Thursday, December 21, 2017

ඉතාලියේ සාපලත් ගම්මානයේ අවාසනාවන්ත කතාව.....(Calabro italy අබිරහස් අඩවිය - Abirahas Adawiya - හොල්මන් කතා. holman katha)

ඉතාලියේ දකුණු දෙස බැසිලිකාටා ප්‍රදේශයේ කන්දක් මත පිහිටා ඇති පැරණි ගම්මානයක් වන කොලොබ්‍රාරෝ එරට අවාසනාවන්තම ගම ලෙස හැඳින්වෙයි. 1940 දක්වා දිවෙන පුරාවෘත්තයන්ට අනුව එවකට එහි ප්‍රධානියාවු බියාජියෝ විර්ජිලියෝ අසල මැටෙරා නගරයේ පැවති රැස්වීමකදී තමා කී දෙයක් සනාථ කිරීමට මෙසේ කීවේය.”මම කියන කතාව බොරුවක් නම් මේ උඩ එල්ලලා තියෙන වීදුරු පහන බිමට වැටෙන්න ඕනෙ.”ඒ වචනත් සමග චැන්ඩ්ලියර් එක හෙවත් එම පහන බිමට කඩා වැටුණේ විර්ජිලියෝ ගේ ගම්මානය වන කොලොබ්‍රාරෝ වෙත අවාසනාවද කැඳවමිනි.
වර්තමානයේදි කොලොබ්‍රාරෝ ගම්මානය ප්‍රකටව ඇත්තේ එහි නම පවා පැවැසීමෙන් වැලකිය යුතු ගමක් හැටියටය. අවට ගම්මානවල ජනතාව කොලොබ්‍රාරෝ ගැන සඳහන් කරන්නේ “අර පරණ කතාවල එන ගම”යනුවෙනි.ඉන් නොනවතින ඔවුහු වැරදීමකින් හෝ කිසිවෙකු වෙතින් එහි නම කියැවුනොත් වාසනාව පතා කරන සම්ප්‍රදායික කටයුත්තක් වූ ලීයෙන් කල යමක් ස්පර්ශ කරති. මේ ගැන කතා කරන කොලොබ්‍රාරෝ ගම්මානයේ ඇතැම් පැරණි වැසියන් කියන්නේ විර්ජිලියෝ ගමට ගෙනා අවාසනාවක් නැති බවය. මේ ඇතැමෙකුට ඔහු ගැන හොඳ මතකයක් ඇත. මේ අවාසනාව ගැන කතාව එහි වැසියන් විසින්ම ගොතන ලද්දක් බව ඔවුන්ගේ අදහසයි.
“පිටින් ආපු කෙනෙකුගේ වාහනයක් මේ ගමේදී කැඩුණත්, ටයර් එකක හුළං ගියත් දොස් කියන්නේ ගමට”එහි පැරණි වැසියෙකු වන මැටියෝ කියයි.
කැලබ්‍රියා සහ පුග්ලියා අතර පිහිටි දකුණු දිග බැසිලිකාටා ප්‍රදේශය කැලෑවෙන් ගහන අඳුරු ප්‍රදේශයක් වීම හේතුවෙන් ක්‍රාකෝ වැනි හොල්මන් බහුල බවට ප්‍රකට ගම්මානවලටද මෙම කලාපය තෝතැන්නක්ව තිබේ. සම්ප්‍රදායයන් හා මිථ්‍යා විශ්වාසයන්ද මෙම පසුබිම තුළ බහුලය. පහන කඩාවැටීමේ පුරාවෘත්තයට අමතරව කොලොබ්‍රාරෝ ගම්මානයේ ජනතාව පරම්පරා ගණනක් තිස්සේ මායාකරුවන් හා මායාකාරියන් ගැන කතන්දරද අසා තිබේ. 1950 ගණන්වලදී මායා බලයෙන් තම තමුන්ගේ ගම්මාන පාලනය කරන බව පැවැසෙන දකුණු ඉතාලියේ බලගතු කාන්තා කණ්ඩායමක් ගැන මෙන්ම ඔවුන් විසින් කරනු ලබන ශාප හා හදි හූනියම් ගැන මේ ගමෙන්ද අසන්නට ලැබේ. මේ සියලු කතන්දර නිසා ඉතාලිය පුරා කොලොබ්‍රාරෝ අවාසනාවන්තම නගරය ලෙස ප්‍රකටවීම අසීරු වූයේද නැත.
මේ සියලු මිථ්‍යා විශ්වාසයන් හා පුරාවෘත්ත තවදුරටත් සනාථ කිරීමට මෙන් 2011 වසරේදී කොලොබ්‍රාරෝ වැසියන් ආරම්භ කළ “ඩී්‍රම් ඔෆ් ද නයිට් ඉන් දැට් වි‍ලේජ්”නම් වීදි සංදර්ශනය ඉන්පසුව වාර්ෂිකවද පැවැත්විණි.ඒ අනුව වසරේ හැම අගෝස්තු මාසයකම දෙස්,විදෙස් සංචාරකයින් කොලොබ්‍රාරෝ වෙත ඇදෙන්නේ ගමේ වීදි හා චතුරශ්‍රයන් පුරා රඟ දැක්වෙන මායාකරුවන් හා මායාකාරියන් ගැන කතා ඇතුළත් වීදි නාට්‍ය නැරඹීමටය. ගම්මානයට ඇතුලු වන විටම පිටතින් එහි පැමිණෙන්නන්ට ගම්මානයේ අවාසනාව ගැන දැනුම්දීමක් කෙරෙන කුඩා මල්ලක් ලැබෙයි. එහි ඇතුළත්වන්නේ අවාසනාව මගහැරීම සඳහා ලුනු, දරුවන් ලැබිම සංකේත වත් කරන තිරිඟු ටිකක්, ප්‍රේමය, රූමත් බව හා නරක ආත්ම පලවා හැරීමට රෝස්මරී අතු කිහිපයක් සහ පිරිසිදු බව සමග සාමකාමී බව සංකේතවත් කිරීමට ලැවෙන්ඩර් මල් කිහිපයකි.
වීදි සංදර්ශනය තුළ දක්නට ලැබෙන ප්‍රකට චරිතයක් වන “කුඩා පූජකවරයා”ලෙස හැඳින්වෙන ළමා නඵවා සංකේතවත් කරන්නේ බෞතිස්ම කිරීමට පෙර මියගිය කුඩා දරුවෙකු සම්බන්ධ පුරාවෘත්තයක් බව පැවැසෙයි. හාස්‍යයටද බර සියුමැලි චරිතයක් වන ඔහු තරුණියන් නිදා සිටින තැන්වලට ගොස් ඔවුන්ගේ යටි පතුල් කිතිකැවීම හා ඔවුන්ගේ කන්වලට කොඳුරා රහස් කීම ගැන ප්‍රකටය. ඒවා නැවැත්වීමට නම් කළ යුත්තේ ඔහුට නැතිවම බැරි හිස පැලඳ සිටින තොප්පිය ගලවා ගැනීමය.මේ සංදර්ශනය තුළ තවත් විශේෂ අංගයක් වන්නේ මිනිස් වෙස්ද ගතහැකි වෘකයින් ලෙස සැරසුනු පිරිසකි. පුරාවෘත්තයකට අනුව නත්තල් දින මැදියම් රැයේදී උපන් සාමාන්‍ය පිරිමින් කිහිපදෙනෙක් පුන් සඳ පායා ඇති රාත්‍රී කාලයට වෘක වෙස් ගෙන තිබේ. එවන් රැයට ගමම බියවද්දන සාපලත් මේ පිරිස ඉන් ගලවා ගැනීමට කළ යුත්තේ ඇල්පෙනෙත්තක් වැනි යමකින් ඇන ඔවුන්ගෙන් රුධිරය බිඳක් හෝ ගලායාමට සැලැස්වීම බවත් මෙම ජනප්‍රවාදයෙහි එයි.
කෙසේවුවද මේ සියල්ල මැද කොලොබ්‍රාරෝ සතු රහස් රැකගෙන ඒවා පරම්පරාවෙන් පරම්පරාවට රැගෙන යාමට එහි වැසියන් තුළ කැමැත්තක් තිබේ. මෙම රහස් හෙළිකළොත් ඒවායේ අගය අඩුවන බව සිතන ගම්වැසියන් පිටස්තරයෙකුට ඒවා හෙළිකරන්නේද නැත.එබැවින් ඇතැම් විටක සත්‍යයක්ද විය හැකි මිථ්‍යා විශ්වාස හා පුරාවෘත්ත රැගෙන කොලොබ්‍රාරෝ ගම්මානය ඉදිරියේද ඉතාලියේ අවාසනාවන්තම නගරය ලෙස පවතිනු ඇත.
නිශානි දිසානායක
lakbima
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

සුකොමළ දෙපා මත ලියැවුණ අපූරු ජීවිත රහස්......(jeewana rahas -අබිරහස් අඩවිය - Abirahas Adawiya - ශාස්ත්‍රීය ළිපි)

කෙනෙකුගේ ශරීරයේ අඟපසඟවල පිහිටීම අනුව ඔහුගේ හෝ ඇයගේ චරිත ලක්ෂණ පිළිබඳව අනාවැති පැවසීම දේහලක්ෂණ විද්‍යාව ලෙස සැලකේ. අතීතයේ විසූ සෘෂිවරු විසින් ස්ත‍්‍රියකගේ පා ඇඟිලිවල පිහිටීම හා ප‍්‍රමාණය ආදිය පරික්ෂාකොට ඔවුන්ගේ ජීවිත පිළිබඳව විවිධාකාර රහස් හෙළි කරනු ලැබිණ. 
යම් ස්ත‍්‍රියකගේ පාද අඳුරු පැහැයෙන් හා කුල්ලක හැඩයෙන් යුතු වෙයිද පා ඇඟිලි අපිළිවෙළින් විසිරුණු ස්වභාවයෙන් පිහිටා ඇත්තේද, නියපොතු කුළුවල පිට ඇති ආකාරයෙන්ද පිහිටා ඇත්තේ නම් එම ස්ත‍්‍රීහු වාසනාවන්ත නොවෙති. දාසියක් හා සමානව ජීවිත කාලය තුළම දුක්විඳින්නේය.   
උගතුන්ගෙන් යුක්ත පවුලක හෝ ධනවත් පවුලක හෝ උපත ලැබුවත් ඇය කම්කරු ස්ත‍්‍රියකගේ ස්වභාවය පෙන්නුම් කරයි. පහත් තත්ත්වයේ සිටින පුරුෂයින්ගේ ඇසුර ප‍්‍රියකරයි. යහපත් පිරිමින්ට ප‍්‍රිය මනාප අයුරින් සිටීමට හෝ ක‍්‍රමානුකූලව ඇඳුම්, පැළඳුම්, වලින් සැරසී සිටීමට හෝ ප‍්‍රිය නොකරයි. කලඑළියට පැමිණීම වෙනුවට ගේ තුළටම වී සිටීමට ප‍්‍රිය කරන්නීය. දරුඵල බහුල වුවත් ගැහැණු දරුවන්ට කැමති වේ. සුළු ශාරීරික වේදනාවක් වුවද විඳ දරා ගැනීමට අපහසුය. ඔවුන්ගේ විවාහ ජීවිතයද සාර්ථක නොවේ. ශිල්ප ශාස්ත‍්‍ර තරමක් දුරට හෝ අධ්‍යාපනය ලැබුවත් ඇය උගත්කම පිටතට ප‍්‍රදර්ශන නොකරන්නීය.   
යම් ස්ත‍්‍රියකගේ පාදය සිනිඳුවද, වට වූ ස්වභාවයෙන් හා රෝස පැහැයෙන් යුක්ත වූයේ නම් ඇය බොහෝ සම්පත් ලැබීමට වාසනාවන්තය. පා පිට නිර්මලද, නෙළුම් පෙති පියන් සේ මොලොක්වද යුක්ත වූයේ නම් එම ස්ත‍්‍රියද ඉතා වාසනාවන්තය. පාදයේ දෙවෙනි ඇඟිල්ල මැඳගිල්ලට වඩා මදක් දික්ව පොළොව ස්පර්ෂ කරයි නම් යහපත් වාසනාවන්ත දරුවන් හිමිව සැපවත් දිවියක් ලබන්නේය.   
දික් සහිත පා හිමිවීමද වාසනාවන්තය. කෙටි පාද කපටිකම හා වංචනික බව ​ෙහලිකරයි. සුළඟිල්ල අනෙක් ඇඟිලිවලට වඩා උස නම් ඇය දුරාචාරයේ යෙදෙන්නීය. පය සම්පූර්ණයෙන්ම බිම් නොවදින්නේ නම් ඇය හිතුවක්කාරය. බිම වදින්නේ නම් වාසනාවන්තය. පය කකුළුවකුගේ මෙන්නම් ඇයට මෙහෙකාර වෘත්තියේ යෙදීමට සිදුවෙයි. පයේ ඇඟිලි වැඩිනම් බොහෝ දරුවන් ලබන්නීය. පාදයෙහි පතුල මැද නැවී උඩට නෙරා පිහිටියේ නම් පය බිම තැබූවිට දෙපැත්ත පෙනෙන කුහරයක් සේ පිහිටියේනම් ඇය දිවි ඇතිතෙක්ම දිළින්දියක් ලෙස කල් ගෙවන්නීය.   
ගමන් කරනවිට එක් පාදයක් ඇළකර තඹමින් හෝ පය බිම අද්දමින් හෝ එම දෙයාකාරයෙන්ම හෝ ගමන්කරන ස්තිය මවගෙන් හෝ පියාගෙන් ද‌ායාදයක් නොලබයි. තරුණ වියේදීම ඇය අනාචාරයට පෙළඹෙයි.
විවාහපේක්ෂාවෙන්  ඇසුරුකළ පිරිමිද ඇය අතහැරයති. කොතරම් ඉගෙනීම ලැබවත් ඉන් ප්‍රතිඵලයක් නොලබයි. විවාහයට පත් වූවන් ජීවිතය සාර්ථක නොවෙනු ඇත.   
යම් ස්ත්‍රියකගේ කණ්ඩා යුගලය මනාසේ පරිපූර්ණව පැහැපත් ජවි වර්ණයෙන් යුක්තවීම ලෝම රහිතව ලේ ශිරා මතු වී නොපෙනීම. දෙදන එක සමානවීමද වාසනාවන්තය. ඇයගේ පය ඇඟිලි එක පිට එක ගැසුනාවූ වේනම් ඉතා අසුබය. ඕ තොමෝ සිය සැමියා නසා වෙනත් හිමියන් සමඟ සතුටු වෙන බව කියැවේ. බොහෝවිට වෛශ්‍යාවන්ගේ පා ඇඟිලි මේ අයුරින් පිහිටා ඇතැයි කියනු ලැබේ. පාදයේ නිය සිනිඳුව වට වූ ස්වභාවයෙන් හා තඹ වර්ණයෙන් යුක්ත වූයේනම් ඇය බොහෝ සම්පත් ලබන්නීය. 
පාද නැමුන ආකාරයෙන් වූයේ නම් ඇය සද‌ාකල්හිම දිළිදු බවින් කල් ගෙවන්නීය. පා ඇඟිලි ඝනව මහපට ඇඟිල්ලේ සිට සුලගිල්ල දක්වා ක්‍රමයෙන් කෙටි වී පිහිටීමද ඉතාමත් සුභ ලක්ෂණයකි. යටිපතුල් රන් පැහැවීමත්. එහි රේඛා අතර මත්ස්‍ය රූප, වී ඇට, දියමන්ති නගුල, කඩුව යනාදී රූප සටහන් පිහිටා තිබීම රජ බිසවකට සමාන සැප සම්පත් ලැබීමට හේතු වනු ඇත.   
මහපට ඇඟිල්ල දිග්ව මහත්වී තද ගතියෙන් යුක්තනම් ඇය එඩිතරය. අහංකාරය, වැඩිදෙනාගේ අප්‍රසාදයට ලක්වේ. එහෙත් සැප සම්පත් වලට උරුමකම් කියන්නීය. රතු පැහැයෙන් යුතු ඇඟිලි පෙළ පොළොවේ ස්පර්ශවේනම් ඇය විවිධ වූ සම්පත් වලට හිමිකම් කියන්නීය. රාජ්‍ය සම්මාන පවා හිමිවෙයි. රජ බිසවක්සේ සම්පත්තීන් ලබයි.   
අනාමික ඇඟිල්ල හෙවත් පයේ දෙවෙනි ඇඟිල්ල මසින් පිරි මහපට ඇඟිල්ල දෙසට නැඹුරුවූයේ නම් දෙමාපිය වැඩිහිටියන්ගේ ගෞරවයට බඳුන්වේ. චරිතය නොකැලැල්ය. කුල සිරිත් රකී. හිමියාගේ නොමද ආදරය ලබයි. සැපවත් යුග දිවියක් හිමිය. පතිභක්තියෙන් යුක්ත වන්නීය. අනාමික ඇඟිල්ල හා මහපට ඇඟිල්ල වඩා දිග්ව සිහින්ව පිහිටියේ නම් සැමියා සමඟ නිතර අඩදබර ඇති කරන්නීය. ඔහුව පාලනය කරන්නීය. අනාමික ඇඟිල්ල මැදඟිල්ලට වඩා මදක් දිග්ව පොළව ස්පර්ශ කරයිනම් යහපත් දූ දරුවන් හිමිවේ. සැපවත් දිවියක් හිමිය.   
මුල් ඇඟිලි තුනෙහිම තද කාල වර්ණ රෝම පිහිටියේ නම් දුක් දොම්නස්, ඈ සොයා පැමිණේ. විවාහය සැපතක් නොවේ. පවුලේ සාමය සමගිය ඇයට අහිමිය. ගමනේදී ඇඟිලි තුළින් ශබ්දයක් බිහිවේනම් ජීවිතයේ සැඳෑ සමයේ දුක් විඳීමට හේතුවේ.   
පිරිමියකුගේ පාදවල ඇඟිලි කෙටිවීම ශුභ නොවේ ඒවා සම දිගින් පිළිවෙළකට පිහිටා තිබීම වාසනාවන්තය. ඇගිලි අතර ලොකු හිඩැස් ඇත්තේ නම් හෙතෙම ගෘහ සේවකයෙකු වන බවට සලකුණක්සේ සැලකිය හැක. කෙනෙකුගේ දෙවෙනි ඇඟිල්ල පළමු ඇඟිල්ලට වඩා දිගනම් ඔහුට තමාගේ භාර්යාවද අහිමිවීමට ඉඩ ඇත. එය පළමු ඇගිල්ල හා දිගින් සමවේනම් යහපත්ය.
තුන්වෙනි ඇඟිල්ල දිග නම් ඉගෙනීමේ කටයුතු වලට වඩාත් නැඹුරුවෙයි. එය දෙවෙනි ඇඟිල්ලට වඩා කෙටිනම් හෙතෙම පරදාර සේවයේ යෙදෙන්නෙකුවේ. පළමු ඇගිල්ල හතරවෙනි ඇගිල්ලට වඩා දිගුවේ නම් ඔහු සතුටින් කල් ගෙවන මහා සම්පත් ඇත්තෙකුවෙයි. දෙවෙනි ඇගිල්ල බොහොසේ දිගුනම් එවැනි අය සමාජයේ අවමානයට ලක්වේ.   
මාපටඟිල්ලත් පළමු ඇඟිල්ලත් අතර විශාල පරතරයක් ඇත්තේ නම් හේ පුළුල් හදවතක් ඇත්තෙකි. එම පරතරය දෙවෙනි ඇඟිල්ලත් තුන්වෙනි ඇඟිල්ලත් අතර වේ නම් ඔහු අලුත් අදහස් ඉදිරිපත් කිරීමේ සමතෙකි. එම පරතරය තුන්වෙනි ඇඟිල්ලක් හතරවෙනි ඇඟිල්ලත් අතර වේනම් ක්‍රියාවෙන් නිදහස් අයෙකු වන අතර ආත්ම විශ්වාසයකින් යුතුව කටයුතු කරන්නෙකු වේ   
(පැරණි පතපොත ඇසුරිනි)   හිමුටානේ පියතිලක ද අල්විස්  
158 හිඹුටාන, මුල්ලේරියාව නව නගරය
lankadeepa
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Sunday, November 26, 2017

වගා කව සහ අඟහරු වල ආලෝකබෝලය අතර අබිරහසක්‌? (crop circle අබිරහස් අඩවිය - Abirahas Adawiya - නොවිසඳුණු අබිරහස් novisadunu abirahas unsolved mysteries )

අඟහරු ග්‍රහයා මත ගවේෂණයේ යෙදී සිටින කියුරියොසිටි රෝවරය මඟින් අඟහරු ග්‍රහයා මත චලනය වන සුළු ආලෝක බෝලයක්‌ පෙන්වන ඡායාරූප මාලාවක්‌ ගෙන තිබේ. එම ඡායාරූප රැගත් විඩියෝ පටයක්‌ නොවැම්බර් 29 දින යූ ටියුබ් ඔස්‌සේ මුදාහැර ඇත. සුළු ආලෝක බෝලය පෙන්වන ඡායාරූප ගෙන ඇත්තේ ජනවාරි 29 දින කියුරියොසිටි රෝවරයේ ඉදිරිපස ඇති දකුණු සහ වම් හැස්‌කැම්ස්‌ කැමරාවලිනි. එක්‌ කැමරාවකින් ඡායාරූප 4 බැගින් ඡායාරූප 8 කම එම ආලෝක බෝලය දකින්න ලැබේ. අවස්‌ථා 4 දිම සුළු ආලෝක බෝලය වෙනස්‌ ස්‌ථාන 4 ක ඇති ආකාරය පෙන්වයි. ඡායාරූප රැගෙන ඇත්තේ මිනිත්තු 15 ක කාලයක්‌ තුළ එකම ස්‌ථානයක සිටය. ඒවා ගනු ලැබූ දෘෂ්ටිකෝණය වෙනස්‌ වන්නේද ඉතා සුලු වශයෙනි. එයින් හැඟෙන්නේ සුළු ආලෝක බෝලය චලනය වී ඇති බවකි. වම් සහ දකුණු හැස්‌කැම් කැමරා දෙකම එකම ආලෝක බෝලය පෙන්වන නිසා එය එක්‌ කැමරාවක දෝෂයක්‌ නිසා පෙනෙන දෙයෑක්‌ යෑයි කීමටද නොහැකිය. 
මේ චලනය වන සුළු ආලෝක බෝලය කුමක්‌දැයි ප්‍රශ්නයක්‌ වී ඇත. එය සමහර විට පෘථිවියේ අකුණු කුණාටු සමඟ කලාතුරකින් දකින්න ලැබෙන අකුණු බෝලයක්‌ Ball lightningවැනි ස්‌වභාවික දෙයක්‌ වන්නට පුළුවන. අඟහරු ග්‍රහයා මත දූවිලි කුණාටු ඇති විට අකුණු ඇතිවන බව අනාවරණය වී ඇත. නමුත් කියුරියොසිටි රෝවරය මඟින් ගනු ලැබූ ඡායාරූප වල දූවිලි කුණාටුවක ලකුණු දක්‌නට නොවේ. එහි දැක්‌වෙන්නේ පැහැදිලි අඟහරු දිනකි. කැමරා දෝෂයකුත් නොවේ නම් අකුණු බෝලයකුත් නොවේ නම් සමහර විට එය අඟහරු ග්‍රහලෝකයේ ඇති කිසියම් බුද්ධිමත් දෙයක්‌ විය හැකිය. හඳුනා නොගත් පියාඹන වස්‌තු පර්යේෂකයෙකු වන පාඔලෝ හැරිස්‌ ගේ UFOs:How Does One Speak to a Ball of Light නම් ග්‍රන්ථයේ ආලෝක බෝල සන්නිවේදනයේ යෙදීමට හැකියාවක්‌ ඇති දැනීමක්‌ ඇති දෙයක්‌ වෙන්නට පුළුවන් බව පෙන්වා දෙයි. ඒ කිසිවක්‌ නොවේ නම් එය වෙනත් කෘත්‍රිම ප්‍රබවයක්‌ විය යුතුය. සමහර විට එය අඟහරු ග්‍රහයා මත කුමන හෝ ස්‌ථානයක සිට තාක්‌ෂණික වශයෙන් ඉතා දියුණු පිරිසක්‌ විසින් මෙහෙයවනු ලබන ජීවින් නොමැති යානයක්‌ විය හැකිය. පෘථිවියේ වගා කවයන් නිර්මාණය වූ ස්‌ථාන වලද සුළු ආලෝක බෝල වීඩියෝ කර තිබේ.
වගා කවයන් ලෙසින් හඳුන්වන්නේ තිරිඟු, බාර්ලි, රයි හෝ ඉරිඟු වැනි තැනිතලා වගාබිම් වල දකින්න ලැබෙන අක්‌කර ගණන් විශාල හැඩ තල වලින් නිර්මාණය වී ඇති රටාවන්ය. කවයක්‌ ලෙසින් හැඳින්වූවත් ඒවා නිතරම කවයක ස්‌වරූපයම නොගනී. ඒවායේ පෙනුම සරල වක්‍ර කීපයකින් සැදි රටාවල සිට සංකීර්ණ විස්‌තර සහිත රටාවන් දක්‌වා විහිදිය හැකිය. සමහර රටාවන් ගණිතමය සමීකරණ පදනම් කරගෙන කළ ඒවාය. ඇතැම් රටාවල නිශ්චිත පිහිටුවීම් අනුව නිර්මාණකරුට යුක්‌ලීඩ් ජ්‍යාමිතිය සම්බන්ධව පුළුල් දැනුමක්‌ ඇති බවක්‌ පෙනවයි. වගා කව බොහෝ විට දකින්න ලැබෙන්නේ අප්‍රේල් සහ සැප්තැම්බර් අතර වගාව වැඩෙන කාලයේය. බොහෝවිට රාත්‍රියේ නිර්මාණය කර උදෑසන දකින්න ලැබෙන්න නිසා නිර්මාණකරු හෝ නිර්මාණය කරන ආකාරය දකින්න නොලැබේ. මේ නිසා වගා කව නිර්මාණය කරන්නේ කවරෙක්‌ද යන්නට විවිධ අදහස්‌ පවතී. සුළිසුළං, පිටසක්‌වල ජීවින්, මිනිසුන් සහ පෘථිවියේ ශක්‌තිය එම අදහස්‌ අතර වේ.
රටාව නිර්මාණය වී ඇත්තේ අවශ්‍ය පරිදි වගාව තලා බිමට ඔබා තැබීමෙන් වන අතර සෙසු වගාවට කිසිදු පීඩාවක්‌ වූ බවක්‌ පෙනෙන්නට නොවේ. රටාවල කෙළවර කිසියම් යන්ත්‍රයකින් කළා යෑයි හිතෙන තරමට පැහැදිලි බවක්‌ ගනී. තලා ඇති වගාවෙ වූවද කඳ නමා තිබුණත් ඒවාට හානියක්‌ වූ බවක්‌ පෙනෙන්නට නොවේ. බොහෝ වෙලාවට තැලී ඇති වගාව වුවත් පසුව ස්‌වභාවික ලෙස වැඩීම සිදුවේ. 
වගා කව වැඩි ප්‍රමාණයක්‌ දකින්න ලැබෙන්නේ එංගලන්තයේ දකුණු දිගට වන්නටය. එක්‌සත් ජනපදය, කැනඩාව, ඕස්‌ටේලියාව, ජපානය සහ ඉන්දියාව ඇතුළුව ලොව වෙනත් ප්‍රදේශ වලද වගා කව දක්‌නට ලැබී ඇත. මුලින්ම වගා කවයක්‌ පිළිබඳ වාර්තා වී ඇත්තේ 1500 ගණන්වලය. 17 වන සියවසේ ඉංග්‍රීසී ලී කැපුම් මූර්තියක යක්‌ෂයෙක්‌ වැනි සත්වයෙක්‌ වගා කවයක්‌ නිර්මාණය කරන ආකාරය දක්‌වයි. විසි වන ශතවර්ෂය වන තෙක්‌ වගා කව අසන්නට ලැබෙන්නේ ඉතාමත් අඩුවෙනි. 1960 ගණන් වල සහ 1970 ගණන් වල එංගලන්තයේ සහ එක්‌සත් ජනපදයේ වගා කව දකින්න ලැබුණත් ඒවා ගැන වැඩි ලෝක අවධානයක්‌ යොමු වූයේ 1980 එංගලන්තයේ විල්ෂයර් ප්‍රාන්තයේ වගා කවයත් සමඟය. ගොවියෙකුගේ ඕට්‌ වගාබිමේ හරහට මීටර් 18 ක්‌ දිග ඇති කව තුනක රටාවක්‌ එහිදී දක්‌නට ලැබුණි. 1990 ගණන් වලදි වගා කවයන් සංචාරකයින් ඇදගන්නා දෙයක්‌ බවට පත් වී ඇති අතර ගොවියන් ඒවා පෙන්වීමට මුදල් පවා අයකරගෙන තිබේ. 1990 දි පමණක්‌ 500 කට වඩා වගා කවයන් යුරෝපයේ ඇති වී තිබුණි. 
බොහොමයක්‌ පර්යේෂකයන් විශ්වාස කරන්නේ වගා කව මිනිසුන්ගේම වැඩක්‌ ලෙසයි. 1991 දි බ්‍රිතාන්‍ය ජාතික හවුලක්‌ වූ ඩග් බව_ සහ ඩේව් චෝලෙ ඔවුන් 1978 පටන් සිය ගණන් වගා කව නිර්මාණය කළ බව 1991 දි ප්‍රසිද්ධියේ කියා සිටියේය. ඒ බව ඔප්පු කිරීමට එම හවුල බීබීසී සේවයේ වැඩසටහනක්‌ වෙනුවෙන් ලෑල්ලක්‌ සහ ලණුවක්‌ යොදා ගනිමින් වගා කවයක්‌ නිර්මාණය කර පෙන්නුවේය. වගා කව පිළිබඳ අධ්‍යනය කරන්නෙකු වන කොලින් ඇන්ඩෘස්‌ 80% ක්‌ පමණ වගා කව මිනිසුන් නිර්මාණය කළ ඒවා විය හැකි වූවත් ඉතිරි ඒවා කිසියම් ඉහළ බලයක වැඩක්‌ විය හැකි බව පවසයි. 
බොහෝ අය වගා කව හඳුනා නොගත් පියාඹන වස්‌තූන්ගේ නිර්මාණයක්‌ ලෙසටද දකී. නමුත් පිටසක්‌වල ජීවින් වගා කව නිර්මාණය කරනවා දුටු කෙනෙක්‌ මෙතෙක්‌ සොයා ගෙන නැත. වගා කව අසල දීප්තිමත් ආලෝක බෝල දුටු බවට නම් නොයෙක්‌ විට වාර්තා වී තිබේ. ඒවා දක්‌නට ලැබී ඇත්තේ රාත්‍රී කාලයේදිය. ඒ සෑම විටකම උදෑසන වගා කවයක නිර්මාණයක්‌ හමුවී ඇත. ඇතැම් ස්‌ථානවල තනි දීප්තිමත් ආලෝක බෝලයක්‌ ලෙසත් තවත් ස්‌ථාන වල කීපයක්‌ ලෙසිනුත් දුටු බවට සාක්‌කි තිබේ. වාර්තා වන ආකාරයට ඒවායේ ප්‍රමාණය බිත්තරයක සිට පාපන්දු බොලයක්‌ දක්‌වා වේ. ආලෝක බෝල මඟින් වගා කව නිර්මාණය කරන ආකාරය දුටුවායෑයි ප්‍රකාශ කරන කීපදෙනෙකුද සිටී. සෑම ආලෝක බෝලයක්‌ම ප්‍රදේශයෙන් පිටව ගොස්‌ ඇත්තේ පියාසර කරමිනි. 2014 ජුනි 3 රාත්‍රියේ ඕලන්දයේ tanddaarbuiten නම් ගමේදී රොබට්‌ බ්‍රොaක්‌ සහ රෝයි බුෂ්මන් යන දෙදෙනාට ආලෝක බෝලයක්‌ දකින්න ලැබී තිබේ. ඔවුන් ප්‍රදේශය පරීක්‌ෂා කිරීමට ගිය විට ඔවුන්ට විශාල ගුමු ශබ්දයක්‌ ඇසී ඇත. ඔවුන් ඉදිරියේ ශක්‌තිමත් විද්යුත් ක්‌ෂේත්‍රයක්‌ ඇති බව දැණුන බවත් මුළු සිරුරම පොපියන ගතියක්‌ දැණුන බවත් ඔවුන් පවසයි. දෙදෙනාම තිරිඟු වගාවට ඉහළින් වූ පා පන්දුවක්‌ තරම් විශාල ආලෝක බෝලයක්‌ මුළු ප්‍රදේශයම එළිය කරන අයුරු දැක ඇති අතර ඔවුන් ඉදිරියේ පිපිරෙන හඬ සමඟ කව නිර්මාණය වී තිබේ. 
වගා කව අසළ දකින්නට ලැබෙන දීප්තිමත් ආලෝක බෝල මොනවාදැයි කිසිවෙකුත් නොදනී. ඒවා පෘථිවියෙන් බාහිර දෙයක්‌ ලෙසට සැලකේ. එසේ නම් සමහර විට කියුරියොසිටි රෝවරයේ කැමරාවන්ට හසුවූ සුළු ආලෝක බෝලයත් පෘථිවියේ දකින්න ලැබෙන දීප්තිමත් ආලෝක බෝලත් අතර සම්බන්ධතාවක්‌ තිබෙන්නටද පුළුවන. 
Ö නිල්මිණි රාජපක්‍ෂ රදලගේ - divaina
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Saturday, November 25, 2017

සෙංකඩගල පැරැණි බෝගම්බර වැව වැනසුණේ කොහොමද? (අබිරහස් අඩවිය - Abirahas Adawiya - ශාස්ත්‍රීය ළිපි)

දැනට අවුරුදු 125 පමණ පෙර මුළුමනින් ම විනාශව ගිය ඓතිහාසික පැරැණි බෝගම්බර වැව ගැන කෙටි සටහනක්‌ මෙහි එයි. පැරැණි බෝගම්බර වැව ජනප්‍රවාද අනුව ඇරඹුයේ පළමු විමලධර්මසූරිය රජුය. (ක්‍රි. ව. 1592 - 1604) ඒ බව පැරැණි මූලාශ්‍රවල නැත. ඓතිහාසිකව බැලූ විට මේ වැව කළේ දෙවැනි රාජසිංහ (ක්‍රි. ව. 1636 - 1687) බව පෙනෙයි. සෙංකඩගල මුල්කල ලියවුණු මන්දාරම්පුර පුවත ඉතිහාස කාව්‍යය දෙවැනි රාජසිංහ රජු වැව් 32 ක්‌ කළ බව කියයි. පැරැණි බෝගම්බර වැව මේ රජු කළ වැව් තිස්‌ දෙකෙන් එකක්‌ විය යුතුයි. අද මහනුවර බස්‌ නැවතුම්පළ, ඔරලෝසු කණුව, පොදු වෙළෙඳපොළ, බෝගම්බර ක්‍රීඩාපිටිය, මහනුවර අධ්‍යාපන දෙපාර්තමේන්තුව, ප්‍රධාන තැපැල් කාර්යාලය, දුම්රිය ස්‌ථානය, මහනුවර පොලිස්‌ ගොඩනැඟිල්ල, ගණදෙවි කෝවිල පුරා පැතිර ගිය විශාල බිමක එදා පැරැණි බෝගම්බර වැව විය.
පළමු විමලධර්මසූරිය
දුනුමඬලාd ඔය හරස්‌ කර බැඳ තිබූ මේ වැවට දුනුමඬලා ඔයේ ජලය දුනුමඬලා කන්ද, හන්තාන කන්ද, බහිරව කන්ද, උඩවත්ත කැලේ හා අම්පිටිය දෙසින් ගලා ආ ජලය ද ලැබුණි. (දැනට ඇති බෝගම්බර වැව 1810 - 1812 අතර ශ්‍රී වික්‍රම රාජසිංහ රජු කරවූවකි. (දැනට මහනුවර නගරයේ ජල බැස්‌ම මේ පැරැණි වැව වූ දෙසටයි. වර්ෂාව වේලාවක මහනුවර දුම්රියපළේ පැය භාගයක්‌ සිටියොත් අඩි දෙකකට වඩා උසට වතුර එකතු වෙයි. මහනුවර අධ්‍යාපන දෙපාර්තමේන්තුව යාව නව ගොඩනැඟිලි සැදීමේදී අඩි පහක්‌ පමණ යට සෑරීමේදී පුවක්‌ ගසක්‌ තරම වතුර ගොබ නොනවත්වා මතු විය. ගණදෙවි කෝවිල පිටුපස
ද මෙවැනි විශාල අල්පත් මතුවෙයි. මේ සියල්ල පැරැණි වැවේ උල්පත්ය. එදා පැරැණි වැවේ එක්‌ මායිමක්‌ වූයේ කැප්පෙටිපොල විශ්‍රාම සාලව අසලය. කැප්පෙටිපොළ හිස ගසා දැමූවේ එහිය. කැප්පෙටිපොල නිලමේ හිස ගසා දැමූ තැන අද කැප්පෙටිපොල බෝධිය හා කැප්පෙටිපොල විශ්‍රාම ශාලාව ඇත. කැප්පෙටිපොළ පැරැණි බෝධිය අද ඇත්තේ ඉන් මතු වූ ශාඛාවකි. දැන් ගණදෙවි කෝවිල (සෙල්ව විනායගර් කෝවිල) පිටුපස පැරැණි වැවේ කෙළවර තවත් ස්‌වභාවික පැරැණි නාන තොටුපල හා පොකුණක්‌ විය. අද ගණදෙවි කෝවිලේ පුද ලබන ගණදෙවි රුව ඒ පොකුණේ යට වී තිබුණු එකකි. ගණදෙවි කෝවිල ගාව වෙම්බ්ලි සිනමා හල අසළ පැරැනි වැව පාර (ඕල්ඩ් ලේක්‌ රෝඩ්) යන නාම පුවරුව ඇත. ඒ අනුව පැරැණි වැවේ එක්‌ කෙළවරක්‌ මේ විය. පැරැණි වැව් කෙළවර අල්ලා තිබූ ඔප දැමූ ගල් ලෑලි පැරැණි වැව පාරේÊනිවසක පියගැට ලෙස අල්ලා තිබෙනු අවුරුදු 15 පමණ පෙර දුටුවා මට මතකය.
ඇහැලේපොල
වැව කෙළවර ගණදෙවිs කෝවිල අසල එදා සෙංකඩගල නගරයේ වැදගත් ස්‌ථාන දෙකක්‌ විය. ඒ කුමාර හපුව හා සැරහුම් පළයි. සැරහුම්පළ යාව තිබූ කුමාරහපුව එදා නගරයේ වූ ඉපැරැණි ගසකි. අද ඒ ගස නැත. බෝගම්බර වැවේ ජලයෙන් දෙයියන්නේවෙල, මුල්ගම්පල, ගැටඹේ කඹුරුයායවල් වගා කරන ලදී. මුලින් මාතලේ රත්තොට අවට පුද ලැබූ බෝගම්බර දෙවිඳුට කැප කළ දේවාලයක්‌ මේ සීමාවේ වූ තිසා වැව බෝගම්බර වැව ලෙස ප්‍රසිද්ධ විය. බෝගම්බර දෙවි ඉන්දියාවේ සිට ආවෙකි.
රොබට්‌ නොක්‌ස්‌ගේ 'ලංකා විස්‌තරය' අනුව සතුරන් ආ විට රජු තම වටිනා වස්‌තුව මහවැලි ගඟට හා මේ වැවට දැමූ බව කියයි. රජු මිනී කන කිඹුලන් වැවේ ඇති කළ නිසා එදා කිසිවකු වැව දෙසට ගියේ නැති බව වොක්‌ස්‌ කියයි. ශ්‍රී වික්‍රම රාජසිංහ රජු (ක්‍රි. ව. 1798 - 1815) ඇහැලේපොල කුමාරිහාමී ඇතුළු ස්‌ත්‍රීන් ගෙලේ ගල් බැඳ ගිල්වා මැරුවේ මේ පැරණි බෝගම්බර වැවේය. (ඇතැම් රාත්‍රියක මේ වැව වු දෙස සිට ඇහැලේපල වලව්වේ දෙසට - දැන් ජනාධිපති මන්දිරය අසළ රිමාන්ඩ් බන්ධනාගාරය දෙසට ඇහැලේපොල කුමාරිහාමීගේ අවතාරය ගමන් කරනු දුටු කීපදෙනකු මට හමු වී ඇත.) උඩරට කැරැල්ල- 3 ග්‍රන්ථයේ තෙන්නකෝන් විමලානන්ද කියන පරිදි කැප්පෙටිපොළගේ හිස වම් කෙළවරදී ගසා දමා ඇත. මේ වැව ඉදි වු කල වැවේ එක්‌ කෙළවරක බෝගම්බර දෙවිඳුට කැප වූ බෝගම්බර දේවාලය හා අනිත් කෙළවර ජලයට අධිපති බහැරව කෝවිල ඉදි කළ බව පෙනෙයි. දැන් ගණ දෙවි කෝවිල ඇති බිමේ වූ මුල් කුඩා ගණදෙවි කෝවිල හින්දු බහුදේව වන්දනාව අනුව බහිරව කෝවිලකි. බහිරව කෝවිල පසු කළ ගණදෙවි කෝවිල ලෙස ප්‍රකට වූ බව පෙනෙයි. පැරැණි බහිරව කෝවිල සිට පුෂ්පදාන බාලිකා මහා විද්‍යාලය ඔස්‌සේ බහිරව කන්දට පාර විහිදෙයි. නියඟ දුරලා වර්ෂාව ලැබීම සශ්‍රීකත්වය ජලයට අධිපති ලෙස එදා බාහිරව පුදනු ලැබීය.
දොළ පිහිල්ලේ ලිවූ ඉන්ද ඩේස්‌ ඔµa ද ශ්‍රී වික්‍රම රාජසිංහ ග්‍රන්ථය අනුව එදා බහිරවයාට නර බිලි පවා පුදා ඇත. දෙයියන්නේවෙලට ඒ නම ලැබුණේ බෝගම්බර දෙවිඳුට කැපව තිබූ දේවාලය නිසාය. පැරැණි බෝගම්බර වැව විනාශ වීමට හේතු කවරේද?
'පවන' නම් ප්‍රශස්‌ති කාව්‍යය අනුව 1661 බිහිසුණු ගංවතුරක්‌ විය.
'පවන' ප්‍රශස්‌ති කාව්‍යය අනුව 1678 මහනුවර හා අවට බිහිසුණු භූමි කම්පාවක්‌ විය. මහනුවර හා අවට වැව් කීපයක්‌ විනාශයට මේ හේතු විය. (පවන කිරිඇල්ලේ ඥාණවිමල හිමි මුද්‍රණය කරවා ඇත.)
නාවුල්ලේ ධම්මානන්ද හිමි "මධ්‍ය ලංකා පුරාවෘත්ත' ග්‍රන්ථය අනුව 1706 සිදුවූ දරුණු ගංවතුරක්‌ වැව විනාශයට හේතු විය.
1817 - 18 උඩරට කැරැල්ලට පසු අවුරුදු දොළහක්‌ දළදා පෙරහැර තහනම් විය. රටේ දරුණු නියඟයක්‌ ඇති විය. මේ නියඟ දුරළීමට 1828 අවුරුදු 12 පසු දළදා හිමි ප්‍රදර්ශනය හා පෙරහැර විය. 1828 දළදා පෙරහැර සමඟ දළදා වතුර නමින් ප්‍රකට මහා ගංවතුරක්‌ ඇති විය. වැව විනාශයට එය ද හේතු විය.
කඳුවලින් වර්ෂා ජලය සමඟÊපස්‌ සෝදා අවුත් වැව පිරීයැම, වැව පස්‌ ඉවත් නොකිරීම හා නඩත්තු නොකිරීම සිදුවිය.
කොළඹ - මහනුවර පාර 1841 වැඩ නිම විය. එහි අවසන් කොටස වැව කොටසක්‌ හරහා ආ බැවින් වැවේ කොටසක්‌ ගොඩ කිරීමට සිදුවිය.
කොළඹ - මහනුවර දුම්රිය පාර 1867 නිම විය. 1867 දුම්රිය පාරට වැව මැදින් කොටසක්‌ යට විය.
බ්‍රිතාන්‍යයේ 7 එඩ්වඩ් කුමරා 1875 ලංකාවට ආවේය. කුමරු පිළිගැනීමට මහනුවර වෙනස්‌කම් කීපයක්‌ කළේය. මඟුල් මඩුව පළල් කිරීම, පත්තිනි දේවාලය අසල වතුර වළ සෑදීම. අලුත් බෝගම්බර වැවේ බිම්ම අලුත්වැඩියාව හා කැබලි වී තැනින් තැන විනාශව ගොඩ වී තිබූ පැරැණි වැව 1875 මුළුමනින්ම ගොඩකර බෝගම්බර ක්‍රීඩා පිටිය සැකසීම. වැව නැතත් බෝගම්බර ක්‍රීඩා පිටිය නමින් අද නම ඇත.
මහනුවර - මාතලේ දුම්රිය පාර 1878 වැඩ අරඹා 1880 නිම විය.
1875 හත්වැනි එඩ්වඩ් කුමරු පිළිගැනීමට වැව මුළුමනින්ම ගොඩකර පිට්‌ටනියක්‌ ලෙස සැකසූ පැරැණි වම් ඉවුරේ වටිනා දේ තිබුණා නම් 1878 - 1880 මාතලේ දුම්රිය පාරට ඒවා යට විය. ආදාහනමළුව විහාරයේ පැරැණි රජවරුන්ගේ සොහොන් කොත් අඩංගු කොටසක්‌ ද මහනුවර මතෙලේ දුම්රිය පාරට යට විය.
එස්‌. කේ. ජයවර්ධන - divaina
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Saturday, November 11, 2017

හෙළ ඉතිහාසයේ මහා රාවණ යුගය.......(අබිරහස් අඩවිය - Abirahas Adawiya - rawana )

හෙළ අසුර අධිරාජ්‍යයේ ස්වර්ණමය අවධිය ලෙස සැලකෙන්නේ මහා රාවණ යුගයයි. භාරතයේ හින්දුන් රාවණ නමට කොතෙක් බියද යන්න පැහැදිලි වන්නේ වාර්ෂික ‘‘දුසේරා’’ ආගමික උත්සවය පවත්වමින් රාවණ රූපය, පුලුස්සන නිසාය. රාමායණයේ ‘‘දසිස් රාවණ’‘ ලෙසද, සිංහල සාහිත්‍යයේ ‘‘රාවණ රවුළු’’ ලෙසද, යක්‍ෂ ගෝත‍්‍රිකයන්ගේ වරිගපූර්ණිකාවේ ‘‘රාවණ රණබා’’ ඔහු හැඳින්වේ. මෙම අවධියේ දකුණු අමෙරිකාවේ අන්දීස් කඳු මත පාතාල රාජ්‍යය දක්වා බටහිරටද දකුණු යුරෝපයේ රමණීය (රොමානියා) රට හා ඉතාලියේ රෝමාණු (රෝමය) සහ මැද දෙරණ (මධ්‍යධරණී) බැබිලෝනියාව ඇතුළු මැද පෙරදිගද, නැගෙනහිරට රමණක (ෆීජි දූපත්) දක්වාද මෙම සංස්කෘතික අධිරාජ්‍ය බටහිර නැගෙනහිර දෙසට ව්‍යාප්තව පැතිරී තිබුණි. මේ නිවර්තනික ජීවන රටාවයි. දකුණු යුරෝපයේ මධ්‍යධරණී මුහුද වටාද ධාන්‍යය, ඵළවළු, පලතුරු හොඳින් වගා වීම නිසා බලපෑම් ඇතිවුණි. අති පෞරාණික ලෝකයේ දක්නට ඇති විශාලම සංස්කෘතික කලාපය එයයි. ඒ තුළ රාවණ අවධිය විශිෂ්ට වන්නේය. මහා රාවණට පෙළපතක් ඇත.  
රාවණ පෙළපතේ මුත්තා පුලස්ති
 උත්තම දරුවන් ලැබීමේ න්‍යාය තුළ සෘෂිවරුන්ගෙන් හා මුනිවරුන්ගෙන් කාන්තාවන් දරුවන් ලබාගැනීමේ විධි ක‍්‍රමය තුළට රාවණගේ මව් පාර්ශ්වය හා පිය පාර්ශ්වය යන දෙපාර්ශ්වයම ඇතුළත්ය. පිය පාර්ශ්වයේ බලන විට විශ‍්‍රවස් පියා බලගතුම මුනිවරයෙකි. පියාගේ (විශ‍්‍රවස්) පියාද පුලස්ති නමැති බලවත් සෘෂිවරයාය. මව් පාර්ශ්වය ගත්විට මවගේ පියා නොහොත් සීයා වන සුමාලී රකුස් රජු කාශ්‍යප මුනිට දාව මන්දාත කුසින් බිහි විය. සමකාලීන ලෝකයේ බලවත්ම සෘෂි පාලකයා වීමට මහා රාවණට මෙසේ සූදානම් විය. සුමාලී රකුස් රජු තම දුව වන කෛකසී කුමරිය දරුවන් ලැබීම සඳහා විශ‍්‍රවස් මුනි වෙතට යැව්වේ අසුර අධිරාජ්‍යයට අනාගතයේදී උපද්‍රව ඇතිවිය හැකි නිසා බලවත් පාලකයකු ඇතිකර ගැනීමටයි.  
පුලස්ති සෘෂි විසුවේ පුලස්තිපුර නොහොත් පොලොන්නරුවේය. ඔහු භාවනා කිරීම සඳහා අනුරාධපුරයේ වෙස්සගිරියේ පිහිටි තණචොඩක (සංස්කෘත තෘණබින්දු) සෘෂිවරයාගේ අසපුවට ආවේය. එහිදී තණ චොඩකගේ තරුණ දූවරුන්ගේ කෑගෑසීම්, සිනා ආදි ශබ්ද නිසා බාධා ඇතිවිය. ඉන් කෝපයට පත් පුලස්ති ප‍්‍රාර්ථනා කළේ තමා සමාධියෙන් නැගී සිට ඇස් ඇරියවිට පළමුවෙන් දකින තරුණිය ගැබ් ගනීවා යනුවෙනි. ඔහු පළමුවෙන් දුටුවේ තණචොඩක සෘෂිගේ දියණි හවිර්ගුය. ඇය ගැබ් ගත්තාය. ඇයට ලැබුණු දරුවා පසු කලෙක බලගතු මුනිවරයකු විය. ඒ විශ‍්‍රවස් මුණිය. අනුරාධපුර විශ‍්‍රවස්ගිරි නොහොත් වෙස්සගිරිය නම් වී ඇත්තේ විශ‍්‍රවස්ගේ නමිනි. 
තෘණබින්දු සෘෂිගේ අසපුව අසලම විශ‍්‍රවස් මුනිඳු විසූ බව සෙල්ලිපි අංක 88න් පැහැදිලි වේ. ලංකා ශිලාලිපි සංග‍්‍රහය I වෙළුම සංස්කරණය මහාචාර්ය සෙනරත් පරණවිතාන මෙසේ දක්වයි. තණචොඩක නාමය විකෘතිකර ඇත.   
අනුරාධපුර වෙස්සගිරි ලිපි: අංක 86 ගලෙහි ලිපිය තණචොඩක දතහ ලෙණෙ පුරාවිද්‍යා කියවීම ගණචොඩක දතහ ලෙණෙ (විකෘති කියවීම) වාපිත්, සෙම් (ත‍්‍රිදෝෂ) සංකල්පය ලොවට ඉදිරිපත් කළේ පුලස්ති සෘෂි බව සුශ‍්‍රැත සංහිතාව පවසයි.  
රාවණ සීයා (විශ‍්‍රවස් මුනි)
 තෘණ බින්දු සෘෂිගේ දියණියගේ දරුවා වූ විශ‍්‍රවස් මුනිද්‍ා වෙස්සගිරියේම විසූ නිසා එය ‘‘වෙස්සගිරිය’’ විය. ලංකා ශිලා ලේඛන සංග‍්‍රහය- I​ වෙළුම සංස්කරණය මහාචාර්ය පරණවිතාන මෙසේ දක්වයි ලිපිය අංක 88   
ගලෙහි ලිපිය: පරුමක විසව පුත පරුමක...  
පුරාවිද්‍යා කියවීම: පරුමක විසදව පුත පරුමක...  
1913 කියවීමේදී ‘‘විසව’’ තිබූ තැනට 1950 වන විට ‘‘විසදව’’ ලෙස ‘‘ද’’ යන්නත් මැදට පැන ඇත. බැරිවීමකින් 1913 දී නිවැරදිව කියවන්නට ඇත. විශ‍්‍රවස් මුනිගේ නම සඳහන් සෙල්ලිපි ගණනක්ම පුරාවිද්‍යාව විසින් සොයා ගනු ලැබීමෙන් වැළකී ඇත.  
1. හොරොව්පතාන අසල වලස්තෙවුණ වැව ලිපිය. ‘‘පරුමක විසවගේ පුත් පරුමක රවණ ලෙණ.  
2. එම වලස්තෙවුණ වැවම ‘‘පරුමක විසව පුත් විභීෂණගේ ලෙණ’’  
3. මහනුවර අසල වේගිරිය දේවාලයේ ලිපිය ‘‘පරුමක විශ‍්‍රවස්ගේ පුත් පරුමක කුඹුක්කන්ගේ ලෙණ’’  
4. හොරොව්පතානේ එරපොතාන ලිපිය ‘‘පරුමක විශ‍්‍රවස්ගේ පුත් පරුමක කුබිරගේ ලෙණ’’   
මෙම ලිපි හතර සොයාගනු ලැබ ඇත්තේ නිදහස් පුරාවිද්‍යා, ගවේෂක පතිරආරච්චි නමැති අය විසිනි. පුරාවිද්‍යාව මේ සියල්ලට අන්ධව විශ‍්‍රවස් මිථ්‍යාවක් බව කියති.
රාවණාගේ මව්පස සීයා සුමාලි
 මීට පෙරද විස්තර දක්වා ඇති සුමාලි රකුස් රජු රාවණාගේ මව්පස සීයාය. ඇයද දේවයානිට ලැබුණේ කාශ්‍යප මුනි හා එක්වීමෙනි. ඔහුද බෝම්බ දමමින් දිග් විජය කල අධිරාජ්‍ය ගොඩනගන්නකු විය. සුමාලිට සුර ගුප්ත යයි නමක්ද විය. කතිර කුමරුගේ විශාල දේව සේනාවට ගොඩබිම යුද්ධයේදී සුමාලි රකුස් රජු පරාජය විය.  
මව්පිය පරම්පරාවක් හා දරු පරම්පරාවක් නැති රාම හා සීතා යන මනංකල්පිත චරිතවලට ඓතිහාසික වූ රාවණ සම්බන්ධ නොවන්නේය. රාමායණයට සියවස් තුනකට නොඅඩු කාලයකදී සම්පාදනය වූ දශරථ ජාතකයේ රාම, සීතා සහ ලක්‍ෂ්මණ සොයුරු සොයුරියන්ය. ඔවුහු වනයේ 12 අවුරුද්දක් ජීවත් වූහ. දසිස් රාවණ කෙනකු ඔවුනට සම්බන්ධ වීම හෝ රාම රාවණා යුද්ධයක් හෝ නැත. රාමායණයට අනුව රාම යනු විෂ්ණුගේ 6 වැනි අවතාරයයි. මනුෂ්‍යයකු නෙවේ. සීතා යනු ඕපපාතිකව නගුල් මිටෙන් උපන් තැනැත්තියකි. එබැවින් රාමායනය ප‍්‍රබන්ධකළ වාල්මිකී විසින්ම තම කෘතිය ප‍්‍රබන්ධයක් ලෙස පිළිගනී.  
‘‘රා’’ යනු ඉරයි. වණ යනු කණ්ඩායම නොහොත් සමූහයයි. රාවණ යනු පුද්ගල නාමයක් ලෙස නොව පෙළපත් නාමයක් ලෙස සැලකිය හැක. හිරුරැස් ප‍්‍රයෝජනයට ගෙන නිෂ්පාදනය කළ සූර්ය පෙළපත ලෙස මෙය සැලකීමට පුළුවන. දසිස් රාවණ ලෙස රාමායණයේද, රවුළු රාවණ ලෙස සිංහල සාහිත්‍ය ග‍්‍රන්ථවලද, රණබා ලෙස යක්‍ෂගෝත‍්‍රික වරිගපූර්ණිකාවේද මහා රාවණයන් හැඳින්වේ.  
රාවණගේ ඥාති සොයුරු කුබිර (කුවේරා) 
 ලංකාපුරය හා දඬුමොණරය (පුෂ්පක යානය) විශ්වකර්ම නොහොත් මය විසින් නිෂ්පාදනය කෙරුණේ. දේවයානීගේ පුත් සිංහමුඛ සඳහාය. නමුත් කතිර කුමරු තමා හා යුද්ධයට එන බව දැනගත් විට සිංහමුව පලාගියේ පාතාල රාජ්‍යය පිහිටි දකුණු ඇමෙරිකාවටයි. එවිට ලංකාපුරය අරාජික විය. දඬුමොනරය අස්වාමික වුණි.(පසු කලෙක රාවණයන් විසින් සෑදුණු නැකැත් අතර දඬුමොනරය නමැති නැකතක්ද විය. අද දකුණු පළාතේදී ඊට දඬුමරණය යයි කියති.)  
සිංහමුඛ පලාගොස් ලංකාපුරය හිස්වීම නිසා විශ‍්‍රවස්ගේ යක් බිරියක් වූ ඉල්විලාගේ පුත් කුබිර (කුවේර) එහි පාලකයා විය. එවිට දඩුමොනරයද ඔහු සතු විය. මෙය දසිස් රාවණගේ නොසතුටට හේතු වුනි. මව්පිය උභය පාර්ශ්වයෙන්ම සෘෂිවරුන්ට හා මුනිවරුන්ට තුන්වරක් ජාතක වූද, දශ ඥානයකින් යුතුව බුද්ධියෙන් බැබළෙන්නාවූද රාවණ පමණක් දැන් හිස් වූ ලංකාපුරයේ පාලක තනතුරට සුදුසු විය. එබැවින් ඥාති සොහොයුරු කුවේර නෙරපා හැර ලංකාපුරය තමා අතට ගැනීමට රාවණ කටයුතු කළේය. ඊට ඔහුට උදව් කළේ මවගේ ඥාති සහෝදරයකු (මාමා) වූ දුම්රක්ගල (දිඹුලාගල) විසූ දුම්රක් (ධූමරාක්‍ෂ) සේනාපතියාය. මෙකල විශ‍්‍රවස් විසූ සීගිරියට කුවේරද පලවා කොටුකරන ලදී. අන්තිමේදී එතැන් සිට විශ‍්‍රවස් සහ කුවේර වයඹදිග ඉන්දියාවේ පන්ජාබයට නෙරපූ බව ගරුඩපුරාණයේත් භගවත් ගීතාවේත් සඳහන්ය.  
අරිසෙන් අහුබුදු සූරීන් පවසන පරිදි ඉන්දු රජු විසින් ඉදි කෙරුණු ඉන්දු රාජ්‍යයේ (සින්ධු ගඟ ඇසුරින් මෙය ඉදිවිය) රජකම විශ‍්‍රවස් විසින් ලබා ගැනුණි. ඉන්දු රජුගේ අගනුවර වූ මුල් තැන (multan) අදත් එනමින් හැඳින්වේ. මේ පංජාබයේ ගංගා 5 එකතු වන තැනයි. පන්ජාබයේ අදත් අගනුවර මුල්තැන්ය. කුවේර විසින් තෝරා ගැනු​ෙණ් කෛලාශකූටයයි. මේ අනවතප්ත විලට යාවය. අදත් මේ දෙකම මිල අධික සංචාරක මධ්‍යස්ථානයන්ය. අහස් මිහිර රාජ්‍යය අද කාශ්මීර වී ඇත. අදත් කෛලාශකූටය අවුරුද්ද පුරා හිමෙන් වැසී පවතී. එහි ඡායාව අනවතප්ත විලට වැටීම මනරම් දසුනකි. (බලන්න අන්තර්ජාලය)  
මහා රාවණගේ ලංකාපුරය
 රටවල් හා ජාතීන් බිහි නොවී තිබුණු මෙම යුගයේ පැවති පුරරාජ්‍ය (පෞරරාජ්‍ය පැවතුණි ඒවා පාලනය කළේ දේව අධ්‍යාපනය හදාරා ඉහළම පාලක තත්ත්වය වන සෘෂි හා මහසෘෂි බවට පත් වූ අයය. රාවණගේ අභාවයෙන් පසු ලංකාපුරය මුහුදට යට විණ. නෙදර්ලන්ත මුහුදු පුරාවිද්‍යාඥයන් පිරිසක් විසින් 2009 දී සොයාගනු ලැබුවේ මුහුදට ගිලීගිය නගරයක නටබුන්ය. මහාරාවණ කෝට්ටය හා කුඩා රාවණ කෝට්ටය අසල පානමින් ඇත. පිහිටි මෙම නගරය සමඟ සිහින් දිගටි හා වක්වූ භූමි ස්කන්ධයක්ද ගිලිහී ගොස් ඇත. එය අප‍්‍රිකාවේ මැදගස්කරය ( ) දක්වා විහිදී ඇත. වර්ග ප‍්‍රමාණයෙන් වර්ග කි.මී. 4,50,000ට වැඩි මෙයට එර්ෂියා (Earcia) යන නම දී ඇත. (බලන්න අන්තර්ජාලය)   
යුරෝපීය සුදු මිනිසුන් විසින් 20 සියවස පුරාම තම පරමාදර්ශී රාජ්‍යය ලෙස අභිමානයෙන් ප‍්‍රකාශ කෙරුණු අත්ලන්තිස් පුරවරය (City of atlantis) නමැති රාජ්‍යයක් විය. ක්‍රි.පූ. 4 සියවසේ විසූ ග‍්‍රීක් ජාතික පඬිවරයා විසින් මෙය ලේඛන ගතකරනු ලැබ තිබුණේ. ඔවුන් එය මිසරවාසීන්ගෙන් අසා දැනගත් පරිදිය. මිසරයින් ඊට මිසර නමක් යෙදූ නිසා තමා ඊට ග‍්‍රීක් නමක් වන අත්ලන්තිස් යන්න යෙදූ බව ප්ලේටෝ සඳහන් කරයි. 20 සියවස මැදදී අත්ලන්තික් සයුරේද සියවස් අගදී මධ්‍යධරණී මුහුදේද එය සොයා ගවේෂණය කළ සුදු ජාතීන් 21 සියවසේදී එය සෙවීම අතහැර දමා ඇත. ඊට හේතුව නම් රාමායනයේ විස්තර වන හනුමා දුටුවේයැයි කියන ලංකාපුර විස්තරයත් ප්ලේටෝගේ අත්ලන්තිස් පුරවරයත් එකක්ම බව 1999 දී බ්‍රිතාන්‍ය මානව විද්‍යාඥයකු විසින් ඔප්පු කරනු ලැබීමය. සමානකම් නම්:  
1. කඳු තුනක් මත පිහිටීම (ත‍්‍රිකූටය) ත‍්‍රිකූටමලේ? 2. පුජක (දේව) පාලනය 3. ගුවන්යානා 4. කාන්තා - පිරිමි සම අයිතිවාසිකම් 5. තනි දේවාලයක් තිබීම. 6. මාර්ග පද්ධතිය හා දෙපස නිවාස 7. අලියා සිිටීම 8. කෙසෙල්, දොඩම් සහ අඹගස්. 9. විනාශකාරී (න්‍යෂ්ටික) අවි. 10 අසුර නාමය (ග‍්‍රීක අස්වින්) 11. ලොව පරමාදර්ශී රාජ්‍යය වීම 12. මුහුදට ගිලාබැස විනාශ වීම මෙහි මුදුන් තුන (ත‍්‍රිකුට) සහිත කඳු පෙදෙස (මළය) ඇතැම් විට ත‍්‍රිකුණාමලයද විය හැක. නමුත් හැඩ ඔය මෝය අසල පොතුවිල නගරය අසල එය වන්නට ඇති බවට සාධක වැඩිය.  
රාවණ කුමරු විසින් ගෝකණ්ණ (ත‍්‍රිකුණාමල) පිහිටි මරීච සෘෂිගේ අසපුවේ තුන්වසරක් උග‍්‍ර තපස් කෙරුණේ වරමක් ලබාගැනීමටය. එනම් මිනිසකු අතින් මිය නොයාමටය. වාල්මිකී තම රාමායණයෙන් එය සනාථකරන්නේ මිනිසකු නොවන විෂ්ණුගේ 6 අවතාරය වූ රාම අවතාරය අතින් රාවණ මිය ගිය බව පවසමිනි.  
ලංකාපුරය යනු අලංකාර පුරය යන අර්ථය ලබාදෙන බව අහුබුදු සූරීහු දක්වති. කාශ්මීරයට (අහස්මිහිර) ගිය කුවේරද එහිගොඩනගා ගත්තේ අලකාපුරයයි. එයද ලංකාපුරයට සමානවන්නට ඇත. සියලුම යස ඉසුරින් පිරි නගරයක් සංස්කෘත හා සිංහල සාහිත්‍යයේ හඳුන්වන්නේ කුවේරගේ අලකාපුරයට සමාන කරමිනි. ඉතිහාස පොතින් අප ඉගෙන​ෙගන ඇත්තේ පෞරරාජ්‍යයන් බිහිවූයේ ග‍්‍රීසියේ බවය. ලංකාවට එහි ගෞරවය ලබාදීමට ඉංග‍්‍රීසි ඉතිහාසඥයෝ අකමැති වූහ. වේලාපුර, රත්නපුර, අනුරාජපුර, විජිතපුර, සෝමපුර, යක්පුර, මහින්දපුර අනෙකුත් පුරයන්ය.   
මහාරාවණ හා රාමායණය
 1980 දශකය වනතුරු රාවණ රජකු ගැන අප දැන සිටියේ රාමායණය ඇසුරිනි. ඒ පන්තිකාමර අධ්‍යාපනය හා පුවත්පත් සඟරා ආශ‍්‍රයෙනි. බටහිර මානව විද්‍යාඥයන් අසුර අධිරාජ්‍යයක් හා එහි සිටි සෘෂි පාලක මහා රාවණ කෙනකු ගැන දැනගත්තේ 1980 දශකයේ පටන්ය. අද එම සෘෂි පාලක රාවණයන් දැවැන්ත ආකාරයෙන් මතු වී එන්නේ ඉතිහාසය තුළිනි. ඒ අනුව රාමායණ ‘‘රාවණ රජු’’ බොඳවී යන බවක් දක්නට ඇත.  
රාමායනය මහා කාව්‍යයකි. එමෙන්ම වීර කාව්‍යයකි. අලංකාරවාදයට අනුව මහා කාව්‍යයක් වීමට අත්‍යවශ්‍ය අංග කීපයකි. නගර වර්ණනා, උද්‍යාන වර්ණනා, වීර චරිතයක්, වීරයාට අභියෝග කරන දුෂ්ටයෙක්, ගැහැනියක් නිසා ඇතිවන ගැටුමක්, යුද වර්ණනාවක්, දේව පූජා, ප‍්‍රීති උත්සවයක් ආදිය අනිවාර්යය. රාම කුමරුගේ වීරත්වය හුවා දැක්වීමට දුෂ්ට රාවණ රජු, සීතා පැහැරගැනීම, රාම - රාවණ යුද්ධය, ලංකාපුර නගර හා උද්‍යාන වර්ණනා ආදිය රාමායනයට ඇතුළත් කර තිබේ. මේ සඳහා භාරතයේ අන් රජකු තේරා නොගෙන ලංකාවේ මහා රාවණයන්ව තෝරා ගත්තේ ඇයිද යන්න උපකල්පනය කිරීම අපහසුය. රාමායනයට මද කලකට පසු ලියවුණ ජාතකට්ඨ කථාවේ දශරථ ජාතකයේද රාමා, සීතා හා ලක්‍ෂ්මන් දැක්වේ. ඒ සහෝදර සහෝදරියන් තිදෙනෙකි. එහි රාවණයකුගේ සම්බන්ධයක් නැත. රාමාගේ චරිතය ඔසවාලීම සඳහා ඔහුට එරෙහි දුෂ්ටයා ලෙස වාල්මිකී දැන සිටි බලවත්ම පුද්ගලයා යොදාගන්නට ඇතැයි සිතිය හැක. මහා රාවණ වනාහී තුන් ලොවම ජයගත් අයකු ලෙස සංස්කෘත සාහිත්‍යයේ සඳහන්ය. ඔහු රාමායනයට සීමා නොවේ.  
කෘත, ද්වාපර, නේත‍්‍රා සහ කලි (වත්මන කලි යුගයයි) යන හින්දුන්ගේ යුගවලින් නේත‍්‍රා යුගයේ ආරම්භයේ ජීවත් වූවකු ලෙස රාවණ හැඳින්වේ. ඔහු රජකු නොව දේව අධ්‍යාපනය ප‍්‍රගුණ කළ සෘෂි පාලකවරයෙකි. දස ඥානයක් (දසිස්) ඔහුට විය. අසුර- අධිරාජ්‍යයේ ශ්‍රේෂ්ඨතම පාලකයා හා නායකයා විය. මෙබදු අයකු සමග ගැටුණ විට රාම චරිතය ඊටද වඩා උසස් වන නිසාම වාල්මිකී රාමායණයට රාවණා ඇදගන්නට ඇත.
lankadeepa
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Friday, November 10, 2017

වළං ගේ අරක් ගත් වවුල් අවතාරය.....(අබිරහස් අඩවිය - Abirahas Adawiya - හොල්මන් කතා. holman katha)

අප බණ්ඩරවත්ත ජයවික්‍රම බූදලය වෙත ඇදුණේ තිස්සමහාරාම විහාරය අසලදී දැනගත් තොරතුරක් මතය. මහාභාරකරු යටතට පත්ව ඇති අක්කර තුන්සියපහකට අධික වෙල් යාය හා පොල් ඉඩම් සහිත එහි, අත්හළ පරණ බංගලාවට ඉදිරියෙන් ඇත්තේ අලුත් පෙනුමැති නිවෙසකි. අවට වාසී ගම්මුන්ගෙන් ඇතැමෙක් ජයවික්‍රම මුහන්දිරම්ගේ ගුණ කියූ අතර සමහරුන් ඔහුගේ හාමිනේ පිළිබඳ එතරම් පැහැදීමකින් කතා කළේ නැත. ඒ දවස්වල මෙහි නිතර ආ ගිය අය විශ්වාස කරන්නේ නාගයකු මේ බූදලය රකින බවයි. තවත් සමහර අයට අනුව ගිනි කබලක් හිසතබාගත් ගැහැනු රූපයක් මැදියම් රෑ යාය වටේ සරක්කාලමේ යෙදෙයි. පැරැණියන්ට අනුව ජයවික්‍රම මුහන්දිරම්ගේ නම ගම නොදන්නා මුල් බිරියට ඔහුගේ නොවන දරුවකු ගැබ්ගත් නිසා බෙහෙත් විදීමෙන් දරුවාත් මවත් මරුමුවට පත්ව ඇත. මුහන්දිරම් තනි නොතනියට පුතකු අරං හදාගත්තේය. දෙවැනි බිරිය ජයවික්‍රම මුහන්දිරම්ගේ මරණයෙන් පසු පාන්ගහේ මහත්තයා නමැති විශ්‍රාමලත් ප්‍රදීපාගාර නිලධරයකු හා විවාහ වූවාය. එහෙත් හය-හතර තේරෙද්දී දරුවා පණ බේරාගෙන බංගලාවෙන් පැනගත්තේ කුඩම්මාට බියෙනි.
මැටිල්ඩා පෙරේරා විජේදෝරු ජයවික්‍රම මැතිනිය ජේත්තුවට මනිපුරි සාරි ඇඳ කණ්ණාඩි පැලඳ සිටි ඇත්තියකි; උදේ වරුවේ සාරිය සවස් වරුවට මාරු කරන්නීය; රාත්‍රියට ඇන්දේ ගවුමකි. ගාල්ලට මෙහා තිබූ එකම මොරිස් ඔක්ස්ෆර්ඩ් මෝටර් රථයේ නැඟ ඇය මුහන්දිරම් සමඟ යද්දී බොහෝ පෙනුමය; පාන් මහත්තයා සමඟ යද්දීද පෙනුමය. ඇය අකුරු නොදත්තද මුදල් වටිනාකම් මැනැවින් දැනසිටියාය. වැඩි ලීලයක් නැත්තවුන්ට බොල් සතේකිනුත් සිත්ගත්තවුන්ට රුපියලකිනුත් සංග්‍රහ කරන්නේ ඒ නිසාය. අසල්වැසියන්ට සැලකුවේ එසේ වුවත් අල්මාරි පෙට්ටගම් පිරෙන්න කාසි නෝට්ටු අට්ටි ගසා තිබුණු බව සියල්ලෝ දැන සිටියහ. කෙසේ වුවත් ගොයින් සමඟ හොඳින් හිටි නිසා ඒවා රැකගැනීම අපහසු නොවීය.
අක්කර 305ක බූදලයට අයත් කුඹුරුයාය
"ඇන්ඇම් පෙරේරාගේ මුදල් ප්‍රශ්නය කාලේ වත්ත පුරා කෝටු ඇන ඇන සල්ලි වළලලාද බැලුවාට හම්බුණේ නෑ, අපේ අම්මලා පවා ඒ සල්ලි විස්කෝතු ටින්වල දාලා කෙසෙල් පඳුරු අස්සේ හංගලා තිබ්බ නිසා..." එක් ගොයියෙක් හෙළි කළේය. ඔහු තවත් තොරතුරු බොහෝ දන්නෙකි.
"අර ‘පුතා‘ වලව්වෙන් පැනලා ගියේ තුන් වැනි වතාවටත් මැටිල්ඩා නෝනා වහ දෙන්න හදපු එක අහු වුණාට පස්සෙයි. පිටස්තරයෙක් බූදලේ බුක්තිවිඳිනවාට නෝනා කැමැති වු‍ණේ නෑ. කාලෙකට පස්සේ ඒ මහත්තයා තමන්ගේ අක්කර හතරක් සින්නක්කර ගත්ත අය ඉන්න ඉසව්වට ආවා ඔය ඇගිිටි හාල් ටිකක් එහෙම අරන් යන්න. අපි ඇහැව්වා ඇයි පැනලා ගියේ කියලා. එතකොටයි විස්තරේ කීවේ."
ජයවික්‍රම බූදලයේ මුල් ලිපිය දුටු අපේ හිතවතියක මීට වසර විස්සකට පෙර ඒ බංගලාවේ ලද අත්දැකීමක් හෙළි කළාය. ඇය මෙන්ම ඇගේ සොහොයුරිය ඉතා උසස් රැකියාවල නිරත වන ගැඹුරින් යමක් විශ්ලේෂණය කළ හැකි අය නිසා ඔවුන්ගේ කතාව නොසලකා සිටින්නට නොහැකි විය.
"අනූගණන්වල අපි කතරගම ගියා මාමා කෙනෙක්ගේ පවුලේ අයත් එක්ක. ඒ මාමා වැඩ කළේ මහාභාරකාර දෙපාර්තමේන්තුවේ නිසා නවතින්න ලස්සන බංගලාවක් තියෙනවා කියලා එක්කන් ගියේ ඔතනට. ඔයාගේ ලිපිය දැකලා අම්මා තමයි අපටත් මේ සිද්ධිය මතක් කළේ. මගේ නම් ඇඟ අදටත් හිරිවැටෙනවා මතක් වෙද්දී..." මගේ උනන්දුව වැඩි කරවමින් ඇය කීවාය.
"ඉතින් යන්න කලින් මාමා දැනගෙන හිටියේ නැද්ද මේ දේවල් ගැන?"
"ඒකනේ සමහරු ඕවා පිළිගන්නෙත් නෑ නේ. සමහරු කියන්නෙත් නෑ. සමහරවිට දන්නෙත් නැතුව ඇති." එසේ කියමින් ඇය දුරකතනය මවට යොමු කළාය.
"අපි ජයවික්‍රම බංගලාවට ගියාම ඒ වටේම ලස්සන වෙල්යාය නිසා ආසාවට ඇවිදින්න ගියා. අනේ පොඩ්ඩයි එහාට ගියේ මෙන්න තඩී පිඹුරෙක් දිය පාරක මැරිලා පා වෙනවා. ඒක දැක්ක අපිට ඇවිදිල්ල එපා වෙලා ආපහු ආවා."
ඇය කියූ කතාව කිසිවක් නොදොඩා අසා සිටියද මගේ හිත කීවේ යාය පුරා ගමන් කරන හිසේ ගිනි හට්ටිය ඇති කාන්තා රුව හා බූදලය රකින නාගයා පිළිබඳ ඇතැමුන් කී කතාය. එහෙත් විසිඑක්වැනි සියවසේ වෙසෙමින් එවැනි මායාවන් ගැන ප්‍රකාශ කිරීම ප්‍රශ්නකාරී බැවින් මම කිසිවක් නොකීවෙමි. ඇය කතාව දිගටම කියයි.
"මල්ලි කීවා කිරින්ද ඒ කිට්ටුව නිසා බලන්න යමු කියලා. මහත්තයා ඇඟට මහන්සියි නිදාගන්න ඕනේ කියලා, අපට යන්න කීවා. ඒ පාර මමත් පොඩිදුව එක්ක බංගලාවේ නතර වුණා.
මහත්තයා කාමරේට ගියා නිදාගන්න. දූයි මායි වත්තේ ඇවිදඇවිද වටපිටාවෙ ලස්සන බලබල හිටියා. නාන කාමරේ කරාමේ ඇරලා හෝගාලා කවුද නානවා ඇහෙනවා. නිදාගන්න ගිය මනුස්සයා මේ හවස්ජාමේ නාන්නේ මොකද කියලා බලන්න යද්දි වතුර මලේ සද්දේ තදටම ඇහුණා. එත් දොර ගාවට ගියාම සද්දේ නතර වුණා. නාන කාමරේ ඇරලා, කවුරුත් ඇතුළේ නෑ. වක්කඩක සද්දයක් වෙන්න ඇති කියලා මිදුලට ආවත් ටික වෙලාවකින් ආයෙත් සද්දේ ඇහෙනවා. ඔහොම දෙපාරක්ම වුණ නිසා තුන්වැනි වතාවේ මහත්තයාවත් ඇහැරවාගෙන ගිහින් බලද්දි එක පාරටම කිසිම හුළඟක් නැතිව අඹ ගහ හෙලවිලා ගෙඩි හෝ ගාලා වහලට වැටෙන්න ගත්තා වැස්සක් වගේ. හැබැයි ඔක්කොම කුණු වෙලා. අපිට හිතාගන්න බැරි වුණා වෙන්නේ මොනවද කියලා. අපි ඉක්මනට ගමන්මලු ඔක්කොම ලැස්ති කරගෙන එළියට වුණා. මල්ලිලා ආ ගමන් කීවා මෙතන ඉන්න එක හොඳමදි කියලා. අපි රෑම පිටත් වුණා වාහනේත් තරමක් ලෙඩ දුන්නා. ඒත් අපි කොහොම හරි එතනින් බේරිලා ගිය පාර නතර වුණේ හපුතලේ."
මිතුරියගේ මව කී කතාව අපේ ගමනේදී ලද අත්දැකීමට තරමක් සමාන විය. බංගලාවත්තේ සොහොන්කොත නොදැක ඒ අසල රැඳෙමින් ගොවි මහතකු සමඟ අප කතාබහේ යෙදෙද්දී එහා වැට මායිමේ දුරකතන ඇමතුමක් සමඟ ඇවිදිමින් සිටි ඇමටියගොඩ නිලමේ බංලාවේ එහා පැත්තට යනු දිටිමි. ගියාට වඩා වේගයෙන් ආපසු පැමිණි ඔහු රැලි කරගත් නළලින් යුතුව කීවේ ‘ඉක්මනින් මෙතැනින් පිට වෙමු‘ කියාය. අපේ ප්‍රධාන ගමන ප්‍රමාද වන නිසා එය කීවායැයි සිතා මම ගොවි මහතාගේ විස්තර ඇසීම නතර නොකළෙමි. නිලමේ වත්ත මායිමෙන් එළියට ගොස් අප එන තුරු බලා සිටියේය. ඉන් පසු අප සමඟ ගිය තවත් අයෙක් බංගලාවේ අනිත් පසින් වළං ගේ පැත්තට ගොස් අධිවේගයෙන් අප සිටි දෙසට ආවේ දාඩිය බිඳු මුහුණ පුරා මතු වෙද්දීය.
"මං හිතුවේ ඔගොල්ලො මාව දාලා ගිහින් කියලා" ඔහු කීවේ දිව පැටලෙන ස්වභාවයෙනි.
"මේ තත්පරේට අපි කොහේ යන්නද?" මමත් පුරාවිද්‍යාඥ සුමිත් මහතාත් එකවර ඇසුවෙමු. ඔහු කිසිත් නොකියා කොට තාප්පෙන් පාරට පැන්නේ ගේට්ටුව ළඟ තිබියදීය. ගොවි මහතාගේ විස්තරය පසෙක ලා, නිලමේටත් මිතුරාටත් සිදු වූ විපරීතය ඇසීමට අපට අවශ්‍ය විය.
"මොකද ඔය දෙන්නට වෙලා තියෙන්නේ?" මා ඇසුවේ විමතියත් කේන්තියත් මුසුවය.
දෙවරකට වුවද ඔවුන් පිටුපසට ගොස් ඇත්තේ සුළුදිය පහ කිරීමේ අවශ්‍යතාවකටය. එහෙත් කටයුත්තට පෙර ඔවුන් යමකින් තිගැස්සී ඇත. එය දැකීමේ ප්‍රබල ආශාවකින් මම පෙළෙන්නට වීමි.
"අනේ අපි යමුකො එතනට" මම යෝජනා කළෙමි.
"මගේ හතර හන්දි පණ නැති වෙන කතා කියන්න එපා. අර වවුලා..!" එතැනින් කතාව නතර කරමින් නිලමේ යෝජනාව ප්‍රතික්ෂේප කළේ සැර කරන්නාක් මෙනි.
ඔවුන් පාරේ සිටියදී මමත් සුමිත් මහතාත් තවත් දෙදෙනකු සමඟ පිළිකන්න පැත්තට ගියෙමු. පිරිස ළඟම සිටියදී වුව එකවර මහා පාළු කතරක තනි වුණා වැනි හැඟීමකින් හදවත වෙලා ගත්තා සේ දැනෙන්නට විය. පාසි වැක්කිරී ජරාවාස පෙනුමක් ගත් ශාලාවක පෙනුමැති කොටසේ ජනෙල් පළු මෙන්ම දොරවල් හෝසෙට ඇර දමා තිබුණද ඇතුළත මහා අඳුරක් අරක් ගෙන තිබිණි. එයට ඇතුළු වන්නට දොරකඩට අඩිය තබද්දී දැනුණු නැහැය කඩාගෙන යන පාළු පුස් ගඳ සමඟ මුසු වූ වවුල් වසුරු සහ සිනි ගඳ නිසා මඳක් වේගය බාල කරද්දීම "කීස්" ගාමින් මුහුණ ඉදිරියට ආ වවුලන් දෙදෙනකු කන් අයිනෙන් ඉගිළුණේ මගේ කොඳු ඇටපෙළ හිරි වට්ටමිනි.
"නෝනා අපි යමු - යමු දැන් හොඳ නෑ." ගොවියකුගේ කතාවෙන් මම තිගැස්සී පියවි ලොවට ආවා වැනි විය. ඒ සමඟම ඔහු අපට පෙන්නුවේ වළං ගේ පැත්තෙන් ඇදී එන නාගයෙකි. අපි වහා ගේට්ටුවෙන් එළියට පැනගතිමු.
"පාන් ගහේ මහත්තයා එක්ක මැටිල්ඩා නෝනා වෙච්චි කතාබහක් දුරදිග ගිහින් මහත්තයා ගහපු පයින් පාර වැදිලා තියෙන්නේ නෝනාගේ පපුව ළඟට. ඒක දැකලා තියෙන්නේ වැඩ කරන්න හිටි එක්කෙනෙක් විතරයි. පාර නිසාද මන්දා පපුවේ පිළිකාවක් හැදිලා මුලින් චීනෙ කටුචිකිත්සාවත් කරලා පස්සේ මහරගම නතර කරලා තියෙනවා. ලෙඩේ සුව වුණු නිසා අවුරුද්දට බංගලාවට එන්න ඕනේ කියලා නෝනා කීවම මහත්තයා ඇහුවලු මොකද හදිසිය කියලා. ඒ පාර නෝනගේ කටින් කියවිලා තියෙනවා වළං ගේ බලන්න ඕන කියලා. ඒ වචනේ අහු වුණු නිසා මහත්තයා කීවලු තවත් ඉංජැස්සන් එකක් ගහන්න තියෙනවා කියලා දොස්තර කෙනෙක් කීවා, ඒකත් ඉවර කරලම යමු කියලා. පස්සේ දොස්තර කෙනෙක් වගේ ඇඳගත්තු කෙනෙක් ඇවිත් කියලා ‘මිසිස් ජයවික්‍රම මේ බේතත් විදලම ගෙදර යමු‘ කියලා. ඒ අව්අස්සේ පාන් මහත්තයා ඉස්පිරිතාලෙන් මෙහෙට ඇවිත්. බී මරගාතෙන් කෑගහලා වළං ගෙයි දොරට පයින් ගහපු පාර දොර ගැලවිලා. බිම තිබිච්ච කොංකිරිට් කෑල්ල එක හුස්මට ඇදලා දාලා. ඇත්තටම සල්ලි පොට්ටනි පිටින් හංගලා තිබිලා තියෙන්නේ වළං ගේයි. මැටිල්ඩා නෝනා ඒ බේතට පස්සේ ගෙදර ආවේ පෙට්ටියෙන්. ඔය 1975 අවරුද්දෙ. ඒ නෝනගෙ සොහොන්කොත තමයි ඔය අරලිය ගහ යට තියෙන්නේ. වළං ගෙට යන ඔය නයා එක සැරයක් කවුරු හරි මරලා දැම්මට ආයෙත් ආවය කියලනේ කියන්නෙ. මඩ දානේ දුන්නෙත් ඔය වළං ගේ ළඟ."
"වෙල් අද්දර ඕන තරම් නයි ඉන්නවා නේ" මම බාධා කළෙමි.
"ඒ කාලේ හැටියට රුපියල් පන්දාහක් දීලා මල් ශාලාවෙන් නෝනගෙ ආදාහනේ ලෑස්ති කරලා තිබුණේ. තිස්සමහාරාමේ මුහන්දිරම්ගේ සොහොන ළඟමයි දවලා තියෙන්නේ. රෑ මැදියම වෙනකොට මිනිය ඉඳගන්නවාලු - නැඟිටිනවාලු. දැක්ක අය දුවලා තියෙනවා. පස්සේ ආරංචියට ෂෙඩ්එක අයිති මුදලාලි පොල්පිති, භුමිතෙල් දාලා සෑය ලොකු කරලා පුච්චලා තියෙන්නේ."
"කොහොමත් මිනියක් පුච්චද්දි කොඳු නාරටියෙන් නැවෙනවා නේ" මගේ බාධාවෙන් නම්-ගම් හෙළි කිරීමට අකැමැති ගොවීන්ට වැඩක් නොවීය.
"එ් වුණාට රාජයියා පොඩි පොඩි වැඩ වගයක් කළාම ඔය බංගලාවේ කරදර අඩු වුණාය කියන්නේ..." සරත් මහතාගේ කතාව මගේ කුහුල යළි වැඩෙව්වේය.
"මොන වගේ වැඩද?"
"ඉස්සර ඔය සද්ද බද්ද එහෙම ටිකක් වැඩිපුර තිබිලා තියෙනවා නේ. මොකද තුන්-හතර දෙනාටම පින් දෙන්න කවුරුත් ඥාතියෙක් හිටියෙත් නෑ නේ. මුහන්දිරම් මහත්තයා නම් තමන් කළ දේවලට හරියන්න හොඳ වැඩ කළා. අනිත් අය කරපු කියපු දේවල්වල හැටියට පිං ගන්න බලන් ඉන්නවා වෙන්න ඇති. හැබැයි බූදලේ සල්ලිවලින් නෝනා ජයවික්‍රම ගොඩනැඟිල්ල ඉස්කෝලෙට හැදුවා. දෙබරවැව දන්තශල්‍යාගාරයක් හැදුවා. මුදලිතුමා කෝට්ටේගොඩ නිසා එහෙත් ඉස්කො­්ලයක් හැදුවා. තිස්සමහාරාම විහාරෙට ජෙනරේටරයක් පූජා කළා. ඒත් ජෙනරේටරේට වුණු අක්‍රමිකතාවක් නිසා බූදලය පන්සලට ලියන්න තිබුණු හිත වෙනස් වුණාලු." ආරියදාස, පියදාස සහ ආරියපාල මහත්වරුන් කතා කළේ මුහන්දිරම් ගමට මෙන්ම පන්සලට කළ සේවය අගයමිනි.
"ඒ නිසා තමයි මහාභාරකාරයාට මේ බූදලේ අයිති වුණේ. මුහන්දිරම් මහත්තයාගේ අවසාන කැමැත්තට ලියලා තිබුණේ බෞද්ධ අධ්‍යාපනය දියුණු කරන්න කියලා. උසස් අධ්‍යාපනය කරන දරුවන්ට රුපියල් 250 ගානේ ඒ කාලේ හැටියට ශිෂ්‍යත්වයක් දුන්නා."
"එතකොට මුහන්දිරම්ගේ සොහොන් කොත?"
"නිදහස් ආයුර්වේද ගොඩනැඟිල්ල ළඟ තියෙන්නේ ඒ සොහොන් කොත. එතනත් මැටිල්ඩා නෝනගෙ අළු තැන්පත් කරන්න හදපු පොඩි කුටීරයක් තිබුණා..." මුහන්දිරම් ජයවික්‍රම 1887 මැයි 12 ඉපිද මේ වික්‍රම සියල්ල කර 1957 ඔක්තෝබර් 24 මෙලොව හැර ගිය බව එහි සඳහන් වෙයි.
"නෝනගෙන් පස්සේ පාන් මහත්තයාට බූදලේ බලතල නැතත්, ඒජන්ත හැටියට කට්ටියත් එක්ක කාගෙන බීගෙන ඔහේ හිටියා. පස්සේ දොඩන්න කරන්න බැරි වෙලා සෙම හිර වෙලා ලෙඩ වුණා. ඒ මහත්තයාගේ කලින් කසාදෙ දුවෙක් කියලා නෝනා කෙනෙක් ආවා නේ. එයැයි කොතලාවල මහත්තයාගේ පින්තූර පවා වෙලට විසි කරලා දැම්මා. කාර් එක, ට්‍රැක්ටර් වගේම ගෙදර තිබුණු ඔක්කොම පොදි බැඳගෙන ගියා; මුකුත් ඉතුරු කළේ නෑ. අසනීප වුණාම පාන් මහත්තයාව එක්කගෙන ගියෙත් එයැයි තමයි. පස්සේ ආරංචි වුණා මහත්තයා මළා කියලා."
"එතකොට නයා, වවුල් අවතාරේ?" මට අවශ්‍ය වූයේ මේ ප්‍රශ්නය විසඳාගන්නය. උදය ඇමටියගොඩ කුඩා කතරගම බස්නායක නිලමේ පිළිතුරු දුන්නේය.
"මගේ අත්දැකීමෙ හැටියට නම් ප්‍රබල තරංගයි දුර්වල තරංගයි කියලා වර්ග දෙකක් තියෙනවා. දෙවිවරු කියන්නෙ ප්‍රබල තරංග. හොල්මන් අවතාර කියන්නේ දුර්වල තරංග. මට වළං ගේ ගාවදි දුර්වල තරංග තිබෙන බවක් දැනුණා."
පුරාවිද්‍යාඥ සුමිත් රණසිංහ බුද‍දහමට අනුව ගන්ධබ්බයන්, අමනුෂ්‍ය බලවේග පිළිබඳ කියවුණු සූත්‍ර ආදිය අපට සිහිපත් කළේය. ගමේ ඇතැම් අය, බුදු ගුණ සිහි කිරීමෙන් හා බලි තොවිල් ඔස්සේ මේ බලවේග ඉවත් කළ හැකි ආකාරය ගැන විවිධ මත පළ කළහ.
සමහරුන් කීවේ රෑ ගමන් වැඩිය නොයන මුත් එසේ යන අවස්ථාවක ඉතිපිසෝ ගාථාව මිමිනීම පුරුද්දක් බවයි. සමහර සතුන්ගේ වෙසින් ආත්මවලට සැරිසැරිය හැකි බව තවත් අදහසක් විය. බූදලය රකින නාගයා, වළං ගේ වවුල් අවතාරය එවන් ආත්මදැයි අපි නොදනිමු; මැටිල්ඩා නෝනාගේ අවසන් චුති චිත්තය වුයේ වළං ගේ බැලීම නිසා එය රකින්නට මඟක් සොයන්නේදැයි නොදනිමු.
එහෙත් ආරංචියේ හැටියට වළං ගේ හොරු බිඳ බොහෝ කල්ය. රෑ ගවුමෙන් ගේ පුරා ඇවිදින සුදු කොණ්ඩෙ දිග කාන්තාව හෝ ගිනි වළඳ හිස තබාගෙන යාය පුරා යන කාන්තාව හෝ හොරුන්ට පෙනුණේ නැද්ද? මේ සියල්ල සිතමින් අපි ජයවික්‍රම බූදලයෙන් සමු ගතිමු.
අරුණි මුතුමලී 
සේයා රූ රුවන් ද සිල්වා - සිළුමිණ
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Tuesday, November 7, 2017

කලින් ආත්මයේ උපන්නේ අඟහරු ලෝකයේ....(අබිරහස් අඩවිය - Abirahas Adawiya - ශාස්ත්‍රීය ළිපි)

පෙර ආත්මයේ තමා අඟහරු හෙවත් රතු ග්‍රහයාගේ ජීවියකු ලෙස ජීවත් වුණැයි විද්‍යාඥයන් මවිතයට පත් කරමින්, අපූරු පුනරුප්පත්තිය කතාවක් හෙළි කරන 20 හැවිරිදි තරුණයකු ගැන රුසියාවෙන් වාර්තා වේ.
බොරිස්කා කිප්රියැනොවිච් නමැති මෙම තරුණයා ඔහුගේ පෙර ආත්මය ගැන පවසන විස්තර සැබැවින්ම විශ්මය බව මවිතයට පත් වුණු විද්‍යාඥයෝ කියති.
ඉපදී සති කිහිපයක් ගත වෙද්දී, බොරිස්කා තනිව වාඩි වීමටත් ඉන් පසු ඇවිදීමට සහ කතා කිරීමට පටන් ගත් බව ඔහුගේ මව සහ පියා පමණක් නොව වෛද්‍යවරු ද කියති. බොරිස්කාගේ මව ද වෛද්‍යවරියකි.
කුඩා කළ සිටම බොරිස්කා ට තාරකා විද්‍යාව ගැනත් ග්‍රහලෝක ගැනත් විශේෂයෙන් අඟහරු ග්‍රහයා ගැනත් හොඳ දැනුමක් තිබුණු බව ඔහුගේ ගුරුවරු පවා කියති.
තමා අඟහරු වැසියකු බවත් යුද ගැටුම් හේතුවෙන් තමා මියගිය බවත් බොරිස්කා වැඩි දුරටත් කියා සිටී.
අඟහරු ජීවීන් මිනිසුන්ට සමාන වුවත්, අසාමාන්‍ය ලෙස උසින් වැඩි යැයි බොරිස්කා පැහැදිලි කරයි. ඔවුන් සැවොම අඩි 7 ට වඩා උසින් වැඩි බව ද ඔහු කියයි. පෙර ආත්මයේ තමා එම ජීවියකු වුණැයි බොරිස්කා පෙන්වා දෙයි.
අඟහරු ලොවේ න්‍යෂ්ටික යුද්ධ හටගෙන ඇත. අද පවතින තත්ත්වයට අඟහරු ලෝකය නිසරු මෙන්ම වියලි තැනක් බවට පත් වී ඇත්තේ එම න්‍යෂ්ටික යුද ගැටුම් හේතුවෙන් යැයි ද බොරිස්කා පැහැදිලි කර තිබේ.
න්‍යෂ්ටික යුද්ධයෙන් දිවි ගලවා ගත් අඟහරු ජීවීන් අතලොස්සක් අඟහරු අභ්‍යන්තරයේ නගරවල ජීවත් වන බවත් බොරිස්කා වැඩි දුරටත් කියා සිටී.
අඟහරු ජීවීන් පෘථිවිය සමඟ අතීතයේ සබඳකම් පවත්වා ඇති බවත්, ආදී මිනිසාට දියුණුවීමට සහාය ලබා දුන් බවත් බොරිස්කා කියයි. ඊජිප්තුවේ පිරමීඩ නිර්මාණයේ දී පවා මිසර වැසියන්ට සහාය ලැබී ඇත්තේ අඟහරු ජීවීන්ගෙනි. මිසර වැසියන් දෙවියන් ලෙස සළකා ඇත්තේ ද මෙම අඟහරු ජීවීන් යැයි බොරිස්කා වැඩි දුරටත් කියා සිටී.
(ඬේලිමේල් ඇසුරිනි). lankadeepa
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Friday, October 27, 2017

ඉතා පැරණි මහා බල සම්පන්න ස්ත්‍රී වශී ගුරුකම් සහ මන්තර....(අබිරහස් අඩවිය - Abirahas Adawiya - ශාස්ත්‍රීය ළිපි)

වශී ගුරුකම් ගැන දැන්වීම් අද බහුලව දකින්නට ලැබේ. වරු තුනෙන් දින තුනෙන් ඕනෑම කෙනෙකු වශීකර දෙන්නට හැකි ශූරයින්ද මේ අතර සිටින බව පෙනේ. ඔය කියන ආකාරයට වශී ගුරුකම් කළ හැකිනම් හින්දි නළු නිළියන්, විදේශ ජනාධිපතිවරුන් මෙලහකටත් අපේ කෙල්ලන්ගේ කොල්ලන්ගේ ගෙවල් වල සිටිය යුතුය. ඔය කියන ආකාරයට වශි ගුරුකම් කළ නොහැක.
වශී ගුරුකම් යනු සංකීර්ණ ගුප්ත විද්‍යාත්මක කාර්්‍යයකි. අංග අටකින් යුතු මන්ත‍්‍ර ශාස්ත‍්‍රයේ පළමු අංගය වශී කර්මය යි. වශී කර්මය යනු කෙනෙකුගේ සිත ගැනීමයි. මෙය ඉනා ගුරුකම් යනුවෙන්ද හැඳින්වේ. මන්ත‍්‍ර ශාස්ත‍්‍රයට අනුව වශී ගුරුකම් සිදුකිරීමේදී ඊට නියමිත නැකතක් සහිත දිනයක් තෝරාගත යුතුය. වශී ගුරුකම් සඳිහා යොදා ගත යුත්තේ පුර පක්‍ෂයේ දිනයන්ය. පුර පක්‍ෂය යනු අමාවක ගෙවුණු තැන පටන් පසලොස්වක තෙක් කාලයයි. එනම් සඳ නැගෙන කාලයයි. පසලොස්වක ගෙවුණු තැන පටන් සඳ බැසගෙන යන කාලය අව පක්‍ෂයයි. එම කාලය තුල වශී ගුරුකම් නොකළ යුතුය. වශී ගුරුකම් සඳහා යොදා ගන්නා දිනය සුබ තිථියක් සහිත දිනයක් විය යුතුය. ගුරුකම් ආරම්භ කළ යුත්තේ සුබ නැකතකටය. මෙම සුබ මොහොත වශී කරගතයුතු කෙනාගේ දුර්වල අවස්ථාවක් විය යුතුය. එමෙන්ම, වශී ගුරුකම් කරගනු ලබන්නාගේ ජයග‍්‍රාහී මොහොතක් විය යුතුය. ගුරුකම් කිරීමේදී උපන් වේලාවන් අවශ්‍ය වන්නේ මේ නිසාය.
තමන්ට අවශ්‍ය ඕනෑම කෙනෙකු වශී කරගැනීමට නොහැක. අදාල පුද්ගලයාගේ ග‍්‍රහ බලය ශක්තිමත්නම් වශී ගුරුකම් සාර්ථක නොවේ. එමෙන්ම අදාල පුද්ගලයා කුමන ආකාරයෙන් හෝ තමන්ට හිමිකමක් ඇති අයෙක්දැයි සොයා දැනගත යුතුය. උපන් වේලාවන් නොමැතිනම් තත්කාලශාස්ත‍්‍රය, අදුන, හස්ත රේඛා ආදී ක‍්‍රමයකින් හෝ මෙම තොරතුර පළමුව සොයා දැනගත යුතුය. ආවාට ගියාට වශී ගුරුකමක් සිදුකිරීමෙන් සාර්ථක ප‍්‍රතිඵලයක් අත් නොවේ.
ගුරුකමක් යනු ගුප්ත කටයුත්තකි. රහස්‍ය කාර්්‍යයකි. ගුරුකම් පිළිඳව දැනගත යුත්තේ මන්ත‍්‍රාචාර්යවරයා හා ගුරුකම් කරගනු ලබන්නා පමණි.
වශී ගුරුකම් සිදුකරන මන්ත‍්‍රාචාර්යවරයෙක් ඊට නියමිත මන්ත‍්‍ර සිද්ධිය ලබා සිටිය යුතුය. මන්ත‍්‍ර සිද්ධියක් ලබාගැනීම ලේසි පහසු කටයුත්තක් නොවේ. නිසි කැපවීමකින් තොරව මන්ත‍්‍ර සිද්ධිය ලබාගත නොහැක. පොතක පතක තිබූ මන්ත‍්‍රයක් කටපාඩම් කරගත් පමණින් ගුරුකමක් කළ නොහැක.
අද වශී ගුරුකම් කරනවායැයි පවසමින් බොහෝ දෙනා කරන්නේ ජනතාව මුලා කිරීමකි. මේ අතරින් බොහෝ දෙනා මන්ත‍්‍ර ශාස්ත‍්‍රයේ අංග අටවත් (අෂ්ට කර්මය) නොදන්නා අයයි. ඈත අතීතයේ විසූ සෘෂිවරු විසින් බිහිකරන ලද මන්ත‍්‍ර ශාස්ත‍්‍රය හෑල්ළුවට ලක්වන්නේ එවන් සොරුන් හේතුවෙනි.
නීච කුල වල උපන් අයට ගුරුකම් කිරීමට විශේෂ බලයක් හෝ විශේෂ දැනුමක් නොමැති බවද දැනගත යුතුය. සියළු නීච කුල මන්ත‍්‍රවල බලය ජලනන්දන පිරිත මගින් පහසුවෙන් බිඳහෙලිය හැකි බවද විශේෂයෙන් මතක් කළ යුතුය.
ඔබට අත් හදා බැලිය හැකි මන්තර කිහිපයක් පහතින්
බිරිඳ සතුටු කිරීමට මන්තරයක්
මුහුණ බලා කැමති කරගැනීමට වශීයක්
දර්ශන වශීයක්
ස්පර්ශ වශීයක්
ස්ත්‍රි කෙටි වශීයක්
ඕං නමෝ පංචකාම සුන්දරී ලලිතකාමී ඒහි ඒස්වාහ
දකුණු අත පිරිසුදු කොට අල්ලට 108 වර මතුරා උවමනා ස්ත්‍රියට පෙන්වනු.
කෙටි වශියකි.
බුලත් ආදාරයෙන් කරනු ලබන වශී මන්තරයක්
මන්ත්‍රය
ඔං නමෝ සංකාර කාලි කාලි සංකරමාලි ඒහි එස්වඃ
ක්‍රමය
අලුත් බුලත් වැලක අලුත් බුලතට ඉහත මන්ත්‍රයෙන් 108 වර මතුරා කඩාගෙන ඉන්පසු ඇගේ නම දමා නැවත 108 වර මතුරා කන්ට දෙනු...
දිවි ඇති තෙක් ආදරය වන වශීයක් ....
මන්ත්‍රය
ඔං මායා සුන්දර ඇසුර සුර තැලි ත්‍රීන් දාරන මායා නික්කුන් නික්ක නික්ක එස්වඃ ෴
ක්‍රමය
දකුණු අතට ඉහත මන්ත්‍රයෙන් 334 වර මතුරා කෙල්ලගේ හිස අතගානු දිවි ඇති තෙක් ආදරය වෙයි...
සිත බැදෙන වශීයක්
මන්ත්‍රය
ඔං නිලිනා ඕඩිවා ෴
ක්‍රමය
අවශ්‍ය කාන්තාවගෙන් වතුර වීදුරුවක් ඉල්ලගෙන ටිකක් පානය කොට ඉතිරි වතුරට 21 වර මතුරා ඈට බිමට දෙන්න සිත බැඳේ..
බාල ලඳුන් වශීයක්
මන්තරය
ඔං ශ්‍රී ලෝක ශ්‍රී ධර” සයිතාකාලි මා පිට දැපනවීසිටිත් උඩබිම නරතල ග්‍රහපති ගිරළු සැර ආරුඪ මේක සකාල රාජ රාවනා රාජ මෙකි පිරිවර මපිට ගැසෙත්වා නමෝ ජාල රල දිවා තුල එස්වඃ නමෝ දිවා ගැල එස්වඃ ෴
ක්‍රමය
108 දී වාරයක් තන කිරෙන් මතුරා තිලකදී බාල ලඳුන් දෙස බලනු...
වශී වේ...
වශීයක් සත්‍ය බැල්මට...
මන්තරය
නමෝ ඉරි සඳ පටිච්චස්වා සිමාසි යේහි යේහි යේස්වාහ
නමෝ ප්‍රම සුන්දර ලි තැලි තැලි යේහි යේහි යෙස්වහ
ක්‍රමය
108 වර බුලතට නම සිහිකර මතුරා කටේ දමාගෙන ගොස් කතා කරනු...
සත්‍ය බැල්මට ගිරිතිල්ල දලුට මතුරනු, තමා දෙසට නැමේ..
කාන්තා වශී මන්තරයක්.
මන්ත්‍රය
නමෝ මුඛ බන්ධ මෝක්‍ෂ මුඛ බන්ධ හෑස්වාහා ෴
මුහුණ බලාගෙන නම සමග මන්ත්‍රය කිහිප වරක් සිහි කරන්න හිත බැදේ...
වැඩි වෙලාවක් රතියෙහි යෙදීමට මන්ත්‍රයක්
රතියෙහි යෙදෙන අවස්ථාවේ මුමුණ මුමුණ ඇයගේ නළලට පිඹින්න(වැඩි වෙලාවක් රතියෙහි යෙදීමට )
මන්ත්‍රය
ආ ඊ ගොළු පිල්ලි බන්ධන ඊසානෙහි ඉබ්‍රා වාරු ශ්‍රී නාකර යක්ෂනි සර්ව ජීව ඉදං මෝහිනී අම්මා ඉදං වා වා

උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Saturday, October 21, 2017

හැම්ප්ටන් කෝට් මන්දිරයේ සිටින අවතාරය කාගේද? (අබිරහස් අඩවිය - Abirahas Adawiya - hampton court හොල්මන් කතා. holman katha)

එක්සත් රාජධානියේ ලන්ඩන් නගරයේ තේම්ස් නදියට මුහුණලා අලංකාර මන්දිරයක් පිහිටා තිබේ. එය හැම්ප්ටන් කෝට් මන්දිරය ලෙස නම්කර ඇත. 16වන සියවසේ ඉදිකරන ලද මෙය අවසන්වරට වාසස්ථානය බවට පත්කර ගනු ලැබුවේ දෙවැනි ජොර්ජ් රජතුමා විසිනි. ඔහුගෙන් පසු දිගු කාලයක් පාවිච්චියට නොගත් හැම්ප්ටන් කෝට් මන්දිරය මේ වනවිට සංචාරක ආකර්ෂණය දිනාගත් කෞතුකාගාරයක් බවට පත්ව තිබේ.
මෙම හැම්ප්ටන් කෝට් මන්දිරය පිළිබඳව අතීතයේ සිට අසන්නට ලැබුණු විවිධ කටකතා බොහෝය. ඒවා සියල්ලක්ම පාහේ හොල්මන් සහ අවතාර පිළිබඳවය. නමුත් ඒවා විශ්වාසයට ගත් කෙනෙකු හෝ ඇසින් දුටු කෙනෙකු පිළිබඳව පසුගිය සියවස් තුන පුරාම සොයාගන්නට හැකිවූයේ නැත. නවීන තාක්ෂණ ක‍්‍රමවේදත් සමග හැම්ප්ටන් කෝට් මන්දිරයට සී.සී.ටී.වී. ආරක්ෂක කැමරා පද්ධති සවිකරනු ලැබුවේ 2003 වසරේදීය. නමුත් මෙතෙක් හැම්ප්ටන් කෝට් මන්දිරය වටා තිබූ සියලූම හොල්මන් සහ අවතාර කතා පිළිබඳව මිනිසුන් තුළ අලූත් හැගීමක් ඇතිවෙන්නට පටන් ගනු ලැබුවේ ඉන් අනතුරුවය.
මෙම කැමරා පද්ධතිය සවිකිරීමෙන් පසු දින හතරක් තුළ අවස්ථා හතකදී කැමරා පද්ධති හයකට විවිධ ප‍්‍රහාර එල්ල වුණි. නමුත් ඒවා එල්ල කළ පුද්ගලයෙකු පිළිබඳව එම කැමරාවල පවා කිසිදු ආකාරයකින් සටහන්වී නොතිබීම පුදුමයට කරුණක්ව තිබිණි. දිනක් සවස 7ට පමණ සීසීටීවී ආරක්ෂක කැමරා පද්ධතියේ පාලක පුවරුව අසළ සේවයේ යෙදෙමින් සිටි ආරක්ෂක නිලධාරියෙකුට අමුතුම ආකාරයේ රුවක් දැකගන්නට ලැබිණි. ඒ යම්කිසි කෙසග පුද්ගලයෙකු මන්දිරය පිටුපස දොරටුවෙන් පිටතට පැමිණෙන ආකාරයයයි. සවස හයට කෞතුකාගාරය වසා දමන බැවින් සවස 7ට කිසිදු කෙනෙකුට එහි සිට පිටතට පැමිණිය නොහැකි බව ඒ වනවිටත් මෙම ආරක්ෂක නිලධාරියාට සිහිවී තිබිණි. ඔහු වහාම මන්දිරයේ පිටුපස දොරටුව වෙත ගමන් කරනු ලැබුවේ සොරෙකු ඇතුළුවී ඇතැයි සිතා සිය රිවෝල්වරය ද සූදානම් කර ගනිමිනි. නමුත් ඔහුට කිසිවෙකුත් දකින්නට නොලැබුණු අතර දොරටුව හැර දමා තිබෙන ආකාරය දුටු ඔහු එය වසා දමා නැවතත් පාලක පුවරුව සහිත මැදිරියට ගොස් තිබිණි.
මෙම සිදුවීමෙන් දින කීපයකට පසු ආරක්ෂක සේවයේ යෙදී සිටි තවත් නිලධාරියෙකුද මෙසේ යම් කෙස`ග පුද්ගලයෙකු මන්දිරයේ පිටුපස දොරටුවෙන් පිටවී යන ආකාරය කැමරා පද්ධතිය ඔස්සේ දැක තිබිණි. ඔහු සිය ප‍්‍රධානියාට මේ බව දැනුම් දී සී.සී.ටී.වී. ආරක්ෂක කැමරා පද්ධතිය රිවයින් කොට මෙම දර්ශනය නැවත නැවතත් නැරඹීම සඳහා අවස්ථාව උදාකරගෙන තිබිණි. පුදුමයකට මෙන් එම දර්ශනයේ රූප රාමු ඉතා පැහැදිලි ලෙස කැමරා පද්ධතියේ සටහන්ව ඇත. ඉන්පසු පළමු නිලධාරියා මෙම අද්භූත පුද්ගලයාව දුටු දිනයද පරීක්ෂා කරබැලීමේදී එදිනද එවැන්නෙකු දොරටුවෙන් පිටතට යන ආකාරය පැහැදිලිව සටහන්වී තිබිණි. නමුත් මෙම පුද්ගලයා කවුද යන්න පිළිබඳව කිසිවෙකුත් දැන සිටියේ නැත. නමුත් පැහැදිලිව දැකගත හැකිවූ කාරණය වූයේ අද්භූත පුද්ගලයා මනුෂ්‍යයෙකු නොවන බවත් මිනිස් ඇට සැකිල්ලක් පමණක් වන බවත්ය.
මෙම අද්භූත පුද්ගලයා මන්දිරය තුළ කුමන ස්ථානයක සිට මතුවන්නේද යන්න පිළිබඳව කැමරාවල සටහන්ව ඇති දර්ශන පරීක්ෂා කිරීමෙන් සොයාගැනීම භාරවූයේ සවුතැම්ප්ටන් විශ්වවිද්‍යාලයේ පරිගණක අංශයටය. එහිදී ඔවුන්ට සොයාගත හැකිවූයේ පුදුමාකාර කාරණයකි. එනම් මෙම අද්භූත ඇටසැකිල්ල මතුවන්නේ 17 වන සියවස අග භාගයේ පාලකයා වූ තුන්වන විලියම් රජතුමාගේ ආලේඛ්‍ය ඡුායාරූපය මතින් බවය. තුන්වන විලියම් රජතුමා මාස තුනක් පමණ නිව්මෝනියා රෝගයෙන් පීඩා විඳිමින් සිට මිය යන ලද්දේ 1702 වසරේදීය. ඔහු ඇවිදගන්නට පවා නොහැකිව ඇඳ මතටවී ගත කළ කාලයේ මාලිගයෙන් පිටතට යන්නට අවශ්‍ය බව පවසමින් සේවක සේවිකාවන්ට බැණ වැදුණු ආකාරය පිළිබඳවත්, රෝගී තත්ත්වය නිසා මියයනතුරුම ඔහුගේ ආශාව ඉටුකර ගැනීමට ඔහුට නොහැකි වූ ආකාරය පිළිබඳවත් අතීත කටකතාවල අද පවා අසන්නට ලැබේ.
ඔහු මියයාමෙන් පසුව මාලිගයෙන් පිටතට යන්නට තිබූ ආශාව ඉටුකර ගන්නා ආකාරය මෙය වන්නට ඇති බව කෞතුකාගාරයේ සේවයේ නියුතු ආරක්ෂක භටයන්ගේ අදහසයි. නමුත් කෞතුකාගාර පාලකයන් පවසන්නේ මෙය කැමරාවේ කාචයට වැටුණු ආලෝකය පරාවර්තනය වීම නිසා කෞතුකාගාරය තුළ ඇති විවිධ භාණ්ඩවල පිළිරූ මිනිස් ඇටසැකිල්ලක හැඩය ගෙන පෙනෙන්නට ඇති බව පමණි.
දුලාංජලී මුතුවාඩියගේ
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Friday, October 20, 2017

අහුපිනිඇල්ල ඉහළ කොටසේ සැරිසරන අද්භූත රූමතිය කවුද?....(අබිරහස් අඩවිය - Abirahas Adawiya - හොල්මන් කතා. holman katha hunupini ella)

මහනුවර දිස්ත‍්‍රික්කයේ ගඟ ඉහළ කෝරළයේ උඩුවැල්ල ග‍්‍රාම නිලධාරි වසමට අයත් අහුපිනිඇල්ල ඉහළ කොටසෙහි දහවල් කාලයට වරින් වර අද්භූත කාන්තා රුවක් දක්නට ලැබෙන බවට ලක්බිම ඔන්ලයින් වෙත තොරතුරු වාර්තා වේ. 
 මේ සම්බන්ධ ආසන්නතම සිද්ධිය වාර්තා වන්නේ පසුගිය මැයි 08 වන ඉරිදා ය. 
කොළඹ උසස් අධ්‍යාපන ආයතනයක ඉගෙනුම ලබන මහනුවර ප‍්‍රදේශයේ සිසුන් දෙදෙනෙකු සහ ඔවුන්ගේ යහළු යෙහෙළියන්ගෙන් සමන්විත හත්දෙනෙකුගෙන් යුත් කණ්ඩායමක් පසුගිය 08 වන ඉරිදා උඩුවැල්ල ප‍්‍රදේශය හරහා අහුපිනිඇල්ලේ ඉහළ කොටසට ගොස් තිබේ. එදින වැසිබර කාලගුණයකින් යුක්ත වූ බැවින් වැඩි පිරිසක් ඇල්ල නැරඹීමට පැමිණ නොසිටියහ. මේ අතර එදින දහවල් 1.00 ට පමණ එම පිරිස ඇල්ලට පහළින් ඇති නැරඹුම් කුටියෙහි සිටිය දී ඔවුන්ට කාන්තාවකගේ විලාප හඬක් ඇසී ඇත. එය කිසියම් කාන්තාවකට සිදු වූ විපතක් හඟවන්නක් බැවින් ඒ පිරිස එම හඬ ඇසුණු දිසාව කෙරෙහි අවධානය යොමුකොට තිබේ. මඳ වේලාවකට පසු එම කණ්ඩායමේ සිටි තරුණියක් සිහිසන් නොමැතිව ඇදවැටී තිබේ. එවිට සියලූ දෙනා එක්ව ඇයට ප‍්‍රථමාධාර ලබා දී ඇති අතර සිහිය ලද ඇය මහත් බියට පත්ව සිටි අතර වහාම එතැනින් ඉවත්ව යා යුතු බව පිරිසට පවසා තිබේ.  
 ඇගේ ඉල්ලීමට අවනත වෙමින ඒ කණ්ඩායම එම ස්ථානයට මීටර් 500 ක් පමණ දුරින් නවතා තිබූ ඔවුන් පැමිණි වෑන් රථයේ නැගී ආපසු ගමන ආරම්භ කොට තිබේ. ඒ අතරමඟ දී ඇය කියා සිටියේ එම විලාප හඬ ඇසීමෙන් පසු ඇල්ලට පහළින් තිබූ අඩි පාරක් දිගේ සුදු පැහැති කාන්තාවකගේ රුවක් තමන් සිටි තැනට එමින් සිටිනු දුටු බව ය. එම පැමිණීම ඇය විස්තර කොට තිබුණේ ‘‘වළාකුළක් පාවෙනවා වගේ ’’ යනුවෙනි. සාමාන්‍යයෙන් මෙවැනි සිදුවීම් හඳුන්වනුයේ යම් යම් පුද්ගලයන්ගේ යටි සිතේ ක‍්‍රියාකාරිත්වය තුළින් පැන නඟින ව්‍යාජ භ‍්‍රාන්ති ( Pseudo hallucination ) ලෙසිනි.
එහෙත් මෙම ප‍්‍රවෘත්තිය අනාවරණය වීමෙන් පසු ලක්බිම ඔන්ලයින් එම දියඇල්ල ආසන්නයේ ඇති උඩුවැල්ල ග‍්‍රාමයේ පදිංචි අහුපිනිඇල්ල සුරැකීමේ පරිසර කමිටුවේ සභාපති ආර්. ජී. රෝහණ රංජන් අබේරත්න මහතාගෙන් මේ පිළිබඳව විමසීමක් කරන ලදී. එවිට ඔහු කියා සිටියේ පෙර සඳහන් කළ ආකාරයේ සුදු පැහැති අද්භූත කාන්තාවකගේ රූපයක් එම අහුපිනිඇල්ලේ ඉහළ කොටසේ විවිධ ස්ථානවලින් මතුවීම බොහෝ ගැමියන් නිතර අත්දකින තත්ත්වයක් බව ය. මීට කලකට පෙර තමන් තම බිරිඳ ද සමඟ දහවලක මෙම අහුපිනිඇල්ල ආසන්නයෙන් වැටී ඇති වනගත මංපෙතක් ඔස්සේ කෑගල්ල දිස්ත‍්‍රික්කයේ අරණායක දෙසට පා ගමනින් යන අතර ‘‘අර ඉස්සරහින් යන ගෑණුකෙනා කවුද?’’ යි තම බිරිඳ කිහිප වරක්ම තමාගෙන් ඇසූ බවත් තමන් එවැන්නියක නොදුටුව ද මෙම අද්භූත කාන්තාව පිළිබඳව මීට පෙර අසා තිබූ බැවින් ‘‘ඒ මේ පහළ ගමක ගෑණුකෙනෙක්’’ යැයි පවසා ඉන්පසු ඇගේ අවධානය වෙනතකට යොමු කළ බවත් පැවසීය. 

උඩුවැල්ලේ පදිංචි නිමල් රාජපක්ෂ මහතා ද මෙම අද්භූත කාන්තාව දැක තිබූ අතර ඔහු එම සිද්ධිය ලක්බිම ඔන්ලයින් වෙත කියා සිටියේ මෙලෙසිනි. 
‘‘මීට අවුරුදු කිහිපයකට කලින් මම යාළුවො දෙන්නෙකුත් එක්ක විනෝදෙට මාළු අල්ලන්න ඔය ඇල්ලේ පහළට ගියා. එතකොට මම දැක්කා එක පාරටම ඔය ඇල්ලෙ ගල් පර්වත දෙකක් අස්සෙන් ලස්සන ගෑණු ළමයෙක් මතු වෙනවා. මට ඇස් අදහා ගන්න බැරුව ගියා. මම හිතුවෙ ඒ අතරමං වුණ හරි දිවි නසාගන්න හරි ආපු ගෑණු ළමයෙක් කියල. මම ඒ මොහොතෙම ඒ බව යාලූවන්ට කිව්වා. නමුත් ඒ අය මේ ගෑනු ළමයව දැක්කෙ නෑ. මේ සිද්ධියෙන් අපේ හිත් කලබල වුණු හින්ද අපි ඉක්මනට ඇල්ලෙන් උඩට ඇවිත් අපේ ගමේ හැමෝටම වගේ මේ සිද්ධිය කිව්වා. ඊට පස්සෙ ගමේ සෑහෙන පිරිසක් ඇල්ල පහළට ගිහින් ඔය කියන හරියෙ හැම තැනම හෝදිසි කළා. නමුත් ගෑනු ළමයෙක්වත් ගෑනු ළමයෙක්ගෙ මිනියක්වත් හම්බ වුණේ නෑ’’ 

මෙහිදී පසුගිය 08 වන දා මේ සිද්ධියට මුහුණ දුන් තරුණිය හෝ ඇයගේ මිතුරන් ඉන් පෙර මෙම ප‍්‍රදේශයේ ගැමියන් අත්දැක තිබූ මෙබඳු අද්භූත සිද්ධියක් ගැන මින් පෙර කිසිදු අවස්ථාවක අසා නොතිබුණු අතර ඔවුන් ඒ ප‍්‍රදේශයේ ගැමියන් දැන හඳුනන්නවුන් නොවීම ද විශේෂත්වයකි.
ඒ අනුව එම තරුණියට වළාකුලක් සේ ද අබේරත්න මහතාගේ බිරිඳට තමන්ට පිටුපා යන කාන්තාවක සේ ද නිමල් රාජපක්ෂ මහතාට රූමත් තරුණියක සේ ද දිස්වූයේ එකම කාන්තා රුවක් ද යන්න නිශ්චය කිරීමට හෝ එම සංසිද්ධින් පිළිබඳ අර්ථ විවරණයක් දීමට අපට නුපුළුවන. කෙසේ හෝ මෙම අද්භූත සිදුවීම පිළිබඳව විවිධ ක්ෂේත‍්‍ර ඔස්සේ වැඩිදුර විමසුම් සිදුවිය යුතු බව අපගේ හැඟීමයි. 
 ශ‍්‍රියාණි කොඩිතුවක්කු -ලක්බිම
 ඡායාරූප : වෛද්‍ය සුගත් විජේවර්ධන
නිමල් රාජපක්ෂ මහතා දුටු
තරුණිය සිටි ස්ථානය

අහුපිනිඇල්ලේ අත්භූත කාන්තාව අභිරහසක් හෙළිකරන්නියක්ද?
මහනුවර දිස්ත්‍රික්කයේ ගඟ ඉහළ කෝරලේ ප්‍රාදේශීය ලේකම් කොට්ඨාශයට, උඩුවැල්ල  ග්‍රාම නිලධාරී වසමට අයත් අහුපිනිඇල්ල ඉහළ කොටසේ සැරිසරන බවට ඇතැමුන් පවසන අද්භූත කාන්තා රූපය මීට කලකට ඉහත කිසියම් කාන්තාවකට සිදුවූ අභිරහස් මරණයක් පිළිබඳව සංකේතාත්මක ඉඟියක් විය හැකි යැයි  පේරාදෙණිය විශ්ව විද්‍යාලයීය සමාජ විද්‍යා අධ්‍යයනාංශයේ මහාචාර්ය දයා අමරසේකර කියයි.
ඒ සම්බන්ධයෙන් ලක්බිම ඔන්ලයින් වෙත විශේෂ ප්‍රකාශයක් කරමින් මහාචාර්යවරයා මෙසේ කීය.
“හොල්මන් අවතාර කියන දේවල් මිනිසුන් තුළ ඇති වෙන මානසික බලපෑම් මත මැවී පෙනෙන ඒවා පමණක් බවයි මුලු ලෝකයම පිළිගත්තු පොදු මතය; යම් යම් අවස්ථාවල මිනිසුන් තුළ හටගන්නා හුදකලා මානසිකත්වයන්, මානසික අර්බුද වගේම මානසික රෝග නිසාත් මේ වගේ අද්භූත දර්ශන හෙවත් මනෝභ්‍රාන්ති මැවී පෙනෙන්න පුලුවන්; ඒ වගේම මොළයේ රසායනික ව්‍යුහයට බලපෑම් සිදුවෙන කායික රෝග නිසාත් මත්පැන්, මත්ද්‍රව්‍ය ආදියෙන් මොළයට සිදුවන බලපෑම් නිසාත් මේ වගේ මායාත්මක දේවල් දර්ශනය වෙන්න පුලුවන්. ලෝකය පුරාම අර වගේ පොදුමතයක් පැතිර යාමට හේතුව ඒකයි.
ඇල්ලේ පහළ ඇති නැරඹුම් කුටිය
නමුත් පාරමනෝ විද්‍යාව (parapsychology) ,පාරභෞතික විද්‍යාව (metaphysics), අධ්‍යාත්මවේදය (psychism) වගේ විෂය පථයන් සම්බන්ධයෙන් පර්යේෂණ කරන ලොව පුරා විද්වතුන් මේ වගේ අද්භූත සංසිද්ධීන් අතරින් ඉතා සුළු සංඛ්‍යාවක මෙතෙක් විද්‍යාත්මකව අනාවරණය නොවූ අධි යථාර්තයක් (Paranormality) ඇති බව ප‍ර්යේෂණ මගින් තහවුරු කරගෙන තිබෙනවා.
දැන් ඔය අහුපිනිඇල්ල දී ශීෂ්‍යාව මුහුණදීපු අත්දැකීමේ වුණත් ඒ වගේ විශේෂත්වයක් තියනවා. මොකද? ඒ අහුපිනිඇල්ල ආශ්‍රිතව ඒ වගේ අද්භූත කාන්තා රූපයක් දකින්න ලැබෙන බවට ඒ ශිෂ්‍යාවට ඊට කලින් මොනම විදිහකින්වත් සංනිවේදනය වෙලා තිබුණේ නැහැ. එහෙම තිබුණා නම් අපට අනුමාන කරන්න පුලුවන් ඒ ඔස්සේ ඇතිවුණු මානසික නතුවීම ඔස්සේ ඇය හමුවේ ඒ වගේ මායාත්මක දර්ශනයක් හෙවත් මනෝභ්‍රාන්තියක්  ඇතිවූ බව.
ලෝකය පුරා ‍ගොඩනැගී ඇති සෑම අද්භූත කතාවකම කිසියම් ආකෘතියක් දකින්න පුළුවන්. ලොවට රහසින් ඛේදනීය ලෙස ඝාතනය වූ පුද්ගලයකු පසුව කිනම් හෝ අයුරකින් ජීවත් වන්නවුන් හමුවේ පෙනී සිට තමන්ට සිදුවූ ඒ‍ ඛේදවාචකය හෙළි කළ සිදුවීම් ඒ කතා ආකෘතීන් අතර ප්‍රධාන තැනක් ගන්නවා. බැලූ බැල්මටම කල්පිත ප්‍රබන්ධ ලෙස පෙනෙන මේ කතා ආකෘතිය තුළ මෙතෙක් විද්‍යාවට නතු නොවූ අධියථාර්ථයක් ඇති බව පිළිගැනීමට ප්‍රමාණවත් සාධක ලෙස වරින් වර මතු වෙනවා. එවැනි සත්‍ය සිදුවීම් දහස් ගණනක් මේ වනවිට මානව ඉතිහාසයට එක්ව තිබෙනවා. ලෝකයේ එදා මෙදා තුර ජීවත් වූ ප්‍රමුඛ පෙළේ රහස් පරීක්ෂකයන්ගේ අපරාධ නිරීක්ෂණ වලට පවා මෙවන් ගුප්ත බලවේග වලින් සහය ලැබුණු අවස්ථා ඉඳහිට අසන්නට ලැබෙනවා.
අප ජීවත්වන ලෝකයේ අපගේ පංචේන්ද්‍රියන්ට සහ නවීන විද්‍යාවට නතු නොවූ ශක්ති ප්‍රභවයන් කොතෙකුත් තිබෙන්න පුලුවන්. නමුත් අදටත් විද්‍යාත්මක අර්ථ කථන ලැබී නැති නිසා මේවා අපට තවමත්  හඳුනාගත හැක්කේ ‘අද්භූත’ ලේබලය යටතේ පමණයි. නමුත් එක් දහස් නවසිය හැත්තෑවේ දශකය පමණ වන තුරු මෙවන් අධිභෞතික ශක්ති විශේෂ පිළිබඳව රුසියාව ආදී රටවල දීර්ඝ වශයෙන් පර්යේෂණ සිදු වුණා. නමුත් නවීන විද්‍යා තාක්ෂණික පදනමකින් තොර ඒ පර්යේෂණ වෙනත් විෂය පථයක් වශයෙන්  සංවර්ධන වී තවමත් ලෝකයා හමුවට පැමිණ නැහැ.
අදටත් ලෝකය පුරා ප්‍රචලිත සුදු නෝනා (White lady) එසේ පුරුෂ පාර්ශවය නිසා අභිරහස් මරණයකට ලක් වූ ස්ත්‍රී පාර්ශවය නියෝජනය කරවන්නක් ලෙස සමාජ විද්‍යාඥයන් හඳුනා ගෙන තිබෙනවා. නමුත් එසේ සුදු පැහැති කාන්තා රූපයක් දක්නට ලැබීම බොහෝ විට ඒවා දකින්නවුන්ගේ ගේ මානසිකත්වය මත පදනම් වන නිසා හුදෙක් එසේ දර්ශනය වන ‘සුදු නෝනා’ මිනිසුන් ගේ නෙත හමුවේ මැවෙන මනෝ භ්‍රාන්තියක් ලෙස සමාජ සම්මත වී තිබෙනවා. රාත්‍රී කාලයට මහ මඟ දී මිනිසුන්ට හමුවන බව පැවසෙන මෝහිනී‍ගේ අවතාරයත්‍ බොහෝ විට බටහිරින් අප හඳුනාගත් මේ සුදු නෝනාට අතිශයින් සමීපයි.
ඒ කෙසේ හෝ අනුපිනිඇල්ල ඉහළ කොටසේ වරින් වර දකින්නට ලැබෙන අද්භූත කාන්තාව එය දකින්නවුන් මුහුණ දෙන මනෝ භ්‍රාන්තිමය අත්දැකීමක් සේම මීට කලකට ඉහත සත්‍ය ලෙසම කිසියම් අබිරහස් ලෙසකින් මිය ගිය කාන්තාවකගේ ජීවය ඇසුරින් මේ විශ්වයට එක් වූ මෙතෙක් විද්‍යාත්මකව හඳනා නොගත් කිසියම් අධි භෞතික ශක්ති පදාර්ථයක ක්‍රියාකාරීත්වයක් ද යන්න විමර්ශනය කළයුතුයි.
එමෙන්ම ඒ අනුව එම ශක්ති පදාර්ථය මගින් ලබා දෙන ඉඟි නිවැරදිව වටහා ගෙන ඒවා නිශ්චිත ක්‍රමෝපායන් අනුව විශ්ලේෂණය කළහොත් මෙතෙක් සමාජය හමුවේ අනාවරණය නොවූ තවත් එක් කාන්තාවක් පිළිබඳ ඛේදනීය අබිරහසක සුලමුල සොයා ගැනීමේ හැකියාව ශූන්‍ය නොවන බව අවසන් වශයෙන් කිව යුතුයි.
දමයන්ති ගමගේ -ලක්බිම
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

Wednesday, October 11, 2017

රිටිගල වන වියන යටින්...(අබිරහස් අඩවිය - Abirahas Adawiya - ශාස්ත්‍රීය ළිපි ritigala)

ගනේවල්පොළින් හැරුණු වාහනය ගමන් කරන්නේ වනගත පෙදෙසකට ය. මඟ දෙපස වනගහනය එන්ට එන්ට ම දැඩි වෙයි. අප යන මඟ ද එන්ට එන්ට ම රළු වෙයි. මඳක් දුරින් පෙනෙන රිටිගල කන්ද දෙස බලමින් යන මට රිටිගල අරභයා ගෙතුණු විවිධ කතා මතක් වෙයි. රිටිගල කන්ද හා සම්බන්ධ කතාවලට අනුව ඒ හා බැඳුණු මුල් ම චරිතය රාමායණයේ එන හනුමන් ය. එක් කතාවකට අනුව හනුමන් දකුණු ඉන්දියාවට පනින්නේ රිටිගල කන්දේ සිට ය. තවත් කතාවකට අනුව රාවණා හා යුද වැදී සිටින රාම කුමරුගේ සොහොයුරු ලක්ෂ්මනට තුවාල වෙයි. බෙහෙත් පිණිස හිමාල වනයෙන් කිසියම් ඔසුවක් ගෙනෙන්නැයි රාම නියම කරන්නේ හනුමන්ට ය. අභාග්‍යයක මහත! හිමාලයට පිවිසෙන හනුමන්ට බෙහෙත් පැළෑටියේ නම අමතක වෙයි. බෙහෙත් පැළෑටියේ නම පමණක් නො වේ. පහසුවෙන් හඳුනාගනු පිණිස කියන ලද කොළවල හා පැළයේ ස්වභාවය ද අමතක වෙයි. හනුමන් පත්වන්නේ ඉමහත් අබග්ගයකට ය. බෙහෙත කෙසේ හෝ රැගෙන යා යුතු ය. හනුමන් හිමාලයෙන් කොටසක් උගුළුවා ගෙන සිය වලිගය හා දෙපා අතර රුවාගෙන ලක්දිවට යයි. ලක්දිවට යන හනුමන් තමන් ගෙන ආ හිමාලය කඳුකරයේ කොටස රිටිගල කන්ද මතට අතහැරියේ ලු. එසේ අතහැර අවශ්‍ය බෙහෙත තෝරා ගන්නැයි කීවේ ලු. රිටිගල කන්දේ ඉන් පහළ ප්‍රදේශයේ ගහකොළවලට වඩා වෙනස් විදිහේ නැත්නම් රිටිගල වැනි පෙදෙසක නො වැවෙන ගහකොළ කඳු මුදුනේ වැවෙන්නට හේතුව හනුමන් විසින් අත හරින ලද හිමාලයේ කඳු කැබැල්ලලු.
තාර දමන ලද පාරක් දිගේ මඟහසර අසා දැනගන්නට කෙනෙක් නැති. වනගහනය මැදින් ගොස් රිටිගලට යන ගුරුපාරට හැරෙන තැන දී වියපත් දුබල තැනැත්තෙක් අතින් සංඥා කොට රිය නතර කරවයි.
“මහත්තුරු, මෙතනින් තමයි රිටිගලට යන්නෙ. දැනුත් ලොකු බස් දෙකක් ගියා. දෙයියන්ගෙ පිහිටයි.”
අනතුරුව සීයා දොඩමලු වන්නේ තමා පත් විපත පිළිබඳව ය.
“අනේ මහත්තුරු, පැලකින් වැටිලයි මට මේ ඇබැද්දිය වුණේ.”
වාහනයෙන් දෙන කීයක් හෝ මිට මොලවා ගන්නා ඔහු නැවතත් අපට දෙවියන්ගේ සියලු ආශීර්වාදය ප්‍රාර්ථනා කරයි. එක් අතෙකින් මඟහසර අහන්නට කෙනෙක් නැති මඟක ඔහු හෝ සිටීම රිටිගල මින් පෙර නොගිය අයට ඉමහත් ආශීර්වාදයකි.
රළු මග දිගේ යන විට මට මහාවංශයේ ද රිටිගල ගැන සඳහන් වන බව සිහිපත් වෙයි. පණ්ඩුකාභය කුමාරයා ඔහුගේ මාමාවරුන් සමඟ මහ සටනකට එළඹෙන්නේ රිටිගල දී ය. පණ්ඩුකාභය කුමරුන්ට අවනත වූ යක්ෂණියක් වෙළඹකගේ වෙස් ගෙන කුමරුට සහයට පැමිණෙන්නේ එහිදී ය. මේ කතාව සනාථ කරන්නේ රිටිගල යක්ෂයන්ට වාසභූමි වූ බවයි.
රළු ගමන් මඟ නිමා වී රිටිගල කඳු සිරස තරණය කිරීම අරඹන තැනට අපි පැමිණ සිටිමු. කන්ද නඟින තැන පිහිටි පුරාවිද්‍යා කුටිය පිටුපස කරාමයෙන් වතුර ටිකක් පානය කළෙමි. සීතල ජලය ගත සිත පිනවයි. එතරම් සීතල, මිහිරි ජලය කර්කශ වියළි කලාපයේ ශුෂ්ක දේශගුණයකට නෑකම් කියන පෙදෙසක පිහිටි කඳු මුදුනකින් ගලා එන්නේ කෙසේ ද?
රිටිගල පැමිණි විට රිටිගල ජයසේන අමතක කරනු කෙලෙස? රිටිගල ජයසේන දුටුගැමුණු රජුගේ ජයග්‍රහණය වෙනුවෙන් පැවැති සාදයක දී සුරාවෙන් මත්ව ගෝඨයිම්බර යෝධයාගේ දේවියට නොමනා විහිළුවක් කළේ ලු. කෝපයට පත් ගෝඨයිම්බර ජයසේනට ද්වන්ද සටනකට අභියෝග කළේ ය. ද්වන්ද සටනේ දී ගෝඨයිම්බර එල්ල කළ පා පහරකින් ජයසේන හිස කඳෙන් වෙන් වී ඈතට විසිවිය. මියයන්නට පෙර ජයසේනගේ හිස කඳට සවි කරන්නට හිස සෙවූ ජයසේනගේ යහළුවා වූ සෙනසුරුට එය සොයාගත නොහැකි විය. සෙනසුරා වලහකු මරා වලස් හිසගෙන යුහුව ජයසේනගේ කඳට සවි කළේ ය. හදිසියට එය සවි කළේ ද වැරදි අතට ය. එනම් මුහුණ පසුපසට සිටින සේ ය. මුහුණ පසුපසට සවි කළ වලස් හිසක් ඇති ජයසේන දකින විට මිනිස්සු බියවන්නට වූහ. එතැන් සිට ජයසේන මහසෝනා වූයේ ලු. (මහසෝනාගේ රූපයේ අඹන විට හිස පිටුපසට වන සේ අඹා ඇති අයුරු සිහිපත් කර ගන්න.)
වයස් ගත වන විට ඇතිවන සන්ධි රෝග, වාත රෝගාදී කුදු මහත් අසනීප රිටිගල තරණය කරන්නට කම්මැලි හැඟීම් ඇති කරවයි. ටික දුරක් ගිය විට මා පැමිණ සිටියේ බන්දා පොකුණ අසලට ය. බන්දා පොකුණ විසල් පොකුණකි. එය ශෛලමය නිර්මාණයකි. බන්දා පොකුණ යන නම එයට ලැබෙන්නේ ගලින් ගල ළං කොට බැඳ ඇති බැවින් ලු. මට බන්දා පොකුණ අසල සිටින විට රිටිගල ගැන අසා ඇති තවත් ජනප්‍රවාදයක් සිහිපත් වෙයි.
රිටිගල ආසන්නයේ ජීවත් වූ මිනිසෙක් දිනක් කඳු පාමුල වනාන්තරයේ මංමුළා විය. රෑ බෝ වූ පසු අතරමං වූ මිනිසා යා හැකි අතක් නොමැතිව ගසක් පාමුළ වාඩි වී සිටියේ ය. ටික වෙලාවකින් ඔහුට බල්ලන්ගේ බිරුම් හඬ ඇසිණි. ළමයින් හඬන හඬ, මිනිසුන් කතා කරන හඬ ආදී ගම්මානයක ශබ්ද ඔහුට ඇසිණි. එහෙත් ගම්මානයක් අසලක නැති බව දත් ඔහුට දැනුණේ බියකි. මඳ වෙලාවකින් හුළු අත්තක් අතින් ගත් මිනිහෙක් පැමිණ ඔහුට ආහාරයට බත් මුළක් ද, පලතුරු ද දුන්නේ ය. ඉතිරි වෙන ආහාර හෝ වනයෙන් කිසිවක් හෝ රැගෙන නොයන ලෙස තරයේ දැනුම් දුන් මිනිසා කීවේ රැය පහන් වූ පසු දකුණු දිසාව බලා යන ලෙසයි. තමන්ට ආහාර දුන්නේ හා මඟහසර කියා දුන්නේ මිනිස් වෙස් ගත් යක්ෂයෙක් බව අතරමංවූ තැනැත්තා විශ්වාස කළේ ය. ඔහුගෙන් විස්තර දැනගත් මිනිස්සු රිටිගල යන්නට බිය වූහ.
රිටිගල හා බැඳී ඇති යක්ෂ විශ්වාස රිටිගල ඇති දුර්ලභ ගණයේ වන වියන ආරක්ෂා වන්නට හේතු වන්නට ඇතැයි සිතෙයි. යක්ෂයන්ගේ හිරිහැරයට ලක්වන්නට මිනිස්සු කොහොමටත් බියවෙත්. රිටිගල කන්ද නඟින විට හමුවන්නේ මැනවින් සකස් කරන ලද අතීත සංඝාවාසවල සලකුණ ය. සකසා ඇති පෙත් මඟ ගමන් පහසුව ඇති කරවයි. ගිමන් නිවන්නට ගිමන්හල් ද සකසා ඇත. මැනවින් සකසන ලද ජන්තාගාරයක් සහිත සංඝාවාසයක් ද හමුවේ. (ජන්තාගාරය යනු හුමාලය සහිත උණුදිය ඇති ස්නානාගාරයකි.) රිටිගල කන්ද නඟින අය සංඝාවාසය අසල වාඩි වී වෙහෙස නිවා ගනිත්.
කඳු මුදුනට නඟින අය සකසා ඇති අලිවැට අසල නතර වෙත්. දණහිසක දුබලතාවයකින් පෙළෙන මම ද වෙහෙසට පත්ව සිටියෙමි. එහෙත් සිය Seeing Ceylon කෘතියේ (බ්‍රෝහියර් දුටු ලංකාව පරිවර්තනය - අභය හේවාවසම්) ආර්. එල්. බ්‍රෝහියර් කඳු මුදුනට (ත්‍රිකෝණමිතික ස්ථානයට) පෙනෙන සුන්දර දර්ශනය විස්තර කරයි. පසෙකින් කලාවැව, මින්නේරිය වැව, අනුරාධපුර දාගැබ් හා වැව්, වනගහනය ආදී වශයෙන් ඔහු විස්තර කරන්නේ චමත්කාරජනක දසුනකි. කොහෙමටත් වියළි කලාපීය ශේෂ කන්දකට පෙනෙන දර්ශනය අතිශයින් සුන්දර ය. (කලකට පෙර මින්නේරියේ නාගලකන්ද තරණය කළ මා දුටු මින්නේරි වැවේ හා කවුඩුලු වැවේ ගුවන් සේයාරුවක් වන් සුන්දර දර්ශනය මට අමතක කළ නොහැක.) එහෙත් අලිවැටෙන් එපිට වනගහනයට යන්නෝ නැත. වෙහෙසට පත් මම ද දකින්නට රිසි සුන්දර දසුන සිතින් අත් හළෙමි.
රිටිගල දක්නට ලැබෙන වනස්පති රුක් ද බොහෝ ය. දියවැඩියාවට ගුණදායක රුධිරය වන් රත් පෑ දියරයක් වැගිරෙතැයි කියන දැවැන්ත වන මී ගස එහි රුක් අතර විශේෂිත ය. යෝධ පිඹුරන් මෙන් වනස්පති රුක් වෙලාගත් වෙම්බඩංගා නම් වැල් තවත් විශේෂයකි. කඳු මුදුනට නැඟ වෙදුන් විසින් සොයනු ලබන බව කියන මිනිසුන්ගේ සියලු වේදනාවලට සහනය දෙන ‘සන්සෙව්’ නම් ඔසු පැළයක් පිළිබඳව ද කතා ඇත්තේ ය. රිටිගල සංචාරය වනාහි සංචාරයේ දී විඳින්නට ලැබෙන වෙනස් එසේ ම සුන්දර අත්දැකීමකි. ඒ අත්දැකීම වියළි කලාපීය පරිසරයේ ඇවිදින අයට වෙනස් අත්දැකීමක් වනු ඇත.
මහානාම දුනුමාල
උපුටා ගැනීම් සහිතයි .... දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya