෙන් හෝ වාහනය නතර වනු ඇත.

මේ වර්ෂය පුරා ම ඔබ විසින් මුහුණ දෙනු ලබන්නේ එකකට එකක් වෙනස් සුළි සුළඟක් බඳු උද්වේගකර සිදුවීම් මාලාවකට බව පෙනෙයි. ඊට සමාන්තරව මෙතෙක් පැවති ඔබේ ජීවන රිද්මය උඩු යටිකුරු පරිවර්තනයකට ලක්වෙයි. පැරණි බොහෝ දේ ඉවත්ව අලුත් ම අලුත් දේ ජීවිතයට ළඟා වෙයි. 2017 ට වඩා 2018 ඔබට සැමතින් ම වැඩදායක ය. එහෙත් අධි වේගය පාලනය කරගත යුතුය. විවාහය ගෘහස්ථය රැකියාව සහ ඔබේ පෞරුෂය යන සියල්ල ම ඉදිරි කාලයේදී උද්වේගකර අවස්ථාවන්ට මැදිවෙයි. මේ ඔබ හිතන සහ කරන දේ පිළිබඳව දැඩි ලෙස පරිණතභාවය ම පෙන්විය යුතු අවස්ථාවකි.

වෘෂභ - දුෂ්කරතා දැඩි වූවත් සහනය ලැබිය හැකිය

අනම්‍ය පඨවි බලයෙන් යුතු ඔබට මේ වසර උදාවන්නේ ඔබේ කේන්දරයේ 06-08-12 යන මර්මස්ථාන ත්‍රිත්වය ම පීඩනයකට ගොදුරු වෙමින් තිබියදී ය. ගුරු 06 වැන්නේ ද සෙනසුරු 08 වැන්නේ ද යුරේනස් 12 වැන්නේ ද වෙති. මේ එතරම් හිතකර ග්‍රහ චලනයක් නොවේ. 06 වැන්නේ ගුරු ඔබට නිධන්ගත රෝගාබාධ ඉස්මතු කරවන අතර 08 වැන්නේ සෙනසුරු අවාසනාව සහ පීඩනය ගෙන දෙයි. 12 වැන්නේ යුරේනස් විනාශය තීව්‍ර කරයි. එහෙත් ඔබ මේ කිසිවකින් කම්පාවට හෝ පසුබැස්මට හෝ පත්විය යුතු නොවේ. 03 වැන්නේ රාහු සහ 09 වැන්නේ කේතු විසින් එකී පීඩනය සැළකිය යුතු ප්‍රතිශතයකින් අඩු කරයි. 2018 මාර්තු 06 දා සිට සෙනසුරු සිකුරුගේ නැකතේ ගමන් ගන්නා කෙටි කාලය ද ඔබට සුබදායක වෙයි. 10 වැන්නේ නෙප්චූන් ඔබේ වෘත්තීය සහ ව්‍යාපාර ක්ෂේත්‍රය උදාසීනභාවයට පත් කරයි. ඔබට සහජයෙන් ම සතුරු ගිනි සහ වායු බලය ඔබට අති සතුරු මර්මස්ථාන ත්‍රිත්වය උත්තේජනය කිරීම ද අභියෝගාත්මක අවස්ථාවක් වෙයි.

2018 වසරේදී ඔබේ කේන්දරයේ ගිනි සහ වායූ බලය 60 % කි. ඔබට හිතකර පඨවි සහ ජල බලය විසින් ඉතිරි 40 % ආවරණය කරන මුත් එකී ශක්ති කලාප ද්විත්වය ද උත්තේජනය වන්නේ විකෘති ආකාරයකිනි. එහෙත් මෙහි නොපෙනෙන වාසනාවක් ද සැඟවී පවතී. ගුරු සහ සෙනසුරු 2018 වසරේ අවස්ථා දෙකකදී වක්‍ර වෙයි. ටොලමියානු ජ්‍යොතිෂය හැම විටම වක්‍ර ග්‍රහයා පිළිබඳව දැඩි සැළකිල්ලක් දක්වයි. ඒ අනුව එකී ග්‍රහයන් දෙදෙනා 06 සහ 08 වැන්නේ වක්‍ර වන අතරේ 03 වැන්නේ රාහු විසින් එකී අවස්ථාව ඔබේ වාසියට පරිවර්තනය කරනු ලබයි. එහි තේරුම වන්නේ හාත්පස දිගුකාලීන ඉඩෝරයක් පවතින මුත් අනපේක්ෂිතව මහවැසි ඇද හැලී ජල උල්පත් පිටාර ගලා යන බවයි. එවැනි අවස්ථාවන් නිසි ලෙස ප්‍රයෝජනයට ගතහොත් ඔබට මේ දුෂ්කර කෙටි කාලය ඉතා පහසුවෙන් ගත කළ හැකි වෙයි. දුෂ්කරතාව කොතෙක් දැඩි වූවත් එයින් ඔබට සහනය ලැබිය හැකිය. ඒ සඳහා ඇවැසි වන්නේ ඉවසීම සහ අධිෂ්ඨානය පමණි. යුගදිවියේ තෘප්තිය හීන විය හැකි නමුත් එය විවාහය බිඳී යෑමට හේතුවක් නොවේ. දියවැඩියාව අක්මාවේ තෙල් තැන්පත්වීම අධික ස්ථූලතාව රුධිරගත මේදය ඉහළ යෑම ආදී රෝග ඉස්මතු විය හැකි නමුත් ඔබගේ ඇවතුම් පැවතුම් මගින් ඒවා වළක්වාගත හැකිය. රැකියාව ව්‍යාපාරය ආශ්‍රිත අනපේක්ෂිත කඩාවැටීම් සිදු වූවත් ඒ අතරම රැකියාව ව්‍යාපාරය ආශ්‍රිතව අනපේක්ෂිත වාසිදායක තත්ත්වයන් ද නිර්මාණය වෙයි. එසේ නමුත් අලුත් ආයෝජන කිරීමට වඩා දැනට පවතින දෙයෙහි පාඩුව සහ පීඩනය අවම කැර ගැනීමට උත්සුකවීම වඩාත් ප්‍රායෝගික වෙයි.

මිථුන - අසීරුව සීරුවෙන් ජය ගනී

සංවේදී වායු බලැති මිථුන ලග්නයෙන් උපන් ඔබට මේ වසර උදාවන්නේ සෙනසුරු සහ ප්ලූටෝ 7 වැන්නේ ද කේතු 8 වැන්නේ ද නෙප්චූන් 9 වැන්නේ ද යුරේනස් 11 වැන්නේ ද රාහු 2 වැන්නේ ද ගුරු 5 වැන්නේ ද පිහිටා සිටින සංකීර්ණ ග්‍රහ සිත්තමක් සමගිනි. වායූ බලැති යුරේනස් සහ රාහු අතර අංශක 90 පිහිටීමක් සහිතව කේන්දරයේ නැගෙනහිර අර්ධය මුළුමනින් ම ඔවුන් දෙදෙනාගේ පාලනයට නතුව තිබේ. කේන්දරයේ බටහිර අර්ධය ගුරු සෙනසුරු ප්ලුටෝ කේතු නෙප්චූන් යන ග්‍රහයන් 5 දෙනා විසින් පාලනය කරනු ලැබේ.ආංශිකව ගතහොත් කේන්දරයේ ඊශානට යුරේනස් ගිනිකොණට රාහු නිරිතට ගුරු බටහිරට සෙනසුරු සහ ප්ලුටෝ වයඹට කේතු -නෙප්චූන් යන ග්‍රහයන් ස්ථානගත වෙයි. ඔබේ ජීවිතයේ මෙතෙක් පැවති සාපේක්ෂ සමතුලනය බිඳී යෑමට සහ ඉලක්කගත සැලසුමක් මත මෙතෙක් ගෙන ගිය ජීවන රටාව වෙනස් කිරීමට ප්‍රබල කරුණු යෙදෙයි. මෙහි සැලකිය යුතු පීඩනයක් එල්ල වන්නේ රස්සාව සහ පරස්තාව යන දෙකට ය. විවාහයෙන් පිටත සමාජමය හෝ විකල්ප සබඳතාවන් කෙරෙහි නැඹුරුවීම සහ රැකියාව හෝ තනතුරු ආශ්‍රිතව වෙනස්කම්වලට මුහුණ පෑමට සිදුවෙයි. මෙහි ආරම්භය පීඩාකාරී ලෙස මතු වූවද වසරේ මැද භාගයේ සිට තත්ත්වය ප්‍රගතිදායක වෙයි.

කඩිනමට වඩා කලබලය ද වේගයට වඩා ආවේගය ද තීරණයට වඩා අතීරණය ද කිව යුත්තට වඩා නොකිව යුත්ත ද යන උභතෝකෝටික අවස්ථාවලදී නිසි දේ තෝරා ගැනීම සම්බන්ධයෙන් ඔබ තරමක් හෝ සාර්ථක වන්නේ 8 සහ 9 අධිපති 7 වැන්නේ ගමන් ගැනීම නිසාය. මාර්තු මාසයෙන් පසුව ඔබ මේ සම්බන්ධයෙන් දැඩි ලෙස පරිස්සම් විය යුතුය. සෙනසුරු සහ ගුරු වක්‍රවන අවස්ථා ඒ අතරින් විශේෂිත වෙයි. නීතී ගැටලු මතු නොවන ලෙස ඇඟ බේරාගෙන වැඩ කිරීම මැනවි. 02-07-08 යන මර්මස්ථාන ත්‍රිත්වයේ පිළිවෙළින් රාහු සෙනසුරු ප්ලුටෝ කේතු යන ග්‍රහ ගෝචරය හිතකර නොවේ. හදිසි ආපදා ඉස්මතු කරවන ග්‍රහචාරයකි. එහෙත් ත්‍රිකෝණස්ථානගත ගුරු සහ නෙප්චූන් බලවත් හෙයින් ද 11 වැන්නේ යුරේනස් අධික්‍රියාකාරීත්වයෙන් යුතු හෙයින් ද ඔබගේ කටයුතු පිළිබඳව ජන ආකර්ෂණය ලබා ගන්නාවූ බලයක් නිර්මාණය වෙයි. ඒවා ප්‍රතිඵලදායක ආයෝජන බවට පරිවර්තනය කැර ගැනීමට ඔබ උපායෙන් සහ ඥානයෙන් පොහොසත් විය යුතුය. ඔබට මිතුරු වායු සහ ගිනි බලය 50 % කි. ඔබට සතුරු ජල සහ පඨවි බලය 50 % කි. එහෙත් 02 සහ 08 වැන්නේ උත්තේජනය නිසා ඔබට වාසිදායක තත්ත්වය පවා දෝලනය වන සුලුය. අසීරුව ජයගත යුත්තේ සීරූවෙන් යන පණිවිඩය 2018 වසර පුරා සිහි තබා ගන්න.

කටක - දැළි පිහියෙන් කිරි කෑම

ජල බලයෙන් යුත් කටක ලග්නයෙන් උපන් ඔබට 2018 වසර ආරම්භ වන්නේ 1-4-7-10 යන කේන්ද්‍රස්ථාන සියල්ල ම උත්තේජනය වෙමින් තිබියදී ය. රාහු ලග්නයේද ගුරු 4 වැන්නේ ද කේතු 7 වැන්නේ ද යුරේනස් 10 වැන්නේ ද සිටී. සෙනසුරු ප්ලුටෝ 6 වැන්නේ ද නෙප්චූන් 8 වැන්නේ ද වෙයි. එසේ ගත් කල 6-7-8 යන මර්මස්ථාන ත්‍රිත්වය ද උත්තේජනය වෙයි. 10 වැන්නේ හෙවත් ආලෝක දෘශ්‍යාර්ධය මුදුනේ සිටින යුරේනස් ඔබේ වෘත්තීය තනතුරු සහ සමාජ බලය කැපී පෙනෙන ලෙස ඉහළට ම ඔසවයි. එය අනභිබවනීය වන අතර 4 වැන්නේ ගුරු විසින් එකී තත්ත්වය සම්භාවනීය ස්වරූපයකට පරිවර්තනය කරයි. එහෙත් ලග්නයේ රාහු සහ 7 වැන්නේ කේතු යට කී බලය විපරිවර්තනය කරයි. ටොලමියානු ජ්‍යොතිෂය අවබෝධ කැර ගැනීමට උත්සුක වන විද්‍යාර්ථීන්ට මේ කදිම අභ්‍යාසයකි. බලන්න. 4-10 (තුලා+මේෂ) පරම ප්‍රතිපෝෂක රාශි ද්විත්වය උත්තේජනය වීම ජන්මියාට උසස් බලයක් ගෙන දෙයි. එහෙත් 1-7 (කටක+මකර) පරම ප්‍රතිපෝෂක රාශි ද්විත්වය උත්තේජනය වන්නේ ජන්මියාට පරම සතුරු වූ වායු සහ ගිනි හෙවත් රාහු - කේතු අක්ෂයෙනි. එහි ප්‍රතිඵලය වන්නේ ජන්මියාට පෙර ලැබුණු උසස් බලය හේතු කොට ගෙන ඔහුගේ

පෞරුෂ ප්‍රතිරූපය සහ සමාජ සම්බන්ධතා ඉතා භයානක ලෙස පිරිහීමට ලක්වීමයි . එය දිගුකාලීනව ජන්මියාට බලවත් අවාසියකි. 06 වැන්නේ සෙනසුරු බලවත් ය. එහෙයින් ජන්මියා අපරාජික වෙයි. මේ නිසා කටක ලග්න හිමියා මේ කාලයේදී ක්‍රියාකරන්නේ සක්විති රාජ ලීලාවෙනි. ඒ අනුව ඔහුට තම අඩුපාඩු වටහා ගැනීමට ද අවස්ථාවක් නො ලැබෙයි. ඔහු හෝ ඇය බලයෙන් මත් වූ මායා ලොවක ජීවත්වන අතර 08 වැන්නෙ නෙප්චූන් විසින් ඊට උපරිම අනුබලය සපයනු ලැබේ. එසේ නමුත් ගුරු සහ සෙනසුරු වක්‍ර වූ විට හෝ රාහු කේතු අක්ෂය 6 සහ 12 වැන්නට සමීප වූ විගස සියල්ල ආපිට කැරකෙන භූමරංගයක් බවට පත්වෙයි. කටක ලග්න හිමියා මේ පවතින ස්වභාවය යථා නුවණින් වටහාගත යුතුය. දැළි පිහියෙන් කිරි කනවාක් මෙන් පරෙස්සම් විය යුතුය.

සමස්තයක් වශයෙන් ගත් කල කටක ලග්නයෙන් උපන් ඔබගේ කේන්දරයේ ගිනි සහ වායු බලයේ එකතුව 80 % කි. අති ධාවනකාරී උන්නතිකාමී ගමනක යෙදෙයි. එහෙත් ඒ වේගය ඔබට ඔරොත්තු දෙන්නේ සීමිත කාලයකට බව හැම විටම මතක තබාගතහොත් ඔබේ සාර්ථකත්වය සුරැකෙනු ඇත.

සිංහ - වෙස්වළාගත් ආශීර්වාදයක්

ගිනි බලයෙන් යුත් සිංහ ලග්නයෙන් උපන් ඔබට 2018 වසර උදාවන්නේ සෙනසුරු 5 වැන්නේ ද යුරේනස් 9 වැන්නේ ද සිටින බලවත් ත්‍රිකෝණ බලයක් සහිතවයි. ගුරු 3 වැන්නේය. රාහු 12 වැන්නේය. කේතු 6 වැන්නේ ද නෙප්චූන් 7 වැන්නේ ද වෙයි. ඔබගේ ලෞකික භෞතික දියුණුව සම්බන්ධයෙන් ගත් කල නම් මේ වනාහී ඉතා දුර්වල ග්‍රහ ගෝචරයකි. විශේෂයෙන්ම විවාහය, හවුල් ව්‍යාපාර සහ සමාජ සම්බන්ධතා ආදියෙහිදී එකී දුබලතාව කැපී පෙනෙයි. ඒ සියල්ලටමත් වඩා බලවත් ම පීඩාව පෙන්නුම් කරන්නේ රැකියාව සහ ව්‍යාපාරික කටයුතු සම්බන්ධයෙනි. ලබන මාර්තු මාසයෙන් පසු ඔබේ රැකියාව ආශ්‍රිත කැපී පෙනෙන වෙනස්වීම් හටගනී. කේන්දරයේ 05-09 ගිනි ත්‍රිකෝණස්ථාන සෙනසුරු සහ යුරේනස් විසින් උත්තේජනය කරනු ලබන අතර එයද එතරම් ප්‍රසන්න තත්ත්වයක් නොවේ. එහෙත් 3 වැන්නේ ගුරු විසින් සෙනසුරු සහ යුරේනස් අතර ත්‍රිකෝණ දෘෂ්ටි සම්බන්ධය නිර්මාණය කරන හෙයින් සියලු අමිහිරි බාධක ඉවසමින් ප්‍රඥාව පෙරටුව ක්‍රියාකිරීමේ හැකියාව වර්ධනය කරයි. ඒ සමගම ඔබ තුළ අදෘශ්‍යමාන බලයක් ආරෝපණය කරයි. මේ වාසිදායක තත්ත්වය නිසි ලෙස ප්‍රයෝජනයට ගතහොත් ඔබට බොහෝ ජයග්‍රහණ ලැබිය හැකිවෙයි.

එහෙත් 7 වැන්නේ නෙප්චූන් ඔබේ සමාජ සබඳතා කෙරෙහි කිසිසේත් හිතකර නොවන්නා සේම විවාහය හෝ කලත්‍රයා තෝරා ගැනීම සම්බන්ධයෙන් වැරදි වැටහීම් ගෙන දෙයි. සෙනසුරුගේ 3 වැනි දෘෂ්ටියෙන් පීඩිතවන නෙප්චූන් කිසියම් විකාරරූපී තත්ත්වයකට පත්වන්නා සේම නෙප්චූන් වෙත එල්ලවන ගුරුගේ අංශක 120 සුබ දෘෂ්ටිය හේතු කොටගෙන එකී අවාසිය පවා ඔබට වෙස්වළාගත් ආශීර්වාදයක් බවට පරිවර්තනය වෙයි. කේන්දරයේ ඊශාන අක්ෂය මුළුමනින්ම පාහේ රාහුගේ බලයට නතුවෙයි. නිරිත අක්ෂය සෙනසුරු කේතු ප්ලූටෝ යන ග්‍රහයන් තිදෙනා අතර බෙදී යන අතර නිරිත අක්ෂය එක් අතකින් බලවත් වන අතර අනෙක් අතින් පීඩනයට ලක්වෙයි. එහි ප්‍රතිඵලය වන්නේ බලය සහ පීඩනය අතර ඔබ ඉතා සුළු ප්‍රතිලාභයක් පමණක් ලබා ගන්නා බවයි. ඔබ කිසියම් නිධන්ගත රෝගයකින් පෙළෙන්නේ නම් ඔබේ ඇවතුම් පැවතුම් සහ ආහාරපාන පිළිබඳව දැඩි ලෙස සැලකිලිමත් විය යුතුය. ගුරු සහ සෙනසුරු වක්‍රව ගමන් කරන අවස්ථා ඒ අතරින් විශේෂිත වෙයි.

සමස්තයක් වශයෙන් ගත් කල ටොලමියානු ශක්ති චක්‍ර අනුව මේ වසරේ ඔබේ ගිනි සහ වායූ බලය 70 % කි. ජල බලය 20 % කි පඨවි බලය 10 % කි. උද්වේගකර සහ අස්ථාවර ජීවන රිද්මයකි. තව ලෙසකට කිවහොත් බොහෝ දේ සඳහා දායක වන මුත් ඉතිරිවන දෙයක් ඇත්තේම නැත. එහෙත් එය කදිම අනාගත පෙරහුරුවක් හෝ ආයෝජනයක් බව අමතක නොකළ යුතුය.

කන්‍යා - තනතුරු සහ බලය වැඩේ

පඨවි බලයෙන් යුත් කන්‍යා ලග්නයෙන් උපන් ඔබට 2018 වසර උදාවන්නේ කේන්දරයේ දෘශ්‍යාර්ධය මුළුමනින්ම පාහේ රාහු සහ යුරේනස් යන ග්‍රහයන් දෙදෙනාගේ පාලනයට නතුව තිබියදීය. ඔබට ප්‍රතිපෝෂක වූ 11 වැන්නේ රාහු ඉතා බලවත් වෙයි. මෙතෙක් ඔබට අහිමිව හෝ භුක්ති විඳීමට ඉඩ නො ලැබුණු තනතුරු බලය සහ අවස්ථාවන් වේගයෙන් ඔබ කරා ළඟාවෙයි. භෞතිකමය සැප සහ සමාජ බලය වර්ධනය වෙයි. 08 වැන්නේ ගමන් කරන යුරේනස් ද යට කී වාසිදායක වාතාවරණය උද්දීපනය කරමින් විශේෂයෙන්ම රැකියාව තනතුරු සහ බලය සම්බන්ධයෙන් අනපේක්ෂිත ජයග්‍රහණයන් හිමිකර දෙයි. 02 වැන්නේ ගුරු එහි ප්‍රතිලාභ තහවුරු කරයි. ඒ සමඟම ඔබේ කේන්දරයේ ආලෝක මුදුන වූ බලවත් 10 වැන්න වෙත ගුරු සහ සෙනසුරුගේ දෘෂ්ටිය පතිත වෙයි. මේ පවතින තත්ත්වය ඔබට ඉතා වාසිදායක නමුත් ඒ තුළ අදෘශ්‍යමාන අනතුරක් සහ ක්ෂණික කඩාවැටීමක් ගෙන දීමට අවශ්‍ය සාධක සැඟවී තිබෙන බැව් වටහාගත යුතුය. 10 වැන්නෙන් 2 වූ 11 වැන්නේ රාහු සහ 10 වැන්නෙන් 11 වැන්න වූ 8 වැන්නේ යුරේනස් අතර හටගන්නා අංශක 90 සම්බන්ධය අවදානම් සහගත වෙයි. බාහිර හෝ අභ්‍යන්තර පිපිරීම් කුමන මොහොතක හෝ සිදුවිය හැකි බැව් සිහි තබාගෙන කටයුතු කිරීම අත්‍යවශ්‍ය වෙයි. කේන්දරයෙන් 08 වැන්නේ ගිනි රාශි මර්මස්ථානයේ ගමන් ගන්නා යුරේනස් යනු කාල බෝම්බයකි. ඉදිරි වසර 7 පුරාම එකී අවදානම පවතී. ඔබේ කේන්දරයේ ඊශාන අක්ෂය රාහුට ද නිරිත අක්ෂය කේතු සහ නෙප්චූන්ට ද හිමිවෙයි. ගලා හැලෙන දිය

දහරාවක් මෙන් ජයග්‍රහණ වාසි පොදියක් ඔබ විනිවිද ගමන් කරන මුත් ඒ කිසිවක් ඔබ සතුව දිගුකාලීනව රැඳෙන්නේ නැත. ගිනි බලයට අයත් 4 වැන්න සෙනසුරුට හිමිවන්නා සේම ඔහු එකවර ඔබේ සිතිවිලි සහ ක්‍රියාව යන දෙකටම මහත් බලපෑමක් ගෙන දෙයි. සෙනසුරු ඔබේ ලග්නයෙන් 05 සහ 06 අධිපති වෙයි. අති ධාවනකාරී හිතුවක්කාර ගති ඉස්මතු කොට ඒ හරහා ම ඔබේ කටයුතු අවුල් කිරීම සෙනසුරුගේ භූමිකාව බව අමතක නොකරන්න. 06 සහ 08 අතර පවතින නෙප්චූන් සහ යුරේනස් සම්බන්ධය අහිතකරය. එහි පීඩනය තවත් උත්සන්න කෙරෙනුයේ කේන්දරයේ 7 වැන්නටය. සමාජ සබඳතා විවාහය හවුල් ව්‍යාපාර ආදියෙහිදී රැවටීම්වලට ලක්වීම මෙන්ම උද්වේගකර ගැටුම්කාරී අවස්ථාවන් එමගින් නිර්මාණය කරයි.

සමස්ථතයක් වශයෙන් ගත් කල ඔබේ කේන්දරයේ ඔබට සතුරු වායු බලය 60 %කි. ගිනි බලය 20 %කි. බලයෙන් සහ රැවටීමෙන් නොමග ගියහොත් එහි ප්‍රතිඵලය වන්නේ සිටියාටත් වඩා පහත් අඩියකට ඇද වැටීමය. ඔබ යන ගමන කල්පනාවෙන් යා යුතුය.

තුලා ලග්නය

ප්‍රබල වායු බලයෙන් යුත් තුලා ලග්නයෙන් උපන් ඔබට 2018 වසර උදා වන්නේ ඔබේ කේන්දරයේ දෘෂ්‍යාර්ධයේ ආලෝක මුදුන වූ 10 වැන්නේ රාහුගේ බලය විහිදෙමින් තිබියදීය. මෙතෙක් ඔබ තුළ යටපත් ව තිබූ වේගය ආවේගය සහ අධි ක්‍රියාකාරීත්වය මෙන්ම අණසක පැතිරවීම නිර්භීත්බව ඉස්මතු වෙයි. කේන්දරයේ උතුරු දෙස මතු නොව සමස්ත දෘෂ්‍යාර්ධයම රාහු සහ ගුරු විසින් පාලනය කරනු ලැබේ.ගුරු සහ රාහු අංශක 90 පිහිටීමකි. උගත්චණ්ඩියකු මෙන් ක්‍රියාකරනවා පමණක් නොව ආන්දෝලනාත්මක සහ මතභේදාත්මක සිදුවීම් නිර්මාණය කිරීමට ද යොමුවන කාලයකි. යුක්තිය උදෙසා පෞද්ගලික ලාබය නොතකා කිසියම් පොදු සමාජමය හැඟීමකින් ක්‍රියාකරන්නට ගනී. ඒ වෙනුවට විශාල අභියෝග සහ තර්ජන මතුව එන මුත් ඔබ ඒ කටයුතු ආපසු හරවන්නේ නැත. 7 වැන්නේ යුරේනස් යට කී තත්ත්වය අපේක්ෂාවෙන් සිටිනවා පමණක් නොව එකී තත්ත්වය නිර්මාණය කිරීමට ද ඍජුවම දායක වෙයි. මෙතෙක් ඔබ සමග සිටි බොහෝ දෙනා ඔබ වෙතින් ඉවත්ව යන අතර අලුත් පිරිස් සමීප වෙයි. හවුල් ව්‍යාපාර විවාහය කලත්‍රයා සහ සමාජ සම්බන්ධතා පිළිබඳව විපරිවර්තනයක් හටගනී. ඉදිරි වසර පුරාම ඔබේ කේන්දරයේ අදෘෂ්‍යාර්ධය බලවත් ය. 7 වැන්නේ යුරේනස් 5 වැන්නේ නෙප්චූන් 4 වැන්නේ කේතු සහ තුන්වැන්නේ

සෙනසුරු සමඟ ප්ලූටෝ සිටී. මෙහි එක් විපාකයක් වන්නේ ඔබ බොහෝ වේලාවක් නිහඬව සහ ගුප්ත රහසිගත ඉරියව්වෙන් සැලසුම් සකස් කරන්නා සේම ඔබට එරෙහි අය ද එලෙසින් ම රහසිගත සැලසුම් සකස් කරන බවයි. එහෙත් ජය පරාජය තීරණය කරන සෙනසුරු ඉතා බලවත්ව සහ ගුණවත්ව ඔබේ කේන්දරයේ 3 වැන්නේ පිහිටන හෙයින් අවසන් ජයග්‍රහණය ඔබට ම හිමිවෙයි. 3 වැන්නේ සෙනසුරු සහ ලග්නයේ ගුරු අතර අංශක 60 අති ප්‍රබල දෘෂ්ටි සංයෝගයකි. එහෙයින් ඔබ අපරාජිතවනවා පමණක් නොව කිර්තියෙන් සහ බල පරාක්‍රමයෙන් අද්විතීය ජයග්‍රාහකයකු බවට පත්වෙයි. වසර අටකට පසුව ඔබේ ජීවිතයට උදාවන අභියෝගාත්මක සහ ස්වර්ණමය අවස්ථාවකි. ඔබේ කේන්දරයේ 3-4-5 ගිනිකොණ දකුණ සහ නිරිත යන දිසා අතර සෙනසුරු කේතු නෙප්චූන් යන ග්‍රහයන් තිදෙනා එකම අක්ෂයක පිහිටයි. මෙය දැඩි මානසික ආතතිය සහ ගුප්තමය මායා මානසිකත්වයකට තල්ලු කරනු ලබන පිහිටීමකි. එහෙයින් ශාරීරික සහ මානසික සුවතාව පිළිබඳ අභ්‍යාසයන් අත්‍යවශ්‍ය වෙයි.

ඔබේ කේන්ද්‍රයේ 1-4-7-10 යන කේන්ද්‍රස්ථාන පිළිවෙළින් ගුරු කේතු යුරේනස් රාහු යන ග්‍රහයන් වෙතින් ප්‍රබලව උත්තේජනය වෙයි. 1සහ 7 අක්ෂය ප්‍රතිපෝෂකවන අතර එහි ගුරු සහ යුරේනස් වෙයි. 1 ඔබේ ප්‍රතිරූපය වන අතර 7 ඔබේ අනෙකා හෙවත් ප්‍රතිවාදියා වෙයි. ඔබ ජීවත්වන පරිසරය කුමක් වූවත් ඔබ කරන රැකියාව කුමක් වූවත් ඔබ මේ තැන් දෙකෙහිම අලුත් බලවත් නිර්මාණාත්මක නායකත්ව භූමිකාවකට පත්වෙයි. යුක්තිය උදෙසා සටන් වදින්නකු සහ ඉන් ජය ලබන්නකු බවට පත්වෙයි. ඒ අතරම අලුත්ම සංකල්ප හෝ නිර්මාණාත්මක අදහස් ඉදිරිපත් කරන්නකු බවට පත්වන අතර අගතිදායක බොහෝ දේවල් විනාශ කිරීමට අරගල කරන්නකු බවට ද පත්වෙයි. ඒ වෙනුවෙන් බොහෝ දේ අහිමි කර ගන්නට ද ඔබට සිදුවෙයි. ඔබේ කේන්දරයේ 4-10 ප්‍රතිපෝෂක රාශි ද්විත්වය රාහු කේතු අක්ෂයට මුළුමනින්ම යටත්වන අතර ඔබ හිතන හැටි සහ කරන හැටි එමගින් තීරණය වෙයි. 4 හිතන තැනය. 10 කරන තැනය. ඔබගේ බොහෝ ක්‍රියාකාරකම් මතභේදාත්මක තත්ත්වයට පත්වීම වැළැක්විය නොහැක්කේ මේ හෙයිනි. කේතු දේවල් හකුළුවන ග්‍රහයා යැයි සාම්ප්‍රදායික කියමනක් එන මුත් කේතු බලවත් බව අතින් දෙවැනි වන්නේ රවි ග්‍රහයාට පමණි. බලය තේජස අග්නිය සහ නිර්මල සූක්ෂ්ම ක්‍රියාකාරීත්වය අතින් ගත් කළ කේතු අසම සම ග්‍රහයෙකි. අන්න ඒ කේතු දැන් පිහිටන්නේ ඔබේ සිතිවිලි තීරණ ජනිත කරන ස්ථානයේ වන අතර එය සංයමයෙන් යුත් විප්ලවකාරී රාශියක් ද වෙයි.

සමස්තයක් වශයෙන් ගත් කළ ටොලමියානු ශක්ති බල ගණනය අනුව ඔබේ වායු +ගිනි බලය 75 % කි. ජල බලය 5 % ක් වන අතර පඨවි බලය 20 % කි. මේ ඔබේ ජීවිතයට කාලයකට පසුව උදා වූ බලවත් ග්‍රහචාරයකි. 2018 ඔබේ ජිවිතය එක් අතකින් ප්‍රදීපාගාරයක් මෙන් වෙයි. එය තනිව හුදෙකලාව හාත්පස මග පෙන්වමින් ආලෝකය විහිදුවන නමුත් ප්‍රදීපාගාරය පාමුල ඇතැම් විට ආලෝකයෙන් තොර වෙයි. තමා ගැන නොසිතා පරෝපාකාරයේ යෙදුණොත් ඔබ කිසිවකින් පරදින්නේ නැත. දෛවය විසින් ඔබෙන් අපේක්ෂා කරනු ලබන දෙය කුමක් දැයි නිසි ලෙස වටහා ගන්න.

වෘශ්චික ලග්නය

ජල බලයට අයත් වෘශ්චික ලග්නයෙන් උපන් ඔබට 2018 වසර උදාවන්නේ අපූරූ ග්‍රහ පිහිටීමක් සමගිනි. 2 සහ 3 වැන්නේ සෙනසුරු ප්ලූටෝ කේතු ද 6 වැන්නේ යුරේනස් ද 9 වැන්නේ රාහු ද 12 වැන්නේ ගුරු ද පිහිටයි. එනම් කේන්දරයේ ඊශාන ගිනිකොන නිරිත සහ වයඹ යන අනු දිසා හතර ප්‍රබලව උත්තේජනය වෙයි. ඒ අතර ම කේන්ද්‍ර අදෘශ්‍යාර්ධය ප්‍රබල වෙයි. ජීවිතයේ අවරෝහණය හෝ ආපිට කැරකීම එයින් පෙන්නුම් කරන අතර සිතිවිලි අධික එහෙත් ක්‍රියාකාරකම් හීන කරවන ග්‍රහ පිහිටීමකි. ඊශානේ ගුරු තැන්පත්ව සිටින හෙයින් මේ ඔබගේ ජීවිතයේ අභ්‍යන්තර චෛතසික වෙනසකට යොමු කරවන අවස්ථාවක් මෙන් ම අතීත වැරදී නිවරදි කැර ගැනීමට දෛවයෙන් හිමිකර දී තිබෙන දුලබ අවස්ථාවක් වෙයි. 12 සහ 02 වැන්න අතර ගුරු සෙනසුරු අංශක 60 ප්‍රබල දෘෂ්ටියක් පතිත වෙත්දී ඒ ඔබගේ ලග්නයෙන් දෙපැත්ත වෙයි. මෙය ඉතාම කලාතුරකින් ඔබට ලැබෙන අමරණීය අවස්ථාවක් වෙයි. උපේක්ෂාව සහ දේවල් අත්හැරීම පිළිබඳ ප්‍රඥාව අවදි කැර ගැනීමට එමගින් ඔබට තෙරපුමක් එල්ල වන්නේ ය. ලෞකික ආශාවන් සැප සම්පත් වෙනුවට ආධ්‍යාත්මික සතුට උසස්ම ධනය වන බැව් ඔබට ඒත්තු ගැන්වෙයි. ඒ පණිවිඩය එලෙසම ග්‍රහණය කැර ගත්තේ නම් ඔබ කිසි විටෙක මේ වසරේදී කිසිවකින් පරාජය වන්නේ නැත. තැන්පත් ධනය

ආගමික / වන්දනා ගමන් සඳහා වැය කිරීමට සිදුවන කාලයකි. නීතිමය ගැටලු පටලවා නොගැනීමට ඔබ පරෙස්සම් විය යුතුය. ගුරු ඔබගේ 02 සහ 05 වැන්න අධිපතියා ලෙස 12 වැන්නේ ගමන් ගැනීම රැකියාව හෝ ව්‍යාපාරික කටයුතු සම්බන්ධයෙන් හිතකර නොවේ. ඒ ආශ්‍රිත ක්ෂණික කඩා වැටීම් සිදුවිය හැක. 06 වැන්න වූ ඔබට පරම සතුරු ගිනි මර්මස්ථානය උත්තේජනය කරන යුරේනස් ඔබේ යටිබඩ මුත්‍රාශය ප්‍රජනක ඉන්ද්‍රියයන් ආශ්‍රිත රෝග පීඩා මෙන්ම ශරීරයේ අභ්‍යන්තර තාපය ඉස්මතු කරවයි. සමේ රෝග සහ අසාත්මිකතා මතුවිය හැකිය. 4 වැන්නේ තැන්පත් නෙප්චූන් ගුරු සහ සෙනසුරුගේ දෘෂ්ටියට ලක්වෙයි. එහි ප්‍රතිඵලය වන්නේ ඔබේ සිතිවිලි සහ හැඟීම් කිසියම් මායාමය ස්වරූපයකට විපරිවර්තනය වීමයි. එහි හොඳ නරක දෙකම තිබේ. රාහු කේතු අක්ෂය හැරෙන්නට අනෙක් සියලුම ග්‍රහයන් ස්ථානගතව සිටින්නේ ඔබට සතුරු ගිනි සහ වායූ රාශීන්වලය. ඔබට එරෙහිව මේ වසර පුරා නොයෙකුත් බාධා අවහිරකම් සහ අභියෝග මතුව එන බවට ඒ ප්‍රබල සංඥාවකි.

සමස්තයක් වශයෙන් ගත් කළ ටොලමියානු ශක්ති සූත්‍ර අනුව ඔබේ කේන්දරයේ 60%ක් වායූ +ගිනි බලයටත් 25 % ක් පඨවි බලයටත් 15% ක් ජල බලයටත් අයත්වෙයි. විශ්ව සංඥාවන් නිසි ලෙස වටහාගෙන ඊට අනුගත වුවහොත් ඔබ පරදින්නේ නැත. නො පරදින්නට නම් කළ යුත්තේ තරගයක් ගැටුමක් ඇති නොවන ලෙස ක්‍රියාකිරීමය.

ධනු ලග්නය

ගිනි බලයෙන් යුත් ධනු ලග්නයෙන් උපන් ඔබට 2018 වසර උදාවන්නේ ගුරු 11 වැන්නේ ද සෙනසුරු සහ ප්ලූටෝ ලග්නයේ ද කේතු 2 වැන්නේ ද නෙප්චූන් 3 වැන්නේ ද පිහිටන ග්‍රහචාරයකිනි. ඒ අනුව කේන්ද්‍රයේ ඊශාන නැගෙනහිර සහ ගිනිකොණ යන දිසා තුනත් ලග්නය ආශ්‍රීත නැගෙනහිර අක්ෂයත් බලවත් වී තිබේ. 11 වැන්නේ ගුරු සහ ලග්නයේ සෙනසුරු අතර වූ අංශක 60 ප්‍රබල සුබ දෘෂ්ටිය ඒ අතරින් කැපී පෙනෙයි. සංයමය පරිණතබව සහ ප්‍රඥාව එමගින් නිවේදනය කරයි. ඔරොත්තුදීම සහ අභියෝග ජයගැනීමේ ශක්තිය තීව්‍ර කරයි. ස්ථිර අරමුණකින් ස්ථාවර වේගයෙන් ඉලක්ක ජය ගන්නා අතර මාර්තු 06 දායින් පසුව ඒ බැව් වඩාත් ප්‍රකට වෙයි. ජීවිතයේ අරමුණු සහ රැකියාව ව්‍යාපාරය ආශ්‍රිතව පෙරළිකාර ප්‍රවණතා හටගනී. බොහෝ විට ඒවා යහපත් අතට පරිවර්තනය වන්නේ දැනට පවතින රැකියාව හෝ ව්‍යාපාරය අත් හරින්නට සිදුවන වාතාවරණයකයි. විදෙස්ගතවීම් ඒ අතරින් කැපී පෙනෙයි. 5 වැන්නේ යුරේනස් විසින් ප්‍රේම සම්බන්ධතා මෙන්ම රැකියාවේ ස්වභාවය විප්ලවකාරී වෙනසකට හරවන අතර

8 වැන්නේ රාහු එකී වෙනස සඳහා අනපේක්ෂිත හදිසි අවස්ථා උදාකර දෙයි. 3 වැන්නේ නෙප්චූන් ඔබගේ නිර්මාණාත්මක හැකියාව ඔප් නංවයි. එහෙත් 8 වැන්නේ රාහු ඔබේ ජිවිතයේ රිද්මය බිඳීමින් සෞඛ්‍ය තර්ජන ඉස්මතු කරවන්නේය. ලග්නයේ සෙනසුරු සහ 2 වැන්නේ කේතු අතර අංශක 45 දෘෂ්ටියක් හටගන්නා අතර එය දෙපැත්ත කැපෙන අවියකි. එකී බලය නිසි ලෙස හසුරුවා ගතහොත් අසිරිමත් ගුප්ත ශක්තියක් ඔබ තුළින් මතුවෙයි. එහෙත් එකී බලය අනිසි ලෙස අයාලේ යෑමට ඔබ විසින් ඉඩ දෙනු ලැබුවොත් එහි බලපෑම ඔබට එරෙහිව මතුව එයි. ශමනකාරක පිළියම් අත්‍යවශ්‍ය වේ.

සෙනසුරුගේ අංශක 180 දෘෂ්ටිය ද ගුරුගේ බලවත් අංශක 120 දෘෂ්ටිය ද ඔබේ කේන්දරයේ 7 වැන්න වෙත පතිත වීමෙන් එතැන නැවත ගුරු ශනි සංයෝගය හටගනී. එහි විපාකය කුමක් වෙයිද සම්මත විවාහ සංස්ථාවට එය අභියෝගයක් වන්නා සේම පරස්පරතා විවිධාකාර ලෙසින් ඉස්මතු වෙයි. අනෙක් අතින් සම්භාවනීය හෝ ආධ්‍යාත්මික හෝ නව සබඳතා නිර්මාණය කරයි. ඔබේ වයස බුද්ධිය ධනය බලය ආදී කොයි ලෙසකින් හෝ උසස් අය ජීවිතයට එක්වෙයි.

සමස්ථයක් වශයෙන් ගත් කළ ටොලමියානු ශක්ති කලාප අනුව ඔබේ කේන්ද්‍රයේ ගිනි +වායු බලය 90 %කි. ජල සහ පඨවි බලය 10 % ක් වෙයි. අධිවේගී සිදුවීම් බහුල පෙරළිකාර වසරකි.

මකර ලග්නය

පඨවි බලයෙන් යුතු මකර ලග්නයෙන් උපන් ඔබට 2018 වසර උදාවන්නේ 1-4-7-10 කේන්ද්‍රස්ථාන සියල්ල ම ග්‍රහයන් පිරී සිටින අතර සහ ඒවා ප්‍රබලව උත්තේජනය වෙමින් තිබියදීය. කේතු ලග්නයේ ද යුරේනස් 4 වැන්නේ ද රාහු 7 වැන්නේ ද ගුරු 10 වැන්නේ ද වෙයි. හැල හැප්පීම් සහ උච්චාවචනයන් බහුල කාලයක් වන මුත් ඔබට සුවිශේෂ ජයග්‍රහණ ලැබිය හැකි කාලයකි. ලග්නාධිපති සෙනසුරු 12 වැන්නේ ගමන් කිරීම පිළිබඳව ඔබ අනියත භීතියක් ඇති කැරගත යුතු නොවේ. එහෙත් ආත්ම සංයමය ඇතිව දුර දක්නා නුවණින් ක්‍රියාකිරීම අත්‍යවශ්‍ය වෙයි. 10 සහ 12 අතර පවතින ගුරු සෙනසුරු අංශක 60 ප්‍රබල දෘෂ්ටිය සහ ඔබේ කේන්දරයේ දෘශ්‍යාර්ධයේ ආලෝක මුදුන වූ 10 වැන්නේ සිටින ගුරු විසින් ඉදිරි කාලයේදී ඔබේ ජීවිතයේ පරිපූර්ණ ප්‍රතිසංස්කරණයක් අරඹයි. එය මෙතෙක් නොතිබූ ගුණාත්මක පරිවර්තනයක් වන අතර රැකියාව හෝ ව්‍යාපාරය හෝ ඔබගේ ක්‍රියා කෞෂල්‍ය මුල්කොට ගෙන එකී වෙනස්වීම් සිදුවෙයි. මාර්තු මාසයෙන් පසුව එහි පූර්ව නිමිති පහළ වෙයි. ඔබේ ලග්නය මත සහ එහි දෙපස පීඩනයකි. එයින්

නිවේදනය වන්නේ කුමන දේ කරන්නට ගියත් ඔබ තුළ අසහනකාරීත්වය අතීරණය සහ නොසිතු බාධක මතුව එන බවයි. කේන්දරයේ ඊශාන නැගෙනහිර සහ ගිනිකොණ දිසා ආශ්‍රිතව ඇති කරන උත්තේජනය එතරම් හිතකර නොවේ, ඒ සඳහා ශමනකාරක පිළියම් යෙදීම අත්‍යවශ්‍ය වෙයි.

ඔබගේ විවාහය කලත්‍රයා හවුල් ව්‍යාපාර සහ සමාජ සම්බන්ධතා ආදිය පිළිබඳව ඉවසිලිමත් වීම අත්‍යවශ්‍ය වන්නේ ඒ ආශ්‍රිත දුබලතා පෙන්නුම් කරන හෙයිනි. කල්ත්‍රයා සහ යුගදිවියේ තෘප්තිය හීන කරවන පිහිටීමකි. එහෙත් එය තාවකාළික පසුබෑමක් බව මතක තබා ගන්න. ඉක්මන් තීරණ ගැනීම් අවාසිදායක වෙයි. 4 වැන්නේ යුරේනස් ඔබ තුළ ජනිත කරවන උද්වේගකර කැළඹීම හේතු කොට ගෙන එය එක එල්ලේ ඔබේ රැකියාව සහ පරස්තාව යන දෙකට ම බලපෑම් කරයි.

සමස්තයක් වශයෙන් ගත් කළ ඔබේ කේන්දරයේ ගිනි-වායු /ජල -පඨවි යන ශක්ති කලාප 4 ම 25 % ක අගයක් ගනී. කිසිම අංශයකින් ශීග්‍ර වේගයක් නොපෙන්වන අතර හිතකර සහ අහිතකර විපාක යන දෙක ද මධ්‍යස්ථ වෙයි. එයින් නිවේදනය වන්නේ ඔබ හැකිතාක් සමබරව ඔබේ ජීවන රිද්මය පවත්වා ගත යුතු බවයි. ඊයේ ඔබට බරපතළ හානියක් අවාසියක් සිදු වූවා නම් ඒ පිළිබඳව කලකිරීමකට පත්විය යුතු නැති වන්නේ හෙට දිනයේදී වෙනත් හිතකර වාසියක් මගින් හානි පූරණය කරන හෙයිනි.

කුම්භ ලග්නය

වායූ බලයෙන් යුත් කුම්භ ලග්නයෙන් උපන් ඔබට 2018 වසර ආරම්භ වන්නේ ඔබේ කේන්ද්‍රයේ දෘශ්‍යාර්ධය සහ 9 වැන්නේ ත්‍රිකෝණස්ථානය ඉතා බලවත් ව තිබියදීය. 9 වැන්නේ ගුරු ද 11 වැන්නේ සෙනසුරු ප්ලූටෝ ද 12 වැන්නේ කේතු ද පිහිටයි. ඔබේ කේන්ද්‍රයේ ඊශාන දිසාව වායූ + ගිනි බලයෙන් අති ප්‍රබලව උත්තේජනය වෙයි. එමගින් වේගවත් ලැබීම් සහ ඔබගේ අභ්‍යන්තර ශක්තියේ පරිමාව ඉහළ යයි. ඒ සමඟ ම 9 වැන්නේ ප්‍රබල ගුරු එකී ලාභය සහ යසස තව දුරටත් තහවුරු කරයි. එහෙත් අති ධාවනකාරී නොවීමට වග බලා ගන්න. පසුගිය කාලය පුරා තිබූ පීඩනය පරාජය සහ වේදනාව දුරුවෙයි. වසර තිහකට පසුව ඔබට උදා වූ ස්වර්ණමය අවස්ථාවක් ලෙස මේ කාලය ප්‍රයෝජනයට ගන්න. 06 වැන්නේ රාහු කේන්ද්‍රයේ අදෘශ්‍යාර්ධය ද බලවත් කරමින් අරිටු දොස් නසමින් ඔබේ යහපත පිණිස ක්‍රියාත්මක වෙයි.

එහෙත් 3 වැන්නේ යුරේනස් ඔබට බාධක ගෙන දෙන අතර ම 9 වැන්නේ ගුරු සහ යුරේනස් අතර හට ගන්නා අංශක 180 දෘෂ්ටිය දෙපැත්ත කැපෙන අවියකි. විප්ලවයන්ට මුල පුරයි. එහෙත් අධි තක්සේරුව මත තීරණ නොගත යුතුය. නිසි කලට නිසි පිළිවෙළට විප්ලවය දියත් කෙළේ නම් ඔබ විශිෂ්ටත්වයට පත්වෙයි. ලග්නයේ නෙප්චූන් සෙනසුරු සහ ගුරුගේ දෘෂ්ටියට ලක්වෙයි. එය එක් අතකින් පීඩනයකි. අනෙක් අතින් අපූරූ සංකල්පනා පහළ කරවයි. එහෙත් ප්‍රායෝගික තලය ඉක්මවා ගිය ෆැන්ටසි පමණ ඉක්මවා හිසට නොගත යුතුය. විශේෂයෙන්ම විවාහය කලත්‍රයා හවුල් ව්‍යාපාර ආදියෙහිදි රැවටීම් ප්‍රයෝගවලට ගොදුරු වීමේ අවදානමක් තිබේ.

සමස්තයක් වශයෙන් ගත් කළ 2018 වසරේ විජයග්‍රාකයා වන්නේ කුම්භ ලග්න හිමියන් ය. විවාහය හැරුණු විට අනෙක් සෑම අංශයකින් ම ඔබට විශිෂ්ට ලාබ හිමිවෙයි. කේන්ද්‍රයේ ඔබට මිතුරු වායු +ගිනි බලය 90 % කි. මාර්තු මාසයේ සිට ඔබ ජීවිත ගමනේ මෙතෙක් නොගිය සුව පහසු බලවත් තැන් කරා පිවිසෙන ගමන ආරම්භ කරයි.

මීන ලග්නය

2018 ඉතාම අභියෝගාත්මක වර්ෂයකි. සෙනසුරු ඔබේ ලග්නයෙන් 10 වැන්නේ ගමන් ගැනීම යහපත් නොවේ. ඔබේ රැකියාව ආශ්‍රිත ගැටලු මතුවිය හැක.

රාහු ග්‍රහයා ඔබේ ලග්නයෙන් 05 වැන්නේ ගමන් කිරීම නිසා ඉහත කී පීඩාව තව දුරටත් තීව්‍ර වෙයි. ඔබ සතු බොහෝ දේ අහිමි විය හැකි අවදානමක් ඉස්මතුවන හෙයින් කල්පනාකාරීවන්න. ගුරු ග්‍රහයා ඔබේ ලග්නයෙන් 08 වැන්නට පැමිණීම ද අභාග්‍යසම්පන්න සිදුවීමකි.

යුරේනස් ඔබේ ලග්නයෙන් දෙවැන්නේ ගමන් ගැනීම ද පීඩාදායක වෙයි. සමස්තයක් වශයෙන් ගත්කළ 2018 වර්ෂය තුළ ඇති ග්‍රහ චලන සියල්ලක්ම ඔබට අවාසිදායකය. එහෙත් ඔබේ උත්සාහය සහ අවධානය මගින් එකී පීඩාවන් බොහෝ දුරට අවම කරගත හැකිය. දිනපතා අභිසම්භිධාන පිරිත සඣායනා කිරීම ප්‍රශස්ත වෙයි.

කේ.සී.ජේ.රත්නායක

සිළුමිණ

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

ඉතාලියේ සාපලත් ගම්මානයේ අවාසනාවන්ත කතාව.....(Calabro italy අබිරහස් අඩවිය - Abirahas Adawiya - හොල්මන් කතා. holman katha)

ඉතාලියේ දකුණු දෙස බැසිලිකාටා ප්‍රදේශයේ කන්දක් මත පිහිටා ඇති පැරණි ගම්මානයක් වන කොලොබ්‍රාරෝ එරට අවාසනාවන්තම ගම ලෙස හැඳින්වෙයි. 1940 දක්වා දිවෙන පුරාවෘත්තයන්ට අනුව එවකට එහි ප්‍රධානියාවු බියාජියෝ විර්ජිලියෝ අසල මැටෙරා නගරයේ පැවති රැස්වීමකදී තමා කී දෙයක් සනාථ කිරීමට මෙසේ කීවේය.”මම කියන කතාව බොරුවක් නම් මේ උඩ එල්ලලා තියෙන වීදුරු පහන බිමට වැටෙන්න ඕනෙ.”ඒ වචනත් සමග චැන්ඩ්ලියර් එක හෙවත් එම පහන බිමට කඩා වැටුණේ විර්ජිලියෝ ගේ ගම්මානය වන කොලොබ්‍රාරෝ වෙත අවාසනාවද කැඳවමිනි.

වර්තමානයේදි කොලොබ්‍රාරෝ ගම්මානය ප්‍රකටව ඇත්තේ එහි නම පවා පැවැසීමෙන් වැලකිය යුතු ගමක් හැටියටය. අවට ගම්මානවල ජනතාව කොලොබ්‍රාරෝ ගැන සඳහන් කරන්නේ “අර පරණ කතාවල එන ගම”යනුවෙනි.ඉන් නොනවතින ඔවුහු වැරදීමකින් හෝ කිසිවෙකු වෙතින් එහි නම කියැවුනොත් වාසනාව පතා කරන සම්ප්‍රදායික කටයුත්තක් වූ ලීයෙන් කල යමක් ස්පර්ශ කරති. මේ ගැන කතා කරන කොලොබ්‍රාරෝ ගම්මානයේ ඇතැම් පැරණි වැසියන් කියන්නේ විර්ජිලියෝ ගමට ගෙනා අවාසනාවක් නැති බවය. මේ ඇතැමෙකුට ඔහු ගැන හොඳ මතකයක් ඇත. මේ අවාසනාව ගැන කතාව එහි වැසියන් විසින්ම ගොතන ලද්දක් බව ඔවුන්ගේ අදහසයි.

“පිටින් ආපු කෙනෙකුගේ වාහනයක් මේ ගමේදී කැඩුණත්, ටයර් එකක හුළං ගියත් දොස් කියන්නේ ගමට”එහි පැරණි වැසියෙකු වන මැටියෝ කියයි.

කැලබ්‍රියා සහ පුග්ලියා අතර පිහිටි දකුණු දිග බැසිලිකාටා ප්‍රදේශය කැලෑවෙන් ගහන අඳුරු ප්‍රදේශයක් වීම හේතුවෙන් ක්‍රාකෝ වැනි හොල්මන් බහුල බවට ප්‍රකට ගම්මානවලටද මෙම කලාපය තෝතැන්නක්ව තිබේ. සම්ප්‍රදායයන් හා මිථ්‍යා විශ්වාසයන්ද මෙම පසුබිම තුළ බහුලය. පහන කඩාවැටීමේ පුරාවෘත්තයට අමතරව කොලොබ්‍රාරෝ ගම්මානයේ ජනතාව පරම්පරා ගණනක් තිස්සේ මායාකරුවන් හා මායාකාරියන් ගැන කතන්දරද අසා තිබේ. 1950 ගණන්වලදී මායා බලයෙන් තම තමුන්ගේ ගම්මාන පාලනය කරන බව පැවැසෙන දකුණු ඉතාලියේ බලගතු කාන්තා කණ්ඩායමක් ගැන මෙන්ම ඔවුන් විසින් කරනු ලබන ශාප හා හදි හූනියම් ගැන මේ ගමෙන්ද අසන්නට ලැබේ. මේ සියලු කතන්දර නිසා ඉතාලිය පුරා කොලොබ්‍රාරෝ අවාසනාවන්තම නගරය ලෙස ප්‍රකටවීම අසීරු වූයේද නැත.

මේ සියලු මිථ්‍යා විශ්වාසයන් හා පුරාවෘත්ත තවදුරටත් සනාථ කිරීමට මෙන් 2011 වසරේදී කොලොබ්‍රාරෝ වැසියන් ආරම්භ කළ “ඩී්‍රම් ඔෆ් ද නයිට් ඉන් දැට් වි‍ලේජ්”නම් වීදි සංදර්ශනය ඉන්පසුව වාර්ෂිකවද පැවැත්විණි.ඒ අනුව වසරේ හැම අගෝස්තු මාසයකම දෙස්,විදෙස් සංචාරකයින් කොලොබ්‍රාරෝ වෙත ඇදෙන්නේ ගමේ වීදි හා චතුරශ්‍රයන් පුරා රඟ දැක්වෙන මායාකරුවන් හා මායාකාරියන් ගැන කතා ඇතුළත් වීදි නාට්‍ය නැරඹීමටය. ගම්මානයට ඇතුලු වන විටම පිටතින් එහි පැමිණෙන්නන්ට ගම්මානයේ අවාසනාව ගැන දැනුම්දීමක් කෙරෙන කුඩා මල්ලක් ලැබෙයි. එහි ඇතුළත්වන්නේ අවාසනාව මගහැරීම සඳහා ලුනු, දරුවන් ලැබිම සංකේත වත් කරන තිරිඟු ටිකක්, ප්‍රේමය, රූමත් බව හා නරක ආත්ම පලවා හැරීමට රෝස්මරී අතු කිහිපයක් සහ පිරිසිදු බව සමග සාමකාමී බව සංකේතවත් කිරීමට ලැවෙන්ඩර් මල් කිහිපයකි.

වීදි සංදර්ශනය තුළ දක්නට ලැබෙන ප්‍රකට චරිතයක් වන “කුඩා පූජකවරයා”ලෙස හැඳින්වෙන ළමා නඵවා සංකේතවත් කරන්නේ බෞතිස්ම කිරීමට පෙර මියගිය කුඩා දරුවෙකු සම්බන්ධ පුරාවෘත්තයක් බව පැවැසෙයි. හාස්‍යයටද බර සියුමැලි චරිතයක් වන ඔහු තරුණියන් නිදා සිටින තැන්වලට ගොස් ඔවුන්ගේ යටි පතුල් කිතිකැවීම හා ඔවුන්ගේ කන්වලට කොඳුරා රහස් කීම ගැන ප්‍රකටය. ඒවා නැවැත්වීමට නම් කළ යුත්තේ ඔහුට නැතිවම බැරි හිස පැලඳ සිටින තොප්පිය ගලවා ගැනීමය.මේ සංදර්ශනය තුළ තවත් විශේෂ අංගයක් වන්නේ මිනිස් වෙස්ද ගතහැකි වෘකයින් ලෙස සැරසුනු පිරිසකි. පුරාවෘත්තයකට අනුව නත්තල් දින මැදියම් රැයේදී උපන් සාමාන්‍ය පිරිමින් කිහිපදෙනෙක් පුන් සඳ පායා ඇති රාත්‍රී කාලයට වෘක වෙස් ගෙන තිබේ. එවන් රැයට ගමම බියවද්දන සාපලත් මේ පිරිස ඉන් ගලවා ගැනීමට කළ යුත්තේ ඇල්පෙනෙත්තක් වැනි යමකින් ඇන ඔවුන්ගෙන් රුධිරය බිඳක් හෝ ගලායාමට සැලැස්වීම බවත් මෙම ජනප්‍රවාදයෙහි එයි.

කෙසේවුවද මේ සියල්ල මැද කොලොබ්‍රාරෝ සතු රහස් රැකගෙන ඒවා පරම්පරාවෙන් පරම්පරාවට රැගෙන යාමට එහි වැසියන් තුළ කැමැත්තක් තිබේ. මෙම රහස් හෙළිකළොත් ඒවායේ අගය අඩුවන බව සිතන ගම්වැසියන් පිටස්තරයෙකුට ඒවා හෙළිකරන්නේද නැත.එබැවින් ඇතැම් විටක සත්‍යයක්ද විය හැකි මිථ්‍යා විශ්වාස හා පුරාවෘත්ත රැගෙන කොලොබ්‍රාරෝ ගම්මානය ඉදිරියේද ඉතාලියේ අවාසනාවන්තම නගරය ලෙස පවතිනු ඇත.

නිශානි දිසානායක

lakbima

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

සුකොමළ දෙපා මත ලියැවුණ අපූරු ජීවිත රහස්......(jeewana rahas -අබිරහස් අඩවිය - Abirahas Adawiya - ශාස්ත්‍රීය ළිපි)

කෙනෙකුගේ ශරීරයේ අඟපසඟවල පිහිටීම අනුව ඔහුගේ හෝ ඇයගේ චරිත ලක්ෂණ පිළිබඳව අනාවැති පැවසීම දේහලක්ෂණ විද්‍යාව ලෙස සැලකේ. අතීතයේ විසූ සෘෂිවරු විසින් ස්ත‍්‍රියකගේ පා ඇඟිලිවල පිහිටීම හා ප‍්‍රමාණය ආදිය පරික්ෂාකොට ඔවුන්ගේ ජීවිත පිළිබඳව විවිධාකාර රහස් හෙළි කරනු ලැබිණ. 

යම් ස්ත‍්‍රියකගේ පාද අඳුරු පැහැයෙන් හා කුල්ලක හැඩයෙන් යුතු වෙයිද පා ඇඟිලි අපිළිවෙළින් විසිරුණු ස්වභාවයෙන් පිහිටා ඇත්තේද, නියපොතු කුළුවල පිට ඇති ආකාරයෙන්ද පිහිටා ඇත්තේ නම් එම ස්ත‍්‍රීහු වාසනාවන්ත නොවෙති. දාසියක් හා සමානව ජීවිත කාලය තුළම දුක්විඳින්නේය.   

උගතුන්ගෙන් යුක්ත පවුලක හෝ ධනවත් පවුලක හෝ උපත ලැබුවත් ඇය කම්කරු ස්ත‍්‍රියකගේ ස්වභාවය පෙන්නුම් කරයි. පහත් තත්ත්වයේ සිටින පුරුෂයින්ගේ ඇසුර ප‍්‍රියකරයි. යහපත් පිරිමින්ට ප‍්‍රිය මනාප අයුරින් සිටීමට හෝ ක‍්‍රමානුකූලව ඇඳුම්, පැළඳුම්, වලින් සැරසී සිටීමට හෝ ප‍්‍රිය නොකරයි. කලඑළියට පැමිණීම වෙනුවට ගේ තුළටම වී සිටීමට ප‍්‍රිය කරන්නීය. දරුඵල බහුල වුවත් ගැහැණු දරුවන්ට කැමති වේ. සුළු ශාරීරික වේදනාවක් වුවද විඳ දරා ගැනීමට අපහසුය. ඔවුන්ගේ විවාහ ජීවිතයද සාර්ථක නොවේ. ශිල්ප ශාස්ත‍්‍ර තරමක් දුරට හෝ අධ්‍යාපනය ලැබුවත් ඇය උගත්කම පිටතට ප‍්‍රදර්ශන නොකරන්නීය.   

යම් ස්ත‍්‍රියකගේ පාදය සිනිඳුවද, වට වූ ස්වභාවයෙන් හා රෝස පැහැයෙන් යුක්ත වූයේ නම් ඇය බොහෝ සම්පත් ලැබීමට වාසනාවන්තය. පා පිට නිර්මලද, නෙළුම් පෙති පියන් සේ මොලොක්වද යුක්ත වූයේ නම් එම ස්ත‍්‍රියද ඉතා වාසනාවන්තය. පාදයේ දෙවෙනි ඇඟිල්ල මැඳගිල්ලට වඩා මදක් දික්ව පොළොව ස්පර්ෂ කරයි නම් යහපත් වාසනාවන්ත දරුවන් හිමිව සැපවත් දිවියක් ලබන්නේය.   

දික් සහිත පා හිමිවීමද වාසනාවන්තය. කෙටි පාද කපටිකම හා වංචනික බව ​ෙහලිකරයි. සුළඟිල්ල අනෙක් ඇඟිලිවලට වඩා උස නම් ඇය දුරාචාරයේ යෙදෙන්නීය. පය සම්පූර්ණයෙන්ම බිම් නොවදින්නේ නම් ඇය හිතුවක්කාරය. බිම වදින්නේ නම් වාසනාවන්තය. පය කකුළුවකුගේ මෙන්නම් ඇයට මෙහෙකාර වෘත්තියේ යෙදීමට සිදුවෙයි. පයේ ඇඟිලි වැඩිනම් බොහෝ දරුවන් ලබන්නීය. පාදයෙහි පතුල මැද නැවී උඩට නෙරා පිහිටියේ නම් පය බිම තැබූවිට දෙපැත්ත පෙනෙන කුහරයක් සේ පිහිටියේනම් ඇය දිවි ඇතිතෙක්ම දිළින්දියක් ලෙස කල් ගෙවන්නීය.   

ගමන් කරනවිට එක් පාදයක් ඇළකර තඹමින් හෝ පය බිම අද්දමින් හෝ එම දෙයාකාරයෙන්ම හෝ ගමන්කරන ස්තිය මවගෙන් හෝ පියාගෙන් ද‌ායාදයක් නොලබයි. තරුණ වියේදීම ඇය අනාචාරයට පෙළඹෙයි.

විවාහපේක්ෂාවෙන්  ඇසුරුකළ පිරිමිද ඇය අතහැරයති. කොතරම් ඉගෙනීම ලැබවත් ඉන් ප්‍රතිඵලයක් නොලබයි. විවාහයට පත් වූවන් ජීවිතය සාර්ථක නොවෙනු ඇත.   

යම් ස්ත්‍රියකගේ කණ්ඩා යුගලය මනාසේ පරිපූර්ණව පැහැපත් ජවි වර්ණයෙන් යුක්තවීම ලෝම රහිතව ලේ ශිරා මතු වී නොපෙනීම. දෙදන එක සමානවීමද වාසනාවන්තය. ඇයගේ පය ඇඟිලි එක පිට එක ගැසුනාවූ වේනම් ඉතා අසුබය. ඕ තොමෝ සිය සැමියා නසා වෙනත් හිමියන් සමඟ සතුටු වෙන බව කියැවේ. බොහෝවිට වෛශ්‍යාවන්ගේ පා ඇඟිලි මේ අයුරින් පිහිටා ඇතැයි කියනු ලැබේ. පාදයේ නිය සිනිඳුව වට වූ ස්වභාවයෙන් හා තඹ වර්ණයෙන් යුක්ත වූයේනම් ඇය බොහෝ සම්පත් ලබන්නීය. 

පාද නැමුන ආකාරයෙන් වූයේ නම් ඇය සද‌ාකල්හිම දිළිදු බවින් කල් ගෙවන්නීය. පා ඇඟිලි ඝනව මහපට ඇඟිල්ලේ සිට සුලගිල්ල දක්වා ක්‍රමයෙන් කෙටි වී පිහිටීමද ඉතාමත් සුභ ලක්ෂණයකි. යටිපතුල් රන් පැහැවීමත්. එහි රේඛා අතර මත්ස්‍ය රූප, වී ඇට, දියමන්ති නගුල, කඩුව යනාදී රූප සටහන් පිහිටා තිබීම රජ බිසවකට සමාන සැප සම්පත් ලැබීමට හේතු වනු ඇත.   

මහපට ඇඟිල්ල දිග්ව මහත්වී තද ගතියෙන් යුක්තනම් ඇය එඩිතරය. අහංකාරය, වැඩිදෙනාගේ අප්‍රසාදයට ලක්වේ. එහෙත් සැප සම්පත් වලට උරුමකම් කියන්නීය. රතු පැහැයෙන් යුතු ඇඟිලි පෙළ පොළොවේ ස්පර්ශවේනම් ඇය විවිධ වූ සම්පත් වලට හිමිකම් කියන්නීය. රාජ්‍ය සම්මාන පවා හිමිවෙයි. රජ බිසවක්සේ සම්පත්තීන් ලබයි.   

අනාමික ඇඟිල්ල හෙවත් පයේ දෙවෙනි ඇඟිල්ල මසින් පිරි මහපට ඇඟිල්ල දෙසට නැඹුරුවූයේ නම් දෙමාපිය වැඩිහිටියන්ගේ ගෞරවයට බඳුන්වේ. චරිතය නොකැලැල්ය. කුල සිරිත් රකී. හිමියාගේ නොමද ආදරය ලබයි. සැපවත් යුග දිවියක් හිමිය. පතිභක්තියෙන් යුක්ත වන්නීය. අනාමික ඇඟිල්ල හා මහපට ඇඟිල්ල වඩා දිග්ව සිහින්ව පිහිටියේ නම් සැමියා සමඟ නිතර අඩදබර ඇති කරන්නීය. ඔහුව පාලනය කරන්නීය. අනාමික ඇඟිල්ල මැදඟිල්ලට වඩා මදක් දිග්ව පොළව ස්පර්ශ කරයිනම් යහපත් දූ දරුවන් හිමිවේ. සැපවත් දිවියක් හිමිය.   

මුල් ඇඟිලි තුනෙහිම තද කාල වර්ණ රෝම පිහිටියේ නම් දුක් දොම්නස්, ඈ සොයා පැමිණේ. විවාහය සැපතක් නොවේ. පවුලේ සාමය සමගිය ඇයට අහිමිය. ගමනේදී ඇඟිලි තුළින් ශබ්දයක් බිහිවේනම් ජීවිතයේ සැඳෑ සමයේ දුක් විඳීමට හේතුවේ.   

පිරිමියකුගේ පාදවල ඇඟිලි කෙටිවීම ශුභ නොවේ ඒවා සම දිගින් පිළිවෙළකට පිහිටා තිබීම වාසනාවන්තය. ඇගිලි අතර ලොකු හිඩැස් ඇත්තේ නම් හෙතෙම ගෘහ සේවකයෙකු වන බවට සලකුණක්සේ සැලකිය හැක. කෙනෙකුගේ දෙවෙනි ඇඟිල්ල පළමු ඇඟිල්ලට වඩා දිගනම් ඔහුට තමාගේ භාර්යාවද අහිමිවීමට ඉඩ ඇත. එය පළමු ඇගිල්ල හා දිගින් සමවේනම් යහපත්ය.

තුන්වෙනි ඇඟිල්ල දිග නම් ඉගෙනීමේ කටයුතු වලට වඩාත් නැඹුරුවෙයි. එය දෙවෙනි ඇඟිල්ලට වඩා කෙටිනම් හෙතෙම පරදාර සේවයේ යෙදෙන්නෙකුවේ. පළමු ඇගිල්ල හතරවෙනි ඇගිල්ලට වඩා දිගුවේ නම් ඔහු සතුටින් කල් ගෙවන මහා සම්පත් ඇත්තෙකුවෙයි. දෙවෙනි ඇගිල්ල බොහොසේ දිගුනම් එවැනි අය සමාජයේ අවමානයට ලක්වේ.   

මාපටඟිල්ලත් පළමු ඇඟිල්ලත් අතර විශාල පරතරයක් ඇත්තේ නම් හේ පුළුල් හදවතක් ඇත්තෙකි. එම පරතරය දෙවෙනි ඇඟිල්ලත් තුන්වෙනි ඇඟිල්ලත් අතර වේ නම් ඔහු අලුත් අදහස් ඉදිරිපත් කිරීමේ සමතෙකි. එම පරතරය තුන්වෙනි ඇඟිල්ලක් හතරවෙනි ඇඟිල්ලත් අතර වේනම් ක්‍රියාවෙන් නිදහස් අයෙකු වන අතර ආත්ම විශ්වාසයකින් යුතුව කටයුතු කරන්නෙකු වේ   

(පැරණි පතපොත ඇසුරිනි)   හිමුටානේ පියතිලක ද අල්විස්  

158 හිඹුටාන, මුල්ලේරියාව නව නගරය

lankadeepa

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

වගා කව සහ අඟහරු වල ආලෝකබෝලය අතර අබිරහසක්‌? (crop circle අබිරහස් අඩවිය - Abirahas Adawiya - නොවිසඳුණු අබිරහස් novisadunu abirahas unsolved mysteries )

අඟහරු ග්‍රහයා මත ගවේෂණයේ යෙදී සිටින කියුරියොසිටි රෝවරය මඟින් අඟහරු ග්‍රහයා මත චලනය වන සුළු ආලෝක බෝලයක්‌ පෙන්වන ඡායාරූප මාලාවක්‌ ගෙන තිබේ. එම ඡායාරූප රැගත් විඩියෝ පටයක්‌ නොවැම්බර් 29 දින යූ ටියුබ් ඔස්‌සේ මුදාහැර ඇත. සුළු ආලෝක බෝලය පෙන්වන ඡායාරූප ගෙන ඇත්තේ ජනවාරි 29 දින කියුරියොසිටි රෝවරයේ ඉදිරිපස ඇති දකුණු සහ වම් හැස්‌කැම්ස්‌ කැමරාවලිනි. එක්‌ කැමරාවකින් ඡායාරූප 4 බැගින් ඡායාරූප 8 කම එම ආලෝක බෝලය දකින්න ලැබේ. අවස්‌ථා 4 දිම සුළු ආලෝක බෝලය වෙනස්‌ ස්‌ථාන 4 ක ඇති ආකාරය පෙන්වයි. ඡායාරූප රැගෙන ඇත්තේ මිනිත්තු 15 ක කාලයක්‌ තුළ එකම ස්‌ථානයක සිටය. ඒවා ගනු ලැබූ දෘෂ්ටිකෝණය වෙනස්‌ වන්නේද ඉතා සුලු වශයෙනි. එයින් හැඟෙන්නේ සුළු ආලෝක බෝලය චලනය වී ඇති බවකි. වම් සහ දකුණු හැස්‌කැම් කැමරා දෙකම එකම ආලෝක බෝලය පෙන්වන නිසා එය එක්‌ කැමරාවක දෝෂයක්‌ නිසා පෙනෙන දෙයෑක්‌ යෑයි කීමටද නොහැකිය. 

මේ චලනය වන සුළු ආලෝක බෝලය කුමක්‌දැයි ප්‍රශ්නයක්‌ වී ඇත. එය සමහර විට පෘථිවියේ අකුණු කුණාටු සමඟ කලාතුරකින් දකින්න ලැබෙන අකුණු බෝලයක්‌ Ball lightningවැනි ස්‌වභාවික දෙයක්‌ වන්නට පුළුවන. අඟහරු ග්‍රහයා මත දූවිලි කුණාටු ඇති විට අකුණු ඇතිවන බව අනාවරණය වී ඇත. නමුත් කියුරියොසිටි රෝවරය මඟින් ගනු ලැබූ ඡායාරූප වල දූවිලි කුණාටුවක ලකුණු දක්‌නට නොවේ. එහි දැක්‌වෙන්නේ පැහැදිලි අඟහරු දිනකි. කැමරා දෝෂයකුත් නොවේ නම් අකුණු බෝලයකුත් නොවේ නම් සමහර විට එය අඟහරු ග්‍රහලෝකයේ ඇති කිසියම් බුද්ධිමත් දෙයක්‌ විය හැකිය. හඳුනා නොගත් පියාඹන වස්‌තු පර්යේෂකයෙකු වන පාඔලෝ හැරිස්‌ ගේ UFOs:How Does One Speak to a Ball of Light නම් ග්‍රන්ථයේ ආලෝක බෝල සන්නිවේදනයේ යෙදීමට හැකියාවක්‌ ඇති දැනීමක්‌ ඇති දෙයක්‌ වෙන්නට පුළුවන් බව පෙන්වා දෙයි. ඒ කිසිවක්‌ නොවේ නම් එය වෙනත් කෘත්‍රිම ප්‍රබවයක්‌ විය යුතුය. සමහර විට එය අඟහරු ග්‍රහයා මත කුමන හෝ ස්‌ථානයක සිට තාක්‌ෂණික වශයෙන් ඉතා දියුණු පිරිසක්‌ විසින් මෙහෙයවනු ලබන ජීවින් නොමැති යානයක්‌ විය හැකිය. පෘථිවියේ වගා කවයන් නිර්මාණය වූ ස්‌ථාන වලද සුළු ආලෝක බෝල වීඩියෝ කර තිබේ.

වගා කවයන් ලෙසින් හඳුන්වන්නේ තිරිඟු, බාර්ලි, රයි හෝ ඉරිඟු වැනි තැනිතලා වගාබිම් වල දකින්න ලැබෙන අක්‌කර ගණන් විශාල හැඩ තල වලින් නිර්මාණය වී ඇති රටාවන්ය. කවයක්‌ ලෙසින් හැඳින්වූවත් ඒවා නිතරම කවයක ස්‌වරූපයම නොගනී. ඒවායේ පෙනුම සරල වක්‍ර කීපයකින් සැදි රටාවල සිට සංකීර්ණ විස්‌තර සහිත රටාවන් දක්‌වා විහිදිය හැකිය. සමහර රටාවන් ගණිතමය සමීකරණ පදනම් කරගෙන කළ ඒවාය. ඇතැම් රටාවල නිශ්චිත පිහිටුවීම් අනුව නිර්මාණකරුට යුක්‌ලීඩ් ජ්‍යාමිතිය සම්බන්ධව පුළුල් දැනුමක්‌ ඇති බවක්‌ පෙනවයි. වගා කව බොහෝ විට දකින්න ලැබෙන්නේ අප්‍රේල් සහ සැප්තැම්බර් අතර වගාව වැඩෙන කාලයේය. බොහෝවිට රාත්‍රියේ නිර්මාණය කර උදෑසන දකින්න ලැබෙන්න නිසා නිර්මාණකරු හෝ නිර්මාණය කරන ආකාරය දකින්න නොලැබේ. මේ නිසා වගා කව නිර්මාණය කරන්නේ කවරෙක්‌ද යන්නට විවිධ අදහස්‌ පවතී. සුළිසුළං, පිටසක්‌වල ජීවින්, මිනිසුන් සහ පෘථිවියේ ශක්‌තිය එම අදහස්‌ අතර වේ.

රටාව නිර්මාණය වී ඇත්තේ අවශ්‍ය පරිදි වගාව තලා බිමට ඔබා තැබීමෙන් වන අතර සෙසු වගාවට කිසිදු පීඩාවක්‌ වූ බවක්‌ පෙනෙන්නට නොවේ. රටාවල කෙළවර කිසියම් යන්ත්‍රයකින් කළා යෑයි හිතෙන තරමට පැහැදිලි බවක්‌ ගනී. තලා ඇති වගාවෙ වූවද කඳ නමා තිබුණත් ඒවාට හානියක්‌ වූ බවක්‌ පෙනෙන්නට නොවේ. බොහෝ වෙලාවට තැලී ඇති වගාව වුවත් පසුව ස්‌වභාවික ලෙස වැඩීම සිදුවේ. 

වගා කව වැඩි ප්‍රමාණයක්‌ දකින්න ලැබෙන්නේ එංගලන්තයේ දකුණු දිගට වන්නටය. එක්‌සත් ජනපදය, කැනඩාව, ඕස්‌ටේලියාව, ජපානය සහ ඉන්දියාව ඇතුළුව ලොව වෙනත් ප්‍රදේශ වලද වගා කව දක්‌නට ලැබී ඇත. මුලින්ම වගා කවයක්‌ පිළිබඳ වාර්තා වී ඇත්තේ 1500 ගණන්වලය. 17 වන සියවසේ ඉංග්‍රීසී ලී කැපුම් මූර්තියක යක්‌ෂයෙක්‌ වැනි සත්වයෙක්‌ වගා කවයක්‌ නිර්මාණය කරන ආකාරය දක්‌වයි. විසි වන ශතවර්ෂය වන තෙක්‌ වගා කව අසන්නට ලැබෙන්නේ ඉතාමත් අඩුවෙනි. 1960 ගණන් වල සහ 1970 ගණන් වල එංගලන්තයේ සහ එක්‌සත් ජනපදයේ වගා කව දකින්න ලැබුණත් ඒවා ගැන වැඩි ලෝක අවධානයක්‌ යොමු වූයේ 1980 එංගලන්තයේ විල්ෂයර් ප්‍රාන්තයේ වගා කවයත් සමඟය. ගොවියෙකුගේ ඕට්‌ වගාබිමේ හරහට මීටර් 18 ක්‌ දිග ඇති කව තුනක රටාවක්‌ එහිදී දක්‌නට ලැබුණි. 1990 ගණන් වලදි වගා කවයන් සංචාරකයින් ඇදගන්නා දෙයක්‌ බවට පත් වී ඇති අතර ගොවියන් ඒවා පෙන්වීමට මුදල් පවා අයකරගෙන තිබේ. 1990 දි පමණක්‌ 500 කට වඩා වගා කවයන් යුරෝපයේ ඇති වී තිබුණි. 

බොහොමයක්‌ පර්යේෂකයන් විශ්වාස කරන්නේ වගා කව මිනිසුන්ගේම වැඩක්‌ ලෙසයි. 1991 දි බ්‍රිතාන්‍ය ජාතික හවුලක්‌ වූ ඩග් බව_ සහ ඩේව් චෝලෙ ඔවුන් 1978 පටන් සිය ගණන් වගා කව නිර්මාණය කළ බව 1991 දි ප්‍රසිද්ධියේ කියා සිටියේය. ඒ බව ඔප්පු කිරීමට එම හවුල බීබීසී සේවයේ වැඩසටහනක්‌ වෙනුවෙන් ලෑල්ලක්‌ සහ ලණුවක්‌ යොදා ගනිමින් වගා කවයක්‌ නිර්මාණය කර පෙන්නුවේය. වගා කව පිළිබඳ අධ්‍යනය කරන්නෙකු වන කොලින් ඇන්ඩෘස්‌ 80% ක්‌ පමණ වගා කව මිනිසුන් නිර්මාණය කළ ඒවා විය හැකි වූවත් ඉතිරි ඒවා කිසියම් ඉහළ බලයක වැඩක්‌ විය හැකි බව පවසයි. 

බොහෝ අය වගා කව හඳුනා නොගත් පියාඹන වස්‌තූන්ගේ නිර්මාණයක්‌ ලෙසටද දකී. නමුත් පිටසක්‌වල ජීවින් වගා කව නිර්මාණය කරනවා දුටු කෙනෙක්‌ මෙතෙක්‌ සොයා ගෙන නැත. වගා කව අසල දීප්තිමත් ආලෝක බෝල දුටු බවට නම් නොයෙක්‌ විට වාර්තා වී තිබේ. ඒවා දක්‌නට ලැබී ඇත්තේ රාත්‍රී කාලයේදිය. ඒ සෑම විටකම උදෑසන වගා කවයක නිර්මාණයක්‌ හමුවී ඇත. ඇතැම් ස්‌ථානවල තනි දීප්තිමත් ආලෝක බෝලයක්‌ ලෙසත් තවත් ස්‌ථාන වල කීපයක්‌ ලෙසිනුත් දුටු බවට සාක්‌කි තිබේ. වාර්තා වන ආකාරයට ඒවායේ ප්‍රමාණය බිත්තරයක සිට පාපන්දු බොලයක්‌ දක්‌වා වේ. ආලෝක බෝල මඟින් වගා කව නිර්මාණය කරන ආකාරය දුටුවායෑයි ප්‍රකාශ කරන කීපදෙනෙකුද සිටී. සෑම ආලෝක බෝලයක්‌ම ප්‍රදේශයෙන් පිටව ගොස්‌ ඇත්තේ පියාසර කරමිනි. 2014 ජුනි 3 රාත්‍රියේ ඕලන්දයේ tanddaarbuiten නම් ගමේදී රොබට්‌ බ්‍රොaක්‌ සහ රෝයි බුෂ්මන් යන දෙදෙනාට ආලෝක බෝලයක්‌ දකින්න ලැබී තිබේ. ඔවුන් ප්‍රදේශය පරීක්‌ෂා කිරීමට ගිය විට ඔවුන්ට විශාල ගුමු ශබ්දයක්‌ ඇසී ඇත. ඔවුන් ඉදිරියේ ශක්‌තිමත් විද්යුත් ක්‌ෂේත්‍රයක්‌ ඇති බව දැණුන බවත් මුළු සිරුරම පොපියන ගතියක්‌ දැණුන බවත් ඔවුන් පවසයි. දෙදෙනාම තිරිඟු වගාවට ඉහළින් වූ පා පන්දුවක්‌ තරම් විශාල ආලෝක බෝලයක්‌ මුළු ප්‍රදේශයම එළිය කරන අයුරු දැක ඇති අතර ඔවුන් ඉදිරියේ පිපිරෙන හඬ සමඟ කව නිර්මාණය වී තිබේ. 

වගා කව අසළ දකින්නට ලැබෙන දීප්තිමත් ආලෝක බෝල මොනවාදැයි කිසිවෙකුත් නොදනී. ඒවා පෘථිවියෙන් බාහිර දෙයක්‌ ලෙසට සැලකේ. එසේ නම් සමහර විට කියුරියොසිටි රෝවරයේ කැමරාවන්ට හසුවූ සුළු ආලෝක බෝලයත් පෘථිවියේ දකින්න ලැබෙන දීප්තිමත් ආලෝක බෝලත් අතර සම්බන්ධතාවක්‌ තිබෙන්නටද පුළුවන. 

Ö නිල්මිණි රාජපක්‍ෂ රදලගේ - divaina

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

සෙංකඩගල පැරැණි බෝගම්බර වැව වැනසුණේ කොහොමද? (අබිරහස් අඩවිය - Abirahas Adawiya - ශාස්ත්‍රීය ළිපි)

දැනට අවුරුදු 125 පමණ පෙර මුළුමනින් ම විනාශව ගිය ඓතිහාසික පැරැණි බෝගම්බර වැව ගැන කෙටි සටහනක්‌ මෙහි එයි. පැරැණි බෝගම්බර වැව ජනප්‍රවාද අනුව ඇරඹුයේ පළමු විමලධර්මසූරිය රජුය. (ක්‍රි. ව. 1592 - 1604) ඒ බව පැරැණි මූලාශ්‍රවල නැත. ඓතිහාසිකව බැලූ විට මේ වැව කළේ දෙවැනි රාජසිංහ (ක්‍රි. ව. 1636 - 1687) බව පෙනෙයි. සෙංකඩගල මුල්කල ලියවුණු මන්දාරම්පුර පුවත ඉතිහාස කාව්‍යය දෙවැනි රාජසිංහ රජු වැව් 32 ක්‌ කළ බව කියයි. පැරැණි බෝගම්බර වැව මේ රජු කළ වැව් තිස්‌ දෙකෙන් එකක්‌ විය යුතුයි. අද මහනුවර බස්‌ නැවතුම්පළ, ඔරලෝසු කණුව, පොදු වෙළෙඳපොළ, බෝගම්බර ක්‍රීඩාපිටිය, මහනුවර අධ්‍යාපන දෙපාර්තමේන්තුව, ප්‍රධාන තැපැල් කාර්යාලය, දුම්රිය ස්‌ථානය, මහනුවර පොලිස්‌ ගොඩනැඟිල්ල, ගණදෙවි කෝවිල පුරා පැතිර ගිය විශාල බිමක එදා පැරැණි බෝගම්බර වැව විය.

පළමු විමලධර්මසූරිය

දුනුමඬලාd ඔය හරස්‌ කර බැඳ තිබූ මේ වැවට දුනුමඬලා ඔයේ ජලය දුනුමඬලා කන්ද, හන්තාන කන්ද, බහිරව කන්ද, උඩවත්ත කැලේ හා අම්පිටිය දෙසින් ගලා ආ ජලය ද ලැබුණි. (දැනට ඇති බෝගම්බර වැව 1810 - 1812 අතර ශ්‍රී වික්‍රම රාජසිංහ රජු කරවූවකි. (දැනට මහනුවර නගරයේ ජල බැස්‌ම මේ පැරැණි වැව වූ දෙසටයි. වර්ෂාව වේලාවක මහනුවර දුම්රියපළේ පැය භාගයක්‌ සිටියොත් අඩි දෙකකට වඩා උසට වතුර එකතු වෙයි. මහනුවර අධ්‍යාපන දෙපාර්තමේන්තුව යාව නව ගොඩනැඟිලි සැදීමේදී අඩි පහක්‌ පමණ යට සෑරීමේදී පුවක්‌ ගසක්‌ තරම වතුර ගොබ නොනවත්වා මතු විය. ගණදෙවි කෝවිල පිටුපස

ද මෙවැනි විශාල අල්පත් මතුවෙයි. මේ සියල්ල පැරැණි වැවේ උල්පත්ය. එදා පැරැණි වැවේ එක්‌ මායිමක්‌ වූයේ කැප්පෙටිපොල විශ්‍රාම සාලව අසලය. කැප්පෙටිපොළ හිස ගසා දැමූවේ එහිය. කැප්පෙටිපොල නිලමේ හිස ගසා දැමූ තැන අද කැප්පෙටිපොල බෝධිය හා කැප්පෙටිපොල විශ්‍රාම ශාලාව ඇත. කැප්පෙටිපොළ පැරැණි බෝධිය අද ඇත්තේ ඉන් මතු වූ ශාඛාවකි. දැන් ගණදෙවි කෝවිල (සෙල්ව විනායගර් කෝවිල) පිටුපස පැරැණි වැවේ කෙළවර තවත් ස්‌වභාවික පැරැණි නාන තොටුපල හා පොකුණක්‌ විය. අද ගණදෙවි කෝවිලේ පුද ලබන ගණදෙවි රුව ඒ පොකුණේ යට වී තිබුණු එකකි. ගණදෙවි කෝවිල ගාව වෙම්බ්ලි සිනමා හල අසළ පැරැනි වැව පාර (ඕල්ඩ් ලේක්‌ රෝඩ්) යන නාම පුවරුව ඇත. ඒ අනුව පැරැණි වැවේ එක්‌ කෙළවරක්‌ මේ විය. පැරැණි වැව් කෙළවර අල්ලා තිබූ ඔප දැමූ ගල් ලෑලි පැරැණි වැව පාරේÊනිවසක පියගැට ලෙස අල්ලා තිබෙනු අවුරුදු 15 පමණ පෙර දුටුවා මට මතකය.

ඇහැලේපොල

වැව කෙළවර ගණදෙවිs කෝවිල අසල එදා සෙංකඩගල නගරයේ වැදගත් ස්‌ථාන දෙකක්‌ විය. ඒ කුමාර හපුව හා සැරහුම් පළයි. සැරහුම්පළ යාව තිබූ කුමාරහපුව එදා නගරයේ වූ ඉපැරැණි ගසකි. අද ඒ ගස නැත. බෝගම්බර වැවේ ජලයෙන් දෙයියන්නේවෙල, මුල්ගම්පල, ගැටඹේ කඹුරුයායවල් වගා කරන ලදී. මුලින් මාතලේ රත්තොට අවට පුද ලැබූ බෝගම්බර දෙවිඳුට කැප කළ දේවාලයක්‌ මේ සීමාවේ වූ තිසා වැව බෝගම්බර වැව ලෙස ප්‍රසිද්ධ විය. බෝගම්බර දෙවි ඉන්දියාවේ සිට ආවෙකි.

රොබට්‌ නොක්‌ස්‌ගේ 'ලංකා විස්‌තරය' අනුව සතුරන් ආ විට රජු තම වටිනා වස්‌තුව මහවැලි ගඟට හා මේ වැවට දැමූ බව කියයි. රජු මිනී කන කිඹුලන් වැවේ ඇති කළ නිසා එදා කිසිවකු වැව දෙසට ගියේ නැති බව වොක්‌ස්‌ කියයි. ශ්‍රී වික්‍රම රාජසිංහ රජු (ක්‍රි. ව. 1798 - 1815) ඇහැලේපොල කුමාරිහාමී ඇතුළු ස්‌ත්‍රීන් ගෙලේ ගල් බැඳ ගිල්වා මැරුවේ මේ පැරණි බෝගම්බර වැවේය. (ඇතැම් රාත්‍රියක මේ වැව වු දෙස සිට ඇහැලේපල වලව්වේ දෙසට - දැන් ජනාධිපති මන්දිරය අසළ රිමාන්ඩ් බන්ධනාගාරය දෙසට ඇහැලේපොල කුමාරිහාමීගේ අවතාරය ගමන් කරනු දුටු කීපදෙනකු මට හමු වී ඇත.) උඩරට කැරැල්ල- 3 ග්‍රන්ථයේ තෙන්නකෝන් විමලානන්ද කියන පරිදි කැප්පෙටිපොළගේ හිස වම් කෙළවරදී ගසා දමා ඇත. මේ වැව ඉදි වු කල වැවේ එක්‌ කෙළවරක බෝගම්බර දෙවිඳුට කැප වූ බෝගම්බර දේවාලය හා අනිත් කෙළවර ජලයට අධිපති බහැරව කෝවිල ඉදි කළ බව පෙනෙයි. දැන් ගණ දෙවි කෝවිල ඇති බිමේ වූ මුල් කුඩා ගණදෙවි කෝවිල හින්දු බහුදේව වන්දනාව අනුව බහිරව කෝවිලකි. බහිරව කෝවිල පසු කළ ගණදෙවි කෝවිල ලෙස ප්‍රකට වූ බව පෙනෙයි. පැරැණි බහිරව කෝවිල සිට පුෂ්පදාන බාලිකා මහා විද්‍යාලය ඔස්‌සේ බහිරව කන්දට පාර විහිදෙයි. නියඟ දුරලා වර්ෂාව ලැබීම සශ්‍රීකත්වය ජලයට අධිපති ලෙස එදා බාහිරව පුදනු ලැබීය.

දොළ පිහිල්ලේ ලිවූ ඉන්ද ඩේස්‌ ඔµa ද ශ්‍රී වික්‍රම රාජසිංහ ග්‍රන්ථය අනුව එදා බහිරවයාට නර බිලි පවා පුදා ඇත. දෙයියන්නේවෙලට ඒ නම ලැබුණේ බෝගම්බර දෙවිඳුට කැපව තිබූ දේවාලය නිසාය. පැරැණි බෝගම්බර වැව විනාශ වීමට හේතු කවරේද?

'පවන' නම් ප්‍රශස්‌ති කාව්‍යය අනුව 1661 බිහිසුණු ගංවතුරක්‌ විය.

'පවන' ප්‍රශස්‌ති කාව්‍යය අනුව 1678 මහනුවර හා අවට බිහිසුණු භූමි කම්පාවක්‌ විය. මහනුවර හා අවට වැව් කීපයක්‌ විනාශයට මේ හේතු විය. (පවන කිරිඇල්ලේ ඥාණවිමල හිමි මුද්‍රණය කරවා ඇත.)

නාවුල්ලේ ධම්මානන්ද හිමි "මධ්‍ය ලංකා පුරාවෘත්ත' ග්‍රන්ථය අනුව 1706 සිදුවූ දරුණු ගංවතුරක්‌ වැව විනාශයට හේතු විය.

1817 - 18 උඩරට කැරැල්ලට පසු අවුරුදු දොළහක්‌ දළදා පෙරහැර තහනම් විය. රටේ දරුණු නියඟයක්‌ ඇති විය. මේ නියඟ දුරළීමට 1828 අවුරුදු 12 පසු දළදා හිමි ප්‍රදර්ශනය හා පෙරහැර විය. 1828 දළදා පෙරහැර සමඟ දළදා වතුර නමින් ප්‍රකට මහා ගංවතුරක්‌ ඇති විය. වැව විනාශයට එය ද හේතු විය.

කඳුවලින් වර්ෂා ජලය සමඟÊපස්‌ සෝදා අවුත් වැව පිරීයැම, වැව පස්‌ ඉවත් නොකිරීම හා නඩත්තු නොකිරීම සිදුවිය.

කොළඹ - මහනුවර පාර 1841 වැඩ නිම විය. එහි අවසන් කොටස වැව කොටසක්‌ හරහා ආ බැවින් වැවේ කොටසක්‌ ගොඩ කිරීමට සිදුවිය.

කොළඹ - මහනුවර දුම්රිය පාර 1867 නිම විය. 1867 දුම්රිය පාරට වැව මැදින් කොටසක්‌ යට විය.

බ්‍රිතාන්‍යයේ 7 එඩ්වඩ් කුමරා 1875 ලංකාවට ආවේය. කුමරු පිළිගැනීමට මහනුවර වෙනස්‌කම් කීපයක්‌ කළේය. මඟුල් මඩුව පළල් කිරීම, පත්තිනි දේවාලය අසල වතුර වළ සෑදීම. අලුත් බෝගම්බර වැවේ බිම්ම අලුත්වැඩියාව හා කැබලි වී තැනින් තැන විනාශව ගොඩ වී තිබූ පැරැණි වැව 1875 මුළුමනින්ම ගොඩකර බෝගම්බර ක්‍රීඩා පිටිය සැකසීම. වැව නැතත් බෝගම්බර ක්‍රීඩා පිටිය නමින් අද නම ඇත.

මහනුවර - මාතලේ දුම්රිය පාර 1878 වැඩ අරඹා 1880 නිම විය.

1875 හත්වැනි එඩ්වඩ් කුමරු පිළිගැනීමට වැව මුළුමනින්ම ගොඩකර පිට්‌ටනියක්‌ ලෙස සැකසූ පැරැණි වම් ඉවුරේ වටිනා දේ තිබුණා නම් 1878 - 1880 මාතලේ දුම්රිය පාරට ඒවා යට විය. ආදාහනමළුව විහාරයේ පැරැණි රජවරුන්ගේ සොහොන් කොත් අඩංගු කොටසක්‌ ද මහනුවර මතෙලේ දුම්රිය පාරට යට විය.

එස්‌. කේ. ජයවර්ධන - divaina

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

හෙළ ඉතිහාසයේ මහා රාවණ යුගය.......(අබිරහස් අඩවිය - Abirahas Adawiya - rawana )

හෙළ අසුර අධිරාජ්‍යයේ ස්වර්ණමය අවධිය ලෙස සැලකෙන්නේ මහා රාවණ යුගයයි. භාරතයේ හින්දුන් රාවණ නමට කොතෙක් බියද යන්න පැහැදිලි වන්නේ වාර්ෂික ‘‘දුසේරා’’ ආගමික උත්සවය පවත්වමින් රාවණ රූපය, පුලුස්සන නිසාය. රාමායණයේ ‘‘දසිස් රාවණ’‘ ලෙසද, සිංහල සාහිත්‍යයේ ‘‘රාවණ රවුළු’’ ලෙසද, යක්‍ෂ ගෝත‍්‍රිකයන්ගේ වරිගපූර්ණිකාවේ ‘‘රාවණ රණබා’’ ඔහු හැඳින්වේ. මෙම අවධියේ දකුණු අමෙරිකාවේ අන්දීස් කඳු මත පාතාල රාජ්‍යය දක්වා බටහිරටද දකුණු යුරෝපයේ රමණීය (රොමානියා) රට හා ඉතාලියේ රෝමාණු (රෝමය) සහ මැද දෙරණ (මධ්‍යධරණී) බැබිලෝනියාව ඇතුළු මැද පෙරදිගද, නැගෙනහිරට රමණක (ෆීජි දූපත්) දක්වාද මෙම සංස්කෘතික අධිරාජ්‍ය බටහිර නැගෙනහිර දෙසට ව්‍යාප්තව පැතිරී තිබුණි. මේ නිවර්තනික ජීවන රටාවයි. දකුණු යුරෝපයේ මධ්‍යධරණී මුහුද වටාද ධාන්‍යය, ඵළවළු, පලතුරු හොඳින් වගා වීම නිසා බලපෑම් ඇතිවුණි. අති පෞරාණික ලෝකයේ දක්නට ඇති විශාලම සංස්කෘතික කලාපය එයයි. ඒ තුළ රාවණ අවධිය විශිෂ්ට වන්නේය. මහා රාවණට පෙළපතක් ඇත.  

රාවණ පෙළපතේ මුත්තා පුලස්ති

 උත්තම දරුවන් ලැබීමේ න්‍යාය තුළ සෘෂිවරුන්ගෙන් හා මුනිවරුන්ගෙන් කාන්තාවන් දරුවන් ලබාගැනීමේ විධි ක‍්‍රමය තුළට රාවණගේ මව් පාර්ශ්වය හා පිය පාර්ශ්වය යන දෙපාර්ශ්වයම ඇතුළත්ය. පිය පාර්ශ්වයේ බලන විට විශ‍්‍රවස් පියා බලගතුම මුනිවරයෙකි. පියාගේ (විශ‍්‍රවස්) පියාද පුලස්ති නමැති බලවත් සෘෂිවරයාය. මව් පාර්ශ්වය ගත්විට මවගේ පියා නොහොත් සීයා වන සුමාලී රකුස් රජු කාශ්‍යප මුනිට දාව මන්දාත කුසින් බිහි විය. සමකාලීන ලෝකයේ බලවත්ම සෘෂි පාලකයා වීමට මහා රාවණට මෙසේ සූදානම් විය. සුමාලී රකුස් රජු තම දුව වන කෛකසී කුමරිය දරුවන් ලැබීම සඳහා විශ‍්‍රවස් මුනි වෙතට යැව්වේ අසුර අධිරාජ්‍යයට අනාගතයේදී උපද්‍රව ඇතිවිය හැකි නිසා බලවත් පාලකයකු ඇතිකර ගැනීමටයි.  

පුලස්ති සෘෂි විසුවේ පුලස්තිපුර නොහොත් පොලොන්නරුවේය. ඔහු භාවනා කිරීම සඳහා අනුරාධපුරයේ වෙස්සගිරියේ පිහිටි තණචොඩක (සංස්කෘත තෘණබින්දු) සෘෂිවරයාගේ අසපුවට ආවේය. එහිදී තණ චොඩකගේ තරුණ දූවරුන්ගේ කෑගෑසීම්, සිනා ආදි ශබ්ද නිසා බාධා ඇතිවිය. ඉන් කෝපයට පත් පුලස්ති ප‍්‍රාර්ථනා කළේ තමා සමාධියෙන් නැගී සිට ඇස් ඇරියවිට පළමුවෙන් දකින තරුණිය ගැබ් ගනීවා යනුවෙනි. ඔහු පළමුවෙන් දුටුවේ තණචොඩක සෘෂිගේ දියණි හවිර්ගුය. ඇය ගැබ් ගත්තාය. ඇයට ලැබුණු දරුවා පසු කලෙක බලගතු මුනිවරයකු විය. ඒ විශ‍්‍රවස් මුණිය. අනුරාධපුර විශ‍්‍රවස්ගිරි නොහොත් වෙස්සගිරිය නම් වී ඇත්තේ විශ‍්‍රවස්ගේ නමිනි. 

තෘණබින්දු සෘෂිගේ අසපුව අසලම විශ‍්‍රවස් මුනිඳු විසූ බව සෙල්ලිපි අංක 88න් පැහැදිලි වේ. ලංකා ශිලාලිපි සංග‍්‍රහය I වෙළුම සංස්කරණය මහාචාර්ය සෙනරත් පරණවිතාන මෙසේ දක්වයි. තණචොඩක නාමය විකෘතිකර ඇත.   

අනුරාධපුර වෙස්සගිරි ලිපි: අංක 86 ගලෙහි ලිපිය තණචොඩක දතහ ලෙණෙ පුරාවිද්‍යා කියවීම ගණචොඩක දතහ ලෙණෙ (විකෘති කියවීම) වාපිත්, සෙම් (ත‍්‍රිදෝෂ) සංකල්පය ලොවට ඉදිරිපත් කළේ පුලස්ති සෘෂි බව සුශ‍්‍රැත සංහිතාව පවසයි.  

රාවණ සීයා (විශ‍්‍රවස් මුනි)

 තෘණ බින්දු සෘෂිගේ දියණියගේ දරුවා වූ විශ‍්‍රවස් මුනිද්‍ා වෙස්සගිරියේම විසූ නිසා එය ‘‘වෙස්සගිරිය’’ විය. ලංකා ශිලා ලේඛන සංග‍්‍රහය- I​ වෙළුම සංස්කරණය මහාචාර්ය පරණවිතාන මෙසේ දක්වයි ලිපිය අංක 88   

ගලෙහි ලිපිය: පරුමක විසව පුත පරුමක...  

පුරාවිද්‍යා කියවීම: පරුමක විසදව පුත පරුමක...  

1913 කියවීමේදී ‘‘විසව’’ තිබූ තැනට 1950 වන විට ‘‘විසදව’’ ලෙස ‘‘ද’’ යන්නත් මැදට පැන ඇත. බැරිවීමකින් 1913 දී නිවැරදිව කියවන්නට ඇත. විශ‍්‍රවස් මුනිගේ නම සඳහන් සෙල්ලිපි ගණනක්ම පුරාවිද්‍යාව විසින් සොයා ගනු ලැබීමෙන් වැළකී ඇත.  

1. හොරොව්පතාන අසල වලස්තෙවුණ වැව ලිපිය. ‘‘පරුමක විසවගේ පුත් පරුමක රවණ ලෙණ.  

2. එම වලස්තෙවුණ වැවම ‘‘පරුමක විසව පුත් විභීෂණගේ ලෙණ’’  

3. මහනුවර අසල වේගිරිය දේවාලයේ ලිපිය ‘‘පරුමක විශ‍්‍රවස්ගේ පුත් පරුමක කුඹුක්කන්ගේ ලෙණ’’  

4. හොරොව්පතානේ එරපොතාන ලිපිය ‘‘පරුමක විශ‍්‍රවස්ගේ පුත් පරුමක කුබිරගේ ලෙණ’’   

මෙම ලිපි හතර සොයාගනු ලැබ ඇත්තේ නිදහස් පුරාවිද්‍යා, ගවේෂක පතිරආරච්චි නමැති අය විසිනි. පුරාවිද්‍යාව මේ සියල්ලට අන්ධව විශ‍්‍රවස් මිථ්‍යාවක් බව කියති.

රාවණාගේ මව්පස සීයා සුමාලි

 මීට පෙරද විස්තර දක්වා ඇති සුමාලි රකුස් රජු රාවණාගේ මව්පස සීයාය. ඇයද දේවයානිට ලැබුණේ කාශ්‍යප මුනි හා එක්වීමෙනි. ඔහුද බෝම්බ දමමින් දිග් විජය කල අධිරාජ්‍ය ගොඩනගන්නකු විය. සුමාලිට සුර ගුප්ත යයි නමක්ද විය. කතිර කුමරුගේ විශාල දේව සේනාවට ගොඩබිම යුද්ධයේදී සුමාලි රකුස් රජු පරාජය විය.  

මව්පිය පරම්පරාවක් හා දරු පරම්පරාවක් නැති රාම හා සීතා යන මනංකල්පිත චරිතවලට ඓතිහාසික වූ රාවණ සම්බන්ධ නොවන්නේය. රාමායණයට සියවස් තුනකට නොඅඩු කාලයකදී සම්පාදනය වූ දශරථ ජාතකයේ රාම, සීතා සහ ලක්‍ෂ්මණ සොයුරු සොයුරියන්ය. ඔවුහු වනයේ 12 අවුරුද්දක් ජීවත් වූහ. දසිස් රාවණ කෙනකු ඔවුනට සම්බන්ධ වීම හෝ රාම රාවණා යුද්ධයක් හෝ නැත. රාමායණයට අනුව රාම යනු විෂ්ණුගේ 6 වැනි අවතාරයයි. මනුෂ්‍යයකු නෙවේ. සීතා යනු ඕපපාතිකව නගුල් මිටෙන් උපන් තැනැත්තියකි. එබැවින් රාමායනය ප‍්‍රබන්ධකළ වාල්මිකී විසින්ම තම කෘතිය ප‍්‍රබන්ධයක් ලෙස පිළිගනී.  

‘‘රා’’ යනු ඉරයි. වණ යනු කණ්ඩායම නොහොත් සමූහයයි. රාවණ යනු පුද්ගල නාමයක් ලෙස නොව පෙළපත් නාමයක් ලෙස සැලකිය හැක. හිරුරැස් ප‍්‍රයෝජනයට ගෙන නිෂ්පාදනය කළ සූර්ය පෙළපත ලෙස මෙය සැලකීමට පුළුවන. දසිස් රාවණ ලෙස රාමායණයේද, රවුළු රාවණ ලෙස සිංහල සාහිත්‍ය ග‍්‍රන්ථවලද, රණබා ලෙස යක්‍ෂගෝත‍්‍රික වරිගපූර්ණිකාවේද මහා රාවණයන් හැඳින්වේ.  

රාවණගේ ඥාති සොයුරු කුබිර (කුවේරා) 

 ලංකාපුරය හා දඬුමොණරය (පුෂ්පක යානය) විශ්වකර්ම නොහොත් මය විසින් නිෂ්පාදනය කෙරුණේ. දේවයානීගේ පුත් සිංහමුඛ සඳහාය. නමුත් කතිර කුමරු තමා හා යුද්ධයට එන බව දැනගත් විට සිංහමුව පලාගියේ පාතාල රාජ්‍යය පිහිටි දකුණු ඇමෙරිකාවටයි. එවිට ලංකාපුරය අරාජික විය. දඬුමොනරය අස්වාමික වුණි.(පසු කලෙක රාවණයන් විසින් සෑදුණු නැකැත් අතර දඬුමොනරය නමැති නැකතක්ද විය. අද දකුණු පළාතේදී ඊට දඬුමරණය යයි කියති.)  

සිංහමුඛ පලාගොස් ලංකාපුරය හිස්වීම නිසා විශ‍්‍රවස්ගේ යක් බිරියක් වූ ඉල්විලාගේ පුත් කුබිර (කුවේර) එහි පාලකයා විය. එවිට දඩුමොනරයද ඔහු සතු විය. මෙය දසිස් රාවණගේ නොසතුටට හේතු වුනි. මව්පිය උභය පාර්ශ්වයෙන්ම සෘෂිවරුන්ට හා මුනිවරුන්ට තුන්වරක් ජාතක වූද, දශ ඥානයකින් යුතුව බුද්ධියෙන් බැබළෙන්නාවූද රාවණ පමණක් දැන් හිස් වූ ලංකාපුරයේ පාලක තනතුරට සුදුසු විය. එබැවින් ඥාති සොහොයුරු කුවේර නෙරපා හැර ලංකාපුරය තමා අතට ගැනීමට රාවණ කටයුතු කළේය. ඊට ඔහුට උදව් කළේ මවගේ ඥාති සහෝදරයකු (මාමා) වූ දුම්රක්ගල (දිඹුලාගල) විසූ දුම්රක් (ධූමරාක්‍ෂ) සේනාපතියාය. මෙකල විශ‍්‍රවස් විසූ සීගිරියට කුවේරද පලවා කොටුකරන ලදී. අන්තිමේදී එතැන් සිට විශ‍්‍රවස් සහ කුවේර වයඹදිග ඉන්දියාවේ පන්ජාබයට නෙරපූ බව ගරුඩපුරාණයේත් භගවත් ගීතාවේත් සඳහන්ය.  

අරිසෙන් අහුබුදු සූරීන් පවසන පරිදි ඉන්දු රජු විසින් ඉදි කෙරුණු ඉන්දු රාජ්‍යයේ (සින්ධු ගඟ ඇසුරින් මෙය ඉදිවිය) රජකම විශ‍්‍රවස් විසින් ලබා ගැනුණි. ඉන්දු රජුගේ අගනුවර වූ මුල් තැන (multan) අදත් එනමින් හැඳින්වේ. මේ පංජාබයේ ගංගා 5 එකතු වන තැනයි. පන්ජාබයේ අදත් අගනුවර මුල්තැන්ය. කුවේර විසින් තෝරා ගැනු​ෙණ් කෛලාශකූටයයි. මේ අනවතප්ත විලට යාවය. අදත් මේ දෙකම මිල අධික සංචාරක මධ්‍යස්ථානයන්ය. අහස් මිහිර රාජ්‍යය අද කාශ්මීර වී ඇත. අදත් කෛලාශකූටය අවුරුද්ද පුරා හිමෙන් වැසී පවතී. එහි ඡායාව අනවතප්ත විලට වැටීම මනරම් දසුනකි. (බලන්න අන්තර්ජාලය)  

මහා රාවණගේ ලංකාපුරය

 රටවල් හා ජාතීන් බිහි නොවී තිබුණු මෙම යුගයේ පැවති පුරරාජ්‍ය (පෞරරාජ්‍ය පැවතුණි ඒවා පාලනය කළේ දේව අධ්‍යාපනය හදාරා ඉහළම පාලක තත්ත්වය වන සෘෂි හා මහසෘෂි බවට පත් වූ අයය. රාවණගේ අභාවයෙන් පසු ලංකාපුරය මුහුදට යට විණ. නෙදර්ලන්ත මුහුදු පුරාවිද්‍යාඥයන් පිරිසක් විසින් 2009 දී සොයාගනු ලැබුවේ මුහුදට ගිලීගිය නගරයක නටබුන්ය. මහාරාවණ කෝට්ටය හා කුඩා රාවණ කෝට්ටය අසල පානමින් ඇත. පිහිටි මෙම නගරය සමඟ සිහින් දිගටි හා වක්වූ භූමි ස්කන්ධයක්ද ගිලිහී ගොස් ඇත. එය අප‍්‍රිකාවේ මැදගස්කරය ( ) දක්වා විහිදී ඇත. වර්ග ප‍්‍රමාණයෙන් වර්ග කි.මී. 4,50,000ට වැඩි මෙයට එර්ෂියා (Earcia) යන නම දී ඇත. (බලන්න අන්තර්ජාලය)   

යුරෝපීය සුදු මිනිසුන් විසින් 20 සියවස පුරාම තම පරමාදර්ශී රාජ්‍යය ලෙස අභිමානයෙන් ප‍්‍රකාශ කෙරුණු අත්ලන්තිස් පුරවරය (City of atlantis) නමැති රාජ්‍යයක් විය. ක්‍රි.පූ. 4 සියවසේ විසූ ග‍්‍රීක් ජාතික පඬිවරයා විසින් මෙය ලේඛන ගතකරනු ලැබ තිබුණේ. ඔවුන් එය මිසරවාසීන්ගෙන් අසා දැනගත් පරිදිය. මිසරයින් ඊට මිසර නමක් යෙදූ නිසා තමා ඊට ග‍්‍රීක් නමක් වන අත්ලන්තිස් යන්න යෙදූ බව ප්ලේටෝ සඳහන් කරයි. 20 සියවස මැදදී අත්ලන්තික් සයුරේද සියවස් අගදී මධ්‍යධරණී මුහුදේද එය සොයා ගවේෂණය කළ සුදු ජාතීන් 21 සියවසේදී එය සෙවීම අතහැර දමා ඇත. ඊට හේතුව නම් රාමායනයේ විස්තර වන හනුමා දුටුවේයැයි කියන ලංකාපුර විස්තරයත් ප්ලේටෝගේ අත්ලන්තිස් පුරවරයත් එකක්ම බව 1999 දී බ්‍රිතාන්‍ය මානව විද්‍යාඥයකු විසින් ඔප්පු කරනු ලැබීමය. සමානකම් නම්:  

1. කඳු තුනක් මත පිහිටීම (ත‍්‍රිකූටය) ත‍්‍රිකූටමලේ? 2. පුජක (දේව) පාලනය 3. ගුවන්යානා 4. කාන්තා - පිරිමි සම අයිතිවාසිකම් 5. තනි දේවාලයක් තිබීම. 6. මාර්ග පද්ධතිය හා දෙපස නිවාස 7. අලියා සිිටීම 8. කෙසෙල්, දොඩම් සහ අඹගස්. 9. විනාශකාරී (න්‍යෂ්ටික) අවි. 10 අසුර නාමය (ග‍්‍රීක අස්වින්) 11. ලොව පරමාදර්ශී රාජ්‍යය වීම 12. මුහුදට ගිලාබැස විනාශ වීම මෙහි මුදුන් තුන (ත‍්‍රිකුට) සහිත කඳු පෙදෙස (මළය) ඇතැම් විට ත‍්‍රිකුණාමලයද විය හැක. නමුත් හැඩ ඔය මෝය අසල පොතුවිල නගරය අසල එය වන්නට ඇති බවට සාධක වැඩිය.  

රාවණ කුමරු විසින් ගෝකණ්ණ (ත‍්‍රිකුණාමල) පිහිටි මරීච සෘෂිගේ අසපුවේ තුන්වසරක් උග‍්‍ර තපස් කෙරුණේ වරමක් ලබාගැනීමටය. එනම් මිනිසකු අතින් මිය නොයාමටය. වාල්මිකී තම රාමායණයෙන් එය සනාථකරන්නේ මිනිසකු නොවන විෂ්ණුගේ 6 අවතාරය වූ රාම අවතාරය අතින් රාවණ මිය ගිය බව පවසමිනි.  

ලංකාපුරය යනු අලංකාර පුරය යන අර්ථය ලබාදෙන බව අහුබුදු සූරීහු දක්වති. කාශ්මීරයට (අහස්මිහිර) ගිය කුවේරද එහිගොඩනගා ගත්තේ අලකාපුරයයි. එයද ලංකාපුරයට සමානවන්නට ඇත. සියලුම යස ඉසුරින් පිරි නගරයක් සංස්කෘත හා සිංහල සාහිත්‍යයේ හඳුන්වන්නේ කුවේරගේ අලකාපුරයට සමාන කරමිනි. ඉතිහාස පොතින් අප ඉගෙන​ෙගන ඇත්තේ පෞරරාජ්‍යයන් බිහිවූයේ ග‍්‍රීසියේ බවය. ලංකාවට එහි ගෞරවය ලබාදීමට ඉංග‍්‍රීසි ඉතිහාසඥයෝ අකමැති වූහ. වේලාපුර, රත්නපුර, අනුරාජපුර, විජිතපුර, සෝමපුර, යක්පුර, මහින්දපුර අනෙකුත් පුරයන්ය.   

මහාරාවණ හා රාමායණය

 1980 දශකය වනතුරු රාවණ රජකු ගැන අප දැන සිටියේ රාමායණය ඇසුරිනි. ඒ පන්තිකාමර අධ්‍යාපනය හා පුවත්පත් සඟරා ආශ‍්‍රයෙනි. බටහිර මානව විද්‍යාඥයන් අසුර අධිරාජ්‍යයක් හා එහි සිටි සෘෂි පාලක මහා රාවණ කෙනකු ගැන දැනගත්තේ 1980 දශකයේ පටන්ය. අද එම සෘෂි පාලක රාවණයන් දැවැන්ත ආකාරයෙන් මතු වී එන්නේ ඉතිහාසය තුළිනි. ඒ අනුව රාමායණ ‘‘රාවණ රජු’’ බොඳවී යන බවක් දක්නට ඇත.  

රාමායනය මහා කාව්‍යයකි. එමෙන්ම වීර කාව්‍යයකි. අලංකාරවාදයට අනුව මහා කාව්‍යයක් වීමට අත්‍යවශ්‍ය අංග කීපයකි. නගර වර්ණනා, උද්‍යාන වර්ණනා, වීර චරිතයක්, වීරයාට අභියෝග කරන දුෂ්ටයෙක්, ගැහැනියක් නිසා ඇතිවන ගැටුමක්, යුද වර්ණනාවක්, දේව පූජා, ප‍්‍රීති උත්සවයක් ආදිය අනිවාර්යය. රාම කුමරුගේ වීරත්වය හුවා දැක්වීමට දුෂ්ට රාවණ රජු, සීතා පැහැරගැනීම, රාම - රාවණ යුද්ධය, ලංකාපුර නගර හා උද්‍යාන වර්ණනා ආදිය රාමායනයට ඇතුළත් කර තිබේ. මේ සඳහා භාරතයේ අන් රජකු තේරා නොගෙන ලංකාවේ මහා රාවණයන්ව තෝරා ගත්තේ ඇයිද යන්න උපකල්පනය කිරීම අපහසුය. රාමායනයට මද කලකට පසු ලියවුණ ජාතකට්ඨ කථාවේ දශරථ ජාතකයේද රාමා, සීතා හා ලක්‍ෂ්මන් දැක්වේ. ඒ සහෝදර සහෝදරියන් තිදෙනෙකි. එහි රාවණයකුගේ සම්බන්ධයක් නැත. රාමාගේ චරිතය ඔසවාලීම සඳහා ඔහුට එරෙහි දුෂ්ටයා ලෙස වාල්මිකී දැන සිටි බලවත්ම පුද්ගලයා යොදාගන්නට ඇතැයි සිතිය හැක. මහා රාවණ වනාහී තුන් ලොවම ජයගත් අයකු ලෙස සංස්කෘත සාහිත්‍යයේ සඳහන්ය. ඔහු රාමායනයට සීමා නොවේ.  

කෘත, ද්වාපර, නේත‍්‍රා සහ කලි (වත්මන කලි යුගයයි) යන හින්දුන්ගේ යුගවලින් නේත‍්‍රා යුගයේ ආරම්භයේ ජීවත් වූවකු ලෙස රාවණ හැඳින්වේ. ඔහු රජකු නොව දේව අධ්‍යාපනය ප‍්‍රගුණ කළ සෘෂි පාලකවරයෙකි. දස ඥානයක් (දසිස්) ඔහුට විය. අසුර- අධිරාජ්‍යයේ ශ්‍රේෂ්ඨතම පාලකයා හා නායකයා විය. මෙබදු අයකු සමග ගැටුණ විට රාම චරිතය ඊටද වඩා උසස් වන නිසාම වාල්මිකී රාමායණයට රාවණා ඇදගන්නට ඇත.

lankadeepa

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

වළං ගේ අරක් ගත් වවුල් අවතාරය.....(අබිරහස් අඩවිය - Abirahas Adawiya - හොල්මන් කතා. holman katha)

අප බණ්ඩරවත්ත ජයවික්‍රම බූදලය වෙත ඇදුණේ තිස්සමහාරාම විහාරය අසලදී දැනගත් තොරතුරක් මතය. මහාභාරකරු යටතට පත්ව ඇති අක්කර තුන්සියපහකට අධික වෙල් යාය හා පොල් ඉඩම් සහිත එහි, අත්හළ පරණ බංගලාවට ඉදිරියෙන් ඇත්තේ අලුත් පෙනුමැති නිවෙසකි. අවට වාසී ගම්මුන්ගෙන් ඇතැමෙක් ජයවික්‍රම මුහන්දිරම්ගේ ගුණ කියූ අතර සමහරුන් ඔහුගේ හාමිනේ පිළිබඳ එතරම් පැහැදීමකින් කතා කළේ නැත. ඒ දවස්වල මෙහි නිතර ආ ගිය අය විශ්වාස කරන්නේ නාගයකු මේ බූදලය රකින බවයි. තවත් සමහර අයට අනුව ගිනි කබලක් හිසතබාගත් ගැහැනු රූපයක් මැදියම් රෑ යාය වටේ සරක්කාලමේ යෙදෙයි. පැරැණියන්ට අනුව ජයවික්‍රම මුහන්දිරම්ගේ නම ගම නොදන්නා මුල් බිරියට ඔහුගේ නොවන දරුවකු ගැබ්ගත් නිසා බෙහෙත් විදීමෙන් දරුවාත් මවත් මරුමුවට පත්ව ඇත. මුහන්දිරම් තනි නොතනියට පුතකු අරං හදාගත්තේය. දෙවැනි බිරිය ජයවික්‍රම මුහන්දිරම්ගේ මරණයෙන් පසු පාන්ගහේ මහත්තයා නමැති විශ්‍රාමලත් ප්‍රදීපාගාර නිලධරයකු හා විවාහ වූවාය. එහෙත් හය-හතර තේරෙද්දී දරුවා පණ බේරාගෙන බංගලාවෙන් පැනගත්තේ කුඩම්මාට බියෙනි.

මැටිල්ඩා පෙරේරා විජේදෝරු ජයවික්‍රම මැතිනිය ජේත්තුවට මනිපුරි සාරි ඇඳ කණ්ණාඩි පැලඳ සිටි ඇත්තියකි; උදේ වරුවේ සාරිය සවස් වරුවට මාරු කරන්නීය; රාත්‍රියට ඇන්දේ ගවුමකි. ගාල්ලට මෙහා තිබූ එකම මොරිස් ඔක්ස්ෆර්ඩ් මෝටර් රථයේ නැඟ ඇය මුහන්දිරම් සමඟ යද්දී බොහෝ පෙනුමය; පාන් මහත්තයා සමඟ යද්දීද පෙනුමය. ඇය අකුරු නොදත්තද මුදල් වටිනාකම් මැනැවින් දැනසිටියාය. වැඩි ලීලයක් නැත්තවුන්ට බොල් සතේකිනුත් සිත්ගත්තවුන්ට රුපියලකිනුත් සංග්‍රහ කරන්නේ ඒ නිසාය. අසල්වැසියන්ට සැලකුවේ එසේ වුවත් අල්මාරි පෙට්ටගම් පිරෙන්න කාසි නෝට්ටු අට්ටි ගසා තිබුණු බව සියල්ලෝ දැන සිටියහ. කෙසේ වුවත් ගොයින් සමඟ හොඳින් හිටි නිසා ඒවා රැකගැනීම අපහසු නොවීය.

අක්කර 305ක බූදලයට අයත් කුඹුරුයාය

"ඇන්ඇම් පෙරේරාගේ මුදල් ප්‍රශ්නය කාලේ වත්ත පුරා කෝටු ඇන ඇන සල්ලි වළලලාද බැලුවාට හම්බුණේ නෑ, අපේ අම්මලා පවා ඒ සල්ලි විස්කෝතු ටින්වල දාලා කෙසෙල් පඳුරු අස්සේ හංගලා තිබ්බ නිසා..." එක් ගොයියෙක් හෙළි කළේය. ඔහු තවත් තොරතුරු බොහෝ දන්නෙකි.

"අර ‘පුතා‘ වලව්වෙන් පැනලා ගියේ තුන් වැනි වතාවටත් මැටිල්ඩා නෝනා වහ දෙන්න හදපු එක අහු වුණාට පස්සෙයි. පිටස්තරයෙක් බූදලේ බුක්තිවිඳිනවාට නෝනා කැමැති වු‍ණේ නෑ. කාලෙකට පස්සේ ඒ මහත්තයා තමන්ගේ අක්කර හතරක් සින්නක්කර ගත්ත අය ඉන්න ඉසව්වට ආවා ඔය ඇගිිටි හාල් ටිකක් එහෙම අරන් යන්න. අපි ඇහැව්වා ඇයි පැනලා ගියේ කියලා. එතකොටයි විස්තරේ කීවේ."

ජයවික්‍රම බූදලයේ මුල් ලිපිය දුටු අපේ හිතවතියක මීට වසර විස්සකට පෙර ඒ බංගලාවේ ලද අත්දැකීමක් හෙළි කළාය. ඇය මෙන්ම ඇගේ සොහොයුරිය ඉතා උසස් රැකියාවල නිරත වන ගැඹුරින් යමක් විශ්ලේෂණය කළ හැකි අය නිසා ඔවුන්ගේ කතාව නොසලකා සිටින්නට නොහැකි විය.

"අනූගණන්වල අපි කතරගම ගියා මාමා කෙනෙක්ගේ පවුලේ අයත් එක්ක. ඒ මාමා වැඩ කළේ මහාභාරකාර දෙපාර්තමේන්තුවේ නිසා නවතින්න ලස්සන බංගලාවක් තියෙනවා කියලා එක්කන් ගියේ ඔතනට. ඔයාගේ ලිපිය දැකලා අම්මා තමයි අපටත් මේ සිද්ධිය මතක් කළේ. මගේ නම් ඇඟ අදටත් හිරිවැටෙනවා මතක් වෙද්දී..." මගේ උනන්දුව වැඩි කරවමින් ඇය කීවාය.

"ඉතින් යන්න කලින් මාමා දැනගෙන හිටියේ නැද්ද මේ දේවල් ගැන?"

"ඒකනේ සමහරු ඕවා පිළිගන්නෙත් නෑ නේ. සමහරු කියන්නෙත් නෑ. සමහරවිට දන්නෙත් නැතුව ඇති." එසේ කියමින් ඇය දුරකතනය මවට යොමු කළාය.

"අපි ජයවික්‍රම බංගලාවට ගියාම ඒ වටේම ලස්සන වෙල්යාය නිසා ආසාවට ඇවිදින්න ගියා. අනේ පොඩ්ඩයි එහාට ගියේ මෙන්න තඩී පිඹුරෙක් දිය පාරක මැරිලා පා වෙනවා. ඒක දැක්ක අපිට ඇවිදිල්ල එපා වෙලා ආපහු ආවා."

ඇය කියූ කතාව කිසිවක් නොදොඩා අසා සිටියද මගේ හිත කීවේ යාය පුරා ගමන් කරන හිසේ ගිනි හට්ටිය ඇති කාන්තා රුව හා බූදලය රකින නාගයා පිළිබඳ ඇතැමුන් කී කතාය. එහෙත් විසිඑක්වැනි සියවසේ වෙසෙමින් එවැනි මායාවන් ගැන ප්‍රකාශ කිරීම ප්‍රශ්නකාරී බැවින් මම කිසිවක් නොකීවෙමි. ඇය කතාව දිගටම කියයි.

"මල්ලි කීවා කිරින්ද ඒ කිට්ටුව නිසා බලන්න යමු කියලා. මහත්තයා ඇඟට මහන්සියි නිදාගන්න ඕනේ කියලා, අපට යන්න කීවා. ඒ පාර මමත් පොඩිදුව එක්ක බංගලාවේ නතර වුණා.

මහත්තයා කාමරේට ගියා නිදාගන්න. දූයි මායි වත්තේ ඇවිදඇවිද වටපිටාවෙ ලස්සන බලබල හිටියා. නාන කාමරේ කරාමේ ඇරලා හෝගාලා කවුද නානවා ඇහෙනවා. නිදාගන්න ගිය මනුස්සයා මේ හවස්ජාමේ නාන්නේ මොකද කියලා බලන්න යද්දි වතුර මලේ සද්දේ තදටම ඇහුණා. එත් දොර ගාවට ගියාම සද්දේ නතර වුණා. නාන කාමරේ ඇරලා, කවුරුත් ඇතුළේ නෑ. වක්කඩක සද්දයක් වෙන්න ඇති කියලා මිදුලට ආවත් ටික වෙලාවකින් ආයෙත් සද්දේ ඇහෙනවා. ඔහොම දෙපාරක්ම වුණ නිසා තුන්වැනි වතාවේ මහත්තයාවත් ඇහැරවාගෙන ගිහින් බලද්දි එක පාරටම කිසිම හුළඟක් නැතිව අඹ ගහ හෙලවිලා ගෙඩි හෝ ගාලා වහලට වැටෙන්න ගත්තා වැස්සක් වගේ. හැබැයි ඔක්කොම කුණු වෙලා. අපිට හිතාගන්න බැරි වුණා වෙන්නේ මොනවද කියලා. අපි ඉක්මනට ගමන්මලු ඔක්කොම ලැස්ති කරගෙන එළියට වුණා. මල්ලිලා ආ ගමන් කීවා මෙතන ඉන්න එක හොඳමදි කියලා. අපි රෑම පිටත් වුණා වාහනේත් තරමක් ලෙඩ දුන්නා. ඒත් අපි කොහොම හරි එතනින් බේරිලා ගිය පාර නතර වුණේ හපුතලේ."

මිතුරියගේ මව කී කතාව අපේ ගමනේදී ලද අත්දැකීමට තරමක් සමාන විය. බංගලාවත්තේ සොහොන්කොත නොදැක ඒ අසල රැඳෙමින් ගොවි මහතකු සමඟ අප කතාබහේ යෙදෙද්දී එහා වැට මායිමේ දුරකතන ඇමතුමක් සමඟ ඇවිදිමින් සිටි ඇමටියගොඩ නිලමේ බංලාවේ එහා පැත්තට යනු දිටිමි. ගියාට වඩා වේගයෙන් ආපසු පැමිණි ඔහු රැලි කරගත් නළලින් යුතුව කීවේ ‘ඉක්මනින් මෙතැනින් පිට වෙමු‘ කියාය. අපේ ප්‍රධාන ගමන ප්‍රමාද වන නිසා එය කීවායැයි සිතා මම ගොවි මහතාගේ විස්තර ඇසීම නතර නොකළෙමි. නිලමේ වත්ත මායිමෙන් එළියට ගොස් අප එන තුරු බලා සිටියේය. ඉන් පසු අප සමඟ ගිය තවත් අයෙක් බංගලාවේ අනිත් පසින් වළං ගේ පැත්තට ගොස් අධිවේගයෙන් අප සිටි දෙසට ආවේ දාඩිය බිඳු මුහුණ පුරා මතු වෙද්දීය.

"මං හිතුවේ ඔගොල්ලො මාව දාලා ගිහින් කියලා" ඔහු කීවේ දිව පැටලෙන ස්වභාවයෙනි.

"මේ තත්පරේට අපි කොහේ යන්නද?" මමත් පුරාවිද්‍යාඥ සුමිත් මහතාත් එකවර ඇසුවෙමු. ඔහු කිසිත් නොකියා කොට තාප්පෙන් පාරට පැන්නේ ගේට්ටුව ළඟ තිබියදීය. ගොවි මහතාගේ විස්තරය පසෙක ලා, නිලමේටත් මිතුරාටත් සිදු වූ විපරීතය ඇසීමට අපට අවශ්‍ය විය.

"මොකද ඔය දෙන්නට වෙලා තියෙන්නේ?" මා ඇසුවේ විමතියත් කේන්තියත් මුසුවය.

දෙවරකට වුවද ඔවුන් පිටුපසට ගොස් ඇත්තේ සුළුදිය පහ කිරීමේ අවශ්‍යතාවකටය. එහෙත් කටයුත්තට පෙර ඔවුන් යමකින් තිගැස්සී ඇත. එය දැකීමේ ප්‍රබල ආශාවකින් මම පෙළෙන්නට වීමි.

"අනේ අපි යමුකො එතනට" මම යෝජනා කළෙමි.

"මගේ හතර හන්දි පණ නැති වෙන කතා කියන්න එපා. අර වවුලා..!" එතැනින් කතාව නතර කරමින් නිලමේ යෝජනාව ප්‍රතික්ෂේප කළේ සැර කරන්නාක් මෙනි.

ඔවුන් පාරේ සිටියදී මමත් සුමිත් මහතාත් තවත් දෙදෙනකු සමඟ පිළිකන්න පැත්තට ගියෙමු. පිරිස ළඟම සිටියදී වුව එකවර මහා පාළු කතරක තනි වුණා වැනි හැඟීමකින් හදවත වෙලා ගත්තා සේ දැනෙන්නට විය. පාසි වැක්කිරී ජරාවාස පෙනුමක් ගත් ශාලාවක පෙනුමැති කොටසේ ජනෙල් පළු මෙන්ම දොරවල් හෝසෙට ඇර දමා තිබුණද ඇතුළත මහා අඳුරක් අරක් ගෙන තිබිණි. එයට ඇතුළු වන්නට දොරකඩට අඩිය තබද්දී දැනුණු නැහැය කඩාගෙන යන පාළු පුස් ගඳ සමඟ මුසු වූ වවුල් වසුරු සහ සිනි ගඳ නිසා මඳක් වේගය බාල කරද්දීම "කීස්" ගාමින් මුහුණ ඉදිරියට ආ වවුලන් දෙදෙනකු කන් අයිනෙන් ඉගිළුණේ මගේ කොඳු ඇටපෙළ හිරි වට්ටමිනි.

"නෝනා අපි යමු - යමු දැන් හොඳ නෑ." ගොවියකුගේ කතාවෙන් මම තිගැස්සී පියවි ලොවට ආවා වැනි විය. ඒ සමඟම ඔහු අපට පෙන්නුවේ වළං ගේ පැත්තෙන් ඇදී එන නාගයෙකි. අපි වහා ගේට්ටුවෙන් එළියට පැනගතිමු.

"පාන් ගහේ මහත්තයා එක්ක මැටිල්ඩා නෝනා වෙච්චි කතාබහක් දුරදිග ගිහින් මහත්තයා ගහපු පයින් පාර වැදිලා තියෙන්නේ නෝනාගේ පපුව ළඟට. ඒක දැකලා තියෙන්නේ වැඩ කරන්න හිටි එක්කෙනෙක් විතරයි. පාර නිසාද මන්දා පපුවේ පිළිකාවක් හැදිලා මුලින් චීනෙ කටුචිකිත්සාවත් කරලා පස්සේ මහරගම නතර කරලා තියෙනවා. ලෙඩේ සුව වුණු නිසා අවුරුද්දට බංගලාවට එන්න ඕනේ කියලා නෝනා කීවම මහත්තයා ඇහුවලු මොකද හදිසිය කියලා. ඒ පාර නෝනගේ කටින් කියවිලා තියෙනවා වළං ගේ බලන්න ඕන කියලා. ඒ වචනේ අහු වුණු නිසා මහත්තයා කීවලු තවත් ඉංජැස්සන් එකක් ගහන්න තියෙනවා කියලා දොස්තර කෙනෙක් කීවා, ඒකත් ඉවර කරලම යමු කියලා. පස්සේ දොස්තර කෙනෙක් වගේ ඇඳගත්තු කෙනෙක් ඇවිත් කියලා ‘මිසිස් ජයවික්‍රම මේ බේතත් විදලම ගෙදර යමු‘ කියලා. ඒ අව්අස්සේ පාන් මහත්තයා ඉස්පිරිතාලෙන් මෙහෙට ඇවිත්. බී මරගාතෙන් කෑගහලා වළං ගෙයි දොරට පයින් ගහපු පාර දොර ගැලවිලා. බිම තිබිච්ච කොංකිරිට් කෑල්ල එක හුස්මට ඇදලා දාලා. ඇත්තටම සල්ලි පොට්ටනි පිටින් හංගලා තිබිලා තියෙන්නේ වළං ගේයි. මැටිල්ඩා නෝනා ඒ බේතට පස්සේ ගෙදර ආවේ පෙට්ටියෙන්. ඔය 1975 අවරුද්දෙ. ඒ නෝනගෙ සොහොන්කොත තමයි ඔය අරලිය ගහ යට තියෙන්නේ. වළං ගෙට යන ඔය නයා එක සැරයක් කවුරු හරි මරලා දැම්මට ආයෙත් ආවය කියලනේ කියන්නෙ. මඩ දානේ දුන්නෙත් ඔය වළං ගේ ළඟ."

"වෙල් අද්දර ඕන තරම් නයි ඉන්නවා නේ" මම බාධා කළෙමි.

"ඒ කාලේ හැටියට රුපියල් පන්දාහක් දීලා මල් ශාලාවෙන් නෝනගෙ ආදාහනේ ලෑස්ති කරලා තිබුණේ. තිස්සමහාරාමේ මුහන්දිරම්ගේ සොහොන ළඟමයි දවලා තියෙන්නේ. රෑ මැදියම වෙනකොට මිනිය ඉඳගන්නවාලු - නැඟිටිනවාලු. දැක්ක අය දුවලා තියෙනවා. පස්සේ ආරංචියට ෂෙඩ්එක අයිති මුදලාලි පොල්පිති, භුමිතෙල් දාලා සෑය ලොකු කරලා පුච්චලා තියෙන්නේ."

"කොහොමත් මිනියක් පුච්චද්දි කොඳු නාරටියෙන් නැවෙනවා නේ" මගේ බාධාවෙන් නම්-ගම් හෙළි කිරීමට අකැමැති ගොවීන්ට වැඩක් නොවීය.

"එ් වුණාට රාජයියා පොඩි පොඩි වැඩ වගයක් කළාම ඔය බංගලාවේ කරදර අඩු වුණාය කියන්නේ..." සරත් මහතාගේ කතාව මගේ කුහුල යළි වැඩෙව්වේය.

"මොන වගේ වැඩද?"

"ඉස්සර ඔය සද්ද බද්ද එහෙම ටිකක් වැඩිපුර තිබිලා තියෙනවා නේ. මොකද තුන්-හතර දෙනාටම පින් දෙන්න කවුරුත් ඥාතියෙක් හිටියෙත් නෑ නේ. මුහන්දිරම් මහත්තයා නම් තමන් කළ දේවලට හරියන්න හොඳ වැඩ කළා. අනිත් අය කරපු කියපු දේවල්වල හැටියට පිං ගන්න බලන් ඉන්නවා වෙන්න ඇති. හැබැයි බූදලේ සල්ලිවලින් නෝනා ජයවික්‍රම ගොඩනැඟිල්ල ඉස්කෝලෙට හැදුවා. දෙබරවැව දන්තශල්‍යාගාරයක් හැදුවා. මුදලිතුමා කෝට්ටේගොඩ නිසා එහෙත් ඉස්කො­්ලයක් හැදුවා. තිස්සමහාරාම විහාරෙට ජෙනරේටරයක් පූජා කළා. ඒත් ජෙනරේටරේට වුණු අක්‍රමිකතාවක් නිසා බූදලය පන්සලට ලියන්න තිබුණු හිත වෙනස් වුණාලු." ආරියදාස, පියදාස සහ ආරියපාල මහත්වරුන් කතා කළේ මුහන්දිරම් ගමට මෙන්ම පන්සලට කළ සේවය අගයමිනි.

"ඒ නිසා තමයි මහාභාරකාරයාට මේ බූදලේ අයිති වුණේ. මුහන්දිරම් මහත්තයාගේ අවසාන කැමැත්තට ලියලා තිබුණේ බෞද්ධ අධ්‍යාපනය දියුණු කරන්න කියලා. උසස් අධ්‍යාපනය කරන දරුවන්ට රුපියල් 250 ගානේ ඒ කාලේ හැටියට ශිෂ්‍යත්වයක් දුන්නා."

"එතකොට මුහන්දිරම්ගේ සොහොන් කොත?"

"නිදහස් ආයුර්වේද ගොඩනැඟිල්ල ළඟ තියෙන්නේ ඒ සොහොන් කොත. එතනත් මැටිල්ඩා නෝනගෙ අළු තැන්පත් කරන්න හදපු පොඩි කුටීරයක් තිබුණා..." මුහන්දිරම් ජයවික්‍රම 1887 මැයි 12 ඉපිද මේ වික්‍රම සියල්ල කර 1957 ඔක්තෝබර් 24 මෙලොව හැර ගිය බව එහි සඳහන් වෙයි.

"නෝනගෙන් පස්සේ පාන් මහත්තයාට බූදලේ බලතල නැතත්, ඒජන්ත හැටියට කට්ටියත් එක්ක කාගෙන බීගෙන ඔහේ හිටියා. පස්සේ දොඩන්න කරන්න බැරි වෙලා සෙම හිර වෙලා ලෙඩ වුණා. ඒ මහත්තයාගේ කලින් කසාදෙ දුවෙක් කියලා නෝනා කෙනෙක් ආවා නේ. එයැයි කොතලාවල මහත්තයාගේ පින්තූර පවා වෙලට විසි කරලා දැම්මා. කාර් එක, ට්‍රැක්ටර් වගේම ගෙදර තිබුණු ඔක්කොම පොදි බැඳගෙන ගියා; මුකුත් ඉතුරු කළේ නෑ. අසනීප වුණාම පාන් මහත්තයාව එක්කගෙන ගියෙත් එයැයි තමයි. පස්සේ ආරංචි වුණා මහත්තයා මළා කියලා."

"එතකොට නයා, වවුල් අවතාරේ?" මට අවශ්‍ය වූයේ මේ ප්‍රශ්නය විසඳාගන්නය. උදය ඇමටියගොඩ කුඩා කතරගම බස්නායක නිලමේ පිළිතුරු දුන්නේය.

"මගේ අත්දැකීමෙ හැටියට නම් ප්‍රබල තරංගයි දුර්වල තරංගයි කියලා වර්ග දෙකක් තියෙනවා. දෙවිවරු කියන්නෙ ප්‍රබල තරංග. හොල්මන් අවතාර කියන්නේ දුර්වල තරංග. මට වළං ගේ ගාවදි දුර්වල තරංග තිබෙන බවක් දැනුණා."

පුරාවිද්‍යාඥ සුමිත් රණසිංහ බුද‍දහමට අනුව ගන්ධබ්බයන්, අමනුෂ්‍ය බලවේග පිළිබඳ කියවුණු සූත්‍ර ආදිය අපට සිහිපත් කළේය. ගමේ ඇතැම් අය, බුදු ගුණ සිහි කිරීමෙන් හා බලි තොවිල් ඔස්සේ මේ බලවේග ඉවත් කළ හැකි ආකාරය ගැන විවිධ මත පළ කළහ.

සමහරුන් කීවේ රෑ ගමන් වැඩිය නොයන මුත් එසේ යන අවස්ථාවක ඉතිපිසෝ ගාථාව මිමිනීම පුරුද්දක් බවයි. සමහර සතුන්ගේ වෙසින් ආත්මවලට සැරිසැරිය හැකි බව තවත් අදහසක් විය. බූදලය රකින නාගයා, වළං ගේ වවුල් අවතාරය එවන් ආත්මදැයි අපි නොදනිමු; මැටිල්ඩා නෝනාගේ අවසන් චුති චිත්තය වුයේ වළං ගේ බැලීම නිසා එය රකින්නට මඟක් සොයන්නේදැයි නොදනිමු.

එහෙත් ආරංචියේ හැටියට වළං ගේ හොරු බිඳ බොහෝ කල්ය. රෑ ගවුමෙන් ගේ පුරා ඇවිදින සුදු කොණ්ඩෙ දිග කාන්තාව හෝ ගිනි වළඳ හිස තබාගෙන යාය පුරා යන කාන්තාව හෝ හොරුන්ට පෙනුණේ නැද්ද? මේ සියල්ල සිතමින් අපි ජයවික්‍රම බූදලයෙන් සමු ගතිමු.

අරුණි මුතුමලී 

සේයා රූ රුවන් ද සිල්වා - සිළුමිණ

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

කලින් ආත්මයේ උපන්නේ අඟහරු ලෝකයේ....(අබිරහස් අඩවිය - Abirahas Adawiya - ශාස්ත්‍රීය ළිපි)

පෙර ආත්මයේ තමා අඟහරු හෙවත් රතු ග්‍රහයාගේ ජීවියකු ලෙස ජීවත් වුණැයි විද්‍යාඥයන් මවිතයට පත් කරමින්, අපූරු පුනරුප්පත්තිය කතාවක් හෙළි කරන 20 හැවිරිදි තරුණයකු ගැන රුසියාවෙන් වාර්තා වේ.

බොරිස්කා කිප්රියැනොවිච් නමැති මෙම තරුණයා ඔහුගේ පෙර ආත්මය ගැන පවසන විස්තර සැබැවින්ම විශ්මය බව මවිතයට පත් වුණු විද්‍යාඥයෝ කියති.

ඉපදී සති කිහිපයක් ගත වෙද්දී, බොරිස්කා තනිව වාඩි වීමටත් ඉන් පසු ඇවිදීමට සහ කතා කිරීමට පටන් ගත් බව ඔහුගේ මව සහ පියා පමණක් නොව වෛද්‍යවරු ද කියති. බොරිස්කාගේ මව ද වෛද්‍යවරියකි.

කුඩා කළ සිටම බොරිස්කා ට තාරකා විද්‍යාව ගැනත් ග්‍රහලෝක ගැනත් විශේෂයෙන් අඟහරු ග්‍රහයා ගැනත් හොඳ දැනුමක් තිබුණු බව ඔහුගේ ගුරුවරු පවා කියති.

තමා අඟහරු වැසියකු බවත් යුද ගැටුම් හේතුවෙන් තමා මියගිය බවත් බොරිස්කා වැඩි දුරටත් කියා සිටී.

අඟහරු ජීවීන් මිනිසුන්ට සමාන වුවත්, අසාමාන්‍ය ලෙස උසින් වැඩි යැයි බොරිස්කා පැහැදිලි කරයි. ඔවුන් සැවොම අඩි 7 ට වඩා උසින් වැඩි බව ද ඔහු කියයි. පෙර ආත්මයේ තමා එම ජීවියකු වුණැයි බොරිස්කා පෙන්වා දෙයි.

අඟහරු ලොවේ න්‍යෂ්ටික යුද්ධ හටගෙන ඇත. අද පවතින තත්ත්වයට අඟහරු ලෝකය නිසරු මෙන්ම වියලි තැනක් බවට පත් වී ඇත්තේ එම න්‍යෂ්ටික යුද ගැටුම් හේතුවෙන් යැයි ද බොරිස්කා පැහැදිලි කර තිබේ.

න්‍යෂ්ටික යුද්ධයෙන් දිවි ගලවා ගත් අඟහරු ජීවීන් අතලොස්සක් අඟහරු අභ්‍යන්තරයේ නගරවල ජීවත් වන බවත් බොරිස්කා වැඩි දුරටත් කියා සිටී.

අඟහරු ජීවීන් පෘථිවිය සමඟ අතීතයේ සබඳකම් පවත්වා ඇති බවත්, ආදී මිනිසාට දියුණුවීමට සහාය ලබා දුන් බවත් බොරිස්කා කියයි. ඊජිප්තුවේ පිරමීඩ නිර්මාණයේ දී පවා මිසර වැසියන්ට සහාය ලැබී ඇත්තේ අඟහරු ජීවීන්ගෙනි. මිසර වැසියන් දෙවියන් ලෙස සළකා ඇත්තේ ද මෙම අඟහරු ජීවීන් යැයි බොරිස්කා වැඩි දුරටත් කියා සිටී.

(ඬේලිමේල් ඇසුරිනි). lankadeepa

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya