Thursday, January 23, 2020

මෙන්න ගුරුකම් - මෙය ප්‍රබන්ධයක්‌ නොවේ සත්‍ය සිදුවීමකි.....(Akshaya thowil gurukam අබිරහස් අඩවිය - Abirahas Adawiya - හොල්මන් කතා. holman katha)

යන්ත්‍ර මන්ත්‍ර ගුරුකම්වල ප්‍රධාන අදහස අලෞකික දෙය, පාලනය, කරමින් යහපත් හෝ අයහපත් හොඳක්‌ නපුරක්‌ සැලැස්‌මකට සැකසීමට උපකාර කර ගන්නා නොයෙකුත් ක්‍රමවිධිවලටය.

 එම දෙයට ජීවම් බන්ධන කොඩිවින, පිල්ලි, සූනියම් සහ පැන්නීම් ආදී ඇදහිලි ක්‍රම විධි කෙරෙහි ආදියේ සිට ජනතාව අතර විශ්වාසයක්‌ පවතිනවා.

 උක්‌ත සඳහන් කළ අණවින කොඩිවින බන්ධන පිළිබඳ ප්‍රකට පුද්ගලයින් හා පැවිදි ස්‌වාමීන් වහන්සේලා සිටි බවට ඉතිහාස කතා ඇත.

 පූජ්‍ය වල්පොල ස්‌වාමීන් වහන්සේ, බත්තරමුල්ලේ ධම්මරතන හිමි, පූජ්‍ය අංකොක්‌කල පියරතන ස්‌වාමීන් වහන්සේ යනු ඉන් කිහිප දෙනෙකි.

 ගිහියන් අතර මාතර යකහටුව ඇපලපිටියේ පිල්ලිය මාරපන ගණිතය ගුරුන්නාන්සේ, දොඩම්පෙ පුංචි බණ්‌ඩාර හා තුම්පනේ යක්‌දෙස්‌සා ඉන් කිහිප දෙනෙකි.

  කැන්දන්ගමුවේ බටහිර දම්ගොල්ලේ පදිංචි ලියන ගෙදර වෛද්‍යරත්න පරම්පරාවේ වෛද්‍ය රත මන්ත්‍රාචාර්යවරයා සීතාවක රාජ්‍ය පාලන සමයේ සිටි ප්‍රකට පුද්ගල පරපුරකි.

 අප ලද තොරතුරු මත එම ලියනගෙදර වෛද්‍ය පරම්පරාවේ වර්තමානයේ ජීවත් වන ජ්‍යෙdතිෂ්‍ය වේදී මන්ත්‍රාචාර්ය බුලුගහපිටියේ පදිංචි සිරිසේන මහතා හමුවීමට ගියා.

 සිරිසේන මහතා දක්‍ෂ නැකැත්කරුවෙකි. එමෙන්ම මන්ත්‍ර ගුරුකම්වලට ප්‍රසිද්ධ අයෙකි.

 තරමක අසනීපයෙන් සිටියද එතුමා මීමුත්තන් පිළිබඳව දීර්ඝ විස්‌තරයක්‌ කළා. කතා කිරීමට අපහසු වුවත් එතුමාගෙන් අපේක්‍ෂා කළ තොරතුරු ලබාගැනීමට හැකි විය. අනතුරුව ඔහුගේ සොහොයුරු ලියනගෙදර ආරියරත්න මහතා හමුවීමට ගියා.

 තම සොහොයුරු සිරිසේන මහතා කළ විස්‌තරය සනාථ කර දක්‍ෂ පරම්පරා ගත වෛද්‍යවරයකු වූ තම පියාගේ ඡායාරූපයක්‌ අප වෙත යොමු කළා.

 ඔහු අප ආදරයෙන් පිළිගෙන අපට සංග්‍රහ කර තමා දත් තොරතුරු මෙසේ විස්‌තර කළා.

 ආරියරත්න මහතාගේ පියාගේ පියාට පියවරු ලෙස දෙදෙනෙක්‌ සිටියා. ඉන් වැඩි මහල් ලොකු සීයා අප්පච්චි අතිදක්‍ෂ මන්ත්‍රාචාර්යවරයෙකි. එසේම ඔහුගේ සොහොයුරු වෛද්‍යරත්න මහතා පරම් පරාගත සර්වාංග රෝග විශේෂඥ වෛද්‍යවරයෙකි. කැඩුම් බිඳුම් සුවපත් කරන්නෙකි.

 ආරියරත්න මහතාගේ මුත්තා ලොකු සීයා යක්‌ නැටුම්, තොවිල් ගම්මඩු, භූතයින් දමනය, ආවේශ වූවන් සුව කිරීමෙහි ප්‍රකට අයෙකි.

 මෙකලම සිටි මාරපන ගණිතයා ද මොහු මෙන්ම දක්‍ෂයෙකි. දෙදෙනා අතර තරගයකි. මේ හේතු කොට ගෙන දෙදෙනා අතර සුහදත්වය බිඳී ඇත.

 ආරියරත්න මහතා කිවූ ඉතිහාසගත සිදුවීම් විස්‌තර කිරීමට පළමුකොට නාම කිහිපයක්‌ ආදේශ කර ගත යුතුය.

 වෛද්‍යරත්න මහතා (භූතයකු) එනම් යක්‍ෂයෙකු දමනය කරගෙන ඔහුට පොඩියා කියා නම් තැබුවා. පොඩියා අක්‌කර පහක පමණ කැලය කපා ගිනි තබා මුඩු බිම කුඹුරක්‌ අස්‌සද්දාගෙන වන සතුන්ගෙන් ආරක්‍ෂාවට විශාල ගල් යොදා වෑටියක්‌ ඉදිකළා.

 වර්තමානයේ එම ගල් වැටියෙහි විශාල ගල්ද අපට දැක ගැනීමට ලැබුණා.

 පොඩියාට අවශ්‍ය සැම දෙයම සකසාගෙන විවේක ගැනීමට අවශ්‍ය නිවාසයක්‌ද ඉඩමෙහි අසල තැනක ඉදිකර එහි පදිංචි කළා.

 ගෙවත්තෙහි වැඩ පල කරන පොඩියා දමනය කළ යක්‍ෂයකු බැව් කිසිවකු නොදනී. පොඩියාද සාමාන්‍ය තරුණයෙකු ලෙස හැසිරේ. පවුලේ ඥාතීන් පවා පොඩියා මිනිස්‌ රුව ආදේශ කළ යක්‍ෂයකු බැව් දැන සිටියේ නැත.

 වෛද්‍යරත්න තුමා නිවසින් බැහැරට යන හැම අවස්‌ථාවකදීම පොඩියා පදිංචි නිවස ආරක්‍ෂා කොට ඔහුගේ නිවසට ඇතුළු වීමට කිසිවකුට ඉඩ තබන්නේ නැත.

 එසේම පොඩියාටද තමා සිටින නිවසින් පිටතට පැමිණිය නොහැකිය. ඔහු එසේ කරන්නේ මාරපන ගණිතයා කුමන අවස්‌ථාවකදී හෝ පොඩියාට ආවේශ කර ඇති යක්‍ෂයාගේ බන්ධනයෙන් මුදවා තමාට අනතුරක්‌ කරනු ඇතැයි යන සැකය පවතින බැවිනි.

 කැන්දන්ගමුව වර්තමානයේ ඇහැළියගොඩ නම් විය. උඩවත්ත වර්තමානයේ උඩුමත්ත නම් විය.

 මේවා කුඩා ගම් විය. ගමනාගමනයට ඇත්තේ අඩි පාරවල්ය. ජනගහනය. ඉතා අඩුය. නොදියුණු ගම් වන අතර ඇදහිලි අතර යක්‍ෂ දේව ආදී භූත ඇදහිලි කෙරෙහි දැඩි විශ්වාසයෙන් පසුවේ.

 උඩුමත්තේ නිවසක කාන්තාවකට ආවේශ වී මහ සොහොන් යකා වැසී සිටියා. එම ආතුරයාට තොවිලයක්‌ කිරීමට භාරගෙන තම ගෝල පිරිස යවා මහ සොහොන් තොවිලයට අදාළ තොරණ ඉදිකළා.

 මෙම තොරණේ මැද මහ සොහොන් යකාගේ රූපය විය. එම වටා අනෙක්‌ යක්‍ෂරූප සමඟ බලියේ සතර වටා දේව රුව අඹා අලංකාර ලෙස වැඩ නිම කළා.

 මන්ත්‍රාචාර්යතුමා සහ ගෝල පිරිස සොහොන් යකාගේ යාදින්න අවසන් කර පිදේනියට මෙවන් කවිකියා නැටුවා.
 
 ආයු බෝ වේ වා
 කළ සෙත් මුදුන් වේ වා
 දුක්‌ ළං නොවේ වා
 ශක්‍ර මහ බඹු ආයු දේවා

 ලැබු නම ජය සොහො න්
 සුබ දින එකම තැබු වෙ න්
 ගොසින් වෙස මුනිගෙ න්
 වරම් ලැබ නරලොවට බසිමින්

 පිදේනියට මේ අයුරින් කවි සමූහය පවසා යකු උපතද

 පසන් දඹදිව බලෙන් යෝදෙක්‌ අයුර බලයෙන් ඇවිදි තා
 වසන් නොදැනම මදයුදෙන් ගොස්‌ එගෝඩිම්බර දැක කතා
 වසන් මද විය එතන හිමිගෙන් යුදෙන් පැරදී ජීවි තා
 අසන් වියතුනි මහසොහොන් යකු උපත අසනුය ලොව සතා

 එර්දි බලයෙන් එයන ජයසොන් වැසී ගෝඩිම්බර බිසව් ඇඟ
 රුදුරු ගුණයෙන් සලිල වෙව්ලුම් පමුණුවා ලෙඩ කරයි මේ රඟ
 අග්‍ර බල අඩු නිවට ජයසොන් යකුනි තොප බල ඇතත් අප ඇඟ
 තර්ක කෙරුමට බිසව අතහැර මෙමා වෙත වර කියා කිsවි මිග

 මේ අයුරින් කවි කියමින් පන්දම් අතට ගෙන දුම්මල ගසමින් තොවිලය කරගෙන ගිය මධ්‍යම යාමය පැමිණි මාරපන ගණිතයාද තම සුනඛ පිල්ලිය ලියනගෙදර වෛද්‍යරත්නතුමාගේ නිවසට යෑව්වා.

 එදින රාත්‍රි පොඩියා පදිංචි නිවස ආරක්‍ෂා කර තොවිල් ගෙදරට යැමට වෛද්‍යරත්න යකැදුරුතුමාට අතපසු විය.

 මාරපන ගණිතයාගේ පිල්ලිය පොඩියාට ආවේශ විය. පොඩියාගේ හිසෙහි තදබල වේදනාවක්‌ ඇති වූයෙන් වෛද්‍යරත්න මහතාගේ නිවසට ගොස්‌ මෙසේ පැවසුවා.

 මැණිකෙ දවල් දර ගෙන එන්න කැලයට ගිය අවස්‌ථාවේ හිසෙහි කරඹ කටුවක්‌ ඇනුණා දැන් එතන. තද ලෙසට ඇදුම් දෙමින්, රිදෙනවා ඉවසා සිටීමට නොහැකි නිසා මැණිකෙට කියන්ඩ මේ රාත්‍රියේ ගෙදරට ආවේ අනේ මැණිකෙ අනුකම්පා කරල මේක පොඩ්ඩක්‌ බලන්නයි කියමින් වෛද්‍යරත්න, යකැදුරු තුමාගෙ නිවසෙහි පිළ මත වාඩි වී කෙඳිරි ගාමින් ඇඬීමට පටන් ගත්තා.

 මැණිකේ, දරු ගැබත් දරාගෙන මහත් ආයාසයෙන් දොර ඇරගෙන අගුපිල මත වාඩි වී අඬමින් සිටි පොඩියා සමීපයට පැමිණියා.

 පොඩියාද හිසෙහි ඇනී තිබූ කටුව සමීපයේ ඇඟිල්ල තබා මැණිකෙට පෙන්නුවා. මැණිකේද පොඩියාගෙ හිසෙහි වූ කටුව මත ඇඟිල්ල තබා බැලුවා.

 ඇණයකට සමාන විශාල කටුව නියපොතු දෙකට තදකර උඩට ඇද්දා කටුව ගැලවිණි. පොඩියාගෙ මිනිස්‌ රූපය ක්‍රමයෙන් වෙනස්‌ විය.

 දෙකොනින් දළ දෙකක්‌ බඳු දත් දෙකක්‌ ඇති. ගොරක මද මෙන් දැඩි රතු නෙත් දෙකක්‌ ඇති කෙස්‌ පලු ගෙතුණු බියකරු මුහුණකින් යුත් යක්‌ෂයකු ඇය ඉදිරිපිට දිස්‌ විය.

 බියකරු යක්‍ෂයා යක්‌ හූ හඬ තෙවරක්‌ ශබ්ද නගා මැණිගේ සමීපයට පැන්නා. ඇයද බිය වී කෑ ගසා නිවස තුළට ඇතුළු වීමට දැඩි අපහසුවෙන් ගිය නමුත් මහ සොහොන් යක්‍ෂයා ඇය අල්ලා මරා කුස තුළ වූ දරුවා සුරතට ගෙන රුධිරය පෙර පෙරා බිලිඳා සපමින් උඩුමත්තේ තොවිල් පලට පැන්නා.

 වෛද්‍යරත්න මහතා ගේ ඉදිරිපිට වූ රූප ඇඹූ යක්‌ තොරණ කඩා ඊට උඩින් රුධිරය පෙර පෙරා බිලිඳා සපන ආකාරය දුටුවේය.

 සියල්ල වැරදුණු බැව් වටහා ගත් වෛද්‍යරත්න ඇදුරුතුමා ආතුරයාට ඇපනූලක්‌ බැඳ තොවිලය නතර කර වහා නූල් පටක්‌ ගෙන කහදියරෙන් දෝවනය කර නූලට මතුර මතුරා ගැටය බැගින් ගසා මහසොහොන් යකු දිව ගිය දෙස පසුපස හඹා ගියා.

 යකා කෑගසමින් බිලිඳා හපමින් දිව්වා. යකැදුරු තුමාද නූලට මතුරමින් මන්ත්‍රය එක්‌වරක්‌ කියා එකල ගැටයක්‌ ගසයි.

 මේ අයුරින් යකු පසුපස හඹා යන යකැදුරුතුමා අත තිබූ නූලෙහි ගැට හැත්තෑවක්‌ ගැසූ විට යකු ද දමනය වී නතර විය.

 ගැට හැත්තෑවක්‌ ගසා යකු දමනය කළ ස්‌ථානය වර්තමානයේ ගැටහැත්ත නම් විය.

 යකු අල්ලා ඔහුගෙන් දිව්රුම් ගත් ස්‌ථානය වර්තමානයේ දිව්රුම්පිටිය නමින් ප්‍රකටය.

 එම ස්‌ථානයට නුදුරු දෙහිගස්‌ සමූහයකින් යුත් දෙහිලන්දේ ගසක යකු ගැට ගසා පෙරළා තොවිලය කළ ස්‌ථානයට පැමිණ ආතුරයාට වැසී සිටි මහසොන් යකු අල්ලා දමනය කර බෝතලයකට දමා ගැට හැත්ත ඇළට දමා දමනය කරගෙන වැඩ ගත් රීරියක්‍ෂයා දෙහි ගසෙන් මුදා ගත්තා.

 අසල වූ පිටියකදී තමා අත තිබූ පොල් මලෙන් රීරි යකාට කලින් පොඩියා ලෙස සිටි තැලීමට නොහොත් පහර දීම ආරම්භ කළා.

 රීරියකා මහ හඬින් කෑගසා මෙසේ කිව්වා. මට ගසන්න එපා මම නැවත එන්නේ නැත. මේ සක්‌ලොව අත හැර යන බැව් දිවුරා පැවසුවා."

 රීරි යක්‍ෂයා දෙහි ගසක බැඳ සිටි ස්‌ථානය වර්තමානයේ දෙහිගහපිටිය නම් විය. පොල්මලෙන් තැලූ ස්‌ථානය වර්තමානයේ තැලුම්පිටිය නම් විය.

 ගසෙන් මුදාගෙන පහර ගස ගසා දන්ලන්ද නම් ග්‍රාමයට ගෙන ආවේය. එම දන්ලන්ද තිබූ ප්‍රදේශය වර්තමානයේ දන්දෙනිය නමින් ප්‍රකට විය.

 නිවසෙහි සිදුව තිබූ අවමංගල කටයුතු නිම කොට (රීරියකු පෙර පොඩියා ලෙස සිටි) පොඩියා පදිංචිව සිටි (ඊරියකු) නිවස වැසී යන ලෙස විශාල දරගොඩ ගසා රීරියකු පොඩියා එයටදමා පුළුස්‌සා දැම්මා. (පිච්චුවා)

 යකු දමා පුළුස්‌සා දැමූ ප්‍රදේශය වර්තමානයේ යකුදාගොඩ නමින් ප්‍රකට විය. ඉහත සඳහන් කළ ග්‍රාම නම් වර්තමානයේ භාවිතයේ පවතී. මෙය මෑත යුගයක සීතාවක රජ සමයේ ආසන්නයේ සිදු වූවකි.

 අප හට තොරතුරු සැපයූ බුළුගහපිටියේ සිටි සිරිසේන නම් ලද මන්ත්‍රාචාර්යතුමාත් දන්දෙණියේ සිටි පරම්පරාගත අක්‍ෂි වෛද්‍ය තුමාත් මේ ලිපිය සකසන දිනවල මෙලොවින් සමුගත් බැව් ප්‍රකාශ කරනුයේ දැඩි ශෝකයෙනි.

 ලියනගෙදර වෛද්‍යාචාර්යතුමාගේ මුණුබුරකු වූ ආරියරත්න මහතා කලා කෘති නිර්මාණය කරමින් බුදුදහම ඇසුරෙන් ව්‍යාධි වැළඳුණු අයට වෙදකම් කරමින් යකුදාගොඩ ප්‍රදේශයේ වර්තමානයේ පදිංචිව සිටී.

 කො. ආ. ගුණසේකර
 අ. ප. ප. විශ්‍රාමික විදුහල්පති
divaina
================================================
උපුටා ගැනීම් සහිතයි ....!!! 
දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

No comments:

Post a Comment