වසර 13000ක් පැරැණි සකි‍්‍රය චන්ද්‍රිකාවක්... (අබිරහස් අඩවිය - Abirahas Adawiya (chandrika nasa aliens pitasakwala jeeween නොවිසඳුණු අබිරහස් novisadunu abirahas unsolved mysteries )

චන්ද්‍රිකා තාක්ෂණය පිළිබඳ අන් රටවලටත් වඩා අපට සමීප බවක් ඇත. එයට ප‍්‍රධානම හේතුව වන්නේ සන්නිවේදනය උදෙසා චන්ද්‍රිකා උපයෝගී කර ගැනීම පිළිබඳ මූලික අදහස ඉදිරිපත් කළ ආතර් සී. ක්ලාක් මහතා ලංකාවේ සම්මානනීය පුරවැසි භාවය ලද්දෙකු වීමයි. එහෙත් ඒ සබඳතාවට එහා ගිය අභිමානයක් පිළිබඳ අදහසක් 2012 වසර අවසාන කාලයේදී අපි ඉදිරිපත් කළෙමු. ‘රාවණ වේරම්භ වාතයේ සැඟවූයේ චන්ද්‍රිකාද?’ යනුවෙන් මතු කරලූ ඒ කතිකාවතට පදනම වූයේ රාමායණයේ සටහන්ව ඇති කරුණකි.

රාවණ රජුගේ බලවත්ම ආයුධ තුනක් වේරම්භ වාතයේ සඟවා තිබූ බවත් එය අවශ්‍ය අවස්ථාවන්හිදී හිමාලය කඳු මුදුනට නැග ලබාගත් බවත් එහි සඳහන්ව ඇත. ඉදින් අපි එදා යුද්ධයක ප‍්‍රධාන අවිය තොරතුරු නම්, ආතර් සී. ක්ලාක් මහතාගේ චන්ද්‍රිකා ස්ථානගත කිරීමේ නියමයන් මතින් රාවණගේ බලගතුම ආයුධ තුන චන්ද්‍රිකා විය හැකි යැයි අනුමාන කළෙමු. එයට පදනම් වූ වේරම්භ වාතය නැතහොත් නූතන විද්‍යාවෙන් හැඳින්වෙන ජෙට් ස්ටී‍්‍රම් නම් වායු ධාරාවන්හි පිහිටීම පිළිබඳ සලකා බැලීමේදීද රාවණ හිමාලයට නැගීම ලෙසින් අදහස් කර තිබුණේ අඩි 30000ක් උඩින් චන්ද්‍රිකාවක් කක්ෂගත කිරීමය. එනම් හිමාලයේ උස අඩි 29029කි.

අප එදා කළ අනුමානය අද යථාර්ථයක් බවට පත්වී ඇත. රාවණ හෝ හෙළ යුගය කෙසේ වෙතත් විද්‍යාවෙන් පවසන දේ පමණක් පිළිගන්නා අයට වසර 13000ක් පැරැණි සකි‍්‍රය චන්ද්‍රිකාවක් පිළිබඳ නාසා ආයතනයේ ඡුායාරූප සමගින් පර්යේෂණ වාර්තා කිහිපයක් අන්තර්ජාලයට මුදාහැර ඇත. 2013 වසරේ ජූලි මාසයේදී පමණ නාසා ආයතනය මෙම චන්ද්‍රිකාවේ සමීප ඡුායාරූප ලබාගැනීමත් සමගම මෙතෙක් හොර රහසේ කෙරුණු පර්යේෂණයන් රැසක් කරළියට පිවිසියේය. 

ඔවුන් එය නම් කරන ලද්දේ black knight satellite . (බ්ලැක් නයිට් සැටලයිට්) ලෙසිනි. වසර 13000 ක් තිස්සේ පෘථිවිය වටා භ‍්‍රමණය වන අද්භූත වස්තුවක් චන්ද්‍රිකාවක් ලෙසින් වරනැගීම ප‍්‍රායෝගික නොවන්නක් යැයි තර්ක කරන්නටද පුළුවන. එහෙත් පෙන්ටගනය මුල්වෙමින් කි‍්‍රයාත්මක කෙරුණු අද්භූත කළු වස්තුව ග‍්‍රහණය කර ගැනීමේ 'Dark fence' මෙහෙයුම එයට ඉඩක් තැබුවේ නැත. අද්භූත කළු යානාව කරළියට පිවිසෙන්නේ 1929 එක් දිනක චීන මුහුදු සීමාවේ රේඩියෝ සංඛ්‍යාත ග‍්‍රාහකයකට කෙටි තරංග පරාසයක් තුළින් ලැබුණු පණිවුඩයක් සමගිනි. මෙම පණිවුඩය තත්පර 30කට වරක් වරින් වර නිකුත් විය.

නමුත් මෙම පණිවුඩය තේරුම් ගැනීමේ හැකියාවක් ඔවුනට ඒ අවස්ථාවේදී ලැබුණේ නැත. මේ අතර 70 දශකයේ අග භාගයේදී භසනදක් Nikola Tesla නම් පර්යේෂකයකු තම පිරිසක් සමගින් අපූර්ව පර්යේෂණයකට අත තැබුවේය. ඒ චීන මුහුදේදී ලැබුණු ගුවන්විදුලි තරංග පණිවුඩ යළිත් ග‍්‍රහණය කර ගනිමින් ඒවා විශ්ලේෂණය කිරීමයි. එහිදී ඔහුද ග‍්‍රහණය කර ගනු ලැබූ රේඩියෝ තරංග පෘථිවිය තුළ එවකට භාවිතයෙන් ඉවත් කරන ලද මුල් කාලීන ගුවන්විදුලි සංඛ්‍යාතවලට සමාන ඒවා විය. ඒවා අයත් වූයේ කෙටි ගුවන් විදුලි තරංග ආයාමයන්ටය.

මෙසේ ලැබුණු ගුවන්විදුලි සංඛ්‍යාත පණිවුඩය විස්තාරණය කිරීම හරහා එය පණිවුඩයක් බවට පත් කෙරුණි. 

' Start Here 

Our Home Is Epsilon Bootis 

Which Is a Double Star 

Welive On The 6th Planet Of 7 - Check That, 

6th of 7 Counting Outwards From the Sun 

Which Is the Larger Of the two. 

Our 6th Planet has one Moon, 

Our 4th Planet has three. 

Our First and Third Planets Each haven One. 

Our Probe is in the Orbit Of Tour Moon 

This Updates the Position Of Arcturus Shown On our maps' 

මෙය සරලව පවසතොත් පිටසක්වළයන්ගෙන් ලැබුණු පණිවුඩයකට සමාන වූවකි.

අපගේ නිවහන Epsilon Bootis නම් තාරකාවයි.( Bootis තරු පද්ධතියේ 5 වෙනියට දීප්තිමත්ම තාරකාව Epsilon , එනම් ග‍්‍රීක හෝඩියේ 5 වෙනි අක්ෂරය සමග Epsilon Bootis ලෙස නම් කර ඇත) එය ද්ත්ව තාරකාවයි අප ජිවත් වෙන්නේ ග‍්‍රහලෝක 7 කින් සමන්විත වෙන පද්ධතියකය 6 වෙනි ග‍්‍රහලෝකයේය එය ද්ත්ව තාරකාවලින් විශාලම තාරකාවයි එනම් ප‍්‍රධාන සුර්යාගේ පිටතින් සිට ගනන් කල විට ග‍්‍රහලෝක 7 කින් 6 වැන්නයි අපගේ කුඩා ගවෙශණ යානාව තිබෙන්නේ චන්ද්‍ර කක්ෂයේය මෙය අපගේ සිතියම් වල පෙන්වන පිහිටීම් යාවත්කාලින කරයි.

මෙම පරිවර්තනයත් සමගම මෙම අද්භූත කළු වස්තුව පිළිබඳ උනන්දුවෙන් සිටි පර්යේෂකයන්ගේ කුතුහලය තව තවත් වර්ධනය වූ අතර මෙය ස්ථිරවම වෙනත් ග‍්‍රහ ලොවක සිටින දියුණු ජීවීන්ගෙන් ලැබුණු පණිවුඩයක් බවට ඔවුන් විශ්වාස කරන්නට විය.

Sputnik I

70 දශකයේදී ගුවන්විදුලි පණිවුඩය පරිවර්තනයකට ලක්වුවද අභිරහස් චන්ද්‍රකාවක් පිළිබඳ මුල්ම තොරතුර කරළියට එන්නේ සෝවියට් දේශය විසින් 1957දී කක්ෂගත කරන ලද පළමු චන්ද්‍රිකාව වූ ස්පුට්නික් » (Sputnik I) විසින් එවන ලද ඡායාරූප කිහිපයක් හේතුකොටගෙනය. ඒ 1960දීය. ස්පුට්නික් චන්ද්‍රිකාව පසුපසද අපූර්ව කතාවක් ඇත. ඒ සෝවියට් දේශය නිර්මාණය කර උඩු ගුවනට යවන ලද චන්ද්‍රිකාවට සමාන වස්තුවක් ළඟ තබාගෙන සිටින පුද්ගලයන් දෙදෙනෙකුගේ පැරැණි සිතුවමක් දැකගත හැකි වීමයි. ලියනාඩෝ ඩාවින්චි විසින් අඳින ලද මේ සිතුවම තුළ ඇත්තේ දෙවියන්ගේ ප‍්‍රධානියා වූ සියුස් යැයිද විශ්වාසයක් පවතී.

1452 දී උපත ලබා 1519 දක්වා ජීවත්වූවෙකු 1957දී කක්ෂගත කෙරුණු චන්ද්‍රිකාවක රූපයක් ඇඳීමද විශ්මිත වූවකි. වසර 400කට පෙර වත්මන් ස්පුට්නික් චන්ද්‍රිකාවේ ඒ හා සමාන රූපයක් ඇඳීම මෙන්ම වර්තමානය වන විට ලියනාඩෝ ඩාවින්චිගේ බොහෝ සිතුවම් තුළින් බොහෝ සැඟවුණු අර්ථයන් මතුකර ගැනීමටද පර්යේෂකයන්ට අවස්ථාව උදාවී ඇත.

ස්පුට්නික් චන්ද්‍රිකාවෙන් එවන ලද ඡායාරූප එතෙක් හඳුනානොගත් හා එවකට බලවතුන් ලෙසින් සිටි ඇමෙරිකාවට හෝ රුසියාවට අයත් නොවූ කළු පැහැති යානාවක් දැකගත හැකිවිය. එය වඩාත් හොඳින් නිරීක්ෂණය කිරීමේදී එය පෘථිවිය වටා කක්ෂගත කර ඇති යම් වස්තුවක් බව පර්යේෂකයන්ට අවබෝධ විය. මෙම හඳුනාගැනීමත් සමගම ලෝක මට්ටමින් ආකාශ නිරීක්ෂණය කරනු ලබන ආයතනවල වැඩි අවධානය මෙම වස්තුව දෙසට යොමුවන්නට විය. 

දිනය 1960 සැප්තැම්බර් 3 වැනිදාය. ජර්මනියේ ගුවන් දෙපාර්තමේන්තුවේ රේඩාර් පද්ධතිය තුළ අද්භූත යානය දිස්වන්නට විය. ඒ සමගම කි‍්‍රයාත්මක වූ ජර්මානු ගුවන් හමුදාව විසින් මෙම යානය ඡායාරූප ගත කරනු ලැබීය. ඒ අද්භූත යානය රේඩාර් පද්ධතියට හසුවූ පළමු අවස්ථාවයි. එහෙත් මෙම යානාවට ජර්මනියට ඉහළින් පලායන්නට අවශ්‍යතාවක් නොවූ බැවින් සති දෙකක් නැගෙනහිර හා බටහිර දෙසට පැද්දෙමින් තිබුණි. හැකියාවක් තිබූ ජර්මානු වැසියන් මෙම අරුම පුදුම යානය දිගින් දිගටම ඡායාරූපයට නගන්නට විය.

මේ ආසන්න කාලයේදී ඇමෙරිකාව මතින්ද මේ අද්භූත යානය ගමන් කරතත් ඇමෙරිකානු බලධාරින්ට ඒ ගැන කරගත හැකි දෙයක් නොවීය. මේ සිදුවීම් පෙළත් සමගම ඔස්ටේ‍්‍රලියාවේ ස්ථානගත කෙරුණු විශේෂිත ගගන ඒකකයක් හරහා .22 '22 Orbit Mission' . නැතහොත් විසි දෙවැනි කක්ෂගත මෙහෙයුම කි‍්‍රයාවට නගනු ලැබුණි. ඒ 1963 වසරේදීය. ඒ හරහා සිදුවූයේ එතෙක් ලබාගත් තොරතුරු මත අද්භූත වස්තුව කක්ෂගතවී ඇති 22 වැනි කක්ෂයේ කැප්සූලයක් තුළ ගගනගාමියකු පිහිටුවීම හරහා අදාළ වස්තුව හඳුනා ගැනීමයි.
ඔවුන් බලාපොරොත්තු වූ අයුරින්ම කැප්සූලය ස්ථානගත කර ගත හැකි වූවත් සිදුවූයේ බලාපොරොත්තු නොවූ දෙයකි. ඒ කැප්සූලය නැගෙනහිර සිට බටහිර දෙසට ස්වභාවික කක්ෂ ගමන් මඟ තුළ භ‍්‍රමණය වෙද්දී අද්භූත වස්තුව බටහිර සිට නැගෙනහිර දෙසට භ‍්‍රමණය වීම නිසාය. නමුත් කැප්සූලයට ඉහළින් මෙම වස්තුව ගමන් කරන ආකාරය ඉතා හොඳින් ග‍්‍රහණය කර ගැනීමේ අවස්ථාව ගගනගාමියාට උදාවිය. මෙහිදී පර්යේෂකයන්ට මතුවූ ප‍්‍රධානම ගැටලූව වූයේ නැගෙනහිර සිට බටහිරට ගමන් කරන ස්වභාවික ගමන් කිරීම වෙනුවට බටහිර සිට නැගෙනහිරට ගමන් කිරීමය. එසේම විරුද්ධ දිශාවකට ගමන් කිරීම උදෙසා අධික බලයක් යෙදිය යුතු වීමත් වසර 13000ක් පැරැණි යැයි පවසන යානාවක එතරම් බලශක්ති ප‍්‍රභවයක් පවතින්නේ කෙලෙසද යන්නත්ය. 

Noval Research Laboratory

මෙම සිදුවීම් පෙළට සමගාමීව ඇමෙරිකානු ආරක්ෂක මූලස්ථානය වූ පෙන්ටගනයේ මැදිහත්වීමෙන් මෙය කළු පැහැති පෘථිවියට අයත් නොවන චන්ද්‍රිකාවක් ලෙසින් තීරණය කෙරුණි. ඇමෙරිකාවේ මැදිහත්වීම හරහා ලෝකයේ බොහෝ රටවල ගුවන්විදුලි තරංග ග‍්‍රාහකයන් හා රේඩාර් පද්ධති ස්ථාපිත කෙරුණි. එයට හේතු වූයේ මෙම චන්ද්‍රිකාව විසින් දිගින් දිගටම රේඩියෝ තරංග නිකුත් කිරීමයි.

මෙම රේඩියෝ තරංග විශ්ලේෂණය හරහා මෙම චන්ද්‍රිකාවේ අයිතිය Bootes නම් ග‍්‍රහ පද්ධතියට අයත් බවට හඳුනාගත හැකිවිය. මේ අතරතුර ඇමෙරිකාවේ Noval Research Laboratory විසින් 'Dark Fence' නමින් විශේෂිත මෙහෙයුමක් කි‍්‍රයාවට නැගුණි. එහි අරමුණ වූයේ අද්භූත බ්ලැක් නයිට් සැටලයිටය අල්ලා ගැනීම නැතිනම් හසුකර ගැනීමය. එහිදී එක් දිනක කපිතාන් W.E. Berg යටතේ කි‍්‍රයාත්මක වූ විශේෂිත ඒකකයට අද්භූත චන්ද්‍රිකාව ග‍්‍රහණය කර ගැනීමට හැකි විය. ඒ අවස්ථාවේදී මොහොතින් කි‍්‍රයාත්මක වූ එම ඒකකය පෙන්ටගනයේ ඉල්ලීම හරහා ඔවුන්ගේ සියලූ මිත‍්‍ර රටවල සියලූ චන්ද්‍රිකා, දුරදක්න හා රේඩියෝ තරංග ග‍්‍රාහකයන් හරහා අදාළ වස්තුව පරීක්ෂා කරන්නට විය.

අවසානයේ රේඩියෝ තරංග හරහා ලැබුණු පණිවුඩ හා රූප පරීක්ෂාව හරහා මෙය වසර 13000 - 15000 අතර කාල පරාසයකට අයත් චන්ද්‍රිකාවක් බවට හඳුනා ගැනුණි. එහි පවතින විශේෂත්වය වන්නේ කක්ෂ තුනක් තුළ මාරුවෙන් මාරුවට ගමන් කිරීම හා පෘථිවියෙන් යවන ලද චන්ද්‍රිකා භ‍්‍රමණය වන දිශාවට විරුද්ධ දිශාවට භ‍්‍රමණය වීමයි. අනෙක් කාරණය වනුයේ පෘථිවියේ තාක්ෂණික ක‍්‍රමවේදයන් මතින් කතා කරන්නේ නම් ගුවන්විදුලි තරංග ක‍්‍රමය ආරම්භක අවධියට අයත් සංඛ්‍යාත තරංග ක‍්‍රමයක් යොදාගනිමින් පණිවුඩ හුවමාරු කිරීමයි.

බහුතර මතයට අනුව නාසා ආයතනය විශ්වීය රහස් කිසිවක් ඒ සිදුවීමට සමගාමීව හෙළි කරන්නේ නැත. 50 දශකයේ සිට සිදුකෙරෙන පර්යේෂණයන්වල සම්පූර්ණ විස්තරයක් තවමත් හෙළිදරව් කරන්නට ඔවුන් සූදානම් නැත. එහෙත් 2013 වසරේ මැද භාගයේදී Black Knight Satellite හි නවතම ඡායාරූප කිහිපයක් අන්තර්ජාලයට නිකුත් කෙරුණි. මේ නිකුතුවත් සමගින් විවිධ පර්යේෂකයන් සතුව තිබූ පර්යේෂණ වාර්තා රැසක් අන්තර්ජාලයට මුදාහැර ඇත.

මෙම චන්ද්‍රිකාව අපට ද ඉතා වැදගත් වෙයි. එයට බලපාන මූලිකම සාධකය රාමායණයේ සඳහන් වේරම්භ වාතයේ සැඟවූ රාවණගේ බලගතුම ආයුධ පිළිබඳ කතාවට පුරෝකතනයක් බවට මෙය පත්වීමයි. වසර 13000 කට පෙර චන්ද්‍රිකා පැවතියේ නම් වසර 5250කට ආසන්න හෙළ යුගය තුළ චන්ද්‍රිකා නොතිබිය නොහැකිය යන තර්කය මෙහිදී නිතැතින්ම නැගෙන්නක් බවට පත්වනු ඇත.

ඒ සියල්ලටම වඩා මෙම චන්ද්‍රිකාවේ සොයා ගැනීමත් සමගම අනුරාධපුරයේ මනුසත් උයනේ වූ තරු දොරටුවට අලූත් අර්ථකථනයක් දෙන්නටද පර්යේෂකයන්ට අවස්ථාව උදාවිය. අනුරාධපුරේ තරු දොරටුව නැතහොත් සක්වළ චක‍්‍රය මධ්‍යයටද මෙම රේඩියෝ තරංග ග‍්‍රහණය වන බවට ඇති විශ්වාසයන් හරහා ඒ පිළිබඳ දිගින් දිගටම පර්යේෂණයන් සිදු කෙරෙමින් පවතී.

මෙහිදී ඉරණමඩුහි පිහිටු වූ ඇමෙරිකන් හඬ තරංග විකාශන මධ්‍යස්ථානය පසුපස ඇති යථාර්ථය අමුතුවෙන් පැහැදිලි කිරීමට අවශ්‍යතාවක් නැත. 

ලෝක පිහිටීම තුළ වැදගත්ම රට ලෙසින් අප රට නම් කරන්නටත් අඩුම ගුරුත්වය සහිත රට ලෙසින් නම් කරන්නටත් බටහිරට අප රට පිටසක්වළයන්ගේ පැමිණීම සම්බන්ධයෙන් වැදගත් තැනක්ව ඇතිබව නම් සැඟවිය නොහැකි රහසකි. අප පෙර වසරේ සඳහන් කළ ලෙස මෙය චන්ද්‍රිකා තුනකින් කි‍්‍රයාත්මක වන්නක් නම් ඉදිරියේදී තවත් චන්ද්‍රිකා දෙකක් පර්යේෂකයන් විසින් සොයාගනු ඇත. එසේම නාසා ආයතනය ප‍්‍රමුඛ පිටසක්වළයන් පිළිබඳ ගවේෂණය කරන්නන්ගේ වැඩි අවධානය ලංකාව දෙසට යොමුවනු ඇත. පසුගිය කාලය තුළ ලංකාවේ වැදගත්කම පිළිබඳ හැඳින්වීම් ඉදිරිපත් වූයේ එහි මුලපිරීමක් ලෙසිනි. මේ මැදිහත් වීමට බලපානු ලබන ප‍්‍රධානම කාරණය වනුයේ පසුගිය කාලය තුළ බිඳ වැටුණු අද්භූත චන්ද්‍රිකාවේ සන්නිවේදන පද්ධතිය ලංකා පොළොව ආශ‍්‍රිතව කි‍්‍රයාත්මක වීමයි. 

2012 අවසානයේදී පිටසක්වළ යානා අප රටට පැමිණීම පිළිබඳ අප පැවසූ අනාවැකි හා එහිදී ඉදිරිපත් කල යම් යම් කරුණු හා මෙම චන්ද්‍රිකා මේ සබඳතාවක් පවතී. එහි පළමු කාරණය වනුයේ චන්ද්‍රිකාව හා තොරතුරු හුවමාරු කර ගැනීමට පිහිටවූ ගඩොල්වලින් නිර්මාණය කරන ලද අතිවිශාල කළුණක් පිළිබඳ අප තොරතුරු හෙළිකිරීමයි. දෙවැනි කාරණය වනුයේ පිටසක්වළ යානාවල හදිසි පැමිණීමට හේතු වූ කාරණාව වූයේ බාමියන් බුදු පිළිම පද්ධතිය මුල් කරගනිමින් කි‍්‍රයාත්මක වූ ප‍්‍රධාන සාංඛ්‍යා පද්ධතිය බිඳ වැටීමයි. එනම් බාමියන් බුදුපිළිමය බ්ලැක් නයිට් චන්ද්‍රිකාව හා තොරතුරු හුවමාරු කර ගැනීමේ රිසිවරයක් ලෙසින් කි‍්‍රයාකළ බවය. 2001 වසරේදී තාලේබාන්වරු විසින් එය පුපුරුවා හැරීමත් සමගම පෘථිවිය හා පිටසක්වළයන් අතර තොරතුරු හුවමාරුව බිඳ වැටුණි. 

එසේනම් ඇමෙරිකාව ඇෆ්ගනිස්ථානය නැතහොත් කන්දනාර ප‍්‍රදේශයට එන්නේ තලේබාන් හා අල්කයිඩාවරු විනාශ කරන්නට නොව මේ පද්ධතිය පිළිබඳ ප‍්‍රශ්නයක් මුල් කරගෙනය.

පිටසක්වළයන්ගේ පැමිණීම අපට වැදගත් වන්නේ මේ සිදුවීමෙන් පසුවය. එනම් බිඳ වැටුණු සංඥා පද්ධතිය වෙනුවට බ්ලැක් නයිට් චන්ද්‍රිකාව හා තොරතුරු හුවමාරුකර ගනු ලබන නව සංඥා පද්ධතිය බිහිකිරීම උදෙසා පිටසක්වළයන් තොරාගන්නේ ලංකාවේ සමනල ගිර අවට ගිනිකොණ දිග බෑවුමයි. එනම් සමනල ගිර ස්වභාවික රිසිවරයක් ලෙසින් භාවිත කිරීමේ ක‍්‍රමවේදයන් ඔහුන් සතුවීමයි. එනම් ලංකාවේ අඩු ගුරුත්වය යනු නිර්මාණය කරන ලද්දක් මිස ස්වභාවික තත්ත්වයක් නොවන බවය.

ඉතා වැදගත් තවත් එක් කරුණක් ඇත. ඔරායන් තරු පංතියේ හා බ‍්‍රටීස් තරු පංතියේ ඇත්තේ එකිනෙකට සමාන වූ තරු පිහිටීමකි. සංකේතයන් ලෙසින් බැලූව ද දඩයක්කරුවන් දෙදෙනෙකි. එයට ඇත්තේද සමාන වූ ග‍්‍රීක පුරාවෘතයන්ය. මේ පිළිබඳ සිතා බැලිය යුතුව ඇත. 

වෛදික ජ්‍යෙතිෂවේදී
කාංචන ගීත් මනමේන්ද්‍ර

-------------------------------------------------------------------------------

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

විශ්වයේ ගමන් කළ හැකි තරු දොරටු - STAR GATE ....බිරහස් අඩවිය - Abirahas Adawiya (aliens pitasakwala jeeween) (tharaka doratu නොවිසඳුණු අබිරහස් novisadunu abirahas unsolved mysteries )

ස්ටාර් ගෙටි සංකල්පය මුලු ලොවම පාහේ කැළඹු විශ්ව තාක්ෂණයේ අති විශිෂ්ඨ නිමැවුමකි. අද වන විට සක්‍රිව පවතින්නා වු ස්ටාර් ගේටි හෙවත් තාරකා දොරටුවක් ලොව නැති මුත් අතිතයේ මෙවා ප්‍රයෝජනයට ගත් බව දැන් දැන් ලැඛෙන සාක්ෂි වලින් මනාවට තහවුරු වෙයි. විශ්වයේ පවත්නා අධික දුර ප්‍රමාණය අවම කරමින් ක්ෂණිකව ස්ථාන දෙකක් අතර ගමන් කිරීමට මෙම තාරකා දොරටු යොදා ගන්නා අතර එසේ විශ්වයේ ගමන් කිරීමට භාවිතා කළ බැවින් මෙය තාරකා දොරටු හෙවත් Star Gate යන නමින් හදුන්වන්නට ඇතැයි නාමය උපකල්පනය කරමින් අපට නිගමනයකට පැමිණිය හැකිය.

කෙසේ වුවද මෙය සරල මාතෘකාවක් නමි නොවේ. එසේ නොවන්නේ මෙහි නිශ්පාදන හා ක්‍රියාකාරි තාක්ෂණය කිසිසෙත්ම අද අප ලබා ඇති විද්‍යාවෙන් නිපදවන්නට තබා සිතන්නටවත් නොහැකි නිසාය. එහෙයින් මෙය පැහැදිලි කර ගැනීමට වුවද විශ්ව තාක්ෂණය පිළිබදව දළ අදහසක් සමග අනුමාන කළ හැකි දත්තයන් නිතැතින්ම ඈදා ගන්නට අපට සිදුවේ. මන්ද අප අප ලබා ඇති විද්‍යා ඥාණය විශ්ව ඥාණයත් සමග සසදා බැලීමේදි මුහුදෙන් ලබා ගත් දිය දෝතක් තරමිවත් දියුණු නොවණ බැවින්ය. මෙ සියල්ල සමගින් අතීතයේ භාවිතා කළ අති දියුණුම තාක්ෂණයක් වු විශ්ව තරණ තාක්ෂණය මෙසේ සොයා යමු.

විශ්ව තරණය යනු කුමක්ද ?

අටුවාටිකා ගෙන ලොකුවට විස්තර නොකර සලරවම පවසන්නේනමි විශ්ව තරණය යනු අනන්තයක් දුර වු මේ ව්ශ්වයේ ඇතැමි ස්ථාන කරා ගමන් කිරීමයි. එනමි ග්‍රහලෝක , තාරකාවෙන් කාරකාවට , වක්‍රාවාටයෙන් වක්‍රාවාටයට ගමන් කිරීමයි. හැබැයි හොදින් විමසා බැලු විට අප සතු තාක්ෂණයෙන්ම නමි මෙය සිහිනයකින්වත් කළ හැකි නොවන බව අමුතුවෙන් කිව යුතු නැත. මන්ද අපට ළගම තාරකාව වු ෆෙක්චිමා සෙන්චෝර් තාරකාවට පවා ගමන් කිරිමට අපට විශාල කාලයක් ගත වන බැවිනි.

එය අප ග්‍රහමණ්ඩලයේ සිට ආලෝක වර්ශ 4.3 දුරින් පිහිටා ඇති අතර ආලෝක වර්ශයක් යනුවෙන් හදුන්වන්නේ ආලෝකය වර්ශයක් තුලදි ගමන් ගන්නා දුරයි. සාමානයෙන් ආලෝකයේ වේගය තත්පරයට කිලෝමිටර් 300000 ක් ලෙස ගනන් බලා තිබෙ. එබැවින් ආලෝකය වර්ශයක් තුලදි ගමන් ගන්නා දුර කොපමණද යන්න ඔබට සිතා ගත හැකි වනු ඇත. අනෙක් කරැණු අප සතු කිසිදු යානාවකට මෙම ආලෝකයේ වේගයටද ළගා විය නොහැකි වීමයි. එබැවින් මෙම තාරකාවට හෝ ගමන් කිරීම අප සතු තාක්ෂණයට සිහිනයක්ම පමණි.
නමුත් විශ්වය යනු තවමත් අප සොයා නොගත් බොහේ කරැණු , තාක්ෂණයන් , සංසිද්ධින් සැගවි ඇති , අති විශාල පරාසයකි. පෘතිවි විද්‍යාඥයන් දිනෙන් දින අලුත් අලුත් කරැණා විශ්වය පිළිබදව සොයා ගන්නේද මෙ නිසාය. එසේනමි අප තව සොයා නොගත් දේ කොමණ ඇත්ද ? අප අද මේ ලිපියෙන් කථා කරන්නට යන්නේද එවන් ආකාරයේ විශ්මිත තාක්ෂණයක් සමිබන්ධයෙනි.

විශ්ව තරණය පිළිබදව කථා කිරිමෙදි ක්වන්ටමි භෞතික විද්‍යාව අමතක කළ නොහැක්කේ එයින් මේ සමිබන්ධයෙන් ප්‍රායෝගික කළ හැකි න්‍යායන් කිහිපයක් පවසන හෙයිනි. එනමි Wormhole සංසිද්ධයයි. තවමත ප්‍රායෝගික කළ නොහැකි වුවද මෙය අතිශයින්ම වැදගත් සංක්පයක් වන්නේ ස්ටාර් ගේටි මගින් සිදුකරන්නා වු විශ්ව ගමනා ගමනයටද මෙය වැදගත් සාධයක් වන හෙයිනි. Wormhole යනු විශ්වය හරහා ගමන් කළ හැකි එක්තරා මාධ්‍යකි. මෙයන් විශ්වයේ ඇති අධික දුර අවකාශය නැවිමේ ක්‍රියාදාමයක් මත අඩු කර ගත හැකි අතර එමගින් යමි ස්ථාන දෙකක් අතර ඇති අධික දුර කෙටි කර ගත හැකිය.

සාමානයෙන් මෙමගින් ඇති වෙන්නේ Wormhole මගින් ඇති කරන්නා වු අධි අවකාශයක් හෙවත් Hyperspace එකකි. මෙයනමි අවකාශය නැවිමේ ක්‍රියාදාමයයි. ක්වන්ටමි භෞතික විද්‍යාව මෙය පැහැදිලිව ප්‍රකාශ කරන අතර බොහෝ විට විශ්වය තුල ස්භාවිකවත් , සංකිර්ණ තාක්ෂණික මෙවලමි මගින් කෘතිමවත් මෙම තත්වය ඇති කළ හැකි බැවි ප්‍රකාශ කළ හැකිය. ස්භාවිකම ඇති වන්වා වු Hyperspace තත්වයන් විශ්වය තුල අනන්තවත් තිබෙන්නට පුලුවන. එසේනමි මේ ස්ටාර් ගේටි උපකරණය යනු මෙම Hyperspace තත්වය කෘතිමව ඇති කරන්නවා උපකරණයන් නොවන්නේද ? පහත දක්වා ඇති පින්තුර තුලින් ඔබට මෙම Hyperspace තත්වය ඇතිවන ආකාරය පෙන්වා ඇත.

එසේම මෙයට අදාලව ක්වන්ටමි භෞතික විද්‍යාවේ ගණිත සමිකරණ පැහැදිලි කිරිම පහතින් දැක්වේ.

ඉහත දැක්වෙන් රැපය අනුව මෙම Wormhole ක්‍රියාකාරිත්වයෙදි විශ්වයේ ඇති අවකාශය නැවිමේ ක්‍රියාදමක් සිදු කරන ආකාරය ඔබට පෙනෙනු ඇත. සරල උදාහරණයක් මගින් පැහැදිලි කරන්නේනමි සතර දෙනෙක් සතර පැත්තට දිග හැර ගෙන සිටින රෙද්දක මැද ඔබ බොලයක් තබා සිදු වෙන දෙය බලන්න.

එවිට බෝලයේ බරට එම රෙදි කැබැල්ල හැකිලෙන ආකාරය ඔබට දැක ගත හැකි වනු ඇත. Wormhole ක්‍රියාකාරත්වයේදිද සිදුවන්නේ මෙයයි. මෙම සාමාන්‍ය අවකාශය මත අධික බලපැමික් එල්ල කිරිමෙන් අපගේ උදාහරණයේ ආකාරයටම Wormhole මගින් ඇති වන්නා වු අධි අවකාශයක් ඇති කර ගැනිම කළ හැකිය.

මෙ කෙසේ වුවද අද දක්වා එවන් තාක්ෂණයක් නුතන විද්‍යාෙවන්නමි ලබා ගෙන නැති බව කිව යුතුය. නමුදු කෙදිනකහෝ අති දියුණු විද්‍යාඥාණයක් ලැබු දිනෙක් මෙය කළ හැකි තත්වයක් සේම විශ්ව ගමණා ගමනයට ඉක්මන් වනු ඇත. මන්ද මා එසේ ස්ථිරවම පවසන්නේ අද වන විටත් සක්වල ජිවින් කුමන හෝ ඉතා දුර විශ්වයන් තුල සිට පෘතුවියට පැමිණෙන බැවිනි. බැහැර හැරිය නොහැකි සාක්ෂි 1000 ගණනක් මෙවන් පැමිණිමි සහතික කිරීමට ඇති අතර එසේනමි ඔවුන් මෙම අති විශාල දුර ගෙවා දමන්නේ කෙසේද ? මන්ද අපි දන්නා තරමින් අප සෞරග්‍රහ මණ්ඩලයේ තවත් ජිවයකට අති දියුණු ජිවයකට සුදුසු ග්‍රහලෝවක් නොමැති හෙයිනි.

කෙසේ වුවද Wormhole තත්වය තුලින් සිදුවන්නේ අවකාශයේ කාලය නැවීම තුලින් විශ්වයේ ස්ථාන දෙකක් අතර පවතින්නා වු දුර අවම කිරීම විනා අතීතයට හෝ වර්ථමානයට යා හැකි මාර්ගයක් තැනිම නොවේ. එනමි අවකාශ තරණයක් විනා කාලතරණයක් නොවේ. අවකාශ තරණය ප්‍රායෝගික සිද්ධාන්තයක් ලෙසින් පිළිගත හැකි වුවද කාලතරණය එසේ කළ නොහැකිය. බොහෝ පිරිසක් කාල තරණය සමිබන්ධයෙන් සිහින මැවිවද සැබැවින්ම භෞතිකව කාල තරණය කළ නොහැක්කකි. එසේ විම ප්‍රායෝගිකද නැත. ඔබ යමි අවස්ථාවක අතීතයට කාල තරණය කොට , ඔබගේ සියා කුඩා කලදීම මරා දැමුවහොත් ඔබ ඔබගේ පැවැත්ම ඔබ විස්තර කරන්නේ කෙසේද ? ඔබට පැවැත්මක් කොයින්ද ? ප්‍රශ්ණය එතනයි.

STAR GATE යනු කුමක්ද ?

මා ඔබට කලින් පැවසුවා මෙන් Wormhole තත්වයක් මගින් අධි අවකාශයක් කෘතිමව ඇති කළ හැකි උපකරණයකි. එසේ වු විට විශ්වයේ වෙනත් ස්ථාන කරා පහසුවෙන් ගමන් කළ හැකි බැවින් මෙය තරැ දොරටු ලෙසින් හදුන්වන්නට ඇත. නමුත් මෙය සැබැලෙසම තිබෙනවාද යන ගැටලුව ඔබ තුල දැන් පැන නැගෙනු ඇත. මේ සමිබන්ධයෙන් ඔබට හෙළි කරන්නට කරැණු කාරණා , සාක්ෂි විශාල ප්‍රමාණයක් ඇති නමුත් යමක් පිළිබදව මුලික අවබෝධයක් ලබා නොදි යමක් ප්‍රකාශ කිරීම මාගේ ශෛලිය නොවන නිසා එවා දැන ගැනීමට ප්‍රථම ඔබ මෙ Star Gate ක්‍රියාකාරිත්වය , එය කෙසේ වන්නට ඇත්ද යන්න පිළිබදව අවබෝධයක් ලබා තිබිම අතිශයින්ම වැදගත් වෙ.

මෙය කෘතිමව Wormhole තත්වයක් ඇති කරන උපකරණයක් නමි එය ඉතා ආරක්ෂාකාරි මෙන්ම ස්ථිර ගමනාන්තයක් ඇති දෙයක් විය යුතුය. එසේම අවශ්‍ය විටකදි ක්‍රියාත්මක කිරීමටත් , අනවශ්‍ය විටදි වසා දැමිමටත් හැකි විම අනිවාර්යෙන්ම තිබෙන්නට ඇත. මන්ද Wormhole ඇති කිරිමට තරමි එම තාක්ෂණය දියුණුනමි එය අවශ්‍ය ආකාරයට භාවිතා කිරීමේ තාක්ෂණය අනිවාර්යෙන්ම තිබිය යුතු හෙයිනි. ඔබ දුරකථනයක් භාවිතා කරන්නේනමි ඔබට ඔනෑම රටක , ඔනෑම පුද්ගලයෙකුට සෘජුවම ඇමතිය හැකිය. ඔබ ඔහුගේ රටේ කේත අංකය , දුරතකන අංකය දන්නේනමි ඔබ ඔහු අමතන විට ඔබගේ දුරකථන ඇමතුම වෙනත් අයෙකුට යොමු නොවේ. මෙම ස්ටාර් ගේටි හි සතු තාක්ෂණයද එසේ විය හැකි යැයි අනුමාන කළ හැක්කේ ඇතැමි ස්ථාන වලින් ලැබි ඇති ඡායාරෑප අධ්‍යනය කිරිමෙනි.

බොහො ඉතිහාස විද්‍යාඥයන් විසින් මෙය ස්ටාර් ගේටි හා සමිබන්ධ Dial Device එකක පැහැදිලි කිරීමක් බව අනුමාන කරයි. 100% ඔප්පු කිරිමේ සාක්ෂි නැතත් එහි පෙනුම හා භාවිතා කර ඇති ආකාරය අනුව එය එසේ විය හැකි යැයි පැවසිය හැකිය. මෙහි වටේ රවුම තුලින් දැක්වෙන සංකේත භාවිතයෙන් යමි කිසි වෙනත් Star Gate එකක් හා සමිබන්ධ විමට අදාල සමිබන්ධ කිරිමේ කේතයන් වශයෙන් අනුමාන කළ හැකි අතර එසේම මෙහි මැද කෙටසේ ඇති මා පහතින් දක්වා ඇති රෑපයේ දැක්වෙන් කොටස අප පෘතෘවිය හදුනා ගැනිමේ සංකේතය විය හැකි යැයිදු බොහෝ දුරට අනුමාන කළ හැකි බව මට හැගේ.

සාමාන්‍යෙයන් අප භාවිතා කරන දුරථනයට භාවිතා කළ හැකි යතුරැ පුවරැවක් තිබේ. එසේ තිබෙන්නේ අපට ඔනෑම අයෙකුට පහසුවෙන් ඇමතිම සදහාය. Star Gate උපකරණයන්ද එසේ සාමානව සිදුවන බව අනුමාණ කරන්නේනමි මෙයටද කුමන ආකාරයෙන් හෝ යතුරැ පුවරැවක් තිබිය යුතු නොවේද ? එසේ නොමැතිනමි අවශ්‍ය අවස්ථාවක , අවස්ථ ස්ථානයකට සමිබන්ධ විමේ වෙනත් කුමන හෝ ක්‍රමයක් හෝ තිබිය යුතුය. නමුත් මෙවන් අතිශය දියුණු තාක්ෂණයක් සහිත උපකරණයක් නිර්මාණය කළ පිරිස් පිළිබදව අපට 100% නිගමනය කළ නොහැකිවා සේම ඔවුන් භාවිතා කළ වෙනත් තාක්ෂණයන් මොනවාද යන්න පැහැදිලි කිරීමද අසිරැ කාර්යයකි. කෙසේ නමුදු යමි තරමකින් හෝ අපට වටහා ගත හැති තාක්ෂණයක් ඔවුන් භාවිතා කරන්නට ඇත.

මෙහි දෙවන රවුම තුල ඇත්තේ පුරාණ මිසරයේ භාවිතා වු සංකේත අක්ෂර භාෂාවයි. මෙම සංකේතාත්මක අක්ෂර තුලින් ඔවුන් යමි වැදගත් වු අදහසක් පවසනවා යැයි සිතිය හැකි නමුත් එහි සැබැ අරැත කුමක්ද යන්න තවමත් කිසිවෙකුත් පැහැදිලි කර ගෙන නැත. කෙසේ වුවද මෙයත් Star Gate තාක්ෂණය මෙන් අපට නැති වි ගිය භාෂාවකි. නමුත් අප මතක තබා ගත යුතු වැදගත්ම කාරණය වන්නේ Star Gate තාක්ෂණය එක් ශිෂ්ඨාචාරයකට පමණක් සිමා වුවක් නොවන බවයි.
මෙහි මා ඔබට ඉදිරිපත් කරනු ලැබුයේ මේ වන විට පැහැදැලිවම සංකේතාත්මක වශයෙන් හමුවි ඇති මිසරයේ භාවිතා වුවා යැයි සැලකිය හැකි Star Gate සමිබන්ධ පැහැදිලි කිරීමයි. මීට අමතර මෙවැනි Star Gate සමිබන්ධ විවිධා කාර සාධයකන් ලංකාවේ , බොලිවියා , ඉරාකයේ , ග්‍රීන්ලන්ඩි , ඊශ්‍රායල් , මෙක්ෂිකෝ වැනි ප්‍රෙදේශ වලින්ම හමු වි තිබේ. එබැවින් Star Gate තාක්ෂණය විවිධාකාරයේ ශිෂ්ඨාචාරයන් තුල භාවිතා වු බවට මෙමගින් අපට නිගමනයකට පැමීණිමේ හැකියාව ඇත. පහතින් දක්වා ඇත්තේ පුරාණ මිසර අක්ෂරයන් ඉංග්‍රිසි භාෂාවට පරිවර්ථනය කර ඇති අයුරැයි.
කෙසේ වුවද තරැ දොරටුව භාවිතා කිරීමේදි එහි අනෙක් පස ඇති දොරටුව හා සමිබන්ධ විමට මෙහි අක්ෂරයන් 6 ක් සමිබන්ධ කළ යුතු බවට දැක්වේ. ඉහත රෑපයේ මැදින් දැක්වෙන්නේ පෘතිවියේ සංකේත වන අතර වටේ දැක්වෙන්නා වු සංකේත නිවැරදිව භාවිතා කර වෙනත් දොරටුවක් හා සමිබන්ධ විමට හැකියාව එසේනමි මෙයට තිබෙන්නට ඇත. එසේ වුවද Star Gate සමග Wormhole සමිබන්ධතාවය ගොඩ නැංවිමේදි ස්ථානයන් 7 ක් තිබිය යුතු යැයි මගේ හැගීමයි. එනමි සංකේත 7 ක් තිබිය යුතු යන්නයි.

ප්‍රධාන සමිබන්ධ කිරිමේ සංකේත 6 සහ පොදු සංකේතයයි. ඔබ ඉහත පෘතුවියේ සංකේත විය හැකි යැයි මා අනුමාන කළ සංකේත 6 ට යටින් ඇති උඩින් කුඩා රවුමක් සහිත ත්‍රිකෝණාකාර සංකේතය පෙනෙන්නේද ? සමහර විට සමපාත කළ යුතු පොදු සංකේතය මෙය විය හැකිය. මේ කෙසේ වුවත් ප්‍රබලම ගැටලුව අද වනතෙක් එවැනි භෞතික සාධයක් පිළිබදව මහජනයා අතරට තොරැතුරැ පැමණ නොමැති වීමයි. මෙයින් අදහස් වන්නේ Star Gate පැවැතිය නොහැකි යන්න නොවන අතර මා පවසන්නේ තවමත් සාමාජයට තොරතුරැ විවර නොවි නැත යන්නයි. එයින් අදහස් කළදේ ඔබට වැටහෙනු ඇතැයි සිතමි.

පුරාණ සාක්ෂි ඉහත ආකාරයෙන් හමුවීමත් සමගම මේ පෘතුවියේ කොහේ හෝ ස්ථානයක සැබැවින්ම තවමත් එවැන්නක් පැවැතිය යුතු බවට සිතිම ගැටලුවක් නොවේ. කෙසේ වුවද පෘතුවිය තුල විවිධ ශිෂ්ඨාචාරයන් තුලින් මෙම Star Gate සමිබන්ධ තොරතුරැ ලැබුනත් මාගේ විශ්වාසය අනුව සැබැවින්ම විශ්වය වෙත ගමන් කළ හැකි Star Gate පෘතුවිය හෝ වෙනත් ග්‍රහලෝවක තිබිය හැක්කේ 2 කි. එනමි ප්‍රධාන සක්‍රිය Star Gate උපකරණය හා එයට ආධාරයක් වශයෙනි(Backup Gate). ප්‍රධාන Star Gate එක ක්‍රියා විරහිත වුවහොත් භාවිතා කිරීමට තබා ඇති අනෙක් Star Gate යන දෙක පමණි.
මෙයට හේතුව Wormhole ක්‍රියාකාරිත්වයි. එකක් ක්‍රියාත්මක වන විට එ සමගම තවත් Wormhole එකක් එම ග්‍රහලෝව තුලම ක්‍රියාත්මක වීම ප්‍රායෝගික නැත. එසේ විය නොහැකි ක්‍රියාවලියකි. ඔබ යමෙකුට දුරකතන ඇමතුමක් ගත් විට ඔහු හා කථා කරමින් සිටින්නේනමි වෙනත් අයෙක් ඇමතුමක් ගත් විට ඔහුට සමිබන්ධ විමේ හැකියාවක් නැත. Wormhole ක්‍රියාකාරිත්වය මෙයට සමිබන්ධ කරන්නේනමි පෘතුවිය හා සමිබන්ධ විමෙදි තිබිය හැක්කේ එක Wormhole සමිබන්ධතාවයකි. එය Wormhole සිද්ධාතන්තයයි. මෙසේ පැමිණෙන එක් Wormhole සමිබන්ධතාවයක් දෙකට බෙදි හෝ සමිබන්ධ විම Wormhole හි ක්‍රියාකාරිත්වය බිද වැටිමට හේතුවක් වනු ඇත. නමුත් ප්‍රධාන Star Gate උපකරණය ක්‍රියාත්මක නොවන්නේනමි අනෙක් Star Gate උපකරණයට මෙම Wormhole සමිබන්ධතාවය යොමු විම සිදු විය හැක.
Star Gate සත්‍යක් විය හැකිද ?

මාගේ මතයනමි ඔවි යන්නයි. මා එසේ පැවසීමට හෙතු කාරණා සාක්ෂි විශාල ප්‍රමාණයක් තිබේ. එසේම පැහැදිලි කළ හැකි පෙන්වා දිය හැකි තොරතුරැ විශාල සමුදායක් මේ සාක්ෂි තුල ඇත. නමුත් බොහෝ දෙනෙක් තුල Star Gate පිළිබද හෝ වේවා, සක්වල ජිවින් පිළීබදව හෝ වේවා එවන් ආකාරයේ සිදුවිමි පිළිබදව පිළිගත හැකි රෑපයක් නොඇදිම සාමාන්‍යෙයන් සිදුවන සිදුවීමකි. Star Gate පිළිබදව ඇති සාක්ෂි ඉදිරිපත් කිරීමට ප්‍රථම සැබැවින්ම ඒ පිළිබදවද යමක් ප්‍රකාශ කිරීම අවශ්‍ය බව මට හැගේ. මාගේ පිළිගැනීම අනුව මෙම දුර්මතය සදහා මුලික වශයෙන් වගකිව යුත්තේ හොලිවුඩි සිනමාවයි. ඔවුන්ගේ සිනමාවේ දියුණුවත් සමග ඔනෑම සිද්ධාන්තයක් හෝ මායාවක් තාත්තවිකව මවා පෙන්වන්නට ඔවුනට හැකිය.

අනෙක් ආයතන වන්නේ ඇමෙරිකා FBI , CIA ආයතනයි. මෙම ආයතන තුල ඔවුන් නොපැවසුවාට හදුනා නොගත් පියාසර වස්තු හෝ ඒ ආශ්‍රිත තොරතුරැ වසන් කිරිමේ ක්‍රමවේදයක් තිබේ. මෙවාට සහය සපයන්නේ හොලිවුඩි සිනමාවයි. පුරාතනයන්ගේ විශ්මය ජනක ශිෂ්ඨාචාරයන් හෝ තාක්ෂණයන් පිළිබදව එක් දිනකදි හෝ අඩුම තරමින් අවුරැද්ධකිදිවත් පහසුවෙන් අධ්‍යනය කළ නොහැකි අතර ඒ සදහා විශාල කාලයක් ගතවේ. නමුත් සිනමාවට එය මායාවක් ලෙස පෙන්වන්නට ගත වන්නේ සුලු කාලයකි. යම් තොරතුරක් සොයා ගන්නා විට එය සිනමාවෙන් එළිදක්වා අවසානය.
අවසානයේ සිනමාවේ තාත්වික බව නිසා මිනිසුන්ගේ සිතේ ඇදි ඇති රෑපය අවුරැදු ගණනක වෙහෙසකින් සොයා ගන්නා සත්‍ය තොරතුරක් හෝ සොයා ගැනිමක් වුවද ප්‍රකිත්ෂේප කිරීමට යොමු විම සාමාන්‍ය සිදුවිමකි. නමුත් ඇමෙරිකා Area 51 ප්‍රෙද්ශය ඉන්පසුව ඒ සමිබන්ව පර්යේෂණ පවත්වන්නේ මුලු ලෝකයටම හොරෙනි. මීට අවුරැදු 60 පමණ කාලයක් තිස්සේ ලොවෙන් සැගවි , අතිශය රහසිගතව ඔවුන් පර්යේෂණ පවත් වන්නේ කුමන හේතුවක් නිසාද ?

Area 51 

කෙසේ වුවද ඇමෙරිකාවේ තුල ඇති තොරතුරැ දැන ගැනීමේ අයිතිය යටතේ හදුනා නොගත් පියාසර වස්තු පිළිබදව පර්යේෂණ කරන්නා වු සංවිධාන NASA , FBI ආයතන වලින් විශාල රහසිගත තොරතුරැ ප්‍රමාණයක් මේ වන විට මුදා ගෙන අවසානය. එවාහි බොහෝ ලිපි මකා දමා ඇති වුවත් හදුනා නොගත් පියාසර වස්තු පිළිබදව ප්‍රබල සාක්ෂි , එවා වසන් කිරිමට අණ දිමි සමිබන්ධ යැවු ලිපි මේ වන විටත් හදුනා ගෙන අවසානය. ඒවා අප වෙනත් ලිපියකින් සාකාචිඡා කිරිමි සුදුසු අතර මෙහිදි මට අවශ්‍ය වුයේ මෙ ක්‍රියාදාමය ඔබට පැහැදිලි කිරිමයි. මන්ද සිනමාව හෝ වේවා , නවකථා හෝ ආදියෙන් වේවා බොහෝ පිරිසක් අතිතයේ භාවිතා වු තාක්ෂණයන් පිළිබදව කථා කරන විට හුදු මනක්කල්පිත මානසිකත්වයෙන් ඒ දෙස බලනා නිසාය.

Star Gate සමිබන්ධව හමුවි ඇති බැහැර හැරිය නොහැකි විශ්මය ජනක සාක්ෂි හා තොරතුරැ සමිබන්ධයෙන් Star Gate - 2 කොටසින් කථා කරන්නට ඉඩ තබා මෙම ලිපිය මෙතින්න අවසන් කරනු ලැබේ. රැදි සිටින්න.

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

පොළොන්නරුවේ තිවංක පිළිමගෙයි තිබෙනා පිටසක්වල ජීවියෙකුගේ සිතුවම.. අබිරහස් අඩවිය - Abirahas Adawiya .(aliens pitasakwala jeeween)

පොළොන්නරුවේ තිවංක පිළිමගෙයි තිබෙනා පිටසක්වල ජීවියෙකුගේ සිතුවම...

අතීතයේ බොහෝ විශ්වකර්ම නිර්මාණ සඳහා පිටසක්වල ජීවීන් මෙහි පැමිණ උදව් කල බව ප්‍රසිද්ද මතයකි. 

වසර 14,000කට පමණ පෙර ඩයමන්ඩ් වීල් යොදාගන කපා ඇති බොලිවියාවේ පූමා පුන්කු ප්‍රදේශයේ ඇති ගල් කැටයම් හා පිරමීඩ නිර්මාණය ඒ සඳහා ප්‍රසිද්ධ උදාහරණයන්ය. 

පිරමීඩ තුළ ඇති කැටයම් වලත් වසර දහස් ගනනකට පෙර ගල්ගුහා වල ඇඳ ඇති චිත්‍ර වල ගගනගාමී ඇඳුම් සහිත මිනිසුන් සිටීමත් නිසා අතීතයේ පිටසක්වල ජීවීන් මෙහි පැමිණි බවට සාක්ෂි දරයි.
මේ පිළිබඳව The History රූපවාහිනී නාලිකාව විසින් විකාශය කළ "Ancient Aliens" වැඩසටහන් මාලාව මඟින් ලොව පුරා වූ එවැනි සිද්ධීන් අති විශාල ප්‍රමාණයක් හෙළිදරව් කර තිබෙන නමුත් ලංකාවේ අතීතය වසර දහස් ගනනක් එහාට ගියද රාවණා ඉතිහාසය හැර වෙනත් කිසිම දේකට පිටසක්වල සම්බන්ධයක් තිබූ බව සඳහන් වෙන්නේ නැහැ.

නමුත් හෙට මව්බිම පුවත්පතේ ලිපියකින් හෙළිකර සිටින්නේ පොළොන්නරුවේ තිවංක පිළිමගේ ඇති බිතුසිතුවම් අතර ගගනගාමී ඇඳුමක් ඇඳ සිටින පිටසක්වල ජීවියෙකුගේ රූපයක් තිබෙන බවයි. 

මේ අතර රාත්‍රී කාලයේ තිවංක පිළිමෙගෙයට ඉහලින් අහසේ අමුතු වස්තුවක් පැමිනෙන බවත් එහි ආලෝකය තිවංක පිළිමගෙයට වැටෙන බවත් සඳහන්ය.

මහනුවර යුගයට අයත් දෙගල්දොරුවේ ඇති "මාර පරාජය" බිතුසිතුවමේ බුදුන් වහන්සේගේ මාර පරාජය චිත්‍රයේ මාරයන් සිටින්නේ තුවක්කු අතැතිවය. ඒ සඳහා චිත්‍ර ශිල්පියාට ආභාෂය ලැබී ඇත්තේ ලන්දේසීන් විසින් භාවිතා කළ තුවක්කු නිසාය.

තිවංක පිළිමෙගෙය

මේ ආකාරයටම අතීතයේ පිටසක්වල ජීවීන් අහසින් පැමිණි බැවින් අහසින් පැමිනෙන දෙවියන් හා සමානකර තිවංක පිළිමගේ චිත්‍රශිල්පියා විසින් තමා දුටු දෙය චිත්‍රයට නැඟුවා වන්නට පුළුවන.

පහත තිබෙන්නේ හෙට මව්බිම පුවත්පතේ පලවන ලිපියෙන් උපුටාගත් කොටසකි.

"පොළොවට අඩිතාලම් නැති ලංකාවේ එකම ගොඩනැඟිල්ල පොළොන්නරුවේ තිවංක පිළිමගේය. ධර්මරත්න යනු මීට පෙර එහි සිටි මුරකරුවෙකි. ඔහුගේ සීයා හා පියාද පුරාවිද්‍යා දෙපාර්තමේන්තුවේ සේවය කර ඇත. 1968 වසරේ පුරාවිද්‍යා දෙපාර්තමේන්තුවට බැඳුන ඔහු එම පරම්පරාවේ තුන් වන පුරුකය. අදටත් ඔහු පරණවිතාන මහතා කළ සංරක්ෂණ ගැන කතාකරනේ මහා ගෞරවයකිනි. 

මුල් අවදියේ දී ඉතාමත් තාත්වික ලෙස අලංකාරව තිබූ සිතුවම් ක්‍රමයෙන් විනාශ වන්නට පටන් ගෙන ඇත. සිතුවම් වලින් සිහින් දුමක් වැනි යමක් පළමුව දෘශ්‍යමාන වීම නිසා මේ බව වඩාත් ලංව නිරීක්ෂණය කළ හැකි වී ඇත්තේ ඉන් ඉතා කුඩා කෘමී වර්ගයක් පිට වන බවයි. ඒ පිළිබඳව අදාල නිළධාරීන්ට දැන්වුව ද ඔවුන් පවසා ඇත්තේ එවැනි කිසිවක් නොමැති බවයි. නමුත් මේ පිළිබඳව පුද්ගලිකව පරීක්ෂණ පැවැත්වූ විශ්ව විද්‍යාල මහාචාර්යවරයකු මෙය සත්‍ය බව තවුරු කරගෙන ඇත.

ලංකාවේ පවතින විශේෂිතම වූ පිළිම වන්සේලා අතරින් එකක් වන අඩි 23 ක් උස වූ තිවංක ප්‍රතිමාව තැන්පත් කර ඇති තිවංක පිළිමගෙය අඩි 160 ක් දිගකින් හා අඩි 63 ක පළලින් යුතුය. එසේම පුරා විද්‍යා දෙපාර්තමේන්තුවේ නිළ ඇඳුම් ඇඳි එකම මුරකරු සඟවා ගත්තේ ද මෙහි ය. 

වරෙක පොලොන්නරුවේ මැදිරිගිරියෙන් අතුරුදන් වූ පුරාවස්තු ප්‍රමාණයක් රේගුවෙන් ගත්තේ ය. එහි තිබූ බඩු පුරා විද්‍යා දෙපාර්තමේන්තුවට හරි හැටි හඳුනා ගන්නට නොහැකි විය. එහෙත් එහිදී ධර්මරත්න පවසා ඇත්තේ එම පුරා වස්තු ආකෘති පමණක් බවත් ඒවා කඩා බලන්නේ නම් තමන් එහි වගකීම ගන්නා බවත් ය. මේ වන විට ඒවා ජර්මනියේ තබා ඇති අතර කඩා බැලීමෙන් තහවුරු වූයේ මැටි වලින් සාදාතිබූ අනුරූ බවත් ය.

1961 වසරේ දී තම පියා එහි සේවය කරන සමයෙහි දී ධර්මරත්න සෝමාවතියේ තිබූ පුරා වස්තු දැක ගත් අතර පසු කලෙක දී පුරා විද්‍යා දෙපාර්තමේන්තුවට සෝමාවතියේ තිබූ පුරා වස්තු ගැන දැනගන්නට අවැසි වූ විට දී තමන් දුටු දෙය ධර්මරත්න පවසා ඇත. පසු කළක දී ඒ පිළිබඳව ලිපියක් හමු වූ අතර ධර්මරත්න කී කරුණු ඉන් සනාථ වී ඇත.

වෘත්තියෙන් මුරකරුවකු වුවද දැනුමෙන් සහ අත්දැකීම් වලින් මහාචාර්යවරයකු වැනි ධර්මරත්න පවසන්නේ තිවංක පිළිම ගෙයෙහි විවිධ හාස්කම් ඇති බවයි. එලෙස ඔහු තමන් අත්විදි හාස්කම් පිළිබඳව හෙලි කළේය. 

තිවංක පිළිමයට ඉදිරියෙන් වූ වම් පස බිත්තියෙහි අඳින ලද දේව රූප ගණනාවකි. එහි සතරවරම් දෙවි වරුන්ට අමතරව තවත් අඳුනා ගත නොහැකි වෙනස් වර්ගයේ රුවක් ද වේ. එම සිතුවමේ මුහුණ ආවරණයක් ඇඳ ඇති අතර එය වර්තමානයේ ගගණගාමීන් භාවිතා කරන හිස් වැසුමකට සමාන වේ.
ධර්මරත්න මහතා පවසන්නේ ඇතැම් දිනෙක තිවංක පිළිම ගෙයට ඉහලින් අහසේ දිලිසෙන අමුතු වස්තු පැමිණෙන බවත් ඒවායින් නිකුත් කරන ආලෝකය පිළිම ගෙය තුලට වැටෙන බවත් ය. මෙය නිස්කලංක රාත්‍රීන් වල දී වගේම සමහර දවල් කාලයන් හිදී ද දක්නට ලැබෙන අතර මෙම සිතුවම් සේම එම වස්තූන් යම් කිසි අදෘශ්‍යමාන යමක් හෝ වෙනත් ග්‍රහලෝක වල ක්‍රියාකාරිත්වයන් සමඟ බැඳීමක් ඇති බව ඔහු විශ්වාස කරයි.

තිවංක පිළිමගෙය එදා මෙන්ම අද ද අධ්‍යාත්මික මනස දියුණු කරවන ස්ථානයක් බවත් අළුයම 5 ට පමණ ඔහු පිළිමගෙය පිරිසිදු කර පැයක් හමාරක් බුදුන් වැඳීමට හුරු වී සිටී. එවිට මිටි පුද්ගලයෙක් ඔහු අසලින් හිටගන්නා අතර බුදුන් වැඳ දෙවියන්ට පින් දී අවසන් වන විට ඔහු ද අතුරුදන් වන බව පවසයි. 

එසේම මස්, මාළු කා මත්පැන් පානය කර පැමිණෙන එකදු මුරකරුවකුට හෝ මෙහි සිටින්නට ඉඩ නොදෙන අතර ඔවුන්ව රෑට පා පහර වදින බවත් ඇද එළියට දමන බවත් ධර්මරත්න මහතා පවසයි.

මෙහි අද වනවිටත් නාගයන් දෙදෙනෙකු සිටින බව පවසන ධර්මරත්න මහතා තවත් එක් අපූරු සිදුවීමක් විස්තර කළේය.

දිනක් බුදුන් වඳින විට පැමිණෙන්නා වැනි වූ මිටි පුද්ගලයන් පිරිසක් ධර්මරත්න මහතා වටේ දුවන්නට පටන්ගෙන ඇත. ඔවුන් කළු පැහැති වන අතර හිසකෙස් රැළි වූ ස්වභාවයක් යුක්තය. පාදජාලා සේම වළලු ද පැලඳ සිටි ඇති අතර ටික වෙලාවක් එසේ ඇවිදමින් සිට නොතේරෙන භාශාවකින් යමක් පවසා ඇත. 

ඊට පැයකට දෙකකට පසු පණිවිඩ කරුවෙක් පැමිණ ධර්මරත්න මහතා හට පවසා ඇත්තේ තිවංකය ආසන්නයේ කොල්ලකරුවන් පිරිසක් නිධන් හෑරීමට සූදානම් වන බවත් එවන්නට කෙනෙක් නැති බැවින් හැකිනම් ගොස් බලන ලෙසත් ය. 

ධර්මරත්න එහි යන්නට පිටත් වූ විට පෙර කී ඔහු වටකොටගත් පිරිස ද ධර්මරත්නට ඉස්සර වී ගමන් කර ඇත. එසේ ගිය ඔවුන් නිධන් ගැනීමට සැරසී උන් ස්ථානයේ එක් තැනකදී ඔවුන් නතර වී ඇත. හොඳින් බැලූ විට ආරක්ෂක නූල් කිහිපයක් දුටු ධර්මරත්න ඒවා කඩා ඉවත් කර ඇත. එවිටම පිරිස ඉදිරියට යාමට පටන් ගෙන ඇති අතර තුවක්කු පවා රැගෙන හිටි කොල්ලකරුවන් ද පැන දුවන්නට පටන්ගෙන ඇත. අඩි දහසයක් හාරා තිබූ ඒ ස්ථානය එලෙස රැක ගැනීමට හැකි වූ බවට ඔහු මහත් සතුටු වේ."

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

පිටසක්වල ජීවීන් හමුවූ මිනිසුන් කියන කතා....... (aliens pitasakwala jeeween -අබිරහස් අඩවිය - Abirahas Adawiya )

පිටසක්වල යානා ලෙස සැකකරනු ලබන අද්භූත ආකාශ වස්තු මෙන්ම පිටසක්වල ජීවීන් පැමිණි බවට විශ්වාස කළ හැකි අරුම පුදුම රූපකායක් සහිත ජීවීන් දුටු අවස්ථා ගණනාවක් ලෝකය පුරා වාර්තා වී තිබේ. මේ අතර පෘථිවි වාසීන් රැගෙන ගොස් පිටසක්වලින් පැමිණි ජීවීන් විසින් නොයෙකුත් පර්යේෂණ සඳහා යොදාගත් බව පවසන සිදුවීම් රාශියක් ද ලොව පුරා වාර්තා වී තිබේ.
1978 ඔක්තෝබර් මස 21 වැනි දිනයයි. මෙල්බෝන්හි පදිංචි ෆෙඞ්රික් වැලන්ටිච් ලාබාල ගුවන් නියමුවෙකි. ඔහු විසි හැවිරිදිය. එදින රාති‍්‍රයේ කෙස්නා 182 වර්ගයේ සැහැල්ලූ ගුවන් යානයක් පදවමින් හෙතෙම බාස් ස්ටේ‍්‍රට් ප‍්‍රදේශයට ඉහළින් ගමන් කරමින් සිටිය දී ඔහු හදිසියේම අතුරුදන් වූවේය. එම යානය සොයා ගැනීමට තවත් යානා යෙදවිණි. ගුවන්ගත වී පැයකට පමණ ආසන්න කාලයක් ගියපසු මෙල්බෝන් පාලක මධ්‍යස්ථානය හා සම්බන්ධ වූ වැලන්ටිච් පාලක මැදිරියෙන් විමසා ඇත්තේ තමන් ගමන්කරමින් සිටින ස්ථානය ආසන්නයේ අඩි 5000ක් පමණ ඉහළින් වෙනත් ගුවන් යානයක් ඇත් ද යන්නයි. එයට පාලක මැදිරියෙන් ලැබී ඇති පිළිතුර එවැනි ගුවන් යානයක් එම මොහොතේ දක්නට නොලැබෙන බවකි.
ඔහු පවසා ඇත්තේ පාලක මැදිරිය එසේ කීව ද තමන්ට අඩි 500ක් පමණ ඉහළින් ඉතාමත්ම දීප්තිමත් කොළ පැහැති ආලෝක හතරක් විහිදුවන විශාල අද්භූත යානයක් ගමන් කරමින් සිටින බවයි. එය ගණනය කළ නොහැකි තරම් වේගයෙන් තමන් පසු පස ගමන්කොට නැවත ආපසු හැරී පැමිණ තමන්ට හරියටම ඉහළින් ගමන් කරමින් තිබෙන බවයි. එම යානය තමන් සමග ඍජුව ඉහළින් සිටින බවත් ඔහු කියා තිබේ. ඔහු අවසන් වරට සඳහන් කොට ඇත්තේ තම යානයේ එන්ජිම අසාමාන්‍ය ආකාරයට ගැස්සෙන බවකි. ඒ සමගම ඔහුගේ හඩ නොඇසී ගියේය. සංවාදය නතර වූයේ මහ හඩක් නගමිනි.

වැලන්ටිච් පැහැරගත්තේ පිටසක්වල යානයකින් විය හැකි යැයි කියමින් ලොව පුරා මාධ්‍ය එයට පුළුල් ප‍්‍රචාරයක් ලබාදුන්න ද ඇතැම් පිරිස් මෙය පිළිගැනීමට මැළිකමක් දැක්වූහ. ඔහුගේ පියා මාධ්‍යයට කියා ඇත්තේ තමන්ගේ පුතා පිටසක්වල ජීවීන් සහ පිටසක්වල යානා පිළිබඳ දැඩි උනන්දුවකින් පසුවූ බවයි.

බ‍්‍රසීලයේ ශාන්ත ප‍්‍රැන්සිස්කෝ හි සේල්ස් ගම්මානයේ පදිංචි ගොවියකු වූ ඇන්තෝනියෝ විලාස් බෝස් 1957 ඔක්තෝබර් 15 දා තමන් පිටසක්වල ජීවීන්ගේ පැහැරගැනීමට ලක්වූ බව පවසයි. ඔක්තෝබර් 13 වැනිදා ඔහු තම ඇඳේ නිදමින් සිටියේය. ටික වේලාවකින් කාමරයේ ජනේලයකින් නිවස ඇතුළට එල්ල වූ විශාල ආලෝක කදම්භයකි. එය ටික වේලාවකින් ඈතට විහිදී ගියේය. පසුදා එනම් ඔක්තෝබර් 14 දා ඇන්තෝනියෝ තම සොහොයුරා සමග නිවසින් පිටත වාහනය සෝදමින් සිටියේය. මේ අතර එකවරම ඔවුන් සිටි දෙසට ඈතින් ආලෝක කදම්භයක් අහසින් පොළොවට එල්ලවී තිබෙනු දක්නට ලැබිණි. ආලෝක කදම්භය වෙත ඔවුන් යද්දී එය පිහිටි ස්ථානය විටින් විට වෙනස් කරමින් ඈතින් ඈතට ගමන් කළේය.
ඊට පසුදා සිදුවූයේ තවත් අපූරු සිදුවීමකි. තම රථයේ කාර්මික දෝශයකට පිළියම් යොදමින් සිටි ඇන්තෝනියෝ දුටුවේ තමන්ට මීටර් 15ක් පමණ ඈතින් පොළොවට ආසන්නයේ නවතා පාවෙමින් තිබෙන වස්තුවකි. මේ අවට දිවා කාලයේ මෙන් ආලෝකවත් වී තිබේ. ක‍්‍රමයෙන් විශාල ආධාරක තුනක් පොළොවට ඇදී ආවේය. ඇන්තෝනියෝ තම රථයට නැග වහා ඉවත්වන්නට සූදානම් වුව ද රථය පණගැන්වුණේ නැත. රථයෙන් බැසගත් ඇන්තෝනියෝ මෙම ස්ථානයෙන් හැකි වේගයෙන් ඈතට දිව යන්නට වූවේය.

‘‘මට දුවන්න ලැබුණේ ටික දුරක් පමණයි. කවුරුන් හෝ මාව පිටුපසට ඇද්දා. මම නතර වුණා. හෙල්මටයක් පැළඳි අරුම පුදුම මිනිසකු වගේ ජීවියෙක් මගේ අසලින්ම සිටියා. මට කරන්න කිසිම දෙයක් තිබුණේ නැහැ. මම හැකිතාක් වැර යොදා පහර දුන්නා. මේ ජීවියා උඩින් විසිවී ගොස් වැටුණා. ඒ සමගම ඒ වගේ තවත් ජීවීන් තුන් දෙනෙක් මාව අල්ලා ගත්තා. ඔවුන් මාව අර අරුම පුදුම යන්ත‍්‍රය දෙසට රැුගෙන ගියා. මම දගලමින් කොතෙක් කෑ ගැහුවත් පලක් වුණේ නෑ. යානයක් වැනි එයට නැගීමට ඉනිමගක් තිබුණා. මම එහි දෙපස වැට අල්ලාගෙන නැගීමට බාධා කළත් ඔවුන් මාව බලෙන්ම වාගේ යානය ඇතුළට ගත්තා.’’
ඔහු පවසන්නේ යානයේ සම චතුරස‍්‍රාකාර ස්ථානයක් ලෝහමය බිත්තිවලින් ආවරණය වී තිබූ බවයි. මේ කුටියේ ඇන්තෝනියෝ දෙපයින් සිට ගත්තේය. තරමක් කුඩා මිනිසුන් වැනි ජීවීන් පස් දෙනෙක් ඔහු වටකරගෙන සිටියහ. දෙදෙනකු ඔහු අත් නොහැර සිටිමින් අණ්ඩාකාර හැඩැති වෙනත් කාමරයකට ගෙන ගියේය. එහි මැද ලෝහමය කණුවක් තිබූ අතර එයට සම්බන්ධවී මේසයක් හා පුටු කිහිපයක් ද තබා තිබිණි. මේ ස්ථානයේ සිටිමින් මේ අමුතු ජීවීන් බල්ලන් උඩුබුරලන ආකාරයෙන් ශබ්ද කළ බව ඇන්තෝනියෝ පවසයි. ඔහු කියන්නේ විටෙක කෙටි හා විටෙක දික්වූ ශබ්ද ඔවුන්ගේ මුවින් පිටවූ බවකි. විවිධාකාර ශබ්ද එකවිට නිකුත් කළ මොවුන්ගේ භාෂාව පෘථිවියේ කිසිදු භාෂාවක් නොවන බව ද ඔහු පසයි

මේ සංවාදයෙන් පසු ඔවුහු ඇන්ටෝනියෝ නිරුවත් කළහ. ඔහු බියෙන් ගැහෙමින් කොතෙකුත් දැගලූව ද ඔවුන් ඇන්ටෝනියෝට හානියක් කරන බවක් පෙනෙන්නට තිබුණේ නැත. අනතුරුව එක් ජීවියකු පැමිණ තෙත යමකින් ඇන්ටෝනියෝගේ සිරුර සම්පූර්ණයෙන්ම පිස දැමුවේය. එය වතුරවලට වඩා ගණකම් බවක් දැනුන ද එය තෙල් වැනි ද්‍රාවණයක් ද නොවුණු බව ඇන්ටෝනියෝ පවසයි.

පසුව වෙනත් කාමරයකට ඔහු කැඳවාගෙන ගියේය. ඉන්පසු රබර් නාල දෙකක් ඇති උපකරණයක් රැගෙන ආ අයෙකු එක් කෙළවරක් ඔහුගේ නිකටට සවි කළේය. අනෙක් කෙළවර ඇග පුරා ගමන් කරවූ අතර එම උපකරණය ක්ෂණිකව රුධිරයෙන් පිරී ගියේය. එහෙත් ඇන්ටෝනියෝ පවසන්නේ තමන්ට කිසිදු වේදනාවක් නොදැණුනු බවයි. මේ අද්භූත ජීවීන් ඔහු කාමරයේ තනිකොට දමා එතැනින් ඉවත්වීමත් සමගම කාමරය දැඩි දුර්ගන්ධයකින් පිරී ගියේය.
මේ සමගම ඇන්තෝනියෝට දෑස් අදහාගත නොහැකි දර්ශනයක් දක්නට ලැබිණි. තමන්ට වඩා උසින් අඩු ඉතා සුන්දර යුවතියක් නිරුවතින් තමන් ඉදිරියේ පෙනී සිටියාය. ඇගේ නිකට දිගැතියි. ඇස් විශාල නිල් පැහැතිය. ඉතා කුඩා නාසය සෘජුව පිහිටා තිබේ. ඇගේ කන් යුගල සාමාන්‍ය පරිදි පෙනෙන්නට තිබේ. හිසකෙස් ඇතත් එය ඉතා තුනීය. සුදු පැහැතිය.ඔවුන් දෙදෙනා එකිනෙකාට ආකර්ශනය වී සිටියේය. එහෙත් ඇය ඇන්ටෝනියෝ සමග කතා කළේවත් නැත. සුහදත්වයක් දැක්වූයේ ද නැත. එහෙත් ටික වේලාවකින් එතැනට පැමිණි අයකු ඇයට කතා කළේය. ඇන්තෝනියෝ දෙසට හැරුණු ඇය තම උදරය දෙසට දෑත් දිගුකොට අනතුරුව අහසට අතක් දිගු කළාය. මේ සිදුවීම සිහිවන විට ඔහු තවමත් බියට පත්ව සිටියේය.

යළි ඔහුට අඳුම් ඇඳීමට අවසර ලැබුණු අතර ඔහු යානය වටා රවුමක් ගෙනගොස් ඉනිමග දිගේ පහළට එවා තිබේ. අනතුරුව යානයේ ආධාරක ටිකෙන් ටික හැකිලූණු අතර එය ආලෝකය විහිදුවා සිතා ගැනීමටවත් නොහැකි තරම් අධික වේගයකින් ඉහළ අහසට ඇදී ගිය බව ඇන්තෝනියෝ පවසයි.

ඇන්තෝනියෝ පවසන්නේ තමන්ට එම යානයේ පැය හතරක පමණ කාලයක් ගත කිරීමට සිදුවූ බවයි. යානයෙන් පිටතට එද්දී ඔහුට කිසිදු අපහසුවක් නොදැනුන ද තද කුසගින්නක් දැනී තිබේ. පසුව ඔහු මේ බව තම හිතවතකු වූ වෛද්‍ය නොන්ස්ට් හට පැවසුවේය. ඔහු පරීක්ෂා කළ වෛද්‍යවරයා පවසා ඇත්තේ ඇන්තෝනියෝ හට කිසිදු හානියක් සිදුව නොමැති බවයි. නමුත් ඔහුගේ නිකටේ විකිරණවලට භාජනය වීමෙන් ඇතිවූ තුවාල කැළලක් තිබිණි.

ඔහු පවසන ආකාරයට ඔහුට මුණගැසුනු පිටසක්වල ජීවීන් ඇගට තදවූ ඇඳුමකින් සැරසී සිටියේය. හිසෙහි හෙල්මටයකි. එහි සිදුරු අතරින් ලා පැහැති ඇස් දිස්වේ. හෙල්මටයේ ඉහළින් නාලාකාර බට වැනි විවර තුනක් විහිදී තිබේ. මින් එක් බටයක් පිටුපසින් යළි ඇඳුමට සවිවී ඇත. අනෙක් නාල දෙක උරහිස් දෙපසින් ඇඳුමට සම්බන්ධ වේ. ඇඳුමේ අත කෙලවර වී ඇත්තේ ඉතා ඝනකම් අත්වැසුමකිනි. පාදයේ සපත්තු පැළඳ
සිටින අතර ඒවා අගල් දෙකක් පමණ උසැති අඩියකින් සමන්විතය. අලෝකය පරාවර්තනය වන පළිගුවක් වැනි විශාල ගෝලාකාර යමක් පපුවේ ඉදිරියේ දක්නට ලැබෙන අතර එය තවත් දීප්තිමත් පටියකින් ඇඳුමට සම්බන්ධවී තිබේ.

දිගින් දිගටම හීනෙන් බියවී කෑ ගසන ඇන්තෝනියෝ අධික හිසරදයකින් සහ පීනසෙන් පීඩා වින්දේය. ඔහුගේ ඇස් දැවිල්ල ද දිගටම දක්නට ලැබිණි. වරින් වර සිරුරේ තැන් තැන්වල තුවාල හටගත්තේය. මේ අසාමාන්‍ය තුවලා වේළෙන විට දම්පැහැති වූයේ වෛද්‍යවරුන් පවා පුදුමයට පත්කරමිනි. බොහෝ දෙනකු කියා සිටියේ එම තුවාල අභ්‍යවකාශ ජීවීන්ගෙන් ඇන්තෝනියෝට ලැබුණු දායාද බවයි.
මෙක්සිකෝවේ විසූ ජෙසී ලෝන්ග් 1957 දී අපූරු අත්දැකීමකට මුහුණ දුන්නේය. එවිට ඔහු පසුවූයේ පස්වැනි වියේය. තම සොහොයුරා සමග සිටිය දී ඔහු දුටුවේ පෙනෙන දුරින් නවතා තිබූ අපූරු වස්තුවකි. මෙය අහසේ පාවෙමින් තිබූ බැවින් මේ සොහොයුරන් දෙදෙනා ගසකට මුවා වී ඒ දෙස බලා සිටියහ. එවිට ඔවුන් දුටුවේ ඉතා කෙසග සිරුරක් සහිත විශාල හිසක් සහ ගෝලාකාර ඇස් ඇති අමුතු මිනිසුන් දෙදෙනකු තමන් අසල සිටින බවයි. ක්ෂණයකින් මේ දෙදෙනා ඒ මිනිසුන් විසින් අල්ලා ගන්නා ලදී.

ජෙසීට ඉන්පසු සිදුවූ දෙයක් මතක නැත. ඔහුට මතක ඇත්තේ ඉන්පසු යම් තැටියක් වැනි මේසයක් මත හාන්සි වී සිටි බවකි. තමන් දුටු අමුතු මිනිස්සු රැුසක් ඔහු වටකරගෙන සිටියහ. ඔවුහු තම වම් පාදයේ පහළ කොටසට යමක් ඇතුළු කරමින් සිටි බව ද ජෙසීගේ මතකයේ තිබිණි.

යළිත් ඔහුට සිහි නැතිවූ බව ජෙසී පවසයි. මේ අවස්ථාවේ සිය සොහොයුරාද පැහැරගෙන ගොස් ඇති පිටසක්වළ ජීවීන් ඔහු වෙනත් කාමරයක රඳවා තබා ඇති බව ද ඔහු කියා සිටියේය. යළි නිවසට ආ ජෙසී සහ සොහොයුරා සුපුරුදු පරිදි ජීවත් වූවේය. මේ කතාව ඔවුන් කොතෙක් අයට කීව ද කිසිවෙකුත් එය විශ්වාස කළේ නැත. නමුත් වයස අවුරුදු 35 පමණ වනවිට ජෙසී මෙවැනි පැහැරගැනීම් කිහිපයකටම ලක්වූවේය. අවසානයේ ඔහු මේ සියල්ල මාධ්‍ය හමුවේ ප‍්‍රකාශ කර ඇත. මාධ්‍යයට මෙය කියනවිට ජෙසී කීවේ තමන් අවසන් වරට පිටසක්වල ජීවීන් විසින් පැහැර ගනුලැබ ඇත්තේ වාහනයේ ගමන් කරමින් සිටින අවස්ථාවක බවයි. වාහනය සමගම ඔවුන් තමන් සිය යානයට ඇදගත් බව ඔහු ප‍්‍රකාශ කළේ තැතිගැන්මෙන් යුතුවය.

එම අවස්ථාවේදීත් මුල් අවස්ථාවේදී මෙන් සමතල මේසයක හාන්සිකොට තබා ඇස් කන් ආදී සියලූ ඉන්ද්‍රියයන් පරීක්ෂාවට ලක්කළ බවත් ඔවුහු කුඩා බිලිඳකු ඔතන ආකාරයේ රෙදි කඩක එතූ යමක් තමන් දෙසට දිගු කළ බවත් ඔහු පවසයි. ඒ අවස්ථාවේ සිය සුවිසල් දෑස්වලින් මේ අමුතු ජීවීන් මේ ඔබේ පුතා යැයි පවසන ආකාරයක් තමන්ට තේරුම් ගිය බව ද ජෙසී කියයි.
ඔහු පවසන්නේ එම රෙදි කඩ මෑත් කර බැලූ විට කුඩා පිටසක්වල ජීවියකු සිටි බවයි. එවැනිම රෙදි කඩකින් ඔතන ලද කුඩා ළමයි නව දෙනකු එම ස්ථානයේ සිටි බව ද ජෙසීගේ මතකයේ තිබේ. ජෙසී මේ පුවත මාධ්‍යයට හෙළි කිරීමත් සමගම මනෝ වෛද්‍යවරු කණ්ඩායමක් ජෙසී සහ ඔහුගේ සොහොයුරා මෝහනයට පත්කළේය. මෝහන නිද්ද්‍රාවෙන් ද ඔවුන් කියා සිටියේ මාධ්‍ය සාකච්ඡාවේ දී පැවසූ කතාවට සෑම අතින්ම සමාන වූ කතාවකි. මනෝ වෛද්‍යවරුන්ගේ නිගමනය වූයේ ජෙසී පවසන කතාව මනෝ වෛද්‍ය විද්‍යාවට අනුව සත්‍යය කතාවක් බවයි.තවත් පර්යේෂකයෝ පිරිසක් ජෙසී ස්කෑන් පරීක්ෂණයකට ලක්කළහ. එහි ප‍්‍රතිඵලය වූයේ ජෙසීගේ වම් පාදයේ පහළ කොටසේ පමණක් නොව සිරුරේ තැන තැන අමුතු ආගන්තුක වස්තු ඇති බවයි. අනතුරුව ශල්‍ය කර්මයක් මගින් ඔහුගේ දණහිසට පහළින් ඇති ආගන්තුක වස්තුව ඉවත් කැරුණි. කුඩා ඝන ද්‍රව්‍යයක් වූ එය ලෝකයේ අධි තාක්ෂණික උපකරණ භාවිත කරමින් විශ්ලේෂණය කිරීමට කොතෙකුත් උත්සාහ ගත්ත ද මෙහි අඩංගු මූලද්‍රව්‍ය කිසිවක් සොයා ගැනීමට හැකියාව ලැබුණේ නැත.

වරක් ඇමෙරිකාවේ මේ ආකාරයට පිටසක්වල ජීවීන්ගේ ග‍්‍රහණයට නතුවූ මිනිසුන්ගේ අත්දැකීම් සහිත රූපවාහිනි වාර්තාමය වැඩසටහන් මාලාවක් පවා නිෂ්පාදනය කැර තිබේ. එහි පැමිණි බොහෝ දෙනා කියා සිටි කරුණුවලින් පෙනී ගියේ ඔවුන් එකිනෙකාට සමාන තොරතුරු සමුදායක් ඉදිරිපත් කරන බවයි.

මොවුන් සියලූ දෙනාම කියා සිටි වැදගත් කරුණක් වූයේ ඔවුහු නිවසේ ඇඳ මත සිටියදී මෙලෙස පැහැරගත් බවයි. බොහෝදෙනකු නිල් පැහැති ආලෝකයක් නිවස ඇතුළට එල්ලවූ බව බොහෝදෙනා පවසති. මේ අති දීප්තිමත් ආලෝකයත් සමග නිදා සිටි තමන් අවදිවූ බවත් ඉන්පසු සිදුවූයේ කුමක්දැයි නොදන්නා බවත් පවසා තිබේ. යම් තරමකින් සිහි ලැබ බලනවිට අසාමාන්‍ය ස්ථානයක අමුතු ජීවීන් විසින් තමන් වටකරගෙන සිටින ආකාරය දුටු බවත් යළි ඔවුන් විසින්ම නිවසට ගෙනවිත් ඇරලවන බවත් පිටසක්වල ජීවීන්ගේ පැහැර ගැනීමට ලක්වූ බව පවසන මේ පුද්ගලයෝ කියති.

මෙහි තවත් විශේෂත්වයක් තිබේ. මෙම අත්දැකීමට මුහුණ දුන් සැවොම පවසන පිටසක්වල ජීවීන්ගේ රූපකාය ද සමානත්වයක් දැරීමයි. ඔවුන් විස්තර කරන ආකාරයට පිටසක්වල ජීවීන් ඉතා කෙසග උසැති ශරීරයකට හිමිකම් කියයි. බැලූ බැල්මට අතිශය දුර්වල සිරුරක් ලෙස පෙනෙන මේ ශරීරයේ දෑත් අසාමාන්‍ය දිගකින් යුතු බවත් විශාල හිසක් ඇති බවත් පවසා ඇත. තද කළු පැහැති විශාල ඇස් යුගලත් ක්ෂීණ වූ නාසයක් හා කුඩා මුඛයක් ඇති නමුත් කතා කරන බවක් නොඇසෙන බව ද පැහැර ගැනීමට ලක්වූවෝ පවසති. ඔවුන් පවසන්නේ පිටසක්වල ජීවීන් තම අදහස් හුවමාරු කරගන්නේ ඇසින් සහ සිතිවිලිවලින් බවයි. ඔවුන් කියන දේ තමන්ට හොඳින් තේරුම් යන ආකාරයට දැනෙන බව ද පවසා තිබේ. පෘථිවි වාසීන් පැහැරගෙන ගොස් සැත්කම් පවා කළ බවත් ඇතැම් පිරිස් වාර්තා කැර තිබේ. එක් ඇමෙරිකානුවකු පවසන්නේ පැහැර ගැනීමට ලක්වූ තමන්ට පිටසක්වල ජීවීන් ලිංගික අතවර කළ බවයි. තම ශුක‍්‍රාණු ඔවුන් විසින් ලබාගන්නා ලද බව ද ඔහු කියයි.

ඇමෙරිකාවේ වාර්තා වැඩසටහනකට සහභාගි වූවන් කියා සිටියේ තමන් පැහරගන්නා පිටසක්වල ජීවීන් තම ශරීරයට යම් සියුම් උපකරණ ඇතුළත් කළ බවයි. එමෙන්ම මේවා නාසය මගින් සහ කන ඔස්සේ යැවූ බවත් ඒ අතර කුඩා ගල්කැබලි වැනි උපකරණ තිබූ බව ද ඔවුන් දන්වා සිටියි. කෙසේ වෙතත් මේ පුද්ගලයන් ස්කෑන් කිරීමේ දී පෙනී ගියේ ඔවුන් කියූ පරිදි යම් ආගන්තුක දෙයක් ශරීරයේ අස්ථිවලට කිඳා බැස ඇති බවයි.

ඒවා ශල්‍යකර්ම මගින් ඉවත් කළ පර්යේෂකයෝ විවිධ ක‍්‍රමෝපාය භාවිත කරමින් ඒ පිළිබඳ විශ්ලේෂණය කිරීමට කොතෙකුත් උත්සාහ දැරුව ද ඒ සියලූ තැත් ව්‍යර්ථ වී ගියේය. ඒවායේ අඩංගු ද්‍රව්‍ය හෝ සංයෝග පිළිබඳ කිසිදු අවබෝධයක් ලබා ගැනීමට පෘථිවියේ විද්‍යාඥයන් සමත්වී නැත. විද්‍යාඥයන් පවසන්නේ ලෝකයේ මෙතෙක් හඳුනාගෙන ඇති මූලද්‍රව්‍ය 110 කින් එකදු මූලද්‍රව්‍යයක් හෝ එහි අඩංගු නොවන බවයි. මෙලෙස ලොව පුරා මිනිසුන් අභ්‍යාවකාශ ජීවීන් විසින් පැහැරගෙන විවිධ පර්යේෂණවලට යොදාගත් අවස්ථා රැසක් වාර්තා වී තිබේ.

සටහන  සජීව විජේවීර

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

ලොවම මවිතකල රොස්වෙල් පියාඹන පීරිසිය... ( අබිරහස් අඩවිය - Abirahas Adawiya UFO)

මීට වසර 65කට පෙර, එනම් 1947 දී මුළු ලොවම මවිත වූ සිදුවීමක් රොස්වෙල් ප්‍රාන්තයේ සිදුවිය. අප කවුරුත් හොඳින් හඳුනන, හඳුනා නොගත් පියාසර වස්තූන් දර්ශනය වූ බවටත්, ඇමෙරිකාවේ විවිධ ප්‍රාන්තවලට ඉහළ අහසේ එම වස්තූන් එහා මෙහා ගමන් කළ බවටත් එම කාලයේ කටකතා ඇති වී තිබිණි. මිනිසුන්ගේ කුතුහලය දෙගුණ කරමින් 1947 ජූලි මස 8 වන දින රොස්වෙල් ප්‍රාන්තයට පීරිසියක හැඩය ඇති අපූර්ව වස්තුවක් කඩාවැටී තිබිණි.මෙම අනතුර නිසා රොස්වෙල් ප්‍රාන්තය නොව මුළු ඇමෙරිකාවම විස්මයෙන් ඇළලී ගිය අතර පසුදින පුවත්පත් මගින් මෙම ගින්නට පිදුරු මිටි පිටින් දමා තිබුණි. රොස්වෙල් ඩේලි රෙකෝඩ්ස් පුවත්පත මෙම සිදුවීම වාර්තා කර තිබුණේ “රොස්වෙල් හමුදා ක්ෂේත්‍ර බළකාය පියාඹන පීරිසියක් අල්ලා ගෙන තිබේ” යනුවෙනි. ඒ ජූලි 8 සවස පළවූ පුවත්පතෙහිය. ජූලි 9 වන දින පළවූ පුවත්පතට එම බළකායේ ප්‍රධානී බ්‍රිගේඩියර් රෝජර් රෑම් පවසා තිබුණේ අපූරු කතාවකි“රොස්වෙල් පියාඹන පීරිසි කතාව ගොතන ලද කතාවක්” ලෙස එහි පළ කර තිබුණි.

ඉන් වසර 65 කට පසු 2012 දී, හිටපු CIA විශේෂ නියෝජිතයෙකු විසින් රොස්වෙල් සිදුවීමේ අබිිරහස එළිකිරීමට පටන්ගෙන තිබේ. ඔහු පවසන ආකාරයට රොස්වෙල් ප්‍රාන්තය ඉහළ අහසේ එහාමෙහා ගොස් තිබුණේ UFO නොහොත් හඳුනා නොගත් පියාසර වස්තුවකි. නැතහොත් පියාඹන පීරිසියකි. නමුත් ඇමෙරිකානු රජය විසින්, එය කාලගුණ බැලුනයක් ලෙස ප්‍රසිද්ධ කරන ලෙස අණ කර තිබිණි. මෙම සිදුවීම් අතර පියාඹන පීරිසියක් රොස්වෙල් වෙත කඩා වැටීමත්, ඒ සමගම එම ප්‍රදේශය අධි ආරක්ෂිත කලාපයක් බවට පත් කිරීමත් වැනි හේතු ජනතාවගේ කුකුස වැඩිකර ඇත. එමෙන්ම නියම සිදුවීම හෙළි නොකිරීම නිසා රටවල් අතර සීතල යුද්ධයක් හට ගැනීමට අර ඇදීමක් ද තිබූ බව ඔහු පවසයි. යානය කඩා වැටි ප්‍රදේශය, (AREA 51)“ 51 ප්‍රදේශය” ලෙස නම් කර, පර්යේෂණාගාරයක් ස්ථාපනය කර යානයේ සුන්බුන් පරීක්ෂාවට ලක්කර තිබේ. 

යානය සාදා තිබූ අමුද්‍රව්‍ය පවා පෘථිවියෙන් සොයාගත හැකි නොවූ ද්‍රව්‍යයක් වූ අතර අද දක්වා එය අබිරහසක්ව පවතී. යානය තුළ තිබි හමු වූ වටිනාම වස්තූන් ලෙස ඔහු පවසන්නේ, අසාමාන්‍ය පෙනුමක් සහිත ජීවීන් දෙදෙනාය. එක් ජීවියකු මාරාන්තික තුවාල සහිතව සිටි බවත්, පසුව මියගිය බවත්, අනතුරින් මියගිය තවත් ජීවියෙකු එහි සිටි බවත් ඔවුන් දෙදෙනා ඉතා රහසිගත ලෙස පර්යේෂණ සඳහා භාවිත කළ බවත් ඔහු ප්‍රකාශ කර තිබේ. ජීවීන් දෙදෙනා මියගිය පසු, විශාල පෙට්ටිවල අසුරන ලද මෘත ශරීර පිළිබඳව ඉන් පසුව කිසිම දිනක දැනගන්නට ලැබි නැත. 

එම කාලයේ පළවූ පුවත්පත් වාර්තාවලින් ගැලවීගත නොහැකි වූ ඇමෙරිකානු රජය 1997 දී පමණ The Roswell Report නමින් විශේෂ වාර්තාවක් නිකුත් කර තිබිණි. එම වාර්තාව සාමාන්‍ය ගුවන් අනතුරක් පිළිබඳ වාර්තාවක් පමණක් වූ අතර එය ඔවුන්ගේ ප්‍රයෝගයක් පමණක්ම බවට පුවත්පත්වලින් තව තවත් චෝදනා එල්ල වන්නට විය.

තත්ත්වය මෙසේ තිබියදී, මියගිය අසාමාන්‍ය ජීවීන් පිළිබඳව කිසිදු තොරතුරක් වාර්තා නොවීමත්, ඔවුන්ගේ මෘත ශරීරවලට කුමක් සිදුවීද යන්න සෙවීමත් තමා වෙත පවරාගත් පුවත්පත්, ඇමෙරිකා රජයට මහත් හිසරදයක්ව පැවැතිණි. CIA නියෝජිතයාගේ අදහසට අනුව නම් ඉහත කී මෘත ශරීර රැගෙන යාමට පසුකාලීනව පිටසක්වල යානා පැමිණ තිබේ. 51 ප්‍රදේශයේ සිටි ඇමෙරිකානු ගුවන් හමුදා සෙබළුන් සමග මිතුරු වූ පිටසක්වලුන් ඔවුන්ගේ මියගිය සගයන් වෙනුවට, සිය තාක්ෂණයෙන් බිඳක් පෘථිවි වැසියන්ට ලබාදීමට කැමැත්ත පළකර තිබේ.මියගිය ජීවීන් සහ පිටසක්වල තාක්ෂණයෙන් අංශු මාත්‍රයක් එකිනෙකා අතර හුවමාරු වූ පසු යන්නට ගිය පිටසක්වලුන් ඊට වසර පහකට පමණ පසුද 51 ප්‍රදේශයට ඉහළ අහසේ සැරිසැරූ බවට සාක්ෂි ඕනෑ තරම් තිබේ.

20 වන සියවස මැද භාගයේ ඇමෙරිකානුවන් ළඟ තිබූ තාක්ෂණයෙන් F22, B2 වැනි ප්‍රහාරක යානා කිසිසේත්ම බිහිවිය නොහැකිය. රොස්වෙල් සිදුවීමෙන් වසර 3ක් යන්නට මත්තෙන් ඇමෙරිකාවෙන් බිහිවූ ඉහත කී යානා, නිර්මාණය කරන ලද්දේ එදා පිටසක්වලුන්ගෙන් ලබාගත් අංශු මාත්‍රයක් වූ 

තාක්ෂණයෙන් බව ඔහු එකහෙලාම ප්‍රකාශ කරයි. එසේ නොවන්නට එවැනි යානා බිහිවිය හැකිව තිබුණේ 2050 වසරේ පමණ බව ඔහුගේ අදහසයි.

මෙම සිදුවීම පිළිබඳව සාක්ෂි එක් කරන ජනමාධ්‍ය යෝධ පියවරක් ඉදිරියට තබමින් 1995 දී වාර්තාගත වීඩියෝ පටයක් මාධ්‍යයට ඉදිරිපත් කළහ. එහි සටහන්ව තිබුණේ කුඩා පර්යේෂණගාරයක් තුළ කාය ව්‍යවච්ජේදනයකට මුහුණ දී සිටින අසාමාන්‍ය ජීවීන් දෙදෙනෙකි. ජේ. ස්ටැන්ලි සහ ජැක් බානට් නම් මාධ්‍යවේදීන් දෙදෙනාගේ කැමරාවේ සටහන්ව තිබූ එම වීඩියෝ දර්ශන නිසා ඇමෙරිකානු රජයට සිය අබිරහස එළි වී ඇති බව දැනුනත්, ඔවුන් ප්‍රකාශ කරන ලද්දේ එම වීඩියෝ දර්ශන කුඩා දරුවන්ගේ මපට් දර්ශන පෙළක් බවයි. ඉන් නොනැවතුණ මාධ්‍යය, වීඩියෝ දර්ශන වඩාත් පැහැදිලි ලෙස ළං කර (Zoom in) බැලීමෙන් පසු, අනන්‍යතාව තහවුරු කළ හැකි කරුණු 2ක් සොයාගැනීමට සමත් විය. ඉන් පළමුවැන්න වූයේ එම රසායනාගාරයේ, පර්යේණය සිදුකළ වෛද්‍ය විශේඥයන් කීපදෙනාගෙන් එක් අයකුගේ වෛද්‍ය කබායේ තිබූ අනන්‍යතා අංකයයි. එම අංකය සහිත වෛද්‍යවරයා සොයාගැනීමට ජනමාධ්‍ය විසින් දැඩි පරිශ්‍රමයක් දරා තිබුණ ද ඔවුන්ට එම වෛද්‍යවරයා හමු වී නැත. අනිත් කාරණය වූයේ පර්යේණාගාරයේ බිත්තියක එල්ලා තිබූ දින දර්ශනයකි. වැදගත් කාරණා සාක්ෂි ලෙස ඉදිරිපත් කරමින් රොස්වෙල් සිදුවීම් අබිරහස එළිකරගැනීමට උත්සාහ දැරූ ජනමාධ්‍යයට අවසානයේ සිදුවූයේ ඇමෙරිකානු රජයේ දැඩි දෝෂදර්ශනයට ලක්වීමටය.

මේ ආකාරයට රොස්වෙල් පිළිබඳ එක් එක් කරුණ බැගින් මාධ්‍ය වෙත ඉදිරිපත් කරන හිටපු CIA විශේෂ නියෝජිතයා මේ වනවිට 89 හැවිරිදිය. ඔහු තම ප්‍රකාශයන් අතරතුර පවසන්නේ මෙම සිදුවීම් මාලාව එක් කනකින් අසා අනිත් කනෙන් පිටකර දැමීම ඉතාම යෝග්‍ය බවයි. “ඇමෙරිකන් රජය දැන්වත් සත්‍ය හෙළිකළ යුතුයි” ඔහු තවදුරටත් පවසයි. “එහෙම නැත්නම් ඔවුන් කියාවි, මේ කතාව අවුරුදු 89ක මහල්ලෙකුගේ උමතු කතාවක් විතරයි කියලා. අවුරුදු 89ක් වුණු මට සිද්ධ වුණේ මගේ හෘද සාක්ෂියෙන් බේරෙන්න බැරි වුණු එක. කවදාහරි රජයටත් එසේම වෙයි. එදාට මේ අබිරහස හරි අපූරුවට විසඳෙයි” ඔහු සුසුම් අතරින් පවසයි. 

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

                                                         

පියාඹන පීරිසි (UFO) කියන්නෙ මොනවද..? . (අබිරහස් අඩවිය - Abirahas Adawiya )

සාමාන්‍ය ව්‍යවහාරයේ පියාඹන පීරිසි ලෙස හැඳින්වෙන වස්තූන් සඳහා එම නම ලැබී ඇත්තේ "කෙනෙත් ආර්නෝල්ඩ්"නම් ගුවන් නියමුවා ඒ සඳහා යොදා ගත් වචනය නිසාය.ඒ පිලිබඳව පසුවට ලිවීමට සිතමි.ඇත්තෙන්ම මේවා වර්තමානයේදී හඳුන්වන්නේ "හඳුනා නොගත් පියාඹන වස්තූන්" (Unidentified Flying Object) ලෙසය.මෙවැනි යානා සැබැවින්ම පවතිනවාද? පෘථිවියේ නිර්මාණය වූ යානා නොවේ නම් ඒවා පැමිණෙන්නේ කවර තැනකින්ද?

මෙම විෂයය පිලිබඳ විවිධ රටවල්,ආයතන විසින් නොයෙක් පර්යේෂණ සිදු කොට ඇති අතර ඇමරිකාව සිදු කල ව්‍යාපෘති තුනක් ඉතා වැදගත් වේ.

සයින් ව්‍යාපෘතිය

ග්රජ් ව්‍යාපෘතිය

නිල් පොත් ව්‍යාපෘතිය

නිල්පොත් ව්‍යාපෘතියේ ප්‍රධාන උපදේශක වූ නෝත්වෙස්ට් විශ්ව විද්‍යාලයේ මහාචාර්ය ඇලන් හයිනෙක් හඳුනා නොගත් පියාඹන වස්තූන් මෙලෙස නිර්වචනය කරයි.

"සාමාන්‍ය ආකාරයෙන් හෝ විද්‍යාත්මකව හෝ පහදා දිය නොහැකි වස්තුවක් ,ආලෝකයක්,අහසේ ගමන් කිරීම හෝ නැවතී සිටීම හෝ සිදු කරයි නම් එය හඳුනා නොගත් පියාසර වස්තුවකි"

ඇමරිකාවේ සැන්ටන් ෆ්‍රයිමන් රේමන්,ඊ.ෆ්ලවර් හා බ්‍රිතාන්‍යයේ නේමන් ඔලිවර්,ජෙනී රැන්ඩල් යානා පිරිස පුර්ණ කාලීනව හඳුනා නොගත් පියාඹන වස්තු පිලිබඳ පරීක්ෂණ වල යෙදේ.ඔවුන්ගේ පරීක්ෂණ අනුව පෘථිවියේ සාමාන්‍ය සිදුවීමක් නොවන සිදුවීම් 50,000ක් පමණ වාර්තා කර ඇත.මෙසේ වසර ගණනාවක් තිස්සේ රැස් කල වාර්තා සියුම් නිරීක්ෂණයේදී මේ අද්භූත පියාඹන වස්තූන්ට පොදු වූ කරුනු කිහිපයක් ඉදිරිපත් කරයි.

එනම් මෙවැනි වස්තූන් හෙවත් යානා පීරිසියක,සුරුට්ටුවක හෝ බිත්තරයක හැඩයෙන් යුක්තය.මේවා බොහෝ විට දීප්තිය විහිදන හිසක් සහිත වන අතර ගමනේ යෙදෙන විට පෘථිවිය සතු කිසිදු යානයක් නිකුත් නොකරන සංඥා එලි නිකුත් කරයි.ඒවායේ වේගය ශබ්දයේ වේගය ඉක්මවන ගුවන් යානා (උදා:සුපර් සොනික් යානා)වලටත් වඩා වැඩි නමුත් ශබ්දයේ වේගය ඉක්මවිමේදී සාමාන්‍ය වශයෙන් නිකුත් වන ශබ්දය තබා යානයක් මගින් නිකුත් වන ශබ්දය වත් නොඇසේ.මේවා ක්ෂණිකවම ගමන් කරන දිශාව වෙනස් කරයි.ගුවන් යානයකට මෙසේ ගමන් කරන දිශාව පහසුවෙන් වෙනස් කල නොහැකි වන්නේ ගුරුත්වය නිසාය.ක්ෂණිකවම දිශා වෙනස් කරන බැවින් පෘථිවියේ ගුරුත්වාකර්ෂණ බල රේඛා කැපෙන විට නිදහස් වන ශක්තියෙන් මෙවැනි යානා එයට අවශ්‍ය ශක්තිය උත්පාදනය කර ගන්නවා ඇතැයි යන සැකය හඳුනා නොගත් පියාඹන වස්තු විශේෂඥයන් අතර වේ.

මේ වන විට මෙවැනි වස්තු පිලිබඳ ව විවිධ ආයතන හා සංවිධාන මගින් රැස් කරන ලද තොරතුරු වලට අනුව හඳුනා නොගත් වස්තූන් පිලිබඳ වාර්තා කල පිරිස සංඛ්‍යාත්මක වශයෙන් මිලියන ගණනකි.නමුත් එසේ ලැබෙන්නාවූ වාර්තා වලින් 90% ක් පමණ අසත්‍ය බවට ඔප්පු වී හමාරය.එදිනෙදා බහුලව දක්නට නොලැබෙන ප්‍රචාරක ගුවන් යානා,සිවිල් හා යුධ ගුවන් යානා,විශාල බැලුන්,සරුංගල් ආදී කෘත්‍රිම නිමවුම්,පීරිසියක හැඩති වලාකුළු,සංචාරක කුරුල්ලන්,වල්ගාතරු,උල්කාපාත ආදී ස්වාභාවික සිදුවීම් මෙන්ම
සිකුරු ග්‍රහලොවද අද්භූත වස්තූන් ලෙස ඇතැම් විට වරදවා වටහාගෙන ඇත.මෙම සමහර සිදුවීම් පුද්ගල මානසික මට්ටම් මත ගොඩනැඟුණ මනෝ විකාර ලෙසින්ද,ඇතැම් ඒවා ප්‍රසිද්ධිය හා මුදල් ඉපයීමේ වංචනික චේතනාවෙන් නිමවුන ජායාරූප හා සිදුවීම් ද මේ අතර නොමැත්තේ නොවේ.නමුත් තවමත් වටහාගත නොහැකි සිදුවීම් 10%-20%අතර ප්‍රමාණයක් තිබෙන බව ද අමතක නොකල යුතුය.

මෙම විෂයය සම්බන්ධව විශේෂඥයන් හඳුනා නොගත් පියාඹන වස්තු ඒවා දර්ශනය වූ ආකාරය අනුව සමීප හා දුරස්ථ ලෙස ප්‍රධාන කොටස් දෙකකට බෙදා දක්වයි.

සමීප සිදුවීම් ලෙස අර්ථ දක්වා ඇත්තේ සමීපව දර්ශනය වී අතුරුදහන් ස්වල්ප කාලය ඇතුලත අමුතු ආකාරයේ ජීවින් දර්ශනය කරමින් ඔවුන් හා කතා බහ කරමින් සිට,යානා පිටත් වූ පසුව පරීක්ෂණ වලට බඳුන් කල හැකි සේ පොලොව මත පිළිස්සුම්,ආවාට,විකිරණ වැනි සාධක ඉතිරි කරන සිදුවීම්ය.එසේම පිටසක්වල ජීවින් විසින් කරන ලද පැහැර ගැනීම් හා ඔවුන් විසින් පෘථිවි වැසියන් භාජනය කරන ලද නොයෙක් පර්යේෂණ ඇතුලත් සිදුවීම්ද අයත්ය.

දුරස්ථ සිදුවීම් ලෙස පැහැදිලි හැඩයක් නොමැතිව දිස්වන ආලෝකයන් හා පැහැදිලි හැඩයක් සහිතව දිස්වන ආලෝකයන්ය.මෙවැනි සිදුවීම් රේඩාර්,වීඩියෝ පට හා කැමරා මගින් ග්‍රහණය කර ගත හැකිවේ.

කොහෙන්ද මේ පියාඹන පීරිසි එන්නේ?

හඳුනා නොගත් පියාඹන වස්තු කවර ස්ථානයක සිට එන්නේද?යන්න විශාල ගැටළුවකි.වෙනත් චක්‍රාවාටයක තරුවක් ආශ්‍රිත ජීවත් වන ජීවින් මෙවැනි යානයකින් එන්නේ නම් එම ගමන සඳහා විශාල කාලයක් ගතවේ.උදාහරණයක් ලෙස පෘථිවියේ සතු ලොකුම රොකට්ටුවෙන් ළඟම ඇති තරුව වන "ප්‍රොක්සිමා සෙන්චුරි"වෙත යාමට ගත වන කාලය අවුරුදු 185,000පමණ වේ.නමුත් ආලෝකයේ වේගයෙන් ගමන් කල හැකි නම් ඒ සඳහා අවම වශයෙන් ගත වන්නේ අවුරුදු 4කි.නමුත් ආලෝකයේ වේගයෙන් ගමන් කල හැකි කිසිවෙකු නොවන බව නවීන විද්‍යාවේ මතයයි.එහෙත් විටෙක ඇල්බට් අයින්ස්ටයින් නම් මහා විද්‍යාඥයා ප්‍රකාශ කලේ ස්කන්ධය හමුවේ ආලෝකය වක්‍ර ව පැමිණෙන්නක් බවය.එවිට විශ්වයේ ඈතින් පිහිටි තරුවකට ඇති සැබෑ දුර ,ආලෝකය ගමන් කරන දුරට වඩා කුඩා වේ.මෙලෙසින් ගත් කල පිටසක්වල ජීවින් ඔවුනගේ ග්‍රහලොවේ සිට පෘථිවියට පැමිණීම සඳහා ඇති කෙටිම දුර තෝරා ගන්නේ නම් ඔවුනට ගෙවා දැමීමට ඇති දුර හා කාලය අප හිතන තරම් විශාල නොවේ.

විවිධ ආගම් හා දර්ශනයන්ට අනුව සමහර කරුණු වලින් මෙවැනි ජීවින් සම්බන්ධ කරුණු විවාදයට ලක් කර ඇත.

බටහිර ලෝකයේ ප්‍රසිද්ධ හා සිත් ගන්නා සුළු මතයක් වන්නේ පිටසක්වල ජීවින් පෘථිවියේ සිටම පැමිණෙන බවය.අප ජිවත් වන්නේ දිග,පළල,හා උස යානා සාධක තුන මත යැපෙන්නාවූ ත්‍රිමාණ ලෝකයකය.මෙහි අපට "කාලය"යන සාධකය පාලනය කල නොහැකී නමුත් එසේ කල හැකි සිව් මාන,පංච මාන වැනි ලෝකද පැවතිය හැකිය.මෙම කරුණු පෙන්වමින් බහු මාන විශ්වයක පැවැත්ම පිලිබඳ මහා විද්‍යාඥ ඇල්බට් අයින්ස්ටයින් සාකච්ජා කළේය.මොහු පෙන්වා දෙන පරිදි මාන(dimension)වෙනස් ලෝක දෙකක් මත එක මත එක වෙලී පැවතිය හැකිය.එහෙත් එක් මානයක සිටින අයට අනෙක් මානයේ ඇති ලොව නොපෙනේ.නමුත් දියුණු තත්වයට පැමිණි ජීවි කොට්ඨාශයකට මේ මාන නම් බාධකය මැඩ ගෙන එක් ලොවකින් තවත් ලොවකට පිවිසීමට හැකිය.

බෞද්ධ සාහිතයේ බුදුරජාණන් වහන්සේ ජීවමාන කාලයේදීම බඹලොවට,දෙව්ලොවට වැඩිය බව සඳහන් වේ.බුදුරජාණන් වහන්සේ වැනි මානසික ශක්තියෙන් ඉහලම තලයකට පැමිණි අයෙකුට මෙම "මාන"නම් බාධකය ජය ගත හැක.

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya