දිඹුලාගල පර්වතය මුදුනේ පිටසක්වළ ජීවින්ගේ නවාතැන් පොළක්...(-අබිරහස් අඩවිය - Abirahas Adawiya නොවිසඳුණු අබිරහස් dimbulagala polonnaruwa anuradhapura novisadunu abirahas aliens pitasakwala jeeween )

පියාසර වස්තූන්වලින් පැමිණෙන පිටසක්වළ ජීවින්ගේ නවාතැන් පොළක් ෙඓතිහාසික දිඹුලාගල පර්වතය මුදුනේ පිහිටා තිබූ බව ගවේෂන කණ්ඩායමක් විසින් සොයාගෙන ඇත.

අඩි 1,200ක් උසින් යුත් දිඹුලාගල පර්වතයේ විශාල ගලක් කේන්ද්‍රකොට මෙම නවාතැන්පොළ සකස් කොට ඇති අතර එහි ඇතුළත අඩි 10 – 10 ප‍්‍රමාණයෙන් යුක්ත වේ. උසින් අඩි 3ක් පමණ වේ.

මෙම කාමරය තුළ අඩි 10 – 4 ප‍්‍රමානයේ ගල් පුවරුවක විවිධ සංඥා අක්ෂර සටහන් කොට තිබේ. පුරාවිද්‍යාඥයන්ට පවා හදුනාගැනීමට නොහැකි බව පැවැසෙන මේ අක්ෂර අනුරාධපුරයේ රන්මසු උයනෙහි පිහිටි ගල් පුවරුවෙහි සටහන් කොට ඇති සංඥා අක්ෂරවලට සමානකම් දක්වන බව ගවේෂක කණ්ඩායමේ අදහස වේ.

මෙම නවාතැන්පළ පිටතින් දැකගන්නට නොමැති වුවද ගල් පර්වතය යටින් අඩි 2ක් පමණ උසින් යුත් දොරටුවකින් ඇතුළු වීමට හැකි වන සේ නිර්මාණය කොට තිබේ. දුවිල්ලෙන් කාමරය පිරී පවතින හෙයින් සංඥා අක්ෂර පවා හදුනාගැනීමට නොහැකිය.
මීට වසර 30කට පමණ පෙර දිඹුලාගල පර්වතය මුදුනේ ඉදිකොට ඇති අහස් මාලිගය නුදුරින්ම මෙම ස්ථානය පිහිටා තිබුණත් කිසිවකුටත් මෙම නවාතැන් පළට ඇතුළු වීමට නොහැකි වී තිබේ.

මෙම ස්ථානය නීරික්ෂණය කිරීමට විදේශීය විද්‍යාඥයන් කිහිපදෙනකු පසුගියදා පැමිණි බව දිඹුලාගල ආරණ්‍ය සේනාසනයේ මහා කාශ්‍යප ධර්මායතනයේ ලේඛකාධිකාරි මාදුරුඔයේ විජිත හිමියෝ පැවැසූහ.

මෙම ස්ථානය පිළිබද මෙතෙක් පුරාවිද්‍යා දෙපාර්තමේන්තුවේ නිරීක්ෂණයට ලක් නොවූ බවද මෙහි සටහන් කොට ඇති අක්ෂරව්ලින් සංඥාවක් පෙන්නුම් කරන බව පෙනෙන්නට තිබෙන බවද උන්වහන්සේ සදහන් කළහ.

රාත‍්‍රි කාලයේදී මෙම ස්ථානයට විවිධ වර්ණයන්ගෙන් යුත් ආලෝකධාරා පැමිණෙන අයුරු ආරණ්‍ය සේනාසනයේ වැඩවසන භික්ෂුන් වහන්සේට දැකගන්නට ලැබෙන බවත් මහ රහතුන් වහන්සේ 500 නමක් දිඹුලාගල ආරණ්‍ය සේනාසනයේ අතීතයේ වැඩවාසය කළ බව සදහන් වන නිසා මෙම පුණ්‍ය භූමියේ මෙවැනි අද්භූත සිද්ධීන් පවතින බව සදහන් කළ හැකිය.

– මව්බිම

2- දිඹුලාගල පර්වතයට පැමිණියේ මිනිසුන්ට වඩා කුඩා ජීවීන් කොටසක්

ඓතිහාසික දිඹුලාගල පර්වතයේ පිටසක්වළ ජීවීන් නවාතැන් ගත් බවට සැලකෙන ස්ථානය භාවිත කොට ඇත්තේ මිනිසුන්ට වඩා කුඩා ජීවීන් කොටසක් බව හැඳින්විය හැකි යැයි ශ්‍රී ලංකා හඳුනා නොගත් පියාසර වස්තූන් පිළිබඳ ගවේෂක(S.L.U.F.O.R. A.) සංගමය වාර්තා කරයි.

තමන්කඩුව - ගාමිණී සූරියආරච්චි

ඓතිහාසික දිඹුලාගල පර්වතයේ පිටසක්වළ ජීවීන් නවාතැන් ගත් බවට සැලකෙන ස්ථානය භාවිත කොට ඇත්තේ මිනිසුන්ට වඩා කුඩා ජීවීන් කොටසක් බව හැඳින්විය හැකි යැයි ශ්‍රී ලංකා හඳුනා නොගත් පියාසර වස්තූන් පිළිබඳ ගවේෂක(S.L.U.F.O.R. A.) සංගමය වාර්තා කරයි.

එම සංගමයේ ගවේෂණ නිලධාරි සාලිය සිල්වා මහතා "මව්බිම"ට මේ බව සඳහන් කළේය.

මේ සම්බන්ධයෙන් වැඩිදුරටත් අදහස් දක්වන සාලිය සිල්වා මහතා අඩි 1,200ක් උසින් යුත් දිඹුලාගල පර්වතයේ මෙවැනි ස්ථානයක් සොයා ගැනීම අපේ විශ්ව දැනුම වර්ධනය කර ගැනීමට ඉවහල් වන කාලෝචිත පියවරක් බව කියයි.

මෙම ස්ථානයට ඇතුළු වීමට එක්වරම මිනිසකුට නොහැකියි. එහෙත් මිනිසකුට වඩා කුඩා ජීවියකුට ඒ තුළට පහසුවෙන් ඇතුළු වීමට හැකියි. අහසින් පැමිණ කෙළින්ම ගුහාව තුළට ඇතුළු වීමට හැකිවන පරිදි මෙය නිර්මාණය වී තිබෙනවා.

විදේශ රටවලින් වාර්තා වන අන්දමට මෙවැනි ස්ථානවල කුඩා ජීවීන් ජීවත් වූ බව සඳහන් වනවා. එසේම මෙම ස්ථානයේ දැක්වෙන සංඥා අක්ෂර අපට කියවීමට නොහැකියි.

හඳුනා නොගත් පියාසර වස්තූන් මඟින් මෙවැනි ස්ථානවලට එම ජීවීන් පැමිණි බව විදෙස් වාර්තාවල සඳහන් වනවා. ඉපැරැණි ස්ථානවල පිහිටි ගුහා තුළ (ඊභදදඥත භදඤඥප ට්පධභදඤ) මෙම වාර්තා සැසඳීමේදී දිඹුලාගල පර්වතය තුළ දක්නට ලැබෙන සංඥා අක්ෂර සමානකමක් පෙන්නුම් කෙරෙනවා.

1947 මැක්සිකෝවේ රොස්වේල්හිදී සිදුවූ පිටසක්වළ ජීවීන්ගේ යානා අනතුරේදී හමුවූ සුන්බුන් අතර ඔවුන්ගේ අක්ෂරවලද මෙවැනි හැඩහුරුකම් තිබූ බව විදෙස් වාර්තා සැසඳීමේදී අනාවරණය වනවා.
dinamina
------------------------------------------------------------------------------

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya