බිලාල ශාපය -(balal sapaya අබිරහස් අඩවිය - Abirahas Adawiya - හොල්මන් කතා. holman katha)

20.03.20__

නිවසේදීය,

මා  ප්‍රිය හිතවත / හිතවතිය, ඔබ මේ  සටහන කියවන විට මා ජීවිතයට සමුදී සදාකාලික නිද්‍රාවට පිවිස අවසානය. මෙය මෙහි පළවන අවසාන බ්ලොග් සටහන බව ඉතා කරුණාවෙන් සලකන්න. පුරා දෙවසරකට මදක් වැඩි කාලයක් ඔබ හා රැදුණු හෙයින් මේ අවසන් නික්මයාම පිළිබඳව මෙසේ සටහන් කොට තබා යාම මාගේ යුතුකමක් යැයි මම සිතමි. සිදුවූයේ හා වන්නේ කුමක්දැයි පැහැදිලිව පවසා මම ඔබගෙන් සමුගනිමි. එහෙයින් මෙතැන් සිට අවසානය දක්වා සියල්ල ඉතා සාවධානව කියවන මෙන් ඔබෙන් ගෞරව පූර්වකව ඉල්ලා සිටිමි. මෙතෙක් ඔබ හා මා දොඩමළු නොවූ මාගේ තථ්‍ය ජීවිතයේ, මා හා බැඳුණු චරිත හා සිදුවීම්, අතිශය තීරණාත්මක සිදුවීම් කිහිපයක් ඔබගේ දැන ගැනීම සඳහා මෙතැන් සිට පෙළ ගස්වමි. මා දැන් සිටිනා මානසික වාතාවරණය හේතුකොටගෙන එය නිසියාකාරයෙන් කිරීමට හැකිවේදැයි මටම සැකය. එහෙත් මම උත්සහා කරමි. සිදුවීම් සිදුවූ ආකාරයෙන්ම ලියා තැබීමට උත්සහා කරමි. තව හෝරා කිහිපයකින් එළබෙන ඒ අවාසනාවන්ත දිනයේ කිනම් මොහොහොතක හෝ ඒ කාලවර්ණ නපුරු යක්ෂයා මා වෙත පැමිණෙන බව ඒකාන්තය. එයට පෙර මා ඉක්මන් විය යුතුය. එහෙයින් මෙම ලිපිය හැකිතරම් ඉක්මනින් ලියා අවසන්කොට ප්‍රසිද්ධ කිරීමට මම අදහස් කරගෙන සිටිමි.

*********

එදා මාර්තු 21 වෙනිදාවක් බව කෙසේනම් අමතක කරන්නද ? මේ දිනය දැන් මාගේ ජීවිතයට සම්බන්ධවී ඇත්තේ එය මාගේ උපන්දිනය නිසාම පමණක් නොවේය. එදා, උපන් දිනය සැමරීම සඳහා අප රාත්‍රී ආහාර වේල පිටින් ගත යුතුයැයි යෝජනා කෙරුවේ තාත්තාය. මුලු සන්ධ්‍යාවම පාහේ පිටත ගතකොට රාත්‍රී ආහාර වේලද ප්‍රසිද්ධ ආපන ශාලාවකින් රැගෙන අප පස් දෙන නැවත නිවස බලා ඒමට පිටත් වන විට රාත්‍රී එකොලහත් පසුවී තිබුණි. තාත්තා වෑන් රථය ධාවනය කළ අතර මම ඉදිරි පස වම් පස අසුනට බරවී සිටියෙමි. අම්මාත් අක්කාත් මල්ලීත් පිටුපස අසුනේය. වාහන නොමැති කමින් පාර පාළු ස්වාභාවයක් ගෙන තිබූ බැවින් තාත්තා සැලකිය යුතු වේගයකින් රථය ධාවනය කළේය. එය සිදුවූයේ ඉතා හදිසියේය. එක වරම වැන් රථයට මීටර දහයක් පමණ දුරින් පාර හරහා දිව යන කළුම කළු බළලෙකු විය. ඌ කොහෙන් කෙසේ ප්‍රාදූර්භූත වූයේ දැයි අදහා ගැනීමටවත් නොහැකි වූ ඒ නිමේෂයේදී තාත්තා වැරදි තීරණයකට යොමු විය. හදිසි තිරිංග පහරින් පැත්තට විසිවී ගිය වෑන් රථය දකුණු පස වූ තාප්පයේ ඉතා තදින් වැදුණේ එයද අනිත් පසට පෙරළා දමමිනි. අනතුරින් සිහිසන් වූ මා රෝහලේදී නැවත සිහිය ලබා ටික වේලාවකින් තාත්තා හා අක්කා අප හැර ගොස් ඇති බව දැනගෙන රෝහලේ වහල ගැලවී යන තරම් හයියෙන් කෑ ගසා හඬා වැටුණි. මාගේ උපන් දිනය අප නිවසේ දෙදෙනෙකුටම සිය ජීවිතයේ අවසන් දිනය වී තිබුණි.

**********

හදවත්හී ඇතිවූ තුවාලයන් කෙමෙන් කෙමෙන් සුවපත් කරමින් කාලය ගලා ගියේය. නෑසිය මිතුරන්ගේ, අසල්වැසියන්ගේ සැනසිලිදායක වදන් අපට යථා තත්ත්වයට පත්වීමට මහඟු පිටිවහලක් විය. අනිත්‍යය හා අටලෝ දහම සිහිකොට එය අපට පමණක් සීමා නොවූ ඉරණමක්යැයි සිතා සිත් සාදා ගත්හ. අවසන තාත්තාත්, අක්කාත් නොමැති ජීවිතයකට අප හුරු වූහ.

වසරක් ගෙවුණි. මාගේ උපන් දිනයත්, තාත්තාගේ හා අක්කාගේ සැමරුමත් එකට යෙදී තිබුණද උපන් දිනය සපුරා අමතක කළ අප වර්ෂ පූර්ණ පින්කම් සඳහා ලක ලෑස්ති වූහ. කිසිසේත් බලාපොරොත්තු නුවූ ලෙස එදිනම මාරාන්තික දෙවන ප්‍රහාරයද එල්ල වූයේ අපගේ ස්නායු භීතියෙන් හිරිවට්ටවමිනි. වර්ෂ පූර්ණය වෙනුවෙන් අම්මාත් මමත් මල්ලීත් කනත්තට ගොස් තාත්තාගේත් අක්කාගේත් සොහොන් අබියස ඉටි පන්දම් දල්වා, අලුතින් මල් පොකුරු තැන්පත් කොට ඔවුන් සිහි කර පින්පතා නැවත එමින් සිටිහය. අප කනත්ත අයිනෙන් වූ මාවතෙහි වම් පසින් ගමන් කරමින් සිටි අතර හදිසියේම කනත්තෙහි වැටෙන් රිංගා පාරට පැමිණ අප දෙසට එකිනෙකා ලුහු බැඳන් එන බළලුන් දෙදෙනෙකු වූහ. එකෙක් සුදු පාට බළලෙකු වූ අතර ඌව හඹා ආ අනෙකා තදම තද කළු පැහැති බළලෙකි. සුදු බළලා අම්මාගේ පාදයක් අසලින් දිව යන විට කළු බළලා ඇයගේ දෙපා අතරින් දිව ගියේ විදුලි වේගයකිනි. මෙයින් කලබලයට පත් ඈ කෑගසමින් අහකට පැන්නේ සතුන්ව මග හැරීම සඳහාය. අවාසනාවක මහත ! කලබලවූ අම්මා එක් වරම පැන්නේ පාර දෙසටය. පිටුපසින් ආ බස් රථය ඇයව යට කරගෙන ඉදිරියට ගොස් නතර විය. අභ්‍යන්තර රුධිර වහනය හා සුසුම්නාව බිඳි යාම නිසා දින දෙකක් රෝහලෙහි අධික ලෙස වේදනා විධි ඇය අවසන මමත් මල්ලීත් මෙලොව හුදකලාකොට අප අත්හැර තාත්තා සහ අක්කා වෙතට ගියාය.

එකිනෙකා විවිධි විවිධ මත ඉදිරිපත් කළහ. සමහරුන් මුහුණට නොකීවද එය මාගේ අවාසනාවක් නිසා වෙන දෙයක් බව කියා තිබූ බව මට කණින් කොනින් ආරංචි විය. ඒ මෙම සියලු මරණ වලට බලපෑ හේතුව මාගේ උපන් දිනය දවසේම සිදුවී තිබීම නිසාය. සමහරුන් බලි තොවිල් ශාන්ති කර්ම ආදී කටයුතු කිරීමට යෝජනා කළ අතර සමහරෙක්ගේ මතය වුයේ අප ප්‍රදේශය අත් හැර යා යුතු බවය. තාත්තාගේත් අක්කාගේත් මරණයට සහභාගී වූ පිරිසෙන් අඩක්වත් අම්මාගේ මරණයට නොවූහ. සිදු වන්නේ කුමක්දැයි මටවත්, මල්ලීටවත් නිසියාකාරයෙන් නිශ්චය කරගැනීමට නොහැක. කුමක් නමුත් අපගේ පාලනයෙන් තොර අමුතු දෙයක් සිදුවන බවක් අපට හැඟුණි. කාලය ගතවීමත් සමඟ අප දෙදෙනා නැවතත් සාමාන්‍ය නොවුණත් එදිනෙදා ජීවිතයට හුරු වූහ. නිවස එකම පාළු අම්බලමක් වී තිබුණි. අප දෙදෙනාම ගෙදර සිටින වේලාවකදී වූවත් අප අතර වැඩි කතා බහක් නොවුණි. දැන් දැන් අප ඇසුරු කරනා යාළු මිත්‍රාදීන්ද හිඟය. අප පවුලම කුමක් හෝ සාපයකට ගොදුරුවී ඇතැයි අනුමාන කළ ඔවුන් ක්‍රමක්‍රමයෙන් අපගෙන් ඈත් වෙමින් සිටියහ.

ඊළඟ මාර්තු 21 වෙනිදාව උදාවූයේ අප දෙදෙනාගේම හදවත් භීතියෙන් සලිත කරවමිනි. එදින උදයේම අවදිවූ මා දෙවියන් බුදුන් සිහිකර අප දෙදෙනා වෙනුවෙන්ම ආරක්ෂාව පැතුවේය. කිසිඳු අතුරු අන්තරාවකින් තොරව මේ දිනය පහු කර ගැනීමට ලැබේවායි පැතුවෙමි. දෙදෙනාම එදින නිවාඩු දමා ගෙදරට වී සිටියේ අනතුරකට ලක්වීමේ ඉඩ අහුරාලනු වස්ය. නමුත් සිද්ධවීමට ලියවී ඇති දෑ කෙසේනම් වළකාලම්ද !

එදින දහවල් දිවා ආහාරයෙන් පසුව අප දෙදෙනා සාලයේ අසුන් ගෙන රූපවාහිනී යන්ත්‍රය නරඹමින් සිටියහ. හදිසියේම ඇසුණු බළල් පොරයේ හඬට අවධානය යොමු කර පිටත බැලූ අපට, අපගේ බළලා ලුහු බැඳ එන කළු පාට බළලෙකු දිස් විය. අපගේ බළලා ආරක්ෂාව පතා ගෙට වැදී පුටුවක් යටට රිංගුවේය. එහෙත් කළු බළලාද ඌ හඹා විත් පුටුව යටදීම පෙරළාගෙන සපන්නට විය. මෙයින් කෝපාවිෂ්ට වූ මල්ලි අප බළලාව බේරාගැනීම සඳහා එතනට ලංවන විටදීම ඔහු වෙතට කඩා පිනූ කළු බළලා ඔහුව සපා කා පැන දිවීය. දත් පහරවල් හතරක් සමඟින් නියපොතු පහරවල් කිහිපයක් ඔහුගේ දකුණතෙහි විය. ඒවා එතරම් බරපතල තත්ත්වයේ නොවූ හෙයින් ඔහු බේත් දමා ගැනීමට යාම ප්‍රතික්ෂේප කොට ගොඩ වෙදකමකින් සෑහීමකට පත් විය. අප දෙදෙනාට කිසිඳු අනතුරකින් තොරව මාර්තු 21 ගෙවී ගියේය. ඒ ගැන අප බොහෝ සතුටට පත්වූ අතර කිසියම් හෝ අසුබ දෙයක් තිබුණිනම් එය අවසන් වී ඇතැයි අප අනුමාන කළහ.

************

එතැන් සිට මාස දෙකක් ගෙවුණ තැන මල්ලීගේ හැසිරීමෙහි යම් අමුත්තක් මා හට දිස් විය. ඔහු සාංකාවෙහි හා විශාදියෙහි මූලික ලක්ෂණ පෙන්නුම් කර සිටියේය. එක දිගට පැමිණි කරදර වැල නිසා එසේ වන්නට ඇතැයි අපි අනුමාන කෙළෙමු. එහෙත් එන්න එන්නම තත්ත්වය නරක අතටම හැරුණි. ඔහු මහ රෑ හදිසියේම අවදිව භීතියෙන් කෑ ගැසීමට පටන් ගත්තේය. යම් යම් රූප හා ඡායාවන් පෙනෙන බවට සඳහන් කළේය. ඔහුට කිසිඳු දියර වර්ගයක් පානය කළ නොහැකි වූ අතර මුත්‍රා පිට කිරීමෙහි පාලනයද ඔහු වෙතින් ගිලිහී තිබු බැවින් නිතරම ඇඳ තෙමීම ඔහු අතින් සිදු විය. කිසිවකුගේ හව්හරණක් නොමැතිව මෙම කරදරයට මුහුණ දීමට මා හට සිදුවී තිබුණි. කළ යුතු කිසිඳු ප්‍රතිකර්මයක් නොදුටු තැන අවසන මා ඔහු රෝහලට ඇතුළත් කෙරුවේය. අවාසනාවකි ! ඔහු ජලභීතිකා රෝගයෙන් ඔත්පලව සිටින බැව් වෛද්‍යවරුන් මාහට පවසා සිටියේ එයට කිසිඳු ප්‍රතිකර්මයක් මේ වන විට සොයාගෙන නොමැති බවද දන්වමිනි. මාගේ මුලු ලොවම නැවතත් මා හිස මත කඩා වැටෙමින් තිබුණි. මා හට මෙලොවෙහි වූ එකම හිතවතාද මා හැර යාමට සූදානම් වෙමින් රෝහලෙහි ඇඳක් මත දගලමින් සිටියේය. තවත් දින දෙකක් පෙරකී රෝග ලක්ෂණයන්ගෙන් බැට කෑ මලණුවන් අවසානයේදී මා තනිකර යන්නටම ගියේය. මෙම දරුණු ප්‍රහාරය ඉවසා දරා ගැනීමට තවමත් මාහට ශක්තිය තිබීම ගැන විටෙක මමම පුදුමයට පත් වීමි. වසරක් පාසා එකින් එක මාගේ සමීපතමයන් මා හැර යද්දීත් තවමත් මා නිරුපද්‍රිතව හොඳ සිහියෙන් පසු වීම විටෙක මටම අදහා ගැනීමට නොහැකි තත්ත්වයකි. සැබවින්ම මා ජීවත් වේද ? නැතහොත් මා මේ දකින්නේ සිහිනයක්ද ? මා ඔවුනට පෙර මිය ගොස් ඔවුන්ගේ මරණයන් කොහේ හෝ සිට නරඹමින් සිටින්නේද ?

මල්ලිගේ දේහය නිවසට ගෙන යාමට මම ප්‍රතික්ෂේප කළ බැවින් රෝහල මුල්වී අවසන් කටයුතු සිදු කර දමන ලදී. නෑ හිත මිතුරන් සියල්ලම පාහේ බොහෝ දුරට අප අත් හැර සිටි බැවින් මළ ගෙයි කටයුතු වෙනුවෙන් හෝ ඔවුන් සහභාගී වෙදෝයි මා හට වූයේ සැකයකි. මළ මිනියක් සමඟින් නිවසේ තනිවීම මා උමතු කරවන්නක් වීමට ඉඩ තිබුණි.

මල්ලීගේ මරණයත් සමඟින් මෙතෙක් මා පිළිගැනීමට අදිමදි කළ එක් දෙයක් අකමැත්තෙන් හෝ පිළිගැනීමට වී තිබේ. ඔව්, අප පවුලට කිසිවකුගේ හෝ සාපයක් වැදි ඇත. එහෙත් ඒ කාගේ සාපයද ? දන්නා තරමින් අප කා හට හෝ අහිතක්, නපුරක්, අනතුරක් සිදු කොට නොමැත.

සිදුවන්නේ කුමක්දැයි අදහා ගැනීමට නොහැකිව අඳුරෙහි අතපත ගාමින් සිටි මාහට ඉතා අහඹු ලෙස ප්‍රහාරකයා හෙළිදරව් කරගැනීමට හැකි විය. මා දැන් විශ්වාස කරනා අන්දමට අවසාන ඉලක්කය වූ මා වෙත ප්‍රහාරය එල්ල කිරීමට පෙර තමාව හඳුන්වා දීමට ඌට උවමනා වූවා වැනිය. මෙතැන් සිට කතාව කීමට මම මදක් පැකිලෙමි. ඒ ඔබ මා අන්ධ විශ්වාසයන් ඇති මිථ්‍යාදෘෂ්ටිකයෙකුයැයි අනුමාන කිරීමට ඉඩ ඇති බැවිනි. නමුත් මාගේ ඉන්ද්‍රියනට වැටහෙනා පරිධි මෙම ඛේදවාචකයට මීට වඩා තේරුමක් දිය නොහැකිය.

**********

ඉතා අහඹු ලෙස ඔබගෙන් කෙනෙකු ( අදාල නොවන බැවින් මම ඔහුගේ නම හෙළි කිරීමෙන් වැළකෙමි ) හා කළ සංවාදයකදී මා හට එඩ්ගා ඇලන් පෝ නැමති ඇමෙරිකානු ලේඛකයාගේ කෘති අඩංගු අඩවියකට සබැඳියක් ලැබුණි. එහි වූ කතා විශාල ගණනක් අතරින් එකවරම මාගේ අවධානය The black cat කතාව වෙතම යොමු වූයේ මන්දැයි මම තවමත් සිතමි. එය කිසිවකුගේ අදෘශ්‍යමාන මගපෙන්වීමක්යැයි විශ්වාස කිරීමට මා කැමතිය.  මා එම කතාව කියවා අවසන් කෙරුවේ ලොමුදැහැගැන්වීය. ඒ එම කථාවෙහි වූ කිසිඳු භයානක කමක් නිසා නොව එය මාගේ එක් දුෂ්ට ක්‍රියාකාරකමක් හා 100%ක් ගැළපීමේ අපූරු සමානකම නිසාවෙනි. එය එසේ සිදු විය හැකිද ? මා විසින් සැබවින්ම කළ ක්‍රියාකාරකමක් එලෙසින්ම අතීතයෙහි වූ ලේඛකයෙකු ලියා තැබුවේ කෙලෙසද ? මෙම කතාව කියවීමෙන් පසු මෙතෙක් මාහට සම්පූර්ණයෙන්ම අමතකව තිබූ, අතීතයේ මා කළ ඒ මහා පාපය මාගේ දෑස් ඉදිරියෙක් මැවී පෙනෙන්නට විය. ඒ සමඟම අපගේ පවුලේ සෑම සාමාජිකයෙකු මිය යාමට ප්‍රථම ප්‍රාදූර්භූත වූ ඒ මහා පොදු සාධකය, කාලවර්ණ නපුරු යක්ෂ බළලා මාගේ දැස් ඉදිරියෙහි මැවී පෙනුණි. ඔව් එය එසේම විය යුතුය. ඒ ගැන මා හට අබමල් රේණුවක තරම්වත් අවිශ්වාසයක් නොමැත.

මෙම බිහිසුණු පලිගන්නාගේ අවසාන ඉලක්කය මා බව දැන් සක්සුදක් සේ පැහැදිලිය. තාත්තාව සහ අක්කාව මුලින්ම ක්ෂණිකව මිය යාමට සලස්වන්නේ අන් අයගේ මරණයන් තුළින් ඔවුනට ඇතිවෙන වේදනාව වැළැක්වීමට හා ඔවුන්ගේ මරණයන් තුළින් අප තිදෙනා වේදනාවට පත් කිරීමට බව දැන් මා හට ප්‍රත්‍යක්ෂය. මන්ද යත් ඔවුන් දෙදෙනා මේ මහා පාප කර්මයට කිසි ලෙසකිඳු හවුල් නොවූ බැවිනි. අම්මා මද කෙටිකාලීන වේදනාවකුත්, මල්ලී ඊට වැඩි වේදනාවකුත් විඳ මිය ගියේ ඔවුන් මෙම පාපයට හවුල් වූ ප්‍රමාණයේ අනුපාතයට බව සැකයක් නොමැත. මෙසේ බලන කළ මෙම පාපයේ ප්‍රධාන භූමිකාව නිරූපණය කළ මා වෙත මෙම පලිගන්නාගේ සැලසුම මොන තරම් බිහිසුණු එකක් වේදැයි හිතා ගැනීමටවත් නොහැක. එය අති බිහිසුණු සෙමෙන් සෙමෙන් ළඟාවන විනාශයක් බවනම් සහතිකය. මෙතෙක් සිදු වී ඇත්තේ අන් අයගේ මරණයන් තුළින් මා දරුණු චිත්ත පීඩාවකට ලක් කිරීම පමණකි. මා හට උරුම සැබෑම දඬුවම තවමත් මා වෙනුවෙන් බලා සිටී. ඒ දිනය එන තෙක් බලා සිටී.

**********

මම ඌට ආදරයට කපූ කිවෙමි. ඒ කළු පූසා යන්න කෙටි කරය. මුළු ශරීරයේම වූ සෑම මවිල් ගසක්ම තද කළු පැහැයෙන් යුක්ත වූ මෙම බළලාගේ එකඳු සුදු හෝ වෙන යම් වර්ණයක් සොයා ගැනීමට නොහැකි විය. කට දෙපසින් වූ සන්වේදක ස්පර්ශකයන් පවා තද කළු පැහැයෙන් යුක්ත වූහ. මුලින් මුලින් ඉතා හුරතල් බළලෙකු වූ කපූ අප සැමගේ ආදරයට පාත්‍ර විය. උගේ ආගමනයත් සමඟින් නිවසෙහි අරක්ගෙන සිටි මීයන් අදෘශ්‍යමාන වීමෙහි ගෞරවයද අපි නොඅඩුවම ඌටම පිදුවෙමු. එහෙත් පසු කලෙක මෙම සත්වයාගේ ඇතිවූ නොමනා හැසිරීමක් නිසා අප හට ඌ එපා වෙමින් පැවතුණි. නිවසේ උයා පිහා තැබූ කෑම වලඳේ සිට මේසයට බෙදා තිබූ බත් පත දක්වා හොරා කෑමට ඌ පසු බට නොවීය. එතකින් නොනැවතී අසල්වැසියන්ගේ නිවෙස් වලින්ද සොරා කෑමට පටන් ගැනීම නිසා අප ඔවුන්ගේ දෝෂාරෝපණයටද ලක් වූහ. කෙතරම් දඩුවම් කළත් මෙම සත්වයාගේ මෙම කැත පුරුද්ද අත් හැරීමට සූදානම් වූයේ ඌ නොවේය. මේ සම්බන්ධයෙන් වැඩියෙන්ම ප්‍රකෝපව සිටියේ අම්මාය. එයින් වැඩියෙන්ම පීඩා වින්දේ ඇය බැවින් එය ස්වාභාවිකය.

එය, උක්ත රිය අනතුර සිදුවී තාත්තාත්, අක්කාත් මිය යාමට පෙර වසරේ මාගේ උපන් දිනයයි. මෙවර උපන් දිනය යාළුවන් කිහිප දෙනෙකුටද අරාධනා කොට මදක් උත්සවාකාරයෙන් ගැනීමට අප සැලසුම් කළහ. එදින සවස මුළුතැන්ගෙයින් ඇසුණු අම්මාගේ ගෝරනාඩුව ඇසී මා එදෙසට යන විට පෙර දින ඈ විසින් පිළියෙල කොට කපුවාට විවෘත්ත කළ හොහැකියැයි විශ්වාස කළ ලෙස වසා ඉහළින් තබා තිබුණු කේක් ගෙඩිය බිම වැටී තිබුණ අතර එයින් සැලකිය යුතු ප්‍රමාණයක් ඌ විසින් කා දමා තිබුණි.

"මූව මැරුවත් හිත්වදින්නෑනෙ මේ කරපු වැඩේට. මටනම් මේ යක්ෂ බළලත් එක්ක තවත්නම් බෑ මේ වැඩේ කරන්න. එක්කෝ ඕකව කොහෙට හරි ගිහින් දාපල්ලා, නැත්නම් මරලා දාපල්ලා. කොච්චරක්නම් කියලා ඉවසන්නද මේ වදේ ? " ඒ ආවේගශීලීව බැණ වදින අම්මාය. එය මෙයින් ප්‍රකෝපව සිටි මාගේ ගින්නට දැමූ පිදුරු විය. දඩුවම් කිරීමට සිතා සොයා බලන විට කිසිවක් නොවූ ආකාරයෙන් පුටුවක් උඩට වී අත පය දිගෑරගෙන නිදා සිටි බළලා දුටු මාගේ ප්‍රකෝපය දෙගුණ තෙගුණ විය. කෑ ගසන විටම බෙල්ලෙන් අල්ලා ගෙන රෙදි කඩකින් උගේ මුහුණ වැසූ මා ඌට දරුණු ලෙස පහර දුනිමි. මෙයට මල්ලීද හවුල් විය. බළලා අඩපණ වෙන තෙක්ම අපි ඌට පහර දුනිමු. එහෙත් තවමත් මාගේ සිතට මදිය. අතට හසු වු පටියකින් මා උගේ ගෙල සිර කොට බැඳ කුස්සියෙහි උළුවස්සෙහි එල්ලා නැවතත් තදින් පහර දුන්නේය. එල්ලා ඇති පන්දුවකට ක්‍රිකට් පිත්තකින් පහර දෙන්නාක් මෙන් ඌට පහර දුන්නේය. වදින සෑම පහරක දිම කොන්ද වකුටු කොට, අත් පා එකට ලංකරමින්, යටි ගිරියෙන් ඤාව් හඩ නිකුත් කරමින් බළලා කෑගැසීය. එය "අනේ මාව බේර ගන්න" වැනි ඉල්ලීමක් වන්නට ඇත. එහෙත් අවාසනාවකට මා හට බළල් භාෂාව නොතේරුණි. ටික වේලාවකින් බළලා නිශ්චල විය. ඒ ඌ අඩ පණ වූ නිසායැයි මම සිතුවෙමි.

තාත්තාත්, අක්කාත් උත්සවයට අවැසි බඩු වගයක් ගෙන ඒමට කඩයට ගොස් නැවත පැමිණියේ අප මෙසේ  චූදිතයාව එල්ලුම් ගස් යවා අහවර වූ පසුවය. කර ඇති අපරාධය දුටු තාත්තා දුන් කම්මුල් පහරින් මා විසිවී ගොස් බිම වැටුණි. අක්කා වහ වහා ලණුව ලිහා බළලාව නිදහස් කර ගත්තද ඒ වන විටත් ඌ අවසන් ගමන් ගොස් තිබුණි. මෙය මා කිසි විටෙකත් අපේක්ෂා නොකළ දෙයකි. බළලුන්ගේ පණ හයිය බැවින් ඔවුන් ලෙහෙසියෙන් නොමැරෙන්නන් ලෙස මම විශ්වාස කළෙමි. එම විශ්වාසයම පෙර කී දරුණු දඬුවමට මා යොමු කළේය. එහෙත් මාගේ විශ්වාසය වැරදී තිබුණි. හිතවත / හිතවතිය මම ඔබට මේ අවසන් මොහොතේ සත්‍යයක් කියමි. මට කපුවාව මැරීමේ කිසිඳු චේතනාවක් නොතිබුණි. එය අප පවුලේ සිව් දෙනෙකු මේ වන විට මිය ගොස් ඇතැයි තරමටම සත්‍යයකි. මට ඒ සම්බන්ධයෙන් ඕනෑම තැනක දිව්රිය හැකිය, චේතනාව කුමක් වූවත් මා අතින් එම අපරාධය සිදුවී තිබුණි.

ඔබ එඩ්ගා ඇලන් පෝ ගේ මතු සඳහන් කෘතිය කියවා ඇත්නම් බළලාට හිංසා කිරීමට ඝාතකයන් දෙදෙනාම යොදා ගන්නා ක්‍රමවේදයේවූ ඒ අපූරු සමානත්වය දකිනු ඇත. සමහරවිට එය කළු බළලෙකු මැරීම සඳහා කාල, ද්වීප, දේශ නොසලකා දෛවයෙන් නියමවී ඇති ක්‍රමවේදය වන්නටද හැකිය. ඒ සමානත්වය නොවන්නට මා පසු පස හඹා එන මේ ශාපය පිළිබඳව නොදැනුවත්වම මා එයට ගොදුරු වනු නියතය. අඩුම තරමින් මම එසේ විශ්වාස කරමි.

තව හෝරා කිහිපයකින් ඒ බිහිසුණු දවස උදාවනු ඇත. ඔව් හෙට මාගේ උපන් දිනයයි. මේ දක්වා වූ සියල්ල විශ්ලේෂණයකොට බැලීමේදී හෙට දිනයේදී ඒ කළු බලලා මා ඉදිරියෙහි දර්ශනය වන බව හෙට හිරු නැග එන්නාක් මෙන්ම නිශ්චිතය. මෙවර ඌ පැමිණෙනේ මාරාන්තික ප්‍රහාරයටය. තම නියම සතුරා වෙත ඉලක්කය බලා එල්ල කරනා, තම සතුරා අඩපණ කොට, දීර්ඝ කාලයක් විඳවීමට සලස්වා ක්‍රමක්‍රමයෙන් මරා දමනා ඒ බිහිසුණු ප්‍රහාරයටය. දාමාව කැපීමට ප්‍රථම ඌ වටා ඉන්නා ආරක්ෂක ඉත්තන් කපා ඉවත්කරන්නාක් මෙන්, මා වටා සිටි සියලු හිතවතුන් ඌ විසින් කපා ඉවත් කොට මා හුදකලාකොට තිබේ. මේ ප්‍රහාරය මට දරාගත නොහැකිය. ඒ ගැන සිහිවන විටත් මා සියොලඟම දහදියෙන් තෙත්ව, අප්‍රාණික වී යයි. ඔව්, මා ඉස්සර විය යුතුය. ඒ බිහිසුණු කාලවර්ණ මරණයේ දූතයා සම්මුඛ වීමට ප්‍රථම මා ඉස්සර විය යුතුය.

ඉදින් ප්‍රිය මිතුර / මිතුරිය ඔබ මේ දක්වා කියවූයේ මින් පෙර මා ඔබට නොකී මාගේ සැබෑ කතාවයි. එකක් පැවසිය යුතුමය. මෙම දුෂ්කර,බිහිසුණු කාලපරිච්ඡේදයේ අවසාන වසර දෙක තුළ ඔබ හා දොඩමළු වීමට ලැබීම හේතු කොටගෙන යම් ඉසිඹුවක් ලදිමි. එසේ නොවන්නට මා උන්මන්තකයෙකු වී බොහෝ කල්ය. ඒ ගැන මාගේ ස්තූතියි පිළිගන්න.

දැන් යාමට කාලය පැමිණ ඇත. මෙය ලියා ප්‍රසිද්ධ කළ වහාම උපක්‍රමිකව ලබාගෙන දැන් මේ මොහොතේත් මා ඇස් අබියස ඇති නිදිපෙති අහුරම පානය කොට මා සදාකාලික නිද්‍රාවට පත්වෙමි.  ඒ බිහිසුණු යක්ෂයාට මුහුණ දීමට නොහැකිව මම බියසුල්ලෙකු සේ ජීවිතයෙන් පලා යමි.

ප්‍රිය හිතවත / හිතවතිය වෙන්ව යාමට කලින් ලද අත්දැකීම් ඇසුරෙන් යමක් පැවසීමට අවසර ! කිසි දිනෙක, කිසි විටෙක, කිසිම හේතුවක් අරභයා සම්පූර්ණයෙන් කාල වර්ණ බළලෙකුව ඝාතනය කිරීමට එඩිතර නොවන්න. එය ඔබව විනාශය කරා රැගෙන යනු ඇත. ඔවුන් වනාහී සූක්ෂම පළිගන්නන්ය. එද්මොන් දාන්තේ පවා අභිබවා යන අති සූක්ෂම පළිගන්නන්ය. එපමණක් නොව කිසිඳු කුඩා සතෙකු උවද ඝාතනය කිරීමෙන් වළකින්න. ඔබට එය සුළු සිදුවීමක් වූවත් ඔවුනට එය ජීවිතය පිළිබඳ ගැටලුවකි. අප සිදු කොට අමතක කරදමනා කුඩා වුවත් පාපකර්මයන්ගේ ප්‍රති විපාක කෙතරම් බිහිසුණුද යන්න වටහා ගැනීමට ඔබට මාගේ කතාව ඉවහල් වනු ඇතැයි සිතමි.

එසේ නම් සදාකාලික සමු ගැන්මකට අවසරයි !

උපුටා ගැනීමකි . සියලුම හිමිකම් මුල් රචකයා සතුයි 

ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

උපාලි අබිරහසේ ඇත්ත කතාව.....upali wijewardana (අබිරහස් අඩවිය - Abirahas Adawiya - නොවිසඳුණු අබිරහස් novisadunu abirahas unsolved mysteries )

උපාලි සමූහ ව්‍යාපාරයේ පුරෝගාමී සභාපතිවරයා වූ උපාලි විජේවර්ධන මහතා පිළිබඳ මේ දිනවල විවිධ දුර්මත පැතිර යමින් තිබේ. මෙයට වසර 29 කට පෙර මැලේසියාවේ සිට කොළඹ  බලා එමින් සිටි විජේවර්ධන මහතා ගුවන් යානයත් සමගම අතුරුදන් වූ බව ඔහු පිළිබඳව උනන්දුවක්‌ දක්‌වන සියලු දෙනා දනිති. ඔහු පිළිබඳ අබිරහසේ සියලු සත්‍ය විස්‌තර අද සිට ඉරිදා දිවයින කොටස්‌ කිහිපයකින් පලකරනු ඇත. 

ඔහු සම්බන්ධයෙන් මැතකදී මතභේදයට තුඩු දුන් සියලු ගැටළු නිරාකරණය කර ගැනීමට පාඨකයාට මේ ලිපි පෙළ මගින් හැකිවනවා ඇත.

ශ්‍රී ලංකාවෙන් ජාත්‍යන්තරයට ගිය පළමුවන සිංහල බෞද්ධ ව්‍යාපාරිකයා සහ කර්මාන්තකරුවා වන ෆිලිප් උපාලි විජයවර්ධන සිය පෞද්ගලික ගුවන් යානයෙන් මැලේසියාවේ සිට ශ්‍රී ලංකාව බලා එද්දී අතුරුදන්වීම අදටත් මතභේදයට තුඩු දී තිබේ. මතුගම තුඩුගලගේ දොන් වෝල්ටර් විජයවර්ධන සහ මාතර කඹුරුපිටියේ අනුලා කල්‍යාණිවති විජේසිංහගේ බාල දරුවා වූ ඔහු අතුරුදන් වන විට 45 වන වියට දින හතරක්‌ ඉතිරිව තිබිණි. කොළඹ කාන්තා විද්‍යාලයේ බාලාංශයෙන් සහ කොළඹ රාජකීය විද්‍යාලයෙන් අධ්‍යාපනය ලබා එංගලන්තයේ කේමිබ්‍රි- විශ්වවිද්‍යාලයට යන ඔහු උපාධිධාරියකු ලෙස ලංකාවට පැමිණ එක්‌සත් ලීවර් සහෝදර සමාගමේ (Lever Brothers) කළමනාකරණ ආධුනිකයකු ලෙස වෘත්තීය ජීවිතය අරඹයි. වයස අවුරුදු 24 දී තමන්ගේම වූ ව්‍යාපාර පටන් ගන්නා ඔහු එළඹෙන වසර 20 තුළ ආසියාවේ ප්‍රමුඛ කෝටිපතියන් 10 දෙනා අතුරින් කෙනෙක්‌ බවට පත් වන්නේය.

කැළණියේ බස්‌නායක නිලමේ ලෙස සධාතුක කරඩුව වඩම්මවමින්

ජනාධිපති ජේ.ආර්. ජයවර්ධන, උපාලි හා ඔහුගේ සමකාලීන පාසල් සගයා ලලිත්

සේනානායක - පේළිමුහන්දිරම් - ගුවන් නියමු ආනන්ද අප්පා

ව්‍යාපාරිකයකු ලෙස ගත කළ වසර 20 තුළ උපාලි සිංගප්පූරුව සහ මැලේසියාව සමග විශාල වශයෙන් ව්‍යාපාර කළේය. සිය ව්‍යාපාරික අවශ්‍යතාවක්‌ වෙනුවෙන් 1983 ජනවාරි 31 වන සඳුදා උදේ වරුවේ ඔහු තම පෞද්ගලික ගුවන් යානයවූ L35A ලියර් ජෙට්‌ යානයෙන් මැලේසියාවට ගමන් අරඹයි. ඔහුගේ උපාලි සමූහ ව්‍යාපාරයේ මූල්‍ය අධ්‍යක්‍ෂ ආනන්ද පේලිමුහන්දිරම් ද ගුවන් යානයේ මගී සහකරු වූ අතුල සේනානායක ද යානයේ සිටිති. යානය පදවනු ලබන්නේ ගුවන් හමුදාවේ හිටපු පලපුරුදු නියමුවකු වන විංග් කමාන්ඩර් නොයෙල් ආනන්දප්පා ය. ඔහුගේ සහාය නියමුවා ලෙස උපාලි ගුවන් සේවයේ සිඩ්නි සොයිසා සිටී. යානය ප.ව. 1.30 ට මැලේසියාවේ ක්‌වාලාලම්පූර් අගනුවර සුබංග් (Subang) ගුවන් තොටුපළට පිවිසෙන්නේය. යානය ගුවන් තොටුපලේ ගාල් කිරීම භාරව තිබෙන්නේ විරා ක්‍රිස්‌ පුද්ගලික සමාගමටය. යානය ඔවුන්ට භාරදෙන උපාලි ඇතුළු පිරිස ක්‌වාලාලම්පුර් ආසන්නයේ පිහිටි උපාලිට අයත් "කොකෝවා විලා" මන්දිරයට යති. එතැන් සිට ඉදිරි දින 10 උපාලි සහ පේලිමුහන්දිරම් ගත කරන්නේ ව්‍යාපාරික කටයුතු උදෙසාය.

1983 පෙබරවාරි 13 ඉරිදාවකි. උපාලි ඇතුළු පිරිස ආපසු ශ්‍රී ලංකාව බලා පැමිණීමට නියම කරගන්නා දවස එදිනය. ඊට පෙර ලියර් ජෙට්‌ යානයේ රේඩාර් සංඥ පද්ධතිය සහ වායුසමීකරණ පද්ධතිය "සර්විස්‌" කරගැනීමට නියමිත විය. ඒ අනුව පෙබරවාරි 10 වැනි බ්‍රහස්‌පතින්දා උදේ ආනන්ද පේලිමුහන්දිරම් සහ නියමුවෝ දෙදෙනා සිංගප්පූරුවට ගොස්‌ එම කටයුතු සඳහා එරට ස්‌පෙල්විල් සමාගමට යානය භාර දෙති. පෙබරවාරි 12 වැනිදා යානය ආපසු මැලේසියාවට ගෙනෙනු ලැබේ. විරා ක්‍රිස්‌ සමාගම ආපසු යානය භාර ගන්නා අතර සුබංග් ගුවන් තොටුපලේ කොනක එනම් ගුවන් යානා ගාල් කරන විශාල ගොඩනැඟිල්ලකින් පිටත එළිමහනේ යානය ගාල් කෙරේ. එවිට වේලාව සවස 1.30 ය.

පෙබරවාරි 13 වන ඉරු දින උපාලි විජයවර්ධන ඇතුළු පිරිස එදින සවස 3.00 ට ශ්‍රී ලංකාව බලා නික්‌ම යැමට සූදානම්ය. එහෙත් සවස 3.00 ට පෙර උපාලිට පණිවුඩයක්‌ ලැබෙයි. ව්‍යාපාරිකයකු වෙතින් වැදගත් දුරකථන ඇමතුමක්‌ එන නිසා එතෙක්‌ "කොකෝවා විලා" මන්දිරයේම රැඳෙන ලෙස පණිවුඩය මගින් ඔහු දැනුවත් කෙරේ. උපාලි කොළඹ බ්ලුමැන්ඩල් පාරේ පිහිටි තම කාර්යාලයට කතා කර මේ බව කියයි. ඔහු සමග කතා කිරීමට දුරකථනයට යන්නේ ඔහුගේ විධායක සහායක ඇන්ස්‌ටන් වීරසිංහය. අනතුරුව එදින "දිවයින" ඉරිදා සංග්‍රහයේ පළවී ඇති විජේසෝමගේ කාටුනය කුමක්‌දැයි ඔහු වීරසිංහගෙන් විමසයි. එම කාටුනය වන්නේ රොනී ද මෙල් එක්‌ ආසනයක සිට තවත් ආසනයකට මාරුවන ආකාරයයි. කාටුනයේ විස්‌තර අසන උපාලි මහ හඬින් සිනාසී දුරකථනය විසන්ධි කරයි. ඊළඟට ඔහු බලාපොරොත්තු වන්නේ තමන්ට ලැබීමට නියමිත ව්‍යාපාරික දුරකථන ඇමතුමය. කොතරම් බලා සිටියද එම දුරකථන ඇමතුම ලැබෙන්නේ නැත. පැය 3 කටත් වඩා බලා සිටින උපාලි තම පිරිසද සමග සුබංග් ගුවන් තොටුපළට ගොස්‌ ලියර් ජෙට්‌ යානයෙන් ශ්‍රී ලංකාව බලා ගුවන් අරඹයි. ගමන පටන් ගන්නා වේලාව සවස 6.11 ය.

යානයේ ගමන් මග වැටී ඇත්තේ ඉන්දුනීසියාවේ උතුරු සුමාත්‍රා කොටසේ අගනුවර වූ "මීදාන්" (Medan) හරහා ය. කොළඹ බලා යන ගමනට මැලේසියාවෙන් එකතු වන අමුත්තෙක්‌ද යානයේ සිටින්නේය. මැලේසියාවේ උපාලි විජයවර්ධනට අයත් කැන්ඩොස්‌ සෙන්ඩෙරියන් බර්හාඩ් (Kandos Senderian Berhard) සමාගමේ අධ්‍යක්‍ෂවරයා වන ඔහුගේ නම එස්‌. එම්. රත්නම් ය. රත්නම් වෘත්තීය නීතිඥයෙකි. ඔහු ශ්‍රී ලංකාව බලා එන්නේ කොළඹ ජීවත් වන සිය සහෝදරිය හමුවනු පිණිසය. මෙය ඔහු සහෝදරියට නොදන්වා එන හදිසි ගමනකි. තමා දකින නැගණිය පුදුමයෙන් හා ප්‍රීතියෙන් ඉපිල යනු ඇතැයි ඔහු පෙර දින උපාලිට කීවේය.

ගුවන්ගතවී හරියටම විනාඩියකට පසු මැලේසියාවේ පිනැංගුවේ පිහිටි බටර්වර්ත් ගුවන් හමුදා කඳවුරේ රේඩාර් තිරය මත යානය සටහන් වෙයි. ඒ වන විට යානය ගමන් කරන්නේ මලයා අර්ධද්වීපයේ බටහිර වෙරළ කොටසට මායිම් වූ සෙලන්ගෝර් (Selangor) මතිනි. මේ වෙරළ තීරයෙන් පසු එන සාගරය මැලේසියාව හා ඉන්දුනීසියාව අතර වූ මලක්‌කා සමුද්‍ර සන්ධියට අයත්ය. තව ස්‌වල්ප වේලාවකින් යානය ගොඩබිම මතින් පියාසර කිරීම අවසන් කර සාගරය මතින් පියාසර කිරීමට පටන් ගන්නේය. සවස 6.16 වන විට බටර්වර්ත් කඳවුරේ ගුවන් ගමන් තොරතුරු භාර නිලධාරීහු සාමාන්‍ය ක්‍රමයට අනුව කොළඹ බලා එන ලියර් ජෙට්‌ යානයේ ගමන් සැළසුම කටුනායක ගුවන් ගමන් පාලකයන්ට දන්වති. යානය අස්‌වාභාවික වේගයකින් ගමන් කරන බව බටර්වර්ත් කඳවුරේ නිලධාරීහු රේඩාර් තිරය මත දකිති. තවත් විනාඩි 10 ක්‌ තුළ සුබංග් ගුවන් තොටුපළේ රේඩාර් තිරයෙන් ලියර් ජෙට්‌ යානය නොපෙනී යයි. ගුවන් යානයක්‌ එක්‌ රටක ගුවන් සීමාවෙන් නික්‌මෙන විට ඒ රටේ රේඩාර් තිරයෙන් අතුරුදන්වීම සාමාන්‍ය දෙයකි. එහෙත් ලියර් ජෙට්‌ යානය අතුරුදන් වූ වේගය පිළිබඳව පිනැංගුවේ බටර්වර්ත් ගුවන් ගමන් මධ්‍යස්‌ථානයේ නිලධාරින් තුළ චකිතයක්‌ හටගෙන ඇත. මේ මොහොතේදී මලක්‌කා සමුද්‍ර සන්ධියේ සාගරයද ඉතා රළුය.

උපාලි ඇතුළු මගීන් ගමන් කළ යානය නිසි ගමන් මාර්ගයේ නිසි වේගයෙන් ගමන් කර තිබුණේ නම් පෙබරවාරි 13 වැනිදා සවස 6.40 වන විට උතුරු සුමාත්‍රා ප්‍රදේශයේ මිඩානයේ අහස උඩින් ගමන් කළ යුතුය. පස්‌වරු හත වනතුරුත් ලියර් ජෙට්‌ යානය මිඩාන් පසු කළ බවට ආරංචියක්‌ නොලැබුණු නිසා ක්‌වාලාලම්පුරයේ ගුවන් ගමන් රේඩියෝ පණිවුඩ මධ්‍යස්‌ථානය කොළඹ ගුවන් ගමන් පාලන මැදිරියට කතා කර යානය ගැන විමසූහ. එහෙත් යානය ගැන තොරතුරු කොළඹට ලැබී තිබුණේ නැත. රාත්‍රි 7.01 ට මේ ගැන මදුරාසියෙන් විමසන ලදී. එහි ගුවන් ගමන් පාලන මැදිරියටද යානය ගැන ආරංචියක්‌ ලැබී තිබුණේ නැත.

සවස 7.55 වන විට ලියර් ජෙට්‌ යානය කිසියම් අනතුරකට මුහුණපා ඇති බව ක්‌වාලාලම්පුර් ගුවන් ගමන් පාලක මැදිරිවලට ස්‌ථිර විය. ඒ අනුව ඉන්දියානු සාගරයේ දිගෝ ගාර්ෂියා දූපතේ පිහිටි ඇමරිකාවට අයත් හත්වැනි නාවුක බලඇණියේ මූලස්‌ථානයට සිද්ධිය දැනුම් දුන් මැලේසියාව එම ගුවන් තීරය හරහා ගමන් කරමින් සිටි ඇමරිකන් අවේක්‍ෂණ ගුවන් යානයන් අමතමින් අතුරුදන්වූ L 35 A ලියර් ජෙට්‌ යානය ගැන සොයා බලන ලෙස ඉල්ලා සිටියේය. 

මේ අනුව ලියර් ජෙට්‌ යානය සම්බන්ධයෙන් අවිනිශ්චිත තත්ත්වයක්‌ ඇති බව කලාපීය වශයෙන් ප්‍රකාශයට පත් කිරීමට ක්‌වාලාලම්පූර් ගුවන් නිරීක්‍ෂණ නිලධාරීහු තීරණය කළහ. රාත්‍රි 9.31 වන විට යානය ගැන සොයන ලෙසට ජාත්‍යන්තර වශයෙන් දැනුම් දෙන ලදී. 9.41 ට යානය කටුනායක ගුවන් තොටුපළට ළඟා වීමට නියමිත විය. එය සිදු නොවුණ නිසා රාත්‍රි 10.30 වන විට රටවල් දෙකක ගුවන් ගමන් පාලක අධිකාරීන්ගෙන් ලියර් ජෙට්‌ යානය ගැන තොරතුරු සොයන ලෙස විශේෂ ඉල්ලීමක්‌ කෙරිණි. ජපානය, ඕස්‌ටේ්‍රලියාව එම රටවල් වෙයි. 

මේ අතර එදින රාත්‍රි 7 ත් 8.55 ත් අතර කාලය තුළ කුඩුම්බිගල ආරණ්‍ය සේනාසනයේ වැඩ සිටි භික්‌ෂූන් වහන්සේ නමක්‌ ඈත අහසේ ගමන් කළ ගිනි බෝලයක්‌ දැක තිබිණි. එය මුහුදට කඩාවැටෙන ආකාරයක ගමනක යෙදුනු බවද උන්වහන්සේ කීහ. කුඩුම්බිගල පිහිටා ඇත්තේ කුමන වෙරළ තීරයේ සිට සැතපුම් 10 ක්‌ රට ඇතුළට වන්නට ය. ඉතා පහතින් ගමන් කළ ගුවන් යානයක්‌ ගින්දර පිටකරමින් මහ සාගරය දෙසට ගිය බව කුඩුම්බිගල ආසන්නයේ හේන් ගොවීන් පිරිසක්‌ද පසුව පැවැසූහ.

*********  ********

උපාලි විජයවර්ධන ඇතුළු පිරිස ගමන් කළ යානය අතුරුදන් වීමත් සමගම කටකතා රැසක්‌ පැතිර යන්නට පටන් ගත්තේය. ත්‍රස්‌තවාදීන් පිරිසක්‌ කප්පමක්‌ බලාපොරොත්තුවෙන් යානය පැහැරගත් බව අයෙක්‌ කීහ. එබන්දක්‌ පෞද්ගලික ගුවන් යානයක්‌ තුළ සිදුවීමට නම් කප්පම්කරුවන්ද උපාලි ඇතුළු පිරිස සමග යානයේ සිටිය යුතු අතර ඔවුන් ක්‌වාලාලම්පුරයේ සුබංග් ගුවන් තොටුපලෙන් යානයට ගොඩවිය යුතුය. එහෙත් එවැන්නක්‌ සිදු වී නම් ගුවන් තොටුපල ආරක්‍ෂක අංශවලට එය වාර්තා වන්නේය. තවත් සමහරු කියා සිටියේ යානය තුළ බෝම්බයක්‌ අටවා එය පිපිරවූ බවය. ඒ සම්බන්ධයෙන් ශ්‍රී ලංකාවේ බලගතු දේශපාලනඥයන් දෙදෙනෙක්‌ සැකයට ලක්‌වූහ. මේ දෙදෙනාගෙන් අයෙක්‌ උපාලි, ජනාධිපති වනු ඇතැයි ද අනෙකා උපාලි බලගතු ඇමැති තනතුරකට පත් වනු ඇතැයි ද සිතා ඔහු විනාශ කිරීම සඳහා සුදුසු අවස්‌ථාවක්‌ එනතුරු බලාගෙන සිටි බව සාමාන්‍ය ජනයාගේ මතය විය. මේ අතර පේනකාරයෝ වැහි වහින්නට වූහ. අතුරුදන්වූ පිරිස ගල් ගුහාවක්‌ තුළ සිටින බවත්, මහ වනයක අතරමංව සිටින බවත් ප්‍රසිද්ධ පේනකාරයෝ දෙදෙනෙක්‌ කීහ. විවිධ සැක කිරීම් අතර කිසියම් වලංගු මුහුණුවරක්‌ ලැබූයේ යානය තුළ බෝම්බයක්‌ ඇටවීමේ සිද්ධියට පමණි. ලියර් ජෙට්‌ යානය එහි රේඩාර් පද්ධතියේ සහ වායුසමීකරණ පද්ධතියේ නඩත්තු කටයුතුවලින් පසු සුබංග් ගුවන් තොටුපලේ කොනක එළිමහනේ ගාල් කර තැබීම තේරුම් ගැනීමට අපහසු සිද්ධියකි. එබඳු විටක යානයට බෝම්බයක්‌ සවි කිරීමේ අවකාශයක්‌ ඇති වෙයි. බෝම්බය, යානයේ එන්ජිම ආශ්‍රිතව සවි කළ විට එන්ජිම රත්වන්නට පටන්ගත් සැනින් පිපිරීම සිදු වෙයි. එන්ජිම රත් වීමට කිසියම් කාලයක්‌ අවශ්‍යය. ලියර් ජෙට්‌ යානය මලක්‌කා සමුද්‍ර සන්ධිය වෙත යන කාලය තුළ ප්‍රමාණවත් රත්වීමක්‌ අපේක්‍ෂා කළ හැකිය. ඊළඟ කාරණය උපාලිගේ ගමන ප්‍රමාද කළ ව්‍යාපාරික දුරකථන ඇමතුමය. එම ඇමැතුම නොලැබී සවස 3.00 ට ඔහු පිටත් වූයේ නම් අහසේදී ඔහුගේ යානයට සිදුවන අනතුරක්‌ පැහැදිලිව දැකගැනීමට බිම සිටින අයට හැකිය. එසේම විපතට පත්වූ අය ගලවා ගැනීමේ මෙහෙයුමක්‌ද කළ හැකිය. අඳුරේදී යානය අනතුරට පත්වූ විට එවැනි මෙහෙයුමක්‌ කිරීම දුෂ්කරය. 

මේ සියල්ල Conspiracy Theory හෙවත් කුමන්ත්‍රණයක්‌ හෝ කඩාකප්පල්කාරී සිද්ධියක්‌ විය හැකි ආකාරය පිළිබඳ කෙරුණ සාකච්ඡාවන් විය. මේ අතර ජේ. ආර්. ජයවර්ධන රජයේ බලසම්පන්න ඇමැතිවරයෙක්‌ (ඔහු උපාලි විජයවර්ධනගේද මිත්‍රයෙකි) පහත සඳහන් කතාව තම හිතවත් පුවත්පත් කලාවේදියකුට කීවේය. උපාලි විජයවර්ධන ලියර් ජෙට්‌ යානය මිලට ගත් පසු නිතර පිටරට සංචාරවල නිරත විය. එසේ යන ගමන්වලදී ඔහු ඉන්ධන ඉතිරිකර ගැනීම සඳහා නීති විරෝධී ලෙස කෙටි ගුවන් මාර්ගවල පියාසර කළේය. මලක්‌කා සමුද්‍ර සන්ධිය ආසන්නව පිහිටුවා තිබූ එක්‌තරා යුද කඳවුරක ඔත්තු සේවා නිලධාරීහු උපාලිගේ යානය ගැන පරීක්‍ෂාවෙන් සිටියහ. ඔවුන් යානයේ නියමුවා සමග ගුවන්විදුලි පණිවුඩ හුවමාරු කරගැනීමට උත්සාහ කළ නමුදු නියමුවා පිළිතුරු දී තිබුණේ ද නැත. ඒ බැවින් 1983 පෙබරවාරි 13 වැනිදා සවස්‌ කාලයේදී මේ යානයට වෙඩි තබන ලදී. යානය මුහුදුබත් වූ අතර මුහුදට වැටුණ ගුවන් යානයක කොටස්‌ ආපසු හමුවිය යුතු යෑයි නීතියක්‌ නැති බැවින් ලියර් ජෙට්‌ යානයේ කොටස්‌ ද ආපසු හමු වූයේ නැත. ඡායාවක්‌වත් නොතබා අතුරුදන්වූ ගුවන් යානා ගැන ඕනෑ තරම් වාර්තා ඇත. ඉහත සඳහන් කාරණයද ඔප්පු කිරීමට බැරිවූ සැකයකි. එහෙත් උපාලි ඇතුළු පිරිසට අත්වූ ඉරණම මෙයම බව තම ජීවිතය අවසන් වන තෙක්‌ම ඉහත සඳහන් දේශපාලනඥයා විශ්වාස කළේය.

මේ අතර ලියර් ජෙට්‌ ගුවන් යානය ගැන පාඨකයා දැනුවත් කිරීම අපගේ වගකීමය. ලියර් ජෙට්‌ සමාගම ඇමරිකන් සමාගමකි. ඔවුන් සිය පළමු වැනි ලියර් ජෙට්‌ යානය නිපදවන ලද්දේ 1973 දීය. එතැන් සිට එම සමාගම "බොම්බාඩියර්" නමැති ගුවන් යානා නිෂ්පාදන සමාගමක්‌ විසින් මිලට ගන්නා තුරු සිවිල් ප්‍රවාහන කටයුතු සඳහා ලියර් ජෙට්‌ යානා 738 ක්‌ සාදා ඇත. මෙයින් යානා 11 ක්‌ වෙඩි පහරට ලක්‌වීම හා කාර්මික දොaෂ නිසා කඩාවැටීම නිසා විනාශයට පත් විය. පළමු ලියර් ජෙට්‌ අනතුර 1982 දී සිදු විය. ලොව අතුරුදන්වූ පළමු ලියර් ජෙට්‌ යානය උපාලි විජයවර්ධනට අයත් L35A යානයයි. පාවිච්චි කරන ලද ලියර් ජෙට්‌ යානයක්‌ සියලු බදු සහිතව රුපියල් කෝටි 100 ත් 150 ත් අතර මිලකට අද ගත හැකිය. එහෙත් උපාලි තම ගුවන් යානය මිලට ගන්නා කාලයේදී එය රුපියල් කෝටි 60 ක්‌ පමණ විය.

*****************************************************************

උපාලි සෙවීමේ මහා මෙහෙයුම ඇරඹේ... 

යානයේ කොටස්‌ හමුවෙයි (2 කොටස)

උපාලි සහ පිරිස සමග අතුරුදන්වූ ලියර් ජෙට්‌ යානය සෙවීම සඳහා රටවල් හතක්‌ එක්‌ වූහ. මේ මෙහෙයුම සිදු කෙරෙන්නේ මෙයට වසර 29 කට පෙර බව අප මතක තබාගත යුතුය. ඒ වන විට මිනිසා සඳ ජයගෙන වසර 15 ක්‌ වත් ගත ව නොතිබූ අතර GPS (Globe positioning System) තාක්‍ෂණය හෙවත් චන්ද්‍රිකාවක්‌ සමග පොළවේ සිට සම්බන්ධ වී තමන් සිටින ඉසව්ව දැන ගැනීමේ මෙකල තාක්‍ෂණය එකල තිබුණේ ද නැත. එය Digital නොවූ Analgouge යුගයකි.

පිරික්‌සුම් මෙහෙයුම සඳහා යොදවා තිබූ ප්‍රධානතම ගුවන් යානා "ඔරායන්" වර්ගයට අයත් ය. මේවායේ ඩිජිටල් උපකරණ නැති වුවද එකලට අනුව "නවීනතම" උපකරණ සවිකර තිබිණි. ලියර් ජෙට්‌ යානයේ තිබූ කහ පැහැති ජීවිතාරක්‍ෂක බෝට්‌ටුව මතට උපාලි ඇතුළු පිරිස පැනගත්තේ නම් එය සෙවීම මේ යානාවලට පැවැරී තිබිණි. එම යානා ගමන් කළේ මුහුදු මට්‌ටමෙන් විශාල උසකින් නොවේ. එම යානා මඩකලපුව ආසන්න මුහුදු ප්‍රදේශයේ සිට මලක්‌කාව දක්‌වා පිරික්‌සුම් කටයුතු කළහ. යානා තුන පිළිවෙලින් ඇමරිකාව, ඔස්‌ටේ්‍රලියාව හා ජපානයට අයත් විය. P 3 වර්ගයට අයත් මේ එක්‌ යානයක්‌ ජලයෙහි සීමාසහිත ගැඹුරක පිහිටි දේ දැකගැනීමේ හැකියාවෙන් සමන්විත විය. එය අහසට නැග්ගේ ඇමරිකාවට අයත් තුන් වැනි නාවුක බලඇණිය (Third fleet) පිහිටි දීගො ගාර්ෂියා අහසේ සිටය. තවත් ඔරායන් යානයක්‌ ඇමරිකාවට අයත් ජපානයේ පිහිටි බටහිර ශාන්තිකර බලඇණියට අයත් ගුවන් තොටුපළෙන් අහසට නැංගේය. තුන්වන යානය මැලේසියාවේ බට්‌රවර්ත් ගුවන් කඳවුරෙන් අහස්‌ ගත වෙයි. එය අයත් වන්නේ රාජකීය ඔස්‌ටේ්‍රලියානු ගුවන් හමුදාවටය. මීට අමතරව ඉන්දියාවට අයත් ඉලුෂින් වර්ගයේ රුසියන් ගුවන් යානාද ශ්‍රී ලංකා ගුවන් හමුදාවට සහ උපාලි එයාර්ලයින්ස්‌ සමාගමට අයත් යානාද ගුවනට නගී. මලක්‌කා සමුද්‍ර සන්ධියේ සාගර පිරික්‌සුම් කරන්නේ මැලේසියාවට හා ඉන්දුනීසියාවට අයත් නාවික යාත්‍රාය.

තනි පුද්ගලයකු සහ ඔහුගේ පෞද්ගලික ගුවන් යානය සෙවීම සඳහා ලෝකයේ රටවල් මේසා ප්‍රමාණයක්‌ එකතු වූ ඉතිහාසයේ පළමු අවස්‌ථාව මෙය විය. යානය සෙවීමෙහි නිරත වූ ඇමරිකාව සහ ඔස්‌ටේ්‍රලියාව විපතට පත් වූවන් ගලවා ගැනීමට අමතරව තවත් අරමුණක නියුතුව සිටියහ. ඒ වූකලී තමන් සතු තාක්‍ෂණය අත්හදා බැලීමය. විශේෂයෙන්ම ඇමරිකන් ඔරායන් යානා ආසියානු සාගරයෙහි සිවිල් ගවේෂණ කටයුත්තක නිරත වූ මුල් අවස්‌ථාව මෙය විය. මේ සියල්ලටම අමතරව මුහුදු බෝම්බ සොයන විශේෂ නැවක්‌ද ගවේෂණයට එක්‌ විය. සැක සිතුන සෑම සාගර ප්‍රදේශයකදීම කිමිදුම්කරුවන් මුහුදු පත්ලට යවනු ලැබීය. ඔවුන් සපයන ලද්දේ ඉන්දුනීසියාවය. මේ අතර ඉන්දුනීසියාවේ ජකර්තා නුවර සිට පෞද්ගලික කෙටි තරංග ගුවන්විදුලි සංඥ හුවමාරුවක්‌ පවත්වාගෙන යන "යෝනි" නමැති පුද්ගලයෙක්‌ ලියර් ජෙට්‌ යානය වැටුණු තැන තමන් දන්නා බව ශ්‍රී ලංකාවේ සිට එවැනිම ගුවන් විදුලි සංඥ හුවමාරුවක්‌ පවත්වාගෙන ගිය බොරලැස්‌ගමුවේ දිවුලපිටියේ කොළඹ පාරේ අංක 161 දරන තැන පදිංචිව සිටි ටෙලෙක්‌ස්‌ පණිවුඩ යන්ත්‍ර පිළිබඳ ඉංජිනේරුවකු වූ අර්නස්‌ට්‌ අමරසිංහට දැනුම් දුන්නේය. එහෙත් "යෝනි" කියූ සාගරය මතුපිට හෝ පතුලේ ලියර් ජෙට්‌ යානයක්‌ හෝ කැබලි හෝ නොවීය.

රාජකීය-ශාන්ත තෝමස්‌ විසිවෙනි 
මහ ක්‍රිකට්‌ ගැටුමේදී රාජකීය 

විද්‍යාලයේ විදුහල්පති සමග. 
මෙම තරඟයේදී රාජකීය විද්‍යාලයට 

නායකත්වය දෙනු ලැබුවේ 
රන්ජන් මඩුගල්ලේ විසිනි

යෝනි සහ අමරසිංහ යන දෙදෙනාම Radio Ham වරුන් ලෙස හැඳින් වෙති. රේඩියෝ හැම් (Radio Ham) වරුන් කරන්නේ පෞද්ගලික ගුවන්විදුලි සම්ප්‍රේෂණ ට්‍රාන්ස්‌මීටර පිහිටුවා රට රටවල තොරතුරු හුවමාරුකර ගැනීමය. ඊමේල් නැති Sඵී නැති, ජාත්‍යන්තර දුරකථන පහසුකම් හෝ චන්ද්‍රිකා දුරකථන පහසුකම් නැති කාලයේදී රේඩියෝ හැම්වරු විශාල මෙහෙවරක්‌ කළහ. මෙබඳු සේවයන් පවත්වාගෙන යැම සඳහා රජයෙන් බලපත්‍රයක්‌ ලබාගත යුතු විය. මේ සියලු කරුණු අතර ඉන්දුනීසියාවෙන් මතුවූ මහාචාර්යවරයෙක්‌ තමන් සතුව බලගතු රේඩාර් පද්ධතියක්‌ ඇති බවත් එමගින් උපාලි සහ ලියර් ජෙට්‌ යානය තිබෙන තැන සොයාගත් බවත් කියා අතුරුදන් විය. කටකතා බහුල විය. උපාලි විජයවර්ධන සතු අත් ඔරලෝසුවක්‌ ශ්‍රී ලංකාවේ පිහිටි ඔහුගේ නිවසේ ඇති බවත් ඔහුට ජීවිත හානියක්‌ වූ වහාම ඔරලෝසුව නවතින බවත් කටකතාකරුවෝ කීහ. විපතකදී ආසියානු ජනයා බෙහෙවින් බොළඳය. උපාලිගේ හිතවතුන්ද පවුලේ අය ද කිට්‌ටු ඥතීන්ද පේනකාරයන් පසුපස යමින් බලාපොරොත්තු අලුත් කරගත්හ.

පොදුවේ ගත් කල මනුෂ්‍යයා වූ කලී ක්‍ෂණික ජනප්‍රියත්වයට ප්‍රිය කරන ස්‌වභාවයෙන්ම වීර ක්‍රියා කිරීමට කැමැති, එහෙත් අන් අය ඒවා කරනු බලා සිටීමෙන් පමණක්‌ සෑහීමකට පත්වන, තමන් නොදුටු හා නොකළ දේවල ගෞරවය ලබාගැනීමට කෑදර පෘථග්ජන සත්ත්වයෙකි. මේ ගති ස්‌වභාවයට අනුව පියාඹන පීරිසි ගැන ආරංචි පැතිර යන හැම කාලයකදීම "මමත් පියාඹන පීරිසියක්‌ දුටුවෙමියි" කියාගෙන එන මිනිසුන්ගෙන් අඩුවක්‌ නොවීය. මෙයට වසර 100 කට පෙර මුහුදේ ගිලී ගිය ටයිටැනික්‌ නැවේ යැමට ටිකට්‌ එකක්‌ ගෙන බස්‌ එක පරක්‌කු වීම නිසා වරායට යා ගත නොහැකි වීමෙන් එම විපතින් දිවි ගලවා ගත් දහස්‌ ගණන් දෙනා එකල ලන්ඩනයෙත් ඇමරිකාවෙත් පත්තර කන්තෝරු ඉදිරිපිට පෝලිම් ගැසී සිටියහ.

උපාලි විජයවර්ධන ඇතුළු පිරිස ගමන් කළ L35A ලියර් ජෙට්‌ යානය අතුරුදන් වන්නේ 1983 පෙබරවාරි 13 වැනිදා රාත්‍රි 7.00 න් පසු මලක්‌කා සමුද්‍රසන්ධිය අවට මහ සාගරය මතින් ගමන් කරමින් සිටියදීය. මේ සමුද්‍රසන්ධියේ එක්‌ මායිමක්‌ වූයේ මලයානු අර්ධද්වීපය හෙවත් මැලේසියාව පිහිටි ජැටියයි. අනෙක්‌ මායිම ඉන්දුනීසියාවය. මේ සමුද්‍රසන්ධියේ ඇති ජලය අන්දමන් සාගරයට අයත්ය. (අන්දමන් මුහුද ඉන්දියන් සාගරයේ කොටසකි.) මලක්‌කා සමුද්‍ර සන්ධිය සැතපුම් 500 ක්‌ දිගය. සැතපුම් 30 සිට 200 දක්‌වා පළලය. දල වශයෙන් ගත් කළ වර්ග සැතපුම් 45000 ක පමණ සාගර ප්‍රදේශයක්‌ මෙයට ඇතුළත්ය. අඩි 85 ක්‌ ගැඹුරුය. ඉතා සරලව කිවහොත් මේ සමුද්‍රසන්ධිය ශ්‍රී ලංකාව මෙන් දෙගුණයකට ආසන්න ප්‍රමාණයකට විශාලය.

ඉන්දුනීසියාව සහ එහි අගනුවර වන ජකර්තාව යන ප්‍රධාන දූපත් දෙක හැරුණුකොට ජාවා බෝර්නියෝ සුමාත්‍රා, බෙන්ගාලා ඇතුළු කුඩා දූපත් සමූහයකින් සමන්විතය. උපාලි අතුරුදන් වීමේ සිද්ධියට ආසියානු කලාපය තුළ විශාල ප්‍රසිද්ධියක්‌ ලැබෙන්නට පටන් ගැනීමත් සමගම සිද්ධිය වූ දින රාත්‍රියේ අහසේ ගමන් කළ ගුවන් යානයක්‌ පුපුරා යනු තමන් දුටු බව කියමින් මසුන් මරන්නන් යෑයි කියාගත් විශාල පිරිස්‌ ඉන්දුනීසියාවේ සහ මැලේසියා පත්තර කන්තෝරුවලට දුරකථන ඇමතුම් දෙන්නට පටන් ගත්හ. මේ සියලු දෙනාගේම අරමුණ වූයේ තම ඡායාරූපයක්‌ පවුලේ උදවිය සමග තමන් සිටින හැටි යනාදිය පෙන්වන ඡායාරූපයක්‌ සමග විස්‌තරයක්‌ පත්තරවල දමා ගැනීමය. ස්‌වල්ප දිනක්‌ යනවිට ඉන්දුනීසියානු හා මැලේසියානු මාධ්‍යවලට මෙය මහත් හිරිහැරයක්‌ විය. ඒ අනුව යානය කඩාවැටීමට අදාළ ද්‍රව්‍යමය සාක්‍ෂි අතේ නැතිව එන කිසිදු කෙනකුට කිසිදු ප්‍රසිද්ධියක්‌ නොදීමට දෙරටේ මාධ්‍ය ආයතන තීරණය කළහ.

මේ තීරණයෙන් දින කිහිපයකට පසුව එනම් 1983 පෙබරවාරි 15 වැනිදා මලක්‌කා සමුද්‍රසන්ධිය තුළ පිහිටි හුදෙකලා දූපතක්‌ වූ පුලව් බෙන්ගාලා වෙහි ජීවත් වූ මසුන් මරන්නන් තිදෙනෙක්‌ මෝටර් රථයක රෝදයක්‌ තරම් විශාල එහෙත් ආගන්තුක රෝදයක්‌ සහ යකඩ තහඩු කැබලි කිහිපයක්‌ සොයාගෙන ඇති බවට මැලේසියාව සහ ඉන්දුනීසියාව පුරා කටකතා පැතිර යන්නට විය. මේ බව ආරංචි වූ රොයිටර් පුවත් සේවයේ රොබට්‌ මැහෝනි මුලින්ම ඉන්දුනීසියාවේ විඩානයටත් දෙවනුව පුලවු බෙන්ගාලා දූපත් වෙතටත් ගියේය. මේ පුවත නිල වශයෙන් වාර්තා කරන පළමුවැන්නා තමාත් රොයිටර් පුවත් සේවයන් බවට පත්විය යුතු බව ඔහු සිතුවා විය හැකිය. සමහර විට ඔහු කුඩා ගුවන්යානයක්‌ කුලියට ගෙන අන් අයට කලින් මේ ගමන ගියා වන්නට පුලුවන. පසුව මීඩානයේදී හෝ පුලාවු බෙංගාලා අහසේදී මේ මසුන් මරන්නන්ගේ ප්‍රධානියා රොබට්‌ මැහෝනිට හමුවෙයි. ඔහුගේ නම "උවේ උදින්" වන අතර වයස අවුරුදු 40 කි. මෙයට දින දෙක තුනකට පෙර මුහුදු ගිය විට බර යමක්‌ තම දැලට හසුවූ බවත් විශාල මාළුවකු සිතා එය ගොඩට අදින විට මේ රෝදය සහ යකඩ තහඩුවක්‌ හමුවූ බවත් ඔහු කීවේය. රෝදයේ ටයරය ගුඩ්ඉයර් වර්ගයේ එකකි. එහි 5000699 යන අංකය යොදා තිබිණි. රොයිටර් වාර්තාකාර රොබට්‌ මැහෝනි වහාම මේ පුවත ලියා ආසියානු රොයිටර් මූලස්‌ථානයට යෑවූ අතර එම මූලස්‌ථානය මගින් පුවත්පත් රූපවාහිනි සහ ගුවන්විදුලි ආයතනවලට එම පුවත බෙදාහරින්නට විය. ඒ පුවතේ සිංහල පරිවර්තනය මෙසේය,

(රොබට්‌ මැහෝනි විසිනි)

මීඩානය - (ඉන්දුනීසියාව) පෙබරවාරි 18. (රොයිටර්) ශ්‍රී ලාංකික ව්‍යාපාරික ධනවතකු වන උපාලි විජයවර්ධන සහ තවත් පුද්ගලයන් 05 දෙනකු කැටුව යමින් සිටියදී අතුරුදන් වූ පුද්ගලික ජෙට්‌ යානයේ සුන්බුන් ඉන්දුනීසියාවේ සුමාත්‍රා දූපතට ඈතින් සාගරයේ තිබියදී සොයාගෙන ඇත.

අනතුරින් දිවි ගලවාගත් අය ගැන වාර්තා වී නැත.

සිද්ධිය පිළිබඳ රොයිටර් පුවත් සේවයට විස්‌තරයක්‌ කළ ඉන්දුනීසියා ගුවන් හමුදාවේ ප්‍රකාශකයෙක්‌ වන ලුතිනන් කර්නල් ගැටොට්‌ පුජොමාරතෝනෝ කියන පරිදි මීඩාන් ප්‍රදේශයට මුහුදු සැතපුම් 60 ක්‌ ඈතින් පිහිටි පුලවු බෙංගාලා දූපත අවටින් මේ සුන්බුන් හමුවී තිබේ.

සුන්බුන් හමුවූ මුහුදු ප්‍රදේශයේ මළ සිරුරු කිහිපයක්‌ පාවෙමින් පැවැති බවද මසුන් මරන්නා පවසා ඇත. ඒ අනුව ඉන්දුනීසියානු ගුවන් හමුදාවේ හෙලිකොප්ටර් යානාවක්‌ සහ දිවි ගලවා දිමේ කණ්‌ඩායම් සිද්ධියට සම්බන්ධ සාගර ප්‍රදේශය බලා යමින් සිටිති.

හතළිස්‌තුන් හැවිරිදි උපාලි විජයවර්ධන ශ්‍රී ලංකාවේ ජනාධිපති වූ ජුනියස්‌ ජයවර්ධනගේ ඥති සහෝදරයාය. ඔහු ශ්‍රී ලංකාවේ බහු ජාතික ව්‍යාපාරයක්‌ වූ උපාලි සමූහ ව්‍යාපාරයේ ප්‍රධාන කොටස්‌කරුවාය.

මෙයට පෙර ද කැඩුණු පියාපතක්‌ සහිතව පිට පැත්තට පෙරළී මුහුදේ පාවෙමින් පැවැති ගුවන් යානයක්‌ තමන්ට දැක ගැනීමට ලැබුණ බව ඉන්දුනීසියානු ගුවන් සේවයේ නියමුවෙක්‌ පවසා තිබිණි.

අනතුරට පත් ගුවන් යානය පෙබරවාරි 13 වැනි සිකුරාදා රැයේ මැලේසියාවේ සුබංග් ගුවන් තොටුපලින් ගුවන්ගත වී විනාඩි 15 කට පසු අතුරුදන් විය. දෙසතියක ව්‍යාපාරික සංචාරයක නිරතව ආපසු එමින් සිටි උපාලි විජයවර්ධන ඇතුළු කණ්‌ඩායම යානයේ වූහ. උපාලි විජයවර්ධන මහතාගේ උපාලි සමූහ ව්‍යාපාරය රස කැවිලි, සබන් නිපදවන අතර මෝටර් රථ එකලස්‌ කරයි. පුවත්පත් ආයතනයක්‌ ද ශ්‍රී ලංකාවේ පවත්වාගෙන යයි. ඔහු සතුව කොකෝවා සැකසුම් කම්හලක්‌ මැලේසියාවේ තිබේ.

ඉහත සඳහන් වාර්තාව උපාලි විජයවර්ධන පිළිබඳ උනන්දුවක්‌ තිබූ සියලු දෙනාගේ සිත් තුළ මහත් කම්පාවක්‌ ඇති කළේය. එහෙත් රොයිටර් ප්‍රවෘත්තිය නිකුත් වී පැය දෙකකට පමණ පසු එම ප්‍රවෘත්තිය මුද්‍රණය නොකරන ලෙස දන්වා පුවත්පත්වලට අතුරු ඉල්ලීමක්‌ සහිත කේබල් පණිවුඩයක්‌ රොයිටර් ආයතනය මගින්ම එවා තිබිණි. එයට හේතුව යානයේ රෝදය ලියර් ජෙට්‌ රෝදයක්‌ නොවන බවත් ලෝහ කැබැල්ල පැරණි නැවක කැබැල්ලක්‌ බවත් හෙළි වී තිබීමය. ඒ සමගම පෙර කී වැරදි ප්‍රවෘත්තිය වෙනුවට විකල්ප ප්‍රවෘත්තියක්‌ ඊටත් පැයකට පසු එවා තිබිණි. ඒ මෙසේය,

(රොබට්‌ මැහෝනි විසිනි)

මිදානය - (ඉන්දුනීසියාව) පෙබරවාරි 18 (රොයිටර්) අතුරුදන් වූ පුද්ගලික ජෙට්‌ ගුවන් යානයක කොටස්‌ ඇතැයි සැළකෙන මලක්‌කා සමුද්‍ර සන්ධියට අයත් සාගර ප්‍රදේශයකට ඉන්දුනීසියානු බලධාරීන් හෙලිකොප්ටරයක්‌ සහ නාවික යාත්‍රා යවා ඇත.

මේ අතර ඉන්දුනීසියානු ගුවන් හමුදාවේ ලුතිනන් කර්නල් ගැටොට්‌ පුජොමාරතෝනො කියූ ආකාරයට හමුවූ ලියර් ජෙට්‌ රෝදය හා ගුවන් යානා කැබැල්ල උපාලිගේ ලියර් ජෙට්‌ යානයේ කොටස්‌ නොවන බව ඉන්දුනීසියා ගුවන් හමුදාවේ මෙහෙයුම් සම්බන්ධිකාරක මේජර් සුගිදාර්තෝ පවසා ඇත. එම තොරතුර වැරදි තොරතුරක්‌ බව ඔහු තවදුරටත් කියයි.

පියාපතක්‌ කැඩී මුහුදේ පාවෙමින් තිබූ ගුවන් යානයක්‌ තමන් අහසේ සිට දුටු බවට ඉන්දුනීසියානු ගුවන් සේවයේ නියමුවකු පැවැසූ කතාවද බොරුවක්‌ බව මේජර් සුගිදාර්තෝ පවසයි. ඒ අනුව උපාලි ඇතුළු පිරිස සෙවීමේ කටයුතු දිගටම පවත්වාගෙන යැමට තීරණය කර තිබේ. 

    

කෙසේ වුවද රෝදය පිළිබඳ තොරතුරු ලියර් ජෙට්‌ නිෂ්පාදන සමාගමට දන්වනු ලදුව එම සමාගමේ ආසියානු කලාපීය නියෝජිතයන් වූ ඔස්‌ටේ්‍රලියාවේ ස්‌පෙල්විල් සමාගම වහාම ඉන්දුනීසියාවට පැමිණියේය. රෝදය පරීක්‍ෂා කළ ඔවුන් කිවේ එය ලියර් ජෙට්‌ යානයක රෝදයක්‌ නොවන බවය. එය දෙවන ලෝක යුද සමයට අයත් ගුවන් යානයක කොටසක්‌ ලෙස දිගු කලක්‌ මුහුද යට තැන්පත්ව තිබෙන්නට ඇති බවත්, ඒ මත ගොඩගැසී තිබූ යකඩ කැබලි හෝ වෙනත් බර ද්‍රව්‍ය නිසා මෙතෙක්‌ කලක්‌ උඩ නොපැමිණි බවත් අභ්‍යන්තර දිය වැලක්‌ වැනි භූගෝලීය හේතුවකින් සාගර පත්ල කැලඹීම නිසා පෙර කී පීඩනයෙන් නිදහස්‌ වූ රෝදය උඩ එන්නට ඇති බවත් සමහරුන්ගේ මතය විය. ඒ අතර උපාලිගේ යානයේ කැබැල්ලක්‌ යෑයි සැක කෙරුණු මළ කෑ යකඩ කැබැල්ලද ලියර් ජෙට්‌ යානයට කිසිදු සම්බන්ධයක්‌ නොතිබූ ලෝහ කොටසක්‌ විය. ලියර් ජෙට්‌ යානා තනන තහඩුව යකඩ නොව ටයිටේනියම් ය. එය ඉතා සැහැල්ලුය. වඩා ශක්‌තිමත්ය. මළ නොකන සුලුය.

ප්‍රසිද්ධිය ලබාගැනීම සඳහා හෝ උපාලි සමූහ ව්‍යාපාරය වෙතින් උදව් ලබාගැනීම සඳහා ඉන්දුනීසියන් ධීවරයන් පිරිස ඉදිරිපත් කළ රෝදයට සහ ලෝහ කැබැල්ලට රැවටීමෙන් රොයිටර් පුවත් සේවයේ වාර්තාකරු රොබට්‌ මැහෝනි ලොකු වරදක්‌ කරගෙන තිබිණි. රොයිටර් පුවත් සේවය තම වාර්තාවක්‌ ඉල්ලා අස්‌කර ගන්නේ කලාතුරකිනි. මේ තත්ත්වයෙන් ප්‍රයෝජනයක්‌ ගැනීමට කල්පනා කළ ආසියාවේ ඉංගී්‍රසි පුවත්පත් රොයිටර් පුවත් සේවය මුලින් එවූ වැරදි වාර්තාවත්, එය ඉවත් කරන ලෙසට එම පුවත් සේවය කළ ඉල්ලීම සහිත කේබල් පණිවුඩයත් ඊළඟට එවන ලද නිවැරදි වාර්තාවත් යන තුනම පෙබරවාරි 19 වැනිදා පුවත්පත්වල එක ළඟින් පළකර තිබිණි. මේ නිසා රොයිටර් පුවත් සේවය තව දුරටත් අමාරුවේ වැටිණි. ඉන්දුනීසියානු ගුවන් සේවයේ නියමුවා දුටු පියාපතක්‌ කැඩුණු ගුවන් යානයක්‌ සාගරය මත පාවෙනු දැකීමේ කතාවද බොරුවක්‌ බවට පත් වූ අතර ඒ මෙසේයá සාගරය මත පාවෙන යානය ඔහු විසින් දැක තිබුණේ පොළවට අඩි 48000 ක්‌ උඩින් පියාසර කරන විටය. එය සැතපුම් 9 කටත් වැඩි උසකි. එවිට පෘථිවිය හෝ එහි සාගරය නොපෙනෙන අතර යානයට යටින් ඇති වළාකුළු තට්‌ටුව පමණක්‌ පෙනෙයි. එහෙත් පොළව වටා කක්‌ෂගතවී ඇති චJද්‍රිකාවලට පොළොව හෝ සාගරය මත ඇති දේ පැහැදිලිව දැක ගත හැකිය. ඒවායේ සවි කර ඇති කැමරා සූක්‍ෂමය. එහෙත් මගී ගුවන් යානාවල එවැනි සූක්‍ෂම කැමරා හෝ දුර බැලීමේ උපකරණ සවිකරනු නො ලැබේ. මන්දයත් ඒ මගින් ගුවන් යානාවේ ගමනට කිසිදු ප්‍රයෝජනයක්‌ නැති නිසාය.

* අනුර සොලමන්ස්‌

* මනෝජ් අබයදීර

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

විස්මිත දිවැසිවරිය පෘථවියේ අනාගතය ගැන කියූ අනාවැකි.....(baba vanga අබිරහස් අඩවිය - Abirahas Adawiya anawaki - ශාස්ත්‍රීය ළිපි)

බාබා වැන්ගා 1911 ජනවාරි 31 වැනිදා බල්ගේරියාවේදී උපත ලද්දාය.ඇය අන්ධ ශුභාවාදියෙකි.අනාගත වක්තෘවරයෙකි.

කුඩා අවධියේදීම මව අහිමි වූ වැන්ගා දැරිය දිනක් ඉතා අසාමාන්‍ය අත්දැකීමකට මුහුණ දුන්නාය.ඇය දරුණු ටෝනේඩෝවකට හසු වී කුඹුරකට විසි වී සිටියාය.ඇයව සොයා අගනු ලැබුවේ බොහෝ දීර්ඝ සොදිදියකින් පසුවය.සොයා ගන්නා විට නොසෑහෙන්න බියපත් වී සිටි ඇගේ දෑස් වැල්ලෙන්ද දුහුවිල්ලෙන්ද වැසි තිබු බැවින් වේදනාව නිසා දෑස් විවිර කර ගන්නට නොහැකිව සිටියාය.මෙම අනතුර නිසා ඇයට සදාකාලික අන්ධභාවය හිමි විය.

දෙවන ලෝක යුධ සමයේදී ඇයගේ අනාවැකි අසාගන්නට මිනිසුන් වැල නොකැඩි පැමිණියහ.තම තමන්ගේ ඥාතීන් ජීවතුන් අතර සිටියි දැයි නැතහොත් ඔවුන් මිය ගියේ කොතනද යනාදී විවිධ ගැටළු රැගත් මිනිසුන්ගෙන් අඩුවක් නොවිණි.1942 දී බල්ගේරියාවේ තුන්වැනි බොරිස් සාර්තුමාද ඇය මුණගැසීමට පැමිණියේය.

තමාගේ අසාමාන්‍ය හැකියාවට නොපෙනන සත්වයන් සමග කිසියම් සම්බන්දතාවක් ඇතැයි ඇය කියා ඇත.එහෙත් ඒ කෙසේදැයි පැහැදිලි කිරීමට ඇය කිසිවිටෙක සමත් වුයේ නැත.එහෙත් මිස්නිසුන් ගැන තොරතුරු ඇයට ලබා දුන්නේ එම නොපෙනෙන සත්වයන් බවත් ඇය කියා සිටියාය.ඇගේ ප්‍රකාශනවලට අනුව කිසිවෙක් ඇගේ ඉදිරියේ සිටින විට ඇයට ඔහුගේ/ඇයගේ මුළු ජීවිතයම චිත්‍රපටයක් මෙන් උපතේ සිට මරණය දක්වා දර්ශනය වේ.පරම්පරා ගණනාවක් ඉදිරියට ලියා ඇති දේවල් දැකීම මිස ඒවා වෙනස් කිරීම තමාගේ සීමාවෙන් එපිට දෙයක් බව ඇය නිතරම කියු දෙයකි.

“Wiesler Field Guide to the paranormal” වැනි මුලාශ්‍ර වල සදහන් වන අන්දමට සොවියට සංගමයේ බිඳ වැටීම,චර්නොබිල් අනතුර,ස්ටාර්ලින්ගේ මරණය,රුසියාවට අයත් කුර්ස්ක් සබ්මැරීනය ගිලී යාම,ලෝක වෙළද මධ්‍යස්ථානයට එල්ල වූ ප්‍රහාරය,ලෝක චෙස් ශුරතාවයේදී ටොපලෙව්ගේ ජයග්‍රහණය ආදී සිදු වීම් පිලිබදව ඇය නිවැරදිව අනාවැකි පල කර ඇත. ඇගේ අනාවැකි කියූ පරිදි නිවැරදි නොවූ අවස්ථාද ඇත.1994 ලෝක පාපන්දු ශුරතාවය සදහා අවසන් වටයේ තරග කරන්නේ බී අකුරෙන් පටන් ගන්නා නම් සහිත රටවල් දෙකක් බව ඇය අනාවැකි කියා තිබුණාය.එයින් එක රටක නම බ්‍රසීලයයි.එරට සමග තරග කිරීමට සිටි බල්ගේරියා පිල අර්ධ පුර්ව වටයෙන් පරාජය කිරීමට ඉතාලියට හැකි වූ බැවින් ඇයගේ අනාවැකිය වැරදුනි.2010 නොවැම්බර් මස තෙවැනි ලෝක යුද්ධය ආරම්බ වන බවත් 2014 ඔක්තෝම්බර් වන තෙක් එය කල් පවතිනා බව බාබා වැන්ගා අනාවැකි පල කාලය.එහෙත් දැන් ඒ කාල සීමාව පසු වී ඇති බැවින් තෙවැනි ලෝක යුද්ධයක් සිදු නොවූ බව අප කවුරුත් දනිමු.

44 වැනි එක්සත් ජනපද ජනාධිපති වරයා කළු ජාතිකයෙක් බව නාවකි පල කර තිබේ.එය නම් සැබෑ වී තිබෙන බව පැහැදිලිය.මන්ද 44 වැනි ජනපති බැරක් ඔබාමාය.ඔහු ඇමරිකාවේ අවසන් ජනපති බවත් ඔහු පාලනයට එන විට රට විශාල ආර්ථික අර්බුදයක පවතින බවත් ඔහුගේ පාලන කාලයේදී ඇමරිකාවේ උතුරු හා දකුණු ප්‍රාන්ත වල ගැටුම් හට ගන්නා බවත් කියා ඇත.

ඇය රුසියාවේ විශාල ජනප්‍රියත්වයක් හිමි කර ගත්තේ කුර්ස්ක් සබ්මැරීනය ගිලී යාම පිලිබදව නාවකිය නිවැරදිව කීම සමගය.”සියවස අවසානයේදී 1999 හෝ 2000 දී හෝ කුර්ස්ක් ජලයෙන් වැසී යනු ඇත.මුළු ලොවක් ඒ ගැන වැළපෙනු ඇත.”ඇය එසේ කීවේ 1980 දීය.2000 අගෝස්තු මාසයේදී කුර්ස්ක් සබ්මැරීනය අනතුරට ලක් වී එහි සිටි සියල්ලෝම සමග ගිලී ගියේ ඇගේ අනාවැකිය සැබෑවක් බවට පත් කරමිනි.

1994 දී ඇනටොලි ලුබ්චෙන්කෝ නමැති එක ව්‍යාපාරිකයෙක් බාබා වැන්ගා දැකීමට ගියේය.මිනිසුන් රැසක ඇය දැක ගැනීමට පෝලීම ගැසී සිටියදී නිවාස ඇතුලෙන් පැමිණි අයෙක් ඔහුට ඇතුලට එන්නයි ආරාධනා කළේය.විශාල ඇදක වැතිරී සිටි බාබා වැන්ගා සතුව වැඩි කාලයක් ඉතිරිව නැති බව ඔහු සියසින්ම දුටුවේය.

“ඔබට අප ගැන මොනවද කියන්න පුළුවන්?”

“පැරණි පොත් වල තිබෙන සත්‍ය සත්‍ය දේවල් මොනවාද,සත්‍ය නොවන්නේ මොනවාද යන්න විද්‍යාවෙන් පැහැදිලිම්කෙරේවි.විශාල නගරයක් හාරනු ඇත.අහසෙන් අලුත් මිනිසුන් ඒවි.බොහෝ හාස්කම් සිදු වේවි.මේ අද හෙට වන දේවල් නෙවෙයි.දුර ඈත අනාගතයේ වෙන දේවල්.මේවාට ඉබේම වන්නට ඉඩ දිය යුතුයි.කිසිවක් ඕනාවට වඩා හදීසි කරන්න එපා”

“ඉක්මනින්ම සිදු වන්නේ කුමක්ද?”

“ලෝක අවසානය…පෘතුවිය සුර්යාගෙන් ඉවතට හැරෙනු ඇත.පෙර උණුසුම් ව පැවති ස්ථාන වල අයිස් තිබේවි.සතුන්රසක් මිය යාවි.බලශක්තිය උදෙසා මිනිසුන් සටන් වදීවි.එහෙත් ඒ සටන් නැවතීමට තරම් මිනිසුන්ගේ ආත්ම ශක්තිමත් වේවි.එවිට කාලය යලිත් ආපස්සට ගමන් කරවී.”

“ලෝක විනාශය සිදු වන්නේ මහා ජාල ගැල්මකින් යයි ඔවුන් කියනවා?”

“ඔවු,වසර 30,40කින් එවැනි මහා ජාල ගල්මකුත් සිදු වේවි.විශාල දෙයක් පෘතුවියට ඉගිලී ඇවිත් ජලයේ ගැටෙවී.(ග්‍රාහකයක්).එම තරංග වලින් රටවල් රැසක් සෝදා ගෙන යනු ඇත.වසර තුනකට හිරු නැති වේවි.(ග්‍රාහකයේ ගැටීම නිසා ඇති වන දුහුවිලි වලාවන්  මගින් පෘතුවි වායු ගෝලයේ පාරදෘශ්‍ය භාවය නැති කිරීම)”

“මිනිසුන් දිවි රැක ගනීවිද?”

“හොද මිනිසුන් ජීවත් වේවි.තමන් බුද්ධිමත් යයි කියා ගන්නා දුෂ්ටයන් විනාශ වේවි.බොහෝ දෙනෙක් මිය යාවි.ඉන් පසු ඉතා හොද ජීවයක් ඇරඹෙවී.මිනිසුන් අමරණීය වේවි.”

“ඒ කියන්නේ පෘතුවියට ස්වර්ණමය යුගයක් උදා වීමක්?”

“එය දැනටමත් පැමිණෙනවා.එහෙත් හැමෝම එය දකින්නේ නැහැ.මිනිසුන් බීජ ඉසීම සහ අස්වනු කැපීම නවතාවි.ඔවුන් කරන්නේ පැල කිරීම පමණයි.සතුන්,ශාක වගේ පරපුර බෝ කරවී.කිසිවෙකු ගොඩබිමින් ගමන් බිමන් යන්නේ නැහැ.දුම්රිය ගමන් කරන්නේ සුර්ය රැහැනක් දිගේ.ඛනිජ තෙල් තහනම් කරවී.භුමිය උපත දෙමින් සහ විවෙකීයව කාලය ගත කරවී.දැන් තියෙන ලෙඩ රෝග නැත්තටම නැති වී යාවි.නමුත් අලුත් රෝග පැමිණේවි.ඒවා මොලය සම්බන්ද රෝග.හැමෝම වතුර බොන්නේ මුහුදෙන්.මුහුදේ කිසිම දුපතක් නැති වේවි.එවිට විශ්වයෙන් ජලය සොයා ගනු ඇත.ඒ හොද ජලයයි.විශාල ජන ගහනයක් සිටීවි.ඉන්දියාව චීනයට වඩා විශාල වේවි.මිනිසුන් තමන්ගේ සිරුරු වලින් ඉවත් වෙන්න පටන ගනීවි.”

“ඒ කොහොමද?”

“සිරුරක් නැතිව ජීවත් වෙන්න මිනිසුන්ට පුළුවන් වේවි.හරියට මල අයෙක්,නැතිනම් ශක්තියක් වගේ.නමුත් මෙය සිදු වන්නේ අද හෙට නම් නෙවෙයි.”

එතනින් පසු බාබා වැන්ගා නින්දට වැටුණු අතර ඔවුන්ගේ සංවාදය අවසන් විය.

Vanga's last house 
(built in 1970) in Rupite, Petrich

1996 දී ඇය මිය ගියාය.ඇගේ අනාවැකි කිසිවක් ප්‍රකාශනය වී නොමැති අතර එඩ්ගා කේසි හා නොස්ත්‍රඩාමුස් වැන්නන්ට ලැබුණු ප්‍රසිද්ධිය ඇයට නොලැබුණි.

අනාවැකි කිහිපයක්

2018-2013–චීනය ලෝකයේ බලවත් රට බවට පත් වෙයි.පෘතුවි කක්ෂය ස්වල්ප වශයෙන් වෙනස් වීමක් සිදු වෙයි.

2025-2028–නව බල ශක්ති මුලයක් නිර්මාණය කෙරේ.කුසගින්න යටපත් කිරීමට හැකියාව ලැබේ.මිනිසුන් සහිත අභ්‍යවකාශ යානයක් සිකුරු වෙත ගමන් කෙරේ.

2033-2045–ද්‍රව අයිස් දිය වෙමින් පවතී.යුරෝපය පාලනය කරන්නේ මුස්ලිම් වරුන් විසිනි.

2049-2070–ඉන්ද්‍රියන් නිෂ්පාදනය කිරීමට පුළුවන.තිබෙන සිරුරු වෙනුවට වෙනත් සිරුරක් භාවිතයට ගැනීම හොදම ප්‍රතිකාර ක්‍රමයක් බවට පත් වේ.

2088-2167–නව රෝගයක්.මිනිත්තු කිහිපයකින් වයස්ගත වීම.පෘතුවියේ අදුරු පැත්ත කෘතීම සුර්යයෙකු විසින් එලිය කිරීම.මිනිසුන් ජීවත් වන රොබෝවරු බවට පත් වේ.හන්ගේරියාවට අභ්‍යවකාෂයෙන් සංඥා ලැබේ.දිය යට ජනපද,සතුන් අර්ධ මනුෂ්‍යන් බවට පත් වේ.

2170-2259–ප්‍රධාන නියගයක්.අගහරු මත තිබෙන ජනපදයක් න්‍යෂ්ටික බලයක් බවට පත් වී පෘතුවියෙන් නිදහස ලබා ගැනීමට අරගල කරයි.

2262-2304–ග්‍රහලෝක අඛණ්ඩව කක්ෂ වෙනස් කරනු ඇත.කාලයේ ආපස්සට ගමන් කල හැකිය.පිටස්කවලයන් සමග නව හදුන්ම්කම්.හිරු සිසිල් වෙයි.එය නැවත පණ ගැන්වීමට උත්සහ කෙරෙනු ඇත.ගුරුත්ව බලය වෙනස් වනු ඇත.පැරණි අභ්‍යවකාශ මධ්‍යස්ථාන හා චන්ද්‍රිකා කඩන් වැටෙනු ඇත.විශ්වයේ රහස් හා වැදගත් නෙති හෙළි වේ.චන්ද්‍රයාගේ රහස් හෙළි වෙයි.

2341-3805–අභ්‍යවකාශයෙන් කිසියම් භායනක දෙයක් පෘතුවියට ලගා වෙයි.කෘතීම සුර්යයන් දෙදෙනෙකුගේ ගැටීම.පෘතුවිය වටා දුහුවිලි කලාපයක්.ඒ වන විට පෘතුවියේ ජීවය මිය ගොස් ඇත.එහෙත් මානව වර්ගයා වෙනත් සෞරග්‍රහ මණ්ඩලයක නවාතැන් ගැනීමට පදනම දමයි.

මෙසේ ඉදිරි ක්‍රි.ව. 5079 වන තෙක් අනාගතය ගැන විවිධ මත දක්වා ඇත.ඒ වසරේදී ලෝක විනාශය සිදු වන බව ද ඇය අනාවැකි පල කර තිබේ.මෙසේ ලියා තැබුවද ඒවා සැබෑ වේද නොවේද යන්න බලන්නට වෙන්නේ අනාගතයට අයත් අයටම පමණි.

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

බෙහෙත් ගැල්වූ රාවණාගේ දේහය මහකුඩුගල ගල් පර්වතයක 1.....(අබිරහස් අඩවිය - Abirahas Adawiya - mahakudugala nuwaraeliya rooms rawana)

රාමා, සීතා, රාවණා සහ හනුමාන් සොයා ඉතිහාසයට ගිය ගමනක් - 6 

රාම, සීතා සහ රාවණා හා සම්බන්ධ සියලු ජනප්‍රවාදවලම පාහේ සඳහන් වන්නේ රාවණා සීතා පැහැරගෙන ආවේ ලංකාවට බවත් බිහිසුණු රාම - රාවණා යුද්ධය සිදුවූයේ ලංකාවේදීම බවත්ය. සීතා සඟවා තැබු ස්ථානය හා රාම - රාවණා යුද්ධය පැවති ස්ථානය පිළිබඳ කිසිඳු එකඟතාවයක් නොමැත.

හනුමාන් ලංකාපුරයේ වූ සියලු නිවෙස්වල පියසි මතට පනිමින් ඒවා දවා අළු කළ බවත් එම ගින්නේ ආලෝකය පතිත වූ පෙදෙස නුවරඑළිය නමින් ව්‍යවහාරප්‍රාප්ත වූ බවත් බොහෝ ජනප්‍රවාදවලින් කියවේ. නුවරඑළිය හා ඒ ආසන්න ප්‍රදේශවල පස් කළු පැහැ ගැන්වී ඇති අතර එසේ වූයේ හනුමාන් ගැසු ගින්නෙන් මුළු ප්‍රදේශයම පිළිස්සී ගිය බැවිනියි පැවසේ.

කෙසේ වුවද සීතා සහ සතුරු රාවණා පිළිබඳ සිද්ධිය නුවරඑළිය ප්‍රදේශයට පමණක් සීමා කරන්නට ඇතැම් ජනකතා සූදානම් නැත. මෙරට නන් දෙසින් මේ පිළිබඳ අසන්නට ලැබෙන කතා පුවත් අනන්තය; අප්‍රමාණය.

මෙහිදී ලංකාපුරය නමින් හැඳින්වුණේ රට ද නැත්නම් ලංකාවේ එක්තරා ප්‍රදේශයක් ද යන්න පිළිබඳව ද එකඟතාවයක් නොමැත. මෙම ප්‍රවාදය දිගහැරෙන්නේ මෙරට යක්ෂ ගෝත්‍රිකයන් පාලනය කළ යුගයේදීය. පළමුවෙන්ම යක්ෂ ගෝත්‍රික කුවේර රජ පිළිබඳ තොරතුරු අනාවරණය වෙයි. ඔහු ලංකාපුරය පාලනය කළේ බදුල්ල අග නගරය කරගෙනය.

මහා බ්‍රහ්මයාගෙන් ඉතා බලසම්පන්න වරම් රැසක් ලබන රාවණා කුවේරගේ වැඩිමහල් සොහොයුරාය. බලසම්පන්නකමින් මත්වන රාවණා සිය සොහොයුරු කුවේර මරා දමා රාජ්‍යය සහ දඬුමොනර යන්ත්‍රය පැහැරගෙන බදුල්ල අග නගරය කරගෙනම ලංකාපුරය පාලනය කරයි.

රාවණා සීතා පැහැරගෙන එන්නේ මේ අතරතුරය. දඹදිව සිට බොහෝ දුරින් පිහිටි ලංකාපුරය නම් වූ යක්ෂ ගෝත්‍රික රාජ්‍යයේ සිරකාරියක වූ සීතාගේ පේ‍්‍රමය බලහත්කාරයෙන් දිනා ගන්නට රාවණා කිසිදු අවස්ථාවක උත්සාහ නොකළේය. මෙම සිද්ධිය අනාවරණය කරන්නේ රාවණා පරමාදර්ශී රජෙකු වූ බවයි.

යක්ෂ ගෝත්‍රික තුන්වන රජු විභීෂණය. රාමගේ ප්‍රහාරයෙන් රාවණා යුදබිම මියෑදුණ පසු රාම විසින්ම ලංකා රාජ්‍යය විභීෂණට පවරනු ලබයි. විභීෂණ යනු කුවේරගේ බාල සොහොයුරාය. එබැවින් රාවණාගේ ද මල්ලීය. විභීෂණ ලංකාපුරය පාලනය කරන්නේ කැලණිය අගනුවර කරගෙනය.

මෙම කුවේර, රාවණා සහ විභීෂණ යන යක්ෂ ගෝත්‍රික රජුන් තිදෙනා මෙරට පාලනය කළ යුගය පදනම් කරගෙන “ඉන්දියාවේ සිට සීතා පැහැරගෙන ආ දස හිස් ඇති යක්ෂාධිපති රාවණාගේ වාසභූමිය ලංකාව වූවා මිස ඊට පෙර මෙම දිවයින මනුෂ්‍ය වාසයක්ව පැවති බවට කිසිදු සාධකයක් නැතැයි ‘ලංකා ජනතාව‘ නමින් කෘතියක් සම්පාදනය කළ ආචාර්ය නන්දදේව විජේසේකර මහතා සඳහන් කර ඇත. 

නුවරඑළිය දිස්ත්‍රික්කයේ එක් අන්තයක පිහිටි මතුරට ප්‍රදේශයේ ඇති “සීතාව“ නමැති පැරණි ග්‍රාමය එනම ලද්දේ රාවණා එහි ද සීතා සඟවා තැබු බැවිනි යි කියනු ලැබේ. ඉතා දුෂ්කර කඳු මුදුනක් වූ සීතාව ගමට නුදුරින් උමඟක කටක් මතුව පවතින අතර එම උමඟ නුවරඑළියේ කඳපොළ ග්‍රාමය තෙක් විහිදී ඇතැයි කියනු ලැබේ.

කොත්මලේ පිහිටි රාවණාගොඩ ග්‍රාමය එනම ලද්දේ රාවණා සැඟවී සිටි ස්ථානයක් යයි විශ්වාස කරන බැවිනි. රාවණාගොඩ ද කඳුවලින් වට වූ දුෂ්කර, දුර්ගම ග්‍රාමයකි. එහි ද රාවණා ඇල්ල නමින් කුඩා දිය දහරක් පවතී.

රාමගෙන් වෙන්ව විසීමේ පි‍්‍රයවිප්‍රයෝගයේ හේතුවෙන් ද සතුරු රාවණා හා එක්වීමට සිදුවීමේ අපි‍්‍රය සම්භෝගයේ හේතුවෙන් ද සීතා දේවිය වැලපුණු ප්‍රදේශය වලපනේ නමින් ව්‍යවහාරප්‍රාප්ත වූ බවට ද මතයක් පවතී. වලපනේ යනු ද නුවරඑළිය දිස්ත්‍රික්කයටම අයත් දුෂ්කර පෙදෙසකි.

වලපනේ ප්‍රදේශයේ රාවණා - සීතා කතාව පදනම් කරගත් තවත් ජනකතා ගණනාවක්ම පවතී. එහි එක් උස් කන්දක් හඳුන්වන්නේ “පහන් තිබු කන්ද” නමිනි. කන්ද මුදුනේ ගල් තලාවක් හාරා සුවිශාල පහන් තැටිල්ලක් සකස් කර ඇති නිසා එනම ව්‍යවහාර විය. එහි දිනපතාම රාත්‍රියට පහන් තිරයක් දල්වා ඇත. එසේ පහන දල්වා ඇත්තේ ඊට පසෙකින් පිහිටි මහකුඩුගල ගල් පර්වතයට ආලෝකය පතිත වනු පිණිසය.

මහකුඩුගල ගල් පර්වතයේ යක්ෂයකු වෙසෙතියි ද, එම යක්ෂයාට ආලෝකය වැටෙනු පිණිස පහන දැල්වූයේ යයි ද ජනප්‍රවාදයේ සඳහන් වේ.

මෙම ජනප්‍රවාදය අඹන්වැල්ලේ ශ්‍රී සිද්ධාර්ථ ධර්මානන්ද මල්වතු පාර්ශ්වයේ හිටපු අනුනායක හිමියන් වලපනේ සම්බන්ධයෙන් ලියා තිබු ඉතිහාස විවරණ අත්පිටපතේ එන සිදුවීම් සනාථ කරතියි සිතේ.

රාවණාගේ දේහය බෙහෙත් ගල්වා නරක් නොවන සේ මහකුඩුගල ගල් පර්වතය තුළ තැන්පත් කර ඇතැයි ද, එය වර්තමානයේ දී පවා පවතින්නේ යයි ද උන්වහන්සේ සඳහන් කොට ඇත. උන්වහන්සේ පර්යේෂණ කණ්ඩායමක් සූදානම් කරගෙන රාවණාගේ දේහය තැන්පත් ගල් ගුහාවට ඇතුළු වී ඇත. එතුළ බොහෝ දුරක් ගමන් කිරීමේ දී තැනිතලා පොළවක අලංකාර පොකුණක් හමු වූ බවත් එය පසුකර යන විට සතර අතට විහිදි උමං මාර්ග හතරක සන්ධිස්ථානයක් හමුවූයේ යයි ද සඳහන් කොට ඇත. වගකිවයුත්තන්ගේ අනුග්‍රහය නොලද නිසා මෙම පර්යේෂණ කටයුත්ත ඉදිරියට පවත්වාගෙන යාමට නොහැකි වී ඇත.

ඉහතින් දැක්වූ පරිදි පහන් තිබු කන්දේ පහන දැල්වූයේ යක්ෂ ගෝත්‍රික රාවණාගේ මෘත ශරීරයට ආලෝකය සපයනු පිණිස ද යන්න සැකයකි.

මහකුඩුගල පර්වතය මුදුනේ අලංකාර උයන් වතු, මල් වතු, පලතුරු වතු සහ ඖෂධ වතු ආදිය පවතින්නේ යයි ද, එහි ගොස් ඕනෑම තැනක සැරිසැරිය හැකි යයි ද, පලතුරු වත්තට වැදී පුළුවන් තරම් පලතුරු අනුභව කළ හැකි යයි ද, එහෙත් පලතුරු කඩාගෙන ආපසු එන්නට උත්සාහ කළහොත් ඔවුන් මංමුලා වන බව ද අත්දැකීම් සහිත පැරැන්නෝ පවසති. මේ අතර මෙරට ඉතිහාසයේ යුග පිළිබඳ කතාබහේදී සීතාවක යුගය පිළිබඳව ද තොරතුරු අනාවරණය වේ. 

වර්තමාන අවිස්සාවේල්ල ආශි‍්‍රතව සීතාවක රාජධානිය පිහිටියා වුවද සීතාවකට එනම ලැබුණේ සීතාදේවිය සඟවා තැබු එක් ස්ථානයක් නිසා යයි කියනු ලැබේ. සීතාවක මෙන්ම සීතාවක ගඟ ද පිහිටියේ ඒ ආසන්නවමය.

අවිස්සාවේල්ල ප්‍රසිද්ධ බස් නැවතුම් පොළට නුදුරින් පිහිටි ගල් ලෙනක් පිළිබඳ මතකය අවදි කළ පැරැන්නෙකු කීවේ පැහැරගෙන ආ සීතා දේවිය එම ගල් ලෙනේ ද සඟවා තබා ඇති බවයි. ඊට නුදුරින් ගලන දිය දහරාවේ පීල්ලක් නිර්මාණය වී ඇති අතර සීතා දේවිය ජලස්නානය සඳහා එම දිය පීල්ල භාවිත කළ හෙයින් එය සීතා පීල්ල වූ බව ද ඔහු තවදුරටත් පැවසුවේ ය.

පැහැර ගැනීමට ලක්වූ සීතා දේවිය වරෙක රාමයන් පිළිබඳ මතකය අලුත් කරමින් උපශාන්ත ජීවිතයක් ගත කළ බව ද, තවත් විටෙක සතුරු රාවණා පිළිබඳව උපන් කෝපයෙන් හා ක්‍රෝධයෙන් ඇවිස්සුණු ඇය රෞද්‍ර විලාසයකින් පසු වූ බව ද කියනු ලැබේ. එම උපශාන්ත ගුණය සහ රෞද්‍ර විලාසය වරින්වර සීතා ගඟ ද ප්‍රකට කරන්නේ යයි කියනු ලැබේ.

සීතාවක නාමය තැනුණු ආකාරය පිළිබඳ තවත් අයකු පළ කළ අදහසක් මෙපරිදිය. සීතාවක ගඟේ කනමැදිරියන් වළ සෑදී තිබෙන තැන වංගුවක් ඇති නිසා “වක” සෑදුණ බවත් වංගුව මෙන් ගලා බස්නා ජලය සීතල නිසා “සීත” සෑදුණු බවත් එම පද දෙකේ එකතුවෙන් “සීතාවක” නාමය සෑදුණු බවත් ය.

දකුණු ප්‍රදේශයේ ගාල්ල නගරය ආශි‍්‍රතව පිහිටි රූමස්සල කන්ද සහ හම්බන්තොට ආසන්නව ගිණිකොන දිග මුහුදු තීරයේ පිහිටි මහා රාවණා කොටුව සහ කුඩා රාවණා කොටුව අනාවරණය කරන්නේ රාම - සීතා සහ රාවණා කතා පුවත පිළිබඳ වූ තවත් පැතිකඩකි.

මතුරට “සීතාව“ ගම රාවණා - සීතා ප්‍රවාදය නිසා ප්‍රසිද්ධියට පත්වූවා සේම එම සිද්ධිය පිළිබඳ පැරණි ඓතිහාසික ග්‍රන්ථයක් ලෙස ප්‍රකට අතිපූජ්‍ය ලබුගම ලංකානන්ද මාහිමිපාණන් වහන්සේ සංස්කරණය කළ “මන්දාරම් පුර පුවත” පොතේ ද ඇතුළත් කොට තිබීමෙන් පෙනී යන්නේ සීතාව ගම එක්තරා ආකාරයක වැදගත්කමක් පෙන්නුම් කරන බවයි. එම ග්‍රන්ථය සම්පූර්ණයෙන්ම පද්‍යයෙන් රචනා වූවකි.

එහි ඇතැම් පද්‍යයක මතුරට “සීතා මුදුන”, “සීතා කන්ද” සහ “සීතාගිරි” යන ස්ථාන පිළිබඳ සඳහන් වෙයි. 

මේවා සීතාව ගමම හෝ ඒ ආසන්න ප්‍රදේශ විය හැකිය.

මන්දාරම් පුර පෙදෙස විනාශ කළ ශිව භක්තික ගිරි තවුසා ඇතුළු පිරිස පරාජය කළ දිවාරත්න, වීරසූරිය සහ හළුවඩන නිලමේ යන අයට ගම්-බිම්, සන්නස් හා රාජකාරි ද පිරිනමමින් පළමුවන විමලධර්මසූරිය රජතුමා “රාවණා කොඩිය” ද ඔවුන්ට පිරිනැමු බව මන්දාරම්පුර පුවත අනාවරණය කරයි. 

කීර්ති ශ්‍රී රාජසිංහ රජතුමා මෙරට උපසම්පදාව පිහිටුවීම සඳහා සියම් දේශයෙන් වැඩම කරවු මහා සංඝරත්නය පිළිගැනීම සඳහා විශාල උත්සවයක් සංවිධානය කළ අතර එහිදී පෙරහරේ “රාවණා කොඩිය” පෙරටු කරගෙන හේවාහැටේ සේනාව ගමන් කළ බව ද මන්දාරම්පුර පුවත ග්‍රන්ථයේ සඳහන් වෙයි.

සීතා සහ රාවණා යන නාමය සඳහන් ස්ථාන

නාම, ග්‍රාම නාම, ද්‍රව්‍ය නාම ආදිය ප්‍රකාශ කරන්නේ මතුරට, මන්දාරම්පුර, සහ හේවාහැට වැනි ප්‍රදේශවල ද රාවණා - සීතා ප්‍රවාදයට පාදක වූ සිදුවීම් වූ බව නොවේ ද?

සටහන හා ඡායාරූප

සිරිසේන දේවපි‍්‍රය

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

එදා මෙදාතුර ලංකාවේ පුනරුප්පත්තිය ගැන වාර්තා වූ කතා 6ක්....( අබිරහස් අඩවිය - Abirahas Adawiya - ශාස්ත්‍රීය ළිපි punuruppaththiya nawatha ipadeema )

පුනරුප්පත්තිය එහෙමත් නැත්නම් නැවත ඉපදීම කියන එක ලංකාවෙ වැඩි දෙනෙක් පිළිගනු ලබන දෙයක්. මේ විශ්වාසය සඳහා ආගමික මති මතාන්තරත් යම්තාක් බලපානව වෙන්න පුලුවන්. අඩුම තරමේ අවුරුද්දකට සැරයක්වත් තමන්ගේ පෙර ආත්මය කියන දරුවෙක්ගෙ කථාවකට මාධ්‍ය අවධානය යොමු වෙනවා. පුනරුප්පත්ති කතා බොහොමයක් ගැන වැඩිදුර පරීක්ෂණ කරගෙන යාමේදී මේ දේවල් ජනප්‍රියත්වය, මිල මුදල් ආදිය අරමුණු කරගෙන ගොඩනගන ලද බොරු කතන්දර හැටියට ඔප්පු වෙන එක හරිම සාමාන්‍ය සිදුවීමක්. හැබැයි එහෙම වාර්තාවන හැම පුනරුප්පත්ති කතාවක්ම බොරුවක් කියන්නත් බෑ. ආතර් සී ක්ලාක් මහතා වගේ උගත් විද්‍යාඥයින්ගේ පවා අවධානයට ලක්වුණු සමහර පුනරුප්පත්ති සිදුවීම් ලංකාව තුල වාර්තා වෙලා තියනව.

අද අපේ ලැයිස්තුව සමන්විත වෙන්නේ ලංකාවෙන් වාර්තා වී ඇති සුප්‍රකට සහ අප්‍රකට පුනරුප්පත්ති කතා එකතුවකිනුයි.

1. ආර් ප්‍රේමදාස ජනාධිපතිගේ පුනරුප්පත්තිය – සම්පත් විජේබාහු

රණසිංහ ප්‍රේමදාස ජනාධිපතිතුමා ඝාතනයට ලක්වන්නේ 1993 වර්ෂයේදීයි. මේ සිදුවීම වෙලා අවුරුදු හයක් පමණ ගිය තැන ප්‍රේමදාස ජනාධිපතිතුමාගේ නැවත උප්පත්තියක් ගැන වාර්තා වෙන්න පටන් ගත්තා. ඒ හඟුරන්කෙත ප්‍රදේශයෙන්. ඒ ප්‍රදේශයේ ගොවි පවුලක ඉපදුණු සම්පත් බණ්ඩාර විජේබාහු නම් දෙහැවිරිදි දරුවා තමයි තමන් ඉහත ආත්මයේ ප්‍රේමදාස ජනපති බවට ප්‍රකාශ කර තිබුණේ. ප්‍රේමදාස මහතාගේ රුව සටහන් රුපියලේ කාසියක් දැකීමෙන් තමයි මේ දරුවාට තමා ඉහත ආත්මයේ රණසිංහ ප්‍රේමදාස බව සිහිව තිබෙන්නේ. මේ කුඩා දරුවා ප්‍රේමදාස මහතා මෙන් සෑමදාම පාන්දරින්ම ඇහැරී ආගමික වතාවත්වල යෙදෙන බවටත්, හේමා, සජිත්, දුලා වැනි ප්‍රේමදාස මැතිතුමන්ගේ පවුලේ අයගේ නම් නිතර කියන බවටත් පුවත්පත් වලට අදහස් පලකරන ඒ දරුවාගේ දෙමවුපියන් කියා තිබුණා.

මේ ප්‍රවෘත්ති ජනප්‍රිය වීමත් සමගම නැවත උපන් සම්පත් “ප්‍රේමදාස” දැක බලාගන්නට දිවයිනේ නන් දෙසින් වැළ නොකැඩී පිරිස් ඇදී යන්නට පටන් ගත්තා. ප්‍රේමදාස ජනාධිපතිතුමාගේ සතුරන් විසින් දරුවාව පැහැරගැනීමට හෝ මරාදැමීමට උවත් පුලුවන් නිසා ඒ සඳහා සමහරු ආරක්ෂාවද ඉල්ලන්නට පටන් ගෙන තිබුණා. ප්‍රේමදාස මහතාගේ සමීපතම නිලධාරීන් පවා මේ දරුවාගේ සමහර ගති ලක්ෂණ ප්‍රේමදාස මහතාට සමාන බවට කල ප්‍රකාශ මේ පුනරුප්පත්තිය ගැන කතාබස් තවත් උණුසුම් කරන්නට සමත් උනා.

කෙසේ වෙතත් කල්යාමේදී මේ පුනරුප්පත්ති කතාව ගොතන ලද බොරුවක් බවට හෙළිදරවු කරගැනීමට ඒ පිළිබඳ පර්යේෂණ පැවැත්වූවන් සමත්වූ බවටයි අපට අසන්නට ලැබුණේ.

2. නිවුන්නු හැටියට නැවත ඉපදුණු 71 කැරළි සඟයින්

කීර්තිමත් විද්‍යාඥ ශ්‍රීමත් ආතර් සී ක්ලාක් මහතාගේ පවා උනන්දුවට ලක්වීමට තරම් සුවිශේෂී වූ පුනරුප්පත්ති කථා තිබ්බ කියල අපි හැඳින්වීමෙදිත් කිවුවනෙ. මේ තමයි ඒ කතාව.

ශිවන්ති සහ ශිරෝමි හෙට්ටිආරච්චි කියන නිවුන් දැරියන් දෙදෙනා උපත ලබන්නෙ 1978 නොවැම්බර් 3 වැනිදා ගාල්ලේදීයි. මේ දරුවන් දෙදෙනා අතරින් ශිවන්ති කියන දැරිය වයස අවුරුදු දෙකහමාරේ පමණ සිට පෙර ආත්මය ගැන යම් යම් දේවල් කියන්නට පටන් ගෙන තිබෙනවා. ඇගේ උදරයේ පිහිටි විශාල උපන් ලපයක් පෙන්වමින් එය ගිය ආත්මයේදී තමන්ට වෙඩි වැදුණු සලකුණක් බවටත් ගිය ආත්මයේ තමන්ගේ නම රොබට් බවටත් ඇය හෙළිකරනු ලබනවා. මේ ගැන තොරතුරු විමසීම්දී කලකට ඉහත වෙඩි පහරකින් මියගිය 71 කැරැල්ලේ සාමාජිකයෙක් වන රොබට් නැමැත්තෙක් වෙතයි අවධානය යොමු වන්නේ. මේ සොයායෑම් අතරවාරයේදී අනික් නිවුන් දැරිය වන ශිරෝමිත් තමන් 71 අවධියේ මියගිය කැරළිකරුවෙක් ලෙසට තොරතුරු පවසන්නට පටන්ගන්නවා. ඇය කියන විදිහට ඇයත් රොබට් සමග සමීපව සිටි ජොනී නැමැති කැරළිකරුවෙක්. මේ දැරියන් දෙදෙනා තමන්ගේ පෙර ජීවිත තොරතුරු හුවමාරු කරගැනීමෙන් පසුව ගිය ආත්මයේ තමන් මිතුරන් හැටියට  සිටි වගට පසක් කර ගන්නවා. කැරැල්ල අතරතුර පොලීසියට කොටුවී පලායන්නට උත්සාහ කරද්දී රොබට් වෙඩිපහරකින් මියගිය බවටත්, ජොනීට මාරාන්තික ලෙසට පහරදී පුලුස්සා දැමූ බවටත් බිහිසුණු තොරතුරු දැරියන් දෙදෙනා හෙළිකරනවා.

ශිවන්ති සහ ශිරෝමි දැරියන් තුළ තරමක් දුරට පිරිමි ගති ලක්ෂණ තිබුණු බවටත් සඳහන් වනවා. උදරය පෙනෙන ලෙසට කමිස නවාගෙන අඳින්නටත්, කෝටු කැබලි මුවේ තබාගෙන සිගරට් බීම අනුකරනය කරන්නටත් ඔවුන් පුරුදුව සිටි බවටයි පැවසෙන්නේ. ඔවුන් පෙර ආත්ම ලෙසට සඳහන් කල රොබට් සහ ජොනීගේ පවුල්වල ඥාතීන්ද මේ දරුවන් දෙදෙනා තමන්ගේ වියෝවූ ඥාතියා වශයෙන් කිසිදු සැකයකින් තොරව පිළිගෙන තිබෙනවා.

3. ලොරි අනතුරකින් මියගිය අක්මීමන මනුජ

අක්මීමන මනුජ මතීෂ නම් දරුවාගේ කථාව මෑත භාගයේ  කතාබහට ලක්වූ පුනරුප්පත්ති සම්බන්ධ සිදුවීමක්. මෙය දෙමවුපියන් විසින් බලෙන් දරුවාගේ මනසට එබ්බවූ කරුණු ඇසුරෙන් ගොඩනගන ලද කථාවක් බවටද විවිධ මත පලවුණා.

2005 වසරේ අක්මීමනදී උපත ලබන මනුෂ දරුවාත් අනෙකුත් පෙර ආත්ම වල මත පලකරන්නන් මෙන්ම කුඩා කාලයේ පටන්ම වෙනත් ජීවිතයක් ගැන කරුණු සඳහන් කොට තිබෙනවා. නිවසේ බංකු ආදිය උපයෝගී කරගෙන වාහන එළවන්නටත් විවිධ පුද්ගල සහ ග්‍රාමයන්හී නාමයන් පිළිබඳ කියන්නටත් පෙළඹී තිබෙනවා. ගිය ආත්මයේදී තමන් මිය ගියේ රිය අනතුරකින් බවට තමයි මනුජ දරුවා කියන්නේ(දරුවා අනතුර ගැන පවසන තොරතුරු කලින් කලට වෙනස් කරන ලද ඒවා බවටද මත තිබෙනවා) මේ පෙර ආත්මය පිළිබඳ මතකය දරුවාට වධයක්යැයි සිතන දෙමවුපියන් දරුවාගෙන් කියැවෙන ප්‍රදේශ නාමයන් ඔස්සේ විමසා බලන්නට අවසානයේදී තීරණය කරනවා. මේ සොයායෑම කෙළවර වන්නේ හෙට්ටිගමගේ උදය කැළුම් නම් ලොරි රථ අනතුරකින් මියගිය පුද්ගලයෙක් වෙත මනුජගේ පෙර ආත්මයේ තොරතුරු සම්බන්ධ කරමින්. රිය අනතුර නිසා කැලුම් මියගොස් තිබෙන්නේ 2001 වර්ෂයේදීයි. දෛවෝපගත ලෙස කැළුම් මියගොස් 11 වසරක් පිරෙන මොහොතක ඔහුගේ නැවත උප්පත්තිය ලෙසට සැකකෙරෙන මනුජ ඒ නිවසට ගොඩවෙනවා. කැළුම්ගේ ඥාතීන්ද, බිරිඳ සහ දරුවන්ද සමග දොඩමලු වූ මනුජ දරුවා තමන් ඔවුන් සමග ගතකල ජීවිතය ගැන තොරතුරු රාශියක් බෙදා හදාගත් බවටත් ඔවුන් මේ තමන්ගේ මියගිය කැළුම් බවට පිළිගත් බවත් තමයි එකල පුවත්පත් වාර්තා කලේ.

4. ද්‍රවිඩ බසින් පුනරුප්පත්තිය ගැන කියූ සිංහල සිසුවා ලක්ෂාන් අරවින්ද

කටාන විද්‍යාලෝක මහා විද්‍යාලයේ ඉගෙනුම ලබන ලක්ෂාන් අරවින්ද රූපසිංහ නම් සිසුවා එක්වරම දෙමළ භාෂාවෙන් කතා කරන්නට පටන් ගන්නේ අනෙකුත් සිසුන් සහ ගුරුවරුන්ව පුදුමයට පත් කරමින්. මේ ගැන කලබලයට පත්වන විදුහලේ විදුහල්පතිවරයා වහාම මෙය කොච්චිකඩේ පොලීසියට දන්වනවා. කිසිදාක දෙමළ ඉගෙනීමක් ලබා නැති ලක්ෂාන් දෙමළ බසින් කියන්නේ ඔහුගේ පෙර ආත්මයක් පිළිබඳ තොරතුරු බවයි පරීක්ෂණ වලදී අනාවරණය වන්නේ. ඒ තොරතුරු වලට අනුව ලක්ෂාන් පෙර ආත්මයේදී යාපනයේ ජීවත් වූ ශ්‍රී රාජේන්ද්‍රම් රාජී නම් දැරියක් බවට තොරතුරු හෙලිවනවා. තමා වසර දොලහකට පමණ පෙර බෝම්බ ප්‍රහාරයකින් මරුමුවට පත්වූ බවට ලක්ෂාන් ප්‍රකාශ කරන අතර ක්‍රම ක්‍රමයෙන් ලක්ෂාන් කාන්තාවක් ලෙසටද අංග චලන පල කරන්නට පටන් ගෙන තිබෙනවා. ත්‍රස්තවාදී කලබල තිබූ ඒ කාලයේදී ලක්ෂාන් යනු පිරිමි වෙස්ගෙන පාසැලට ඇතුලු වූ කොටි තරුණියක්ද යන්න සොයන්නටත් පරීක්ෂණ පවත්වනවා. පරීක්ෂණ මගින් ලක්ෂාන් සිංහල පිරිමි දරුවෙක් බවට සැකහැර දැනගැනීමෙන් අනතුරුවද සියලු දෙනාටම ඊළගට ඇතිවන දැවෙන ප්‍රශ්නය වන්නේ ඉහත ආත්මයකින් නොවේනම් ලක්ෂාන්ට දෙමල දැනුම ආවේ කෙසේද යන්නයි.

වැඩිදුර කරුණු සොයාගෙන යාමේදී මේ සුවිශේෂී රහසද හෙලිදරවු වන්නට පටන් ගන්නවා. එනම් ලක්ෂාන් සිසුවා කටාන විදුහලට ඇතුලත් වීමට ප්‍රථම තමන්ගේ කුඩා අවධිය ද්‍රවිඩ දරුවන්ද ගැවසුනු ප්‍රදේශයක්වූ වයික්කාල ප්‍රදේශයේ ගතකොට ඇති බවටයි. මෙහිදී ලැබුණු ද්‍රවිඩ දැනුමද, යම් මානසික දුර්වල තත්ත්වයක්ද හේතුකොටගෙන ලක්ෂාන්ගේ මේ පෙර භවය පිළිබඳ පැවසීම ක්‍රියාත්මක වූ බවටයි පසුව සොයාගනු ලබන්නේ.

5. පෙර ආත්මයේ හඳුන්කූරු වෙළෙන්දෙක්වූ පූර්නිමා දැරිය

1987 දී පොලොන්නරුව දිස්ත්‍රික්කයේ බකමූණ නම් ග්‍රාමයේ උපත ලබන පූර්නිමා ඒකනායක නම් දැරිය යාන්තම් වයස 3 දී පමණ සිට පෙර ආත්මය ගැන තොරතුරු පවසන්නට පටන් ගෙන තිබෙනවා. වයස 4ක් වැනි කාලයකදී රූපවාහිනියෙන් කැළණි පන්සල දකින ඇය තමන් මීට පෙර ඒ පන්සලට ගොස් ඇති බවත් තමන් පෙර ආත්මයේ ජීවත් වූයේ කැළණි ගඟින් එහා ප්‍රදේශයක බවත් ප්‍රකාශ කරනු ලබනවා.

ලංකාවේ පුනරුප්පත්ති සිදුවීම් බොහොමයක් පිළිබඳ පර්යේෂණ පවත්වා ඇති අයිස්ලන්ත ජාතික අර්ලන්ඩර් හැරල්ඩ්සන් මහතාගේ අවධානය ඇයට යොමුවන විට ඇය නව හැවිරිදි දැරියක්. ගිය ආත්මයේදී තමන් අම්බිගා සහ ගැටපිච්ච නම් හඳුන්කූරු වර්ග නිෂ්පාදනය කොට විකුණූ බවත්, රිය අනතුරකින් ජීවිතක්ෂයට පත්වූ බවත් ඇය හෙලිදරවු කරනවා. ඇගේ තොරතුරු වලට අනුව කැළණිය ප්‍රදේශයේ කරන ලද සොයාබැලීමකින් අනතුරුව ඇය කියන ලද හඳුන්කූරු විශේෂය වෙළදාම් කල ජිනදාස නම් පුද්ගලයෙක් ඇගේ ඉහත ආත්මය විය හැකි බවට තොරතුරු හෙලිවෙනවා.

පූර්නිමා උපත ලබන්නට වසර 2කට කලින්, 1985 වර්ෂයේදී තමයි ජිනදාස අනතුරකින් මියගොස් තිබෙන්නේ. ජිනදාස සම්බන්ධ තොරතුරු පිළිබඳ ප්‍රශ්න කිරීමේදී සෑහෙන නිරවද්‍යතාවයකින් යුතුව පූර්ණිමා ඒවාට උත්තර දී තිබෙනවා. රිය අනතුරකින් මියගිය ජිනදාසගේ මරණ පරීක්ෂණ වාර්තාවේ සඳහන් තුවාල සටහන් වලට සමාන විශාල උපන් ලප කිහිපයක්ද පූර්ණිමාගේ සිරුරේ පිහිටීම පර්යේෂකයන්ට පුදුමය දනවන්නක්ව තිබෙනවා.

6. දියේ ගිලී මියගිය ශිරෝමි දිලුක්ශි ලෙසින් උපත ලබයි

1984 දී වේයන්ගොඩ ප්‍රදේශයේ උපත ලබන දිලුක්ෂි නිස්සංක දැරිය කුඩා කල සිටම තම දෙමවුපියන්ව පිටස්තරයන් හැටියටයි දකින්නේ. ඔවුන්ට අම්මා තාත්තා නමින් කතා කිරීමටත් ඇය පැකිලෙනවා. තමන් මේ පවුලට සහ ප්‍රදේශයට අයත් නැති බව හඟින ඇය තමන්ගේ පවුලේ අය වෙත ගෙනයන්නයැයි නිතර දෙමවුපියන්ට ඇවටිලි කරනවා. තමන්ගේ නියම දෙමවුපියන් වෙසෙන්නේ දඹුල්ල ප්‍රදේශයේ බවත්, කුඩාකලදී දියේ ගිලීමෙන් තමන් මියගිය බවටත් ඇය වැඩිදුර කරුණු හෙලිකරනවා. දිලුක්ෂිගේ ක්‍රියාකලාපය ඇගේ දෙමවුපියන්ට ඉමහත් මානසික වධයක් වුවත් තම දියණිය තමන්ට අහිමිවේය බියෙන් ඔවුන් මේ තොරතුරු පිළිබඳ සොයායාමට මුලදී උනන්දුව දක්වන්නේ නැහැ.

කෙසේ වෙතත් දිලුක්ෂිගේ ප්‍රබල ඇවටිල්ල මත අවසානයේදී ඔවුන් ඇගේ පෙර ආත්මය සොයායාමට පියවර ගන්නවා. මේ අතරතුර දිලුක්ෂි පිළිබඳ පුවත්පතක පලවූ ලිපියක් කියවන දඹුල්ල ප්‍රදේශයේ පුද්ගලයෙක් ඇය තමන්ගේ මියගිය දියණිය වියහැකි බවට තොරතුරු පවසමින් දිලුක්ෂිගේ දෙමවුපියන් වෙත ලිපියක් යොමු කරනවා. දිලුක්ෂිව දැකබලා ගැනීමට ඔවුන් කැමැත්තෙන් සිටින බවටත් ඔහු ඒ ලිපියෙන් පවසනවා.

තමන්ගේ පෙර ආත්මයේ දෙමවුපියන් සොයාගෙන යන ගමනේදී, ඇය ජීවත්ව සිටියායැයි කියන දඹුල්ල ප්‍රදේශයට ළගාවනවාත් සමගම රියදුරාටද මග සලකුණු පවසමින් තමන්ගේ නිවස කරා මාර්ගය පෙන්වන්නට දිලුක්ෂි සමත් වූ බවයි දැනගන්නට ලැබෙන්නේ. ඇගේ පෙර ජීවිතයට සම්බන්ධ වස්තූන් සහ ස්ථාන රැසක්ද එහිදී ඇය විසින් හඳුනාගනු ලැබ තිබෙන්නේ ඇගේ පුනරුප්පත්ති කථාව සනාථ කරන්නට තවත් සාක්ෂි සපයමින්

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

උපන් ලප හෙළිකරන ජීවන රහස් සහ අනාවැකි මෙන්න(birth mark upan lapa අබිරහස් අඩවිය - Abirahas Adawiya - ශාස්ත්‍රීය ළිපි)

උපන් ලපය වාසනාව හෝ අවාසනාව රැගෙන එන්නේ යෑයි විශ්වාසයක්‌ අප තුළ ඇත. උපන් ලපය නිසා ලැබෙන වාසනාව හෝ අවාසනාව තීරණය වන්නේ උපන් ලපය පිහිටා ඇති ස්‌ථානය, එහි පාට සහ එය කොතරම් විශාලද යන කාරණාව මතයි.

උපන් ලප පෙර ආත්ම භවයන්ගේ සිට අප කරපින්නා ගෙන එන කර්මය මේ ආත්මයේදී ප්‍රකාශනය වන ක්‍රමයක්‌ ලෙසද මතයක්‌ පවතී. උපන් ලප හෙළිකරන රහස්‌ පිළිබඳ අද අපි ඔබට ඉදිරිපත් කරමු.

ප්‍රථමයෙන් සිරුරේ ඉදිරිපස පිහිටා ඇති උපන් ලප පිළිබඳව අවධානය යොමු කරමු.

උපන් ලපය 01

ඔබේ ජීවිතය අභියෝගාත්මකය. අසීරු කාලවලට මුහුණ දෙනු ඇත. නමුත් ශරීරයේ ඉදිරිපස පිහිටා තිබෙන මෙවැනි උපන් ලප රතු පැහැති නම්, එයින් සංකේතවත් වන්නේ එම අභියෝග ජයගෙන ඉදිරියට යන බවයි.

උපන් ලපය 02

ඔබ පහසුවෙන් ම පීඩනයට හසුවන අයෙකි. විශේෂයෙන්ම ඔබ ආදරය කරන අය නිසා නිතර සිත් තැවුල් ඇති කර ගැනීමට ඉක්‌මන් වේ. නමුත් ඒ සෑමවිටම ගැඹුරු හුස්‌මක්‌

රැගෙන අනවශ්‍ය ළතැවිල්ල පා කර හරින්නට අමතක කරන්න එපා.

උපන් ලපය 03

ඔබ ජනප්‍රිය හා ප්‍රයෝජනවත් අයෙකි. එක පිට එක පැමිණෙන අභියෝග නිසා ඔබගේ ජීවිතය කාර්ය බහුල වනු ඇත. ඔබට වැඩවලින් අඩුවක්‌ නැත. එසේම සමාජශීලි බවෙන්ද ඔබ ඉදිරියෙන් සිටී. එයට හේතුව වනුයේ හොඳින් වගකීම් උසුලමින් ඉහළට යාමට ඔබ තුළ ඇති ආශාව නිසා ය.

උපන් ලපය 04

මෙම උපන් ලපය හිමි ඔබ ආහාර පුරුදුවලදී ප්‍රවේශම් විය යුතුය. විශේෂයෙන්ම උපන් ලපය කළු පැහැති නම් සහ හොඳින් කැපී පෙනෙයි නම් හොදින් සැලකිලිමත් විය යුතුය. අවේලාවලදී පමණ ඉක්‌මවා ආහාර නොගන්න. නමුත් මෙම උපන් ලපය ලා පැහැති නම් ඔබගේ සහකරු හෝ සහකාරිය ඔබට බෙහෙවින් ආදරය කරයි.

උපන් ලපය 05

ළයේ ඉහළ කොටසේ පිහිටා තිබෙන මෙම උපන් ලපයට හිමිකම් කියන අයට දුක්‌ කරදර ස්‌වල්පයක්‌ සහිත ප්‍රීතිමත් ජීවිතයක්‌ සංකේතවත් කරයි. නමුත් වයස අවුරුදු පනස්‌ ගණන්වල පසුවෙද්දී සෞඛ්‍යය ගැන නිරෝගීකම පිළිබඳව සැලකිලිමත් විය යුතුයි.

උපන් ලපය 06

මෙම උපන් ලපය හිමි තැනැත්තා ලොකු සිහින දකින, ඉතාම අපේක්‌ෂා සහගත පුද්ගලයෙකි. ඔබගේ දෛව සටහනේ සාර්ථකත්වය ගැන ඉහළින් සඳහන් ව ඇති නම් එම සිහින සහ අපේක්‌ෂා අනාගතයේ යථාර්ථයක්‌ වනු ඇත.

උපන් ලපය 07

මෙවැනි උපන් ලපයක්‌ හිමිවන්නේ ත්‍යාගශීලී හා කරුණාබර හදවතක්‌ හිමි අයටය. එසේම ඔබ තමන් කරන කාර්යයේ අවංකකම හා විශ්වාසනීයත්වය

රැකෙන පරිදි කටයුතු කිරීමට වගබලා ගනී.

උපන් ලපය 08

උදරය මත ඇති මෙම උපන් ලප හැම අතින් ම වාසනාවන්ත ජීවිතයක්‌ සංකේතවත් කරයි. ඔවුන්ගේ ජීවිතය සැහැලුවෙන් ගලා යන්නකි. අවදානම් සහගත තත්ත්වයක්‌ අඩුය. ආරක්‌ෂිතය. උපන් ලපය ප්‍රමාණයෙන් කුඩා නම් මේ ගුණාංග තවත් ඉහළ යයි.

උපන් ලපය 09

උදරයේ පහළ කොටසේ ඇති මෙම උපන් ලපය හිමි තැනැත්තා ඉතාම සෞභාග්‍යවත් පුද්ගලයෙකු බව හඟවයි. එයද ප්‍රමාණයෙන් කුඩා වන්නේ නම් වාසනා ශක්‌තිය විශාල වේ. එම උපන් ලපය තද පැහැය මෙන්ම පැහැදිලිව දැකගත හැකි එකක්‌ විය යුතුය. නාභිය අසලින් ම පිහිටා තිබේනම් ඔහු විශාල ධනවතෙකු වනු ඇත.

උපන් ලපය 10

පුරුෂයෙකුගේ මෙම ස්‌ථානයේ උපන් ලපයක්‌ පිහිටා ඇති නම් ඔහුට දරු සම්පතින් අඩුවක්‌ නැත.

උපන් ලපය 11

පපු පෙදෙසේ පිහිටා ඇති මෙම උපන් ලපයෙන් කියෙවෙන්නේ කීකරු දරුවන් ඔබ වෙත සතුට

රැගෙන එන බවයි. එම නිසා ඔබට ආඩම්බර වීමට පුළුවනි.

උපන් ලපය 12

මෙම උපන් ලපය විශාල වාසනාවක්‌ උදාකර දෙනු ඇත. සැහැල්ලුවෙන් ගලා යන ජීවිතයේ අනපේක්‌ෂිත වාසනාවන්ගෙන් ද අඩුවක්‌ නැත. මෙම උපන් ලප යුගල ලෙස පිහිටා ඇත්නම් ධනවත්, සෞභාග්‍ය සම්පන්න ජීවිතයකට හිමිකම් කියයි.

උපන් ලපය 13

පුරුෂයෙකුට මෙම උපන් ලපය පිහිටා ඇතිනම් ඔහුට සුන්දර බිරිඳක්‌ ලැබෙයි. ස්‌ත්‍රියකට නම් කඩවසම් සැමියෙක්‌ ලැබෙනු ඇත. මෙම උපන් ලපය හිමි තැනැත්තා සුන්දර පෙනුමකට උරුමකම් ඇත්තෙකි.

උපන් ලප 14

පුරුෂයකුගේ බාහුවේ මෙම ස්‌ථානයේ පිහිටා තිබෙන උපන් ලපය සෞභාග්‍යය සංකේතවත් කරයි. එය බාහුවේ යටි පැත්තට වන්නට සැඟවී මෙන් පිහිටයි නම් ඔබ ජීවිතයේ උසස්‌ ස්‌ථානයකට පත්වෙයි.

මෙවැනි උපන් ලපයක්‌ හිමි කාන්තාවන් ඇය සිය දරුවන්ට මේ ලෝකයේ තිබෙන ඉහළම ආරක්‌ෂාවත් ආදරයත් උරුම කර දීමට කැපවෙයි. ඇය වචනයේ පරිසමාර්ථ අර්ථයෙන්ම දරුවන් සමග බද්ධ වූ ආදරණීය මාතාවකි.

උපන් ලප 15

උඩ බාහුවේ මෙතැන පිහිටි උපන් ලපයෙන් කියවෙන්නේ ඕනෑම දෙයක්‌ ලබා ගැනීමට ඔබ බොහෝ වෙහෙස වී වැඩ කළ යුතු බවයි. විශේෂයෙන්ම ඇඟ වෙහෙසා වැඩ කිරීමට සිදුවනු ඇත.

උපන් ලප 16

වැලමිටේ ඇතුල් පැත්තට වන්නට මෙතැන පිහිටා ඇති මෙම උපන් ලපය මගින් අදහස්‌ කරන්නේ බොහෝ වෙහෙසවී ඔබ වැඩ කළත් ප්‍රතිපල ලබා ගැනීමට අපහසු බවයි.

කාන්තාවකට මෙම උපන් ලපය හිමි නම් ඔබ මුදල් පිළිබඳව විශේෂයෙන් සැලකිලිමත් විය යුතුය. අර පරිස්‌සමින් වියදම් කළ යුතු කෙනෙකි. මහන්සියෙන් උපයාගත් මුදල් ක්‌ෂණිකව වැයවී යන කාරණා ඔබට සුලබව යෙදේ.

උපන් ලප 17

අතේ යට බාහුවේ යටි පැත්තට වන්නට පිහිටා තිබෙන මෙම උපන් ලපයෙන් සංකේතවත් වන්නේ ජීවිත කාලය පුරාම ඔබ මුදල් සමග හොඳින් ගැවසෙන කෙනෙකු බවයි. ඔබ අතේ ගැවසෙන මුදල් ඔබගේම මුදල් නොවන්නට පුළුවන. නමුත් ඔබ ප්‍රවේශම් විය යුතුය. අනතුරු අඟවන උපන් ලපයකි මෙය.

ස්‌ත්‍රියකගේ මෙම ස්‌ථානයේ පිහිටා ඇති මෙම උපන් ලපය මගින් කියන්නේ ඇය රහස්‌ රැක ගත නොහැකි කෙනෙක්‌ බවයි. එම නිසා මෙවැනි කාන්තාවන් විශ්වාස නොකළ යුතු බවයි. ඇය රහස්‌ හෙළිකරන්නේ සෙසු අයට හානියක්‌ කිරීමේ අදහසකින් නොව ඇය තුළ ඇති දොඩමලුවීමේ ආශාව නිසාය. නමුත් ප්‍රවේශමෙන්.

උපන් ලප 18

ප්‍රතිපත්ති ගරුක බව අඩුවෙන් ඇති කාන්තාවන් අතෙහි මෙම උපන් ලපය පිහිටා තිබේ. පමණ ඉක්‌මවා මුදල් වියදම් කිරීමේ දුර්ගුණයද ඇය සතුය. මැණික්‌කටුවේ ඇතුල් පැත්තට වන්නට පිහිටා තිබෙන මෙම උපන් ලපය හිමි ස්‌ත්‍රී පුරුෂ සැමම මුදල් වියදම් කිරීමට ආශා කරන අයයි. සැමටම ආර්ථික අතින් දුෂ්කරතාවලට මුහුණපෑමට සිදුවේ. පුණ්‍ය කටයුතු සඳහා මුදල් දීමට පුරුදුවන්න. එමගින් අර්ථවත් දේ සඳහා පමණක්‌ ඔබ මුදල් වැයකිරීමට පුරුදු පුහුණු වනු ඇත. ඔබ ධනවත් මුත් ලැබෙන ආදායමට වඩා වියදම ඉහළ යාමේ ස්‌වභාවයක්‌ දිස්‌වේ. නමුත් මෙම උපන් ලපය පිහිටා ඇත්තේ දකුණු අතේ නම් එවැනි අය වෙත ධනය ගලා එන බවටද විශ්වාසයක්‌ පවතී.

උපන් ලප 19

පිරිමි අයගේ කලවය ඇතුල් පැත්තට වන්නට උපන් ලපයක්‌ හෝ උපන් ලප කිහිපයක්‌ පිහිටා ඇතිනම් උපතින් හිමිවන ධනයකට උරුමකම් කියයි. කාන්තාවන්ගේ මෙසේ පිහිටියේ නම් ඇය ස්‌වෝත්සාහයෙන්ම ධන වාසනාව උදාකර ගත යුතු බව පැවසෙයි.

උපන් ලප 20

පාදයේ පහළ කොටසේ පිහිටි මෙම උපන් ලපය සුබ ලකුණක්‌ නම් නොවේ. මෙමගින් ජීවිතයේ අසීරු කාල පරිච්ඡේද සහ විඳවීම් හඟවනු ඇත.

උපන් ලප 21

පාදයේ මෙම කොටසේ පිහිටා ඇති උපන් ලප පුරුෂයන්ගේ පිහිටා ඇති නම් එමගින් සංකේතවත් කරන්නේ සතුට සහ සංචාරයයි. රැකියා සඳහා දුර බැහැර ගමන් හෝ පිටරට යාමට සිදුවනු ඇත. උපන් ලපය තිතක්‌ මෙන් කුඩා නම් සතුට පෙන්වයි. නමුත් එය කැළැලක්‌ මෙන් විශාල නම් එයින් අදහස්‌ කෙරෙන්නේ එම සංචාරවලදී විවිධ ගැටලු මතුවිය හැකි බවයි.

පසුපස පෙදෙසේ පිහිටි උපන් ලප

උපන් ලපය 38

තට්‌ටම ප්‍රදේශයේ පිහිටා තිබෙන උපන් ලප නිර්මාණශීලිත්වය, බුද්ධිය හා ප්‍රඥාව පිළිබඳ සලකුණකි. මෙම උපන් ලපය හිමි ඔබ දියුණුවට පත්වන හා සෙස්‌සන්ගේ ගෞරවාදරයට පාත්‍රවීමට නියමිත අයෙකි.

උපන් ලපය 39

කලවයේ පිටුපස පිහිටා තිබෙන උපන් ලපද වාසනාව, ජනප්‍රියත්වය හා ධනවත් බව පිළිබඳ ලකුණකි.

උපන් ලපය 40

විශේෂඥ දැනුමක්‌ හා ශූර බුද්ධියකින් යුතු අයෙකි. මෙවැනි අය කෙරෙහි විශ්වාසය තබා කටයුතු කළ හැකිය. උපන්ගෙයි නායකයන්ය.

උපන් ලපය 41

දණහිසට පිටුපසින් පිහිටා තිබෙන මෙම උපන් ලපය අයහපත පිළිබඳ සංකේතයකි. ජීවිතයේ ඔබට හොඳ දෙයට වඩා නරක දෙය අත්දැකීමට සිදුවනු ඇත. මෙවැනි උපන් ලප කුඩා සැත්කමක්‌ මගින් ඉවත් කර ගැනීමට හැකි නම් වඩා හොඳ වේ.

උපන් ලපය 42

පාදයේ පිටුපස මෙම ස්‌ථානයේ පිහිටා ඇති මෙම උපන් ලපය හිමි පුද්ගලයා ඉතාම කාර්යබහුල අයෙකි. නමුත් වැඩ කිරීම තුළින් ඔහුට කීර්තිය අත්වන නිසා එය “හොඳ” උපන් ලපයකි. මහජන සම්බන්ධතා හොඳින් පවත්වා ගන්නෙකි.

උපන් ලපය 43

පාදයේ වළලුකර පිටුපස උපන් ලපයක්‌ හිමි අය නිතරම ගෙදරින් දුරස්‌ වී සිටින බව සදහන් වේ. නිවසින් දුර බැහැර සංචාරය කරන්නෙක්‌ද විය හැක.

උපන් ලපය 44

මෙම උපන් ලපය කාන්තාවකට පිහිටා ඇතිනම් ඇය තත්ත්වයක්‌ හෝ හොඳ නමක්‌ නොපවතින කාන්තාවක්‌ විය හැක. නිරාවරණය කිරීමට නුසුදුසු මෙය ආවරණය වර පරිදි ඇඳුම් ඇඳීම කළ යුතුය.

උපන් ලපය 45

ආදරය ලැබීම හා විවාහය වාසනාවන්ත වීම යන කරුණු අතින් එතරම් වාසනා බලයක්‌ නොමැති කාන්තාවන්ගේ මෙවැනි උපන් ලපයක්‌ පිහිටීමටද ඉඩතිබේ. මෙම උපන් ලපය තද පාටයි. නම් එකී අසුබ බලපෑමද ඉහළ යයි. ඇමරිකානු නිළියක වන රුෂෙල් වෙයිස්‌ගේද එවැනි උපන් ලපයක්‌ දැකිය හැක.

උපන් ලපය 46

තම ජීවිතයේ ඕනෑම කටයුත්තකදී වගකීම් රහිතව අපිළිවෙලට වැඩ කිරීම මෙම උපන් ලපය මගින් සංකේතවත් කරයි. තවද මොවුන් සිය ආර්ථිකය නිසියාකාරව සකසුරුවම් කිරීමට නොදනී. ඒ පිළිබඳව දක්‌වන්නේ ද උදාසීන ප්‍රතිපත්තියකි. එම නිසා මෙම උපන් ලපය හිමි අයගේ ජීවන රටාව අවුල් සහගත වන අතර එම හේතුවෙන් විවිධ ප්‍රශ්නවලට මුහුණ දීමට සිදුවෙයි. එම නිසා මෙම උපන් ලපය හිමි ඔබ මේ කරුණු ගැන වඩාත් සැලකිල්ලෙන් සිටීම ඉතා සුබය.

උපන් ලපය 47

වළලුකරේ පිට පැත්තේ පිහිටා ඇති මෙම උපන් ලපය මගින් පෙන්නුම් කරනු ලබන්නේ කැඩී බිඳී විසිරී යන පවුල් ජීවිතයක උරුම කාරයෙක්‌ බවයි. එසේත් නොමැතිනම් ජිවිතයේ වයස හතළිස්‌ ගණන්වලදී අසාර්ථක විය හැකි ආදරයක්‌ පිළිබඳවයි.

මෙම අහිතකර බලපෑම අවම කර ගැනීමට ඔබට භාවිත කළ හැකි ක්‍රමයක්‌ වන්නේ මෙම උපන් ලපය ආවරණය පරිදි දිගු අත් සහිත ඇඳුම් භාවිතා කිරීමෙනි. මෙසේ කිරීමට ඔබ වග බලා ගන්නේ නම් ඔබට ඇතිවිය හැකි නරක අවම වනු ඇත.

උපන් ලපය 48

අත්ල පිටුපස පිහිටා තිබෙන මෙම උපන් ලපය හිමි ඔබ විශාල ධන සම්භාරයක්‌ උපයා ගත හැකි කෙනෙකි. මේ ගැන අවධානය යොමුකර වෙහෙස මහන්සි වී කැපකිරීම් කරමින් ධනය උපයාගත හැකි ක්‍රම සොයා බලා ඒ සඳහා යොමුවන්න.

මුහුණේ උපන් ලප හෙළි කරන රහස්‌

කැඩපතක්‌ ඉදිරියට ගොස්‌ ඔබේ මුහුණ දෙස හොඳින් බලන්න. ඔබේ මුහුණේ උපන් ලප පිහිටා තිබෙනවා ද? උත්තරය ඔව් නම් එම උපන් ලප පිහිටි ස්‌ථාන හොඳින් මතක තබා ගන්න. මේ සමඟ ඇති රූපයේ දක්‌වා ඇති ස්‌ථානවල ඔබගෙත් උපන් ලප පිහිටා තිබෙනවා ද? එසේ නම් එම අංක වලට අදාළව විස්‌තර කර ඇති රහස දැනගන්න. ඔබගේ මිතුරන් , ඥාතීන් ආදි අනෙක්‌ අය ගේ මුහුණෙන් හෙළිවන රහස්‌ දැන ගන්නට ඔබටත් පුළුවන්.

උපන් ලප අංක 01, 02, 03

දරුවෙකු ලෙස සිටියදී ඔබ විප්ලවීය ගති පැවතුම් තිබූ නිදහස්‌ සිතිවිලි වලින් හෙබි නිර්භීත අයෙකි. නිර්මාණශීලි හැකියාවන් සඳහා සහජ දක්‌ෂතා ඔබ සතුය. එම කුසලතා හා හැකියාවන් සාර්ථක කර ගැනීමට පුළුල් නිදහසක්‌ ඔබට තිබිය යුතුය. ඔබ දායකවන ඕනෑම කටයුත්තකදී පුරෝගාමියා වීමේ වාසනාව ඔබ සතුය. ප්‍රධානියෙක්‌ යටතේ සේවය කිරීමට එකඟ නොවන බව, ඔබගේ ස්‌වාමියා තමන්ම යන ආකල්පය මුදුන් පමුණුවා ගන්නෙකි. ඒ නිසාම ඔබට දිනක වාසනාව උදා වනු ඇත.

උපන් ලපය අංක 04

ආකර්ෂණීය පෞරුෂයක්‌ හිමි ඔබ ජනප්‍රිය චරිතයකි. නමුත් ජීවිතයේ වැදගත් අවස්‌ථාවන් වලදී තීරණ ගැනීමට පසුබට වීමට ඉඩ ඇත. තවද විකල්ප කිහිපයක්‌ ඔබ ඉදිරියේ ඇති විට සුදුසුම විකල්පය තෝරා ගැනීමට ඔබ අසමත් ය. ඕනෑම කාරණාවක්‌ සම්බන්ධව වාද කිරීමට ඉතා උනන්දු මුත් කිසිවෙකු හා අමනාපයෙන් සිටීමට කැමති නැත. සන්සුන් කමක්‌ නොමැති ඔබ ක්‌ෂණිකව කෝපයට පත්වන චරිතයකි.

උපන් ලපය අංක 05

ඇහි බැමට උඩින්a පිහිටා තිබෙන මෙම උපන් ලපය හිමි ඔබට ධන වාසනාව උදාවෙනු ඇත. ඒ සඳහා ඔබ සාමාන්‍ය පුද්ගලයෙකුට වඩා වැඩියෙන් වෙහෙස මහන්සි වී වැඩ කළ යුතුමය. මිහිරි – චාටු කතාවෙන් ඔබේ ධනය සූරා ගන්න මාන බලන අය අපමණ ය. කිසිවෙකු පමණට වඩා විශ්වාස නොකිරීමට වග බලා ගත යුතුය. ඔබගේ සහජ ඥාණය භාවිත කරමින් ඔබේ ආදායම ප්‍රවේශම් කර ගන්න. මුදල් පාලනය කිසිවෙකුට භාර දීම නොකළ යුතුය.

උපන් ලපය අංක 06

ඇහිබැම මත උඩින් උපන් ලපයක්‌ හිමි ඔබ උපතින් ම කලාකරුවෙකි. නිර්මාණශිලිත්වය හා හොඳ බුද්ධියක්‌ ඔබ සතුය. කලා හැකියාව ඔබට ධනය, කීර්තිය සහ සාර්ථකත්වය උදාකරදේ. නමුත් ධන වාසනාව ළඟා කර ගැනීම සඳහා ජීවිකාවක්‌ ලෙස කලාවේ

නිරත නොවී විප්ලවීය අදහසින් නව නිර්මාණ බිහි කළ යුතුය. එවැනි විප්ලවීය අදහස්‌ අනුව නිර්භීතව නිර්මාණ වල නිරත වන්නේ නම් ඔබට ධන වාසනාව උදාවනු ඇත.

උපන් ලපය අංක 07 – පවුල් ප්‍රශ්න

ඇහි බැමට පහළින් ඇති උපන් ලපයක්‌ හිමි ඔබ පවුල් ප්‍රශ්නවලට මුහුණ දෙන කෙනෙකි. එම ප්‍රශ්න නිසාම ඔබ කනස්‌සල්ලට පත්විය හැකිය. රැකියාව සඳහා ද මෙම ප්‍රශ්න බලපෑම් කරනු ඇත. ඒනිසාම වහා ම ඔබ කළ යුතු වන්නේ පවුලේ ඥාතීන් සමඟ තිබෙන ප්‍රශ්න සාමකාමීව විස¹ ගැනීම යි.

උපන් ලපය අංක 08 – ප්‍රවේශමෙන්

අධික වියදම්කාරි බව නිසා ම ඔබේ ආර්ථික මට්‌ටම අසතුටුදායක ය. සූදුව කෙරෙහි යොමුවීමට ඉතා කැමැත්තක්‌ දක්‌වයි. නමුත් සීමාව දැනගෙන ඕනෑම දෙයක්‌ කළ යුතුය. ඕනෑම තරාතිරමේ කෙනෙක්‌ වරදට පොළඹවා ගැනීමේ ශක්‌තියක්‌ ඔබ සතු නිසා නොයෙක්‌ කරදර වලට පැටලීමට සිදුවෙයි. මෙම කාරණා – සැලකිල්ලට ගෙන ප්‍රවේශමෙන් කටයුතු කරන්න.

උපන් ලපය අංක 09 නිමක්‌a නැති කරදර

ජීවිත කාලය පුරාවට ම සංකීර්ණ ප්‍රශ්න වැලකට මුහුණ දීමට ඔබට සිදුවෙනවා ඇත. මෙම උපන් ලපය මගින් සංකේතවත් වන්නේ නිමක්‌ නැති කරදර ඔබ පසුපස හඹා එන බවයි. කල්පනාකාරීව කටයුතු කිරීමට වගබලා ගන්න

උපන් ලපය අංක 10- දරුපල වලින් හිඟයක්‌ නැත.

ඔබට දරු පලවලින් හිZඟයක්‌ නැත. දූ දරුවන් සහ දරු මුණුබුරන් රාශියක්‌ පිරිවරාගෙන සතුටින් ජීවත්වීමේ දුර්ලභ වාසනාව ඔබට හිමිය. සමීපතමයන්ගෙන් පවා උදව් උපකාර ලැබේ. ඔබට ලැබෙන සහකරු හෝ සහකාරිය ද මානසික වශයෙන් පවා ඔබව තෘප්තිමත් කිරීමට සමත් අයෙකු ය.

උපන් ලපය අංක 11 ශරීර සෞඛ්‍යයට අහිතකරයි.

විවිධ ලෙඩ රෝග වලට ගොදුරුවීමේ අවදානමක්‌ පෙන්නුම් කරයි. විශේෂයෙන් ම මෙම උපන් ලපය තද පාටට ලොකුවට පිහිටියේ නම් ඔබ තම ශරීර සෞඛ්‍යය ගැන නිතර අවධානයෙන් සිටීම ඔබගේ ශරීරය සෞඛ්‍යයට හිතකරවන්නට පුළුවනි.

උපන් ලපය අංක 12 – දීර්ඝායුෂ හිමිවේ

කට කොණවන්නට පිහිටා තිබෙන මෙම උපන් ලපය ඉතාම සාර්ථක සහ සමබර ජීවිතයක සළකුණකි. ධනය සමඟ නිරායාසයෙන් ම ඔබට ප්‍රසිද්ධිය ද ලැබෙනු ඇත. දීර්ඝායුෂ හිමි ඔබට ප්‍රීතිමත් පවුල් ජීවිතයක්‌ ද හිමි ය. මෙම උපන් ලපය කාන්තාවකට පිහිටා තිබෙයි නම්, ඇය අතිශයෙන්ම වාසනාවන්ත ය. එමෙන් ම මන බඳනා අයෙක්‌ වන්නී ය.

සුපරි හොලිවුඩ් නිළි කෝට්‌ හඩ්සන්ගේ මව වන ගෝල්ඩී හොන්ගේ ද මෙම ස්‌ථානයේ උපන් ලපයක්‌ පිහිටා තිබේ. අතීතයේ සුපිරි නිළියක්‌ වූ ඈ විවාහ පත්වූයේද සුපිරි නළු කර්ට්‌ රසල් සමඟ ය. ගෝල්ඩ් ගේ ජීවිතය හැම අතින් ම සාර්ථක ය. හැම අතින් ම පිරිපුන් ය.

උපන් ලපය අංක 13

ඔබගේම දරුවන් ඔබගේ ජීවිතයේ විශාලම කණස්‌සල්ල වීමට ඉඩ ඇති බැවින් ඒ පිළිබඳ විශේෂයෙන් සැලකිලිමත් වන්න. ඔබ ඔවුන් සමග සමීප සම්බන්ධතාවයන් ගොඩ නගා ගත යුතුමය. ඔබගේ දුරස්‌ථ බව ඔබට ඇතිවන ප්‍රශ්නවල මුලයි.

උපන් ලපය අංක 14

ආහාර විෂ වීම පිළිබඳ ඔබ විශේෂයෙන්ම සැලකිලිමත් විය යුතුය. අසාත්මිකතා ඇති විය හැක. පමණට වඩා ආහාර ගැනිමෙන් වළකින්න.

උපන් ලපය අංක 15

ඔබ තැනින් තැනට යන කෙනෙකි. නිතර ගෙවල් මාරු කරන්නෙකි. අලුත් දේවල්වලටත් අලුත්ස්‌ථාන වලටත් ඔබ ඉතා කැමතිය. ඉතා හොඳ ඇසක්‌ ඇති ඔබ නිරික්‌ෂණයේ සංචාරයේ හා ත්‍රාසජනක ක්‍රියාවන්ගේ යෙදීමේ හපනෙකි.

උපන් ලපය අංක 16

ආහාර පිළිබඳ සහ ලිංගික ජීවිතයේ ඇතිවිය හැකි ප්‍රශ්න පිළිබඳ ඔබ විශේෂයෙන් සැලකිලිමත් විය යුතුය. අධික තරබාරුව නිසා ඔබ මානසිකව දුර්වල වීමටද ඉඩ තිබේ. ඔබ අනුරාගිය. සමහර විටෙක එක්‌ අයෙකුගෙන් සෑහීමට පත්වීමට අකමැතිය. නමුත් සදාචාරයට ගරු කරන ඔබ ඒ නිසාම එම හැඟීම් යටපත් කර ගන්නා අයෙකි. නමුත් ඒ පිළිබඳව පසු තැවෙමින් මානසික පීඩනයට ලක්‌වනු ඇත.

===========================

සුදුපාට උපන් ලප ගැන බියවෙන්න එපා

උපන් ලප.. සමහරු බොහොම කැමති දෙයක්‌. මුහුණේ එහෙම පෙනුම වැඩි කරන්න උපන් ලප පිහිටනවාට වඩාත් කැමති කාන්තාවන්. කොහොම වුනත් අලුත උපන් දරුවෙකුගේ මොළකැටි සමේ උපන් ලප පැහැදිලිව බලා ගන්න පුළුවන්.

ඔබ දැකලා ඇති ළදරු සමේ තියෙන බ්ලැක්‌ නීව්ස්‌ ලෙස හඳුන්වන කලුපාට උපන් ලප වර්ගය. මේවා ආකාර කිහිපයකට චර්මය තුළ දකින්නට පුළුවන්. කලුපාට කුඩා තිතක්‌ ආකාරයට, ඇතැම් විට මුළු ශරීරයේ පදාසයක හෝ විශාල ප්‍රදේශයක කලු පැහැති රෝම සහිත ආකාර යන විදිහට. මේවා කිසිදු හානියකින් තොර සම මත පිහිටා තිබෙන දෙයක්‌. නමුත් විශාල ප්‍රදේශයක පැතිරිලා තිබෙන විශාල උපන් ලප ජයන්ට්‌ නීව්ස්‌ ලෙස අපි හඳුන්වනවා. මෙහි තේරුම වෙන්නේ විශාල හෙවත් යෝධ යන්නයි. මෙවැනි උපන් ලප ළදරුවන්ගේ සමේ තිබෙනවා නම් සැලකිලිමත්වීම ගොඩක්‌ හොඳයි. මෙවන් උපන් ලප අහිතකර රෝගවලට පරිවර්තනය වෙන්නට පුළුවන්.

සම මතුපිට උපන් ලප

සම මතුපිට විශාල ප්‍රදේශයක්‌ පුරා පැතිර තිබෙන උපන් ලප පිළිබඳව චර්ම රෝග විශේෂඥ වෛද්‍යවරයෙක්‌ ලවා පරීක්‍ෂා කර ගන්නවා නම් හොඳයි. ප්ලාස්‌ටික්‌ ශල්‍ය කර්මයක්‌ මගින් ඒවා පියවරෙන් පියවර සමෙන් ඉවත් කරන්න පුළුවන්. මෙතනදී කරන්නේ ශරීරයේ වෙනත් තැනකින් ලබාගත් සමේ කොටස්‌ මගින් එම උපන් ලපය තිබෙන කොටස ආවරණය කිරීමක්‌. ඊට අමතරව දැන් දැන් මෙවැනි උපන් ලප ශරීරයෙන් ඉවත් කරන්න ලේසර් ප්‍රතිකාරය භාවිත කරනවා. මෙම විශාල පරිමාණයේ උපන් ලප වර්ගය පැහැපත් සමක්‌ සහ තලෙළු සමක්‌ තිබෙන ඕනෑම ළදරුවෙක්‌ගේ සම මතුපිට ඇතිවෙන්න පුළුවන්. මෙතනදී අපි වෛද්‍යවරයෙක්‌ හමුවෙලා පරීක්‍ෂා කරගන්න කියන්නේ මේවා ඇතැම් විට අනාගත පිළිකා බවට පත්වෙන්න පුළුවන් නිසයි. මතක තබා ගන්න මෙයින් අපි කියන්නේ නැහැ විශාල උපන් ලප තිබෙන ඕනෑම ළදරුවෙක්‌ අනාගතයේ පිළිකාවකට ලක්‌වෙනවා කියලා. අනවශ්‍ය බියක්‌ ඇති කරගන්නත් අවශ්‍ය නැහැ. මෙවන් තත්ත්වයක්‌ ඇතිවෙන්නේ ඉතාම කලාතුරකින්.

තවත් අවස්‌ථාවක්‌ වෙන්නේ සුදුපාට උපන් ලප සම මතුපිට පිහිටා තිබීමයි. මේවා වර්ග කිහිපයක්‌ තිබෙනවා. එක්‌ වර්ගයක්‌ අපි එක්‌ක්‍රොවය කියලා හඳුන්වනවා. තවත් එකක්‌ නීව්ස්‌ ඇනමික්‌ස්‌ කියලා හඳුන්වනවා. මෙම එක්‌ එක්‌ උපන් ලප වර්ගයන් හඳුනාගන්න එම ලප පිළිබඳව චර්ම රෝග විශේෂඥ වෛද්‍යවරයෙක්‌ට පුළුවනි. නමුත් සුදු උපන් ලපවලට බෙහෙත් හෝ ප්‍රතිකාර නැහැ. ළදරුවෙකුට සුදු උපන් ලප තිබීමෙන් ශරීරයට කිසිදු හානියක්‌ නොවන බව අපට පැහැදිලිවම කියන්න පුළුවන්. මේවා මගින් බලපෑමක්‌ ඇති කරන්නේ කෙනෙකුගේ බාහිර රූපයට පමණයි. ළදරු වයසේදී මේවා පැහැදිලිව බලාගන්න නොහැකි වුවත් පෙර පාසල් සහ පාසල් වයසේදී සමේ සුදු උපන් ලප දරුවන්ට තිබේදැයි හොඳින් පරීක්‍ෂා කර බලා ගන්නට පුළුවන්. මෙම උපන් ලප තියෙන දරුවන් අපි ළඟට අරගෙන ආවාම අපි කරන්නේ මෙම රෝග තත්ත්වය පිළිබඳව හොඳින් වැඩිහිටියන්ට පැහැදිලි කරලා ප්‍රතිකාර නොමැති බව සහ ප්‍රතිකාර කරන්නට යාමෙන් වන අහිතකර තත්ත්වය ගැන පහදා දෙන එක පමණයි. බොහෝ විට කළ හැක්‌කේ මෙවන් අය සමාජය තුළ උත්සව, විශේෂ අවස්‌ථාවලට යන විට සුදු උපන් ලප තිබෙන ප්‍රදේශය පවුන්ඩේෂන් හෝ වෙනත් ආලේපන තුළින් ආවරණය කරගැනීමයි. කුඩා කාලයේ සිට ඇතිවන සුදු පැහැති උපන් ලප නිට්‌ටාවට සුව කිරීම සඳහා ප්‍රතිකාර සොයා ගැනීම තවම ලෝකය තුළ සිදු වී නැහැ. අනෙක මේවා බිය විය යුතු රෝග තත්ත්වයක්‌ නෙමෙයි.
====================================================

උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya