2020 ලෝකය ගැන අන්ධ අනාවැකිකාරිය කී දේ...? ට‍්‍රම්ප් එකතැන් වෙනවා... සඳේ ගැටෙන ආකාශ වස්තුවකින් පෘථිවිය අඳුරු වෙනවා...(Donald trump baba wanga 2020 anawaki අබිරහස් අඩවිය - Abirahas Adawiya - ශාස්ත්‍රීය ළිපි)

* පුටින්ට ඝාතන තැතක්...

 2011 සැප්තැම්බර් 11 වන දින ඇමරිකානු ලෝක වෙළෙඳ මධ්‍යස්ථානයට එල්ල වූ ප‍්‍රහාරයත් 2004 දී ඉන්දියන් සාගරයේ ඇති වූ සුනාමියත්, කුෂිමා න්‍යෂ්ඨික කාන්දුව සහ අයිසිස් නම් ත‍්‍රස්තවාදී සංවිධානයක උපතත් පිළිබඳව අනාවැකි පළ කළ දෙනෙත් අඳ අනාගත වක්තෘවරියක විසින් 2016 වසරත් ඉන් ඔබ්බටත් සිදුවිය හැකි සිදුවීම් පිළිබඳව අනාවැකි පළ කොට තිබෙනවා. මෙම අනාගත වක්තෘවරිය පිළිබඳව, 2015 දෙසැම්බර් 09 වැනි දිනය http(//www.news.com.au යන ඔස්ටේ‍්‍රලියානු පුවත් වෙබ් අඩවියත්, 2016 ජනවාරි මාසයේදී, http(//www.mirror.co.uk යන එක්ත් ජනපද පුවත් වෙබ් අඩවියත් http(//indiatoday.intoday.in යන ඉන්දියානු පුවත් වෙබ් අඩවියත් විස්තරාත්මකව සංවාදයට ලක්ව තිබුණා.

 කවුද මේ බාබා වැන්ගා...?

 බල්ගේරියානු සම්භවයක් ඇති මෙම අනාගත වක්තෘවරිය නමින් ‘බාබා වැන්ගා’. ඇය 85 වැනි වියේ දී, එනම් 1996 දී මෙලොවින් සමුගත්තා. ඈ පිළිබඳව දන්නා බොහෝ දෙනා ඇයව හැඳින්වූයේ ‘බැල්කන් හි නොස්ත‍්‍රඩාමුස් යන නමින්. නොස්ත‍්‍රඩාමුස් යනු 16 වැනි සියවසේ මැද භාගයේ වාසය කළ යුරෝපීය අනාගත වක්තෘවරයෙක්... ඉතින් ‘බාබා වැන්ගා‘ ලොව පුරා ප‍්‍රසිද්ධ වුණේ ඇය මෙතෙක් පළ කළ අනාවැකි සියයට 85 ක ප‍්‍රතිශතයකින් සැබෑ වී ඇති නිසයි. මේ නිසාම ඇය රුසියාව සහ යුරෝපය පුරාම යම් අසාමාන්‍ය මිනිස් හැකියාවකින් යුක්ත අයකු ලෙස සම්භාවනාවට ලක්වුණා.

 කීර්තිමත් අනාගත වක්තෘවරියක් වශයෙන් අඩ සියවසක් පුරාවට ඇය විසින් විටින් විට ප‍්‍රකාශ කරන ලද සිය ගණනක් වූ අනාවැකිවලින් බොහොමයක් දේශගුණ විපර්යාස හා සම්බන්ධ අනාවැකි වීම විශේෂයි. 1950 වර්ෂයට පෙර ඇය විසින් පෘථිවි ධ‍්‍රැව ආසන්න අයිස් තට්ටු දිය වීම පිළිබඳවත්, සාගර ජල මට්ටම ඉහළ යෑමත් පිළිබ`දවත් අනාවැකි පළ කරද්දී එකල වාසය කළ කිසිවෙකුත් ‘ගෝලීය උණුසුම‘ යන වචනය වත් හරි හැටි අසා තිබුණේ නැහැ.

 සුනාමිය එන හැටි කියූ හැටි

විශාල වෙරළක්, මිනිසුන් නගර සහ හැමදෙයක් මහා ජල කඳකින් අතුරුදන් වී යනවා..’ මේ ඇය විසින් කලකට පෙර සිදු කළ ප‍්‍රකාශයක්. ඉන් අනතුරුව සුනාමි යන වචනයවත් හුරු නොවූ ලොවකට 2004 වසරේ අගභාගයේදීත් ඉන් පසුවත් ඉන්දියන් සාගරයත් පැසිෆික් සාගරයත් තුළ දැවැන්ත සුනාමි තත්වයක් ඇති වී දහස් සංඛ්‍යාත ජීවිත බිලිගනිමින් ගම් නගර පිටින් අතුරුදන් වී ගියා.

ඉස්ලාම් අන්තවාදීන්ගෙන් ලෝකයට විවිධ තර්ජන එල්ල වෙමින් පැවති යුගයක වැන්ගා විසින් සිදුකළ ‘මහා මුස්ලිම් යුද්ධය‘ පිළිබඳ අනාවැකිය, එකල ලෝක විනාශය පිළිබ`දව ලකුණු සොයමින් සිටි සියලූ දෙනාම ඉස්ලාම් භීතිකාවකට ඇද දැම්මා. බොහෝ භෞතිකවාදීන් සහ නිරාගමිකයන් ඒ පිළිබඳව අවිශ්වාසය පළ කරන්නට උත්සුක වුවද, ඒ අතරේම සිදු වූ ව්‍යසන නිසාම ඇගේ අනාවැකි පිළිබඳව විරුද්ධ අදහස් පළ කිරීමට විද්වතුන් පවා දෙවරක් කල්පනා කළා.

අන්ධභාවයෙන් ලැබුණු හැකියාව

බාබා වැන්ගා උපත ලැබුවේ ස්වමිකා කියන ගම්මානයේ. ඇගේ සැබෑ නම, වැන්ගේලියා පැන්ෙණීවා දිමිත්රෝවා. ඔටෝමන් අධිරාජ්‍යයේ පිහිටා තිබෙන ගිනිකඳු යායක් පාමුල පිහිටා තිබූ ගම්මානයේ ඇය උපත ලබන විට වෙනත් දැරියන් ලෙසම සාමාන්‍ය ඇස් පිහිටා තිබුණා. ඇගේ ගම් වැසියන් පවසන්නේ ඇය 12 වසක් යන තෙක්ම සාමාන්‍ය දැරියක් ලෙස කල් ගෙවූ බවයි. දැවැන්ත වැලි කුණාටුවකට මැදි වී අත්භූත ලෙසින් දෙනෙත් අ`ද වූයේ ඉන් පසුවයි. දින කිහිපයකට පසුව ඇයව සොයා ගන්නා විට ඇගේ දෙනෙත් වැලි දුහුවිලිවලින් තුවාල වී ඇලවී ගොස් ඉතාම අසාධ්‍ය තත්ත්වයේ පසුවුණා. ඇගේ මාපියන් ඉතා දිළිඳු වූ බැවිනුත්, වෛද්‍ය උපකාර අවම වූ ප‍්‍රදේශයක් වූ බැවිනුත් එම අනතුර ඇයව ජීවිත කාලයටම අන්ධභාවයට පත් කළා.

 ඉන් පසුව, ඇය විටින් විට අනාගතය පිළිබ`ද අනාවැකි පළ කරන්නටත්, ගම්වාසීන්ගේ ලෙඩ සුව කරන්නටත් වීම නිසා වැඩි කලක් නොයාම අනුගාමිකයන් පිරිසක්ද සමඟින් ඇය ‘බාබා වැන්ගා‘ නමින් සුපතළ වී ගියා. ඇය හමුවීමට පැමිණි අය අතර දුගී ගම්වැසියන්, අසරණ රෝගීන්, අත්භූත දෑ පසුපස යන්නන් වගේම ධනවත් මිනිසුන් ද, විද්‍යාඥයන් ද ඉතිහාසඥයන් ද වුණා.

ළඟ ළඟම එන විපතක්...

බාබා වැන්ගාගේ මරණය සිදු වුණේ 1996 දී. ඇය ජීවත්ව සිටි කාලයේ දී ප‍්‍රකාශ කළ තවත් අනාවැකියක් පිළිබඳව කාගේත් අවධානය යොමු වුණේ එයද සත්‍ය වෙමින් පවතින නිසයි. ‘මුස්ලිම් ජාතිකයන් විසින් යුරෝපීයයන්ට එරෙහිව රසායනික අවි භාවිතා කරනු ඇත. 2043 දී රෝමය කේන්ද්‍ර කරගත් බලවත් මුස්ලිම් රාජ්‍යයක් බිහිවනු ඇත.’ මේ පිළිබ`දව තේරුම් ගැනීමට හිටපු ඒකාධිපති පාලකයකු වන ‘ගඩා ගේ උපන් ගම වන ‘සර්ට් නගරයේ පසුගිය කාලය පුරාවට සිදුවූ අයිසිස් ක‍්‍රියාකාරකම් පිළිබ`දව විමසා බැලිය හැකියි. සර්ට් නුවර මේ වන විට සම්පූර්ණයෙන්ම ‘ශරියා නීතිය‘ ක‍්‍රියාත්මක වන ඉස්ලාමික කොලනියක්. අලූත් පාලනාධිකාරය ඔවුන්ගේ ආධිපත්‍ය පතුරුවා හරිමින් ප‍්‍රසිද්ධ ඝාතන රැසක් ද, ගණනින් නොදන්නා හිස ගසා දැමීම් සහ එල්ලා මැරීම් රැසක්ද සිදු කරනු ලැබුවා.

 ඒ වගේම පසුගිය වසරේ සිදු වූ ප‍්‍රංශ ප‍්‍රහාරයෙන් පසු මිත‍්‍ර රටවල් විසින් සිරියාවේ තෝරාගත් ත‍්‍රස්ත ඉලක්ක ප‍්‍රහාර එල්ල කොට විනාශ කොට දැමූ පසුත් අයිසිස් සංවිධානය තවදුරටත් සිරියාවේ තම අණසක පැතිර වීම සිදු කරගෙන ගියා. මේ සියලූ සිදුවීම්, ළඟ ළඟ එන විනාශයක් පිළිබ`දව බොහෝ දෙනා තුළ භීතියක් ඇති කරවමින් වැන්ගාගේ බිහිසුණු අනාවැකි ඇස් ඉදිරිපිටම සත්‍යයක් බවට පත් කරමින් තිබෙනවා.

බාබා වැන්ගාගේ සත්‍ය වූ අනාවැකි...

 1950 දී ප‍්‍රකාශ කළ අනාවැකි :- ගෝලීය උණුසුම සහ 2004 සුනාමිය

 සීත කලාප උණුසුම් වී යාවි. ගිනි කඳු අවදි වේවි. විශාල වෙරළක්, මිනිසුන් නගර සහ හැම දෙයක් මහා ජල කඳකින් අතුරුදහන් වී යාවි.‘ හැම දෙයක් උණු වී යාවි. හරියට අයිස් දියවෙනවා වගේ‘

 1989 දී ප‍්‍රකාශ කළ අනාවැකි 2011 සැප්තැම්බර් 11 නිව් යෝර්ක් නුවර ලෝක වෙළෙ`ද මධ්‍යස්ථාන ප‍්‍රහාරය සහ ජෝර්ඡ් බුෂ් (බුෂ් යනු ඉංගී‍්‍රසියෙන් ‘වන ලැහැබයි’) ඇමරිකානු ජනාධිපතිතුමා ඊට ප‍්‍රති ප‍්‍රහාර එල්ල කරනවා.

ඇමරිකානු සොහොයුරු යුගලක් යකඩ කුරුල්ලන්ගේ පහර දීමක් නිසා ඇද වැටෙනවා. වෘකයින් ‘වන ලැහැබක‘ සැඟවී සැලසුම් කොට පළිගන්නවා. ඒ නිසාම අහිංසක ජීවිතත් දහස් ගණනින් මිය යනවා.

 1980 දී ප‍්‍රකාශ කළ අනාවැකි

 2000 වර්ෂයේ දී සිදු වූ ‘කුර්ස් නම් රුසියානු සබ්මැරීනය විශාල පිරිසක් සමඟින් අවාසනාවන්ත ලෙස ගැඹුරු සයුරේ ගිලීයාම. සියවසේ හැරවුම් ලක්‍ෂ්‍යයකදී, 1999 දී හෝ 2000 දී අගෝස්තු මස යම් දිනක දී මුළු ලොවම හඬා වැලපෙද්දී මිනිසුන් සමගින් කුර්ස් ජලයෙන් යට වී යනවා. ‘කුර්ස් යනු රුසියානු නගරයක නමක්. දශක දෙකකට පෙර සිදුකළ මෙම අනාවැකිය නිසා ඈ පිළිබ`දව දන්නා අය කුර්ස් නගරය පිළිබඳව අවධානයෙන් සිටින්නට ඇති. නමුත්, ඛේදවාචකය සිදු වී අවසන් වූ පසුයි සියලූ දෙනාටම සත්‍ය වැටහී ගියේ. එම 1980 වසරේ දීම ඇය විසින් තවත් ආන්දෝලනාත්මක අනාවැකියක් ප‍්‍රකාශ කළා.

 1994 ලෝක කුසලාන පාපන්දු තරගාවලිය පිළිබඳව ඇය පළ කළ අපූරු අනාවැකිය අදටත් පාපන්දු ලෝලීන්ට අමතක නැහැ. අවසන් මහා තරගය සඳහා ඉංග‍්‍රීසි ‘බී’ අකුරින් පටන් ගන්නා රටවල් දෙකක් සහභාගි වන අතර එවකට ප‍්‍රබල ඉතාලි කණ්ඩායම අවසන් පූර්ව වටයේදී පරාජයට පත් වන බව ඇය සඳහන් කොට තිබුණා. ඇය පැවසූ ලෙසම ඉතාලිය අවසන් පූර්ව වටයේදී පරාජයට පත්වූ අතර අවසන් මහා තරගයට ඉදිරිපත් වූයේ ‘බී’ අකුරින් පටන් ගන්නා බ‍්‍රසීලය සහ බල්ගේරියාවයි.

 ඇය මීට වසර කීපයකට පෙර 2019 වසරේදී සිදුවනු ඇතැයි සඳහන් කළ අනාවැකි කීපයක් පිළිබඳව මේ දිනවල ලොව අවධානය යෙමුවී තිබෙනවා. ඉන් එක් අනාවැකියකින් කියැවුණේ මේ වන විට බලයේ සිටින ඇමරිකාවේ ජනාධිපතිවරයා හඳුනා නොගත් රෝගයක් හේතුවෙන් මාරාන්තික ලෙස රෝගි වන බවයි. ඒ අනුව වත්මන් ජනාධිපති ඩොනල්ඞ් ට‍්‍රම්ප් සවන නොඇසී යෑම, මොළයේ ආබාධ ආදියට ගොදුරුවනු ඇති බවයි ඇය සඳහන් කොට තිබුණේ.

 බාබා වැන්ගාගේ තවත් අනාවැකියකට අනුව රුසියානු ජනාධිපති ව්ලැද්මීර් පුටින් ඝාතන තැතකින් දිවි ගලවා ගනු ඇති. ඔහුට මේ ප‍්‍රහාරය එල්ල වන්නේ ආරක්ෂක භටයෙකු වැනි ඔහුට සමීපයෙන්ම සිටින පුද්ගලයකුගෙන් බවයි ඇය සඳහන් කොට තිබුණේ.

 2023 (පෘථිවියේ කක්ෂය වෙනස් වෙනවා. (කිසිවකුට තවමත් මෙය සිදුවන ආකාරය තේරුම් ගත නොහැකි යි.

 2025 යුරෝපයේ ජනගහනය ‘ශූන්‍ය’ බවට පත් වෙනවා.

 2028 මානව වර්ගයා නව ශක්ති ප‍්‍රභව සොයාගෙන ‘සිකුරු ග‍්‍රහයා’ වෙතට පිටත් වෙනවා.

 2033 (ධ‍්‍රැවාසන්න ප‍්‍රදේශවල අයිස් දියවීම නිසා පෘථිවියේ ජල මට්ටම තවත් ඉහළ යනු ඇත. (මෙය දැනටමත් ආරම්භ වී ඇත)

 2043 යුරෝපය සම්පූර්ණයෙන්ම මුස්ලිම් රාජ්‍යයක් බවට පත් වේ. රෝමය අගනුවර වශයෙන් නම් කරයි. ලෝක ආර්ථිකය මුස්ලිම්වරුන් අතට පත් වේ.

anaweki32066 රෝමය නැවත අත්පත් කරගන්නා අදහසින් සහ නැවත ක‍්‍රිස්තියානිකරණය කරන අදහසින් යුතුව, ඇමරිකානු භූමියෙන් ප‍්‍රථම වරට දේශගුණය පාලනය කළ හැකි අවියක් භාවිත කරනු ලබයි.

 2076 කොමියුනිස්ට් යුරෝපය ඇතුළු ලොව පුරා නැවත පැතිරී යයි.

 2084 ස්ධර්මය යළි ඉපදේ. (කිසිවෙකුට මෙම අනාවැකියේ අර්ථය වටහාගත නොහැක.

 2100 (කෘත‍්‍රිම සූර්යයෙක් පෘථිවියේ අඳුරු කොටස් ආලෝකවත් කරනු ඇත. (2008 වසරේ සිට විද්‍යාඥයන් විසින් න්‍යෂ්ඨික බලය භාවිත කරමින් කෘතිම සූර්යයෙක් නිපදවීමේ පර්යේෂණ මේ වන විටත් සිදු කරමින් සිටිති.

 2130 පිටසක්වල ජීවීන්ගේ උපකාරයෙන් සාගර පත්ලේ මිනිස් වාසභූමි ඉදිවේ.

 2170 දැවැන්ත ගෝලීය නියඟයක්.

 2187 දැවැන්ත ගිනි කඳු දෙකක පිපිරීම සාර්ථක ලෙස වළක්වනු ඇත.

 2201 සූර්යයාගේ තාප න්‍යෂ්ඨික ක‍්‍රියාවලි මන්දගාමී වීම නිසා උෂ්ණත්වය පහළ වැටේ.

 2262 ග‍්‍රහලෝකයන්ගේ ධ‍්‍රැව වෙනස්වී යයි. අඟහරු ග‍්‍රහයා, ආකාශ වස්තුවක ගැටේ.

 2354 කෘත‍්‍රිම සූර්යයාගේ සිදුවන අනතුරක් නිසා තව තවත් උණුසුම පහළ බසී.

 2480 කෘත‍්‍රිම සූර්යයන් දෙදෙනකු ගැටීම නිසා අඳුරු කලාප යළි බිහි වේ.

 3005 අඟහරු හි යුද්ධයක් නිසා එහි ගමන් මඟ වෙනස් වේ.

 3010 ආකාශ වස්තුවක් සඳෙහි ගැටේ. පෘථිවිය ග‍්‍රාහක සහ අලූ වළල්ලකින් වට වී යයි.

 3797 මානව ශිෂ්ටාචාරය පෘථීවිය හැරදමා වෙනත් පෘථිවියක් සොයා යෑමට තරම් දියුණු වී පවතී. මේ කාලය වන විට ලොකයේ ජීවත් වන සියලූ දෙනා මියයයි. පෘථිවිය යම් කලකට මිනිසාගෙන් ශූන්‍ය වී යයි.

 බාබා වැන්ගාගේ අවසන් අනාවැකිය 3797 ට අදාළ වුවත් අපගේ ආයු කාලය වසර සියයකටත් වඩා අඩුය. එබැවින්, 2100 දී කෘත‍්‍රිම සූර්යයා බිහි වීමටත් ප‍්‍රථම අප මෙලොවින් සමුගෙන සිටිනු ඇත. නමුත්, සියවස් 18 ක් අනාගතයට සිදුවීම් පෙළගස්වා ඇති ආකාරයෙන් අප සැමට තවදුරටත් සනාතනික බුදු වදන් තුළ සිත පිහිටුවා ගත හැකියි.

 ලෝක විනාශය පිළිබඳව සඳහන් කළ ඇය පවසා ඇත්තේ 51 වන සියවස වන තුරු ලෝක විනාශයක් සිදු නොවන බවයි. බාබා වැන්ගා පවසන පරිදි ලෝක විනාශය සිදුවීමට නියමිතව ඇත්තේ වසර 5079 දීයි. නමුත් තමන් මියයන දිනය පිළිබඳවද කලින්ම අනාවැකියකින් පළ කළ පරිදි 1996 අගෝස්තු 11 වන දින ඇය 86 හැවිරිදි වියේදී මිය ගියේ එය සිදු වන්නේ කෙසේදැයි සඳහන් නොකරමිනුයි.

විශ්වනාත් දේවප‍්‍රිය

divaina
=====================================================

උපුටා ගැනීම් සහිතයි ....!!! 

දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya