Saturday, January 11, 2020

ගුවනේ පාවෙන සැකිළි රූප අමනුෂ්‍යයෝද ? උෂ්ණත්වය වෙනස්වී වායු පීඩනය වැඩි වී කාමරයට පැමිණි නොපෙ නෙන බලවේගය කුමක්ද..? (අබිරහස් අඩවිය - Abirahas Adawiya - හොල්මන් කතා. holman katha)

විනීතා භූතාවේශයේදී පවසන විස්තර සත්‍ය අසත්‍යතාව පරික්ෂා කිරිම විශ්වපානි පදනමේ ඊළග අභිප‍්‍රාය විය. ඒ සදහා විනීතා ජීවත්වන ගම්පහ දිස්ත‍්‍රික්කයේ නිවසට පැමිණ ආදාළ පරීක්ෂණ නිරික්ෂණ ක‍්‍රමවේදය අනුගමනය කිරිමට ඔවුන්ගේ පවුලේ සාමාජිකයෝද එකග වුහ.

ඒ සන්ධ්‍යාව උදාවිය. මෙවැනි අමුනුෂ්‍ය බලවේග පිළිබඳ සිදුකරන විද්‍යාත්මක පරීක්ෂණ වලදි ඔවුන් සමග සම්බන්ධ වන තවත් කණ්ඩාමක් එදා ඒ ගමනට එකතුවි ය. ඒ විශ්වපානි පැරනෝමල් නැමති සංවිධානයේ සමාජිකයෝය. ඇමරිකා එක්සත් ජනපයේ ක‍්‍රියාත්මක පැරනෝමල් සොසයිටි නැමති සංවිධානයේ සාමජිකත්වය හිමි ඔවුන් මෙවැනි අදිභෞතික සිදුවීම් පිළිබඳ පරීක්ෂණවල නියලෙන කණ්ඩායමකි.

මුලින්ම අඳුර වැටෙන්නට මත්තෙන් නිවසේ සිටින සියල්ලන්ගෙන් ඇසින් දුටු සාක්ෂි ලබාගැනීම සිදුකළේ විනීතා සහ නිවසේ පවතින බවට සදහන් අදෘෂ්‍යමාන සිදුවීම් පිළිබඳවය.

ඒ බොහෝ දේවළින් විනීතාගේ හැසිරිමේ සිදුවන අසාමාන්‍ය වෙනස්කම් සහ කිසිවෙකුගේ බළපැමකින් තොරව නිවසේ සිදුවන යම් යම් අසාමාන්‍ය සිද්ධි පිළිබඳ කයවිණ. මිනිස් පුළුටක් නැති අවස්තාවලදි පවා නිවසේ විදුලි බුබුළු දැල්වීම, වතුර කරාම ඇරීම විවිධාකාර වූ ශබ්ද ඇසිම ඒ තොරතුරු අතර විය.

එහෙත් විනීතාගේ චර්යාත්මක වෙනස්කම් පිළිබඳ නිවැසියන් කියූ පමණින්ම අවසන් නිගමනයකට එළැඹිය හැකි නොවේ. එය තවදුරටත් තහවුරු කර ගැනීමේ ඊළග පියවර වූයේ නිවසේ පිහිටීම පිළිබඳ දළ සටහනක් ඇඳ ගැනීමයි. එම සටහන භාවිතයෙන් නිවසේ අමුතු ආකාරයේ ශබ්ද ඇසෙන ස්ථානයන් සලකුණු කරගෙන එවැනි ස්ථානයන් නිරීක්‍ෂණය කිරීම පරීක්‍ෂණ කණ්ඩායමේ ඊළග පියවර විය. එහිදී ඔවුන් යම් චිත්ත සමාධියකට සමවැදී අදාළ ස්ථානයන්හි කිසියම් දෝෂයක් තිබේ දැයි නිගමනයකට එළැඹෙන අයුරු පෙනුණි. අපේ දෘෂ්ඨි පථයට නොපෙනෙන එම ක‍්‍රියාව කුමනාකාරයේ දෙයක් දැයි අධ්‍යාත්මකවේදී කසුන් නාගොඩ විතාන මහතාගෙන් මම විමසුවෙමි.

නිවසේ පිහිටීම අනුව දළ සටහනක් ඇඳල නිවැසියන්ගෙන් ලබාගත් තොරතුරු අනුව ඔවුන්ට නිතර නොයෙකුත් ශබ්ද ඇසෙනවාය කියන තැන්වල සත්‍ය වශයෙන්ම දෝෂ තිබෙනවා දැයි අපි ඒ බැලූවේ. අපේ කණ්ඩායමේ කිහිප දෙනෙක්ම සිටිනවා භාවනා ක‍්‍රම මගින් කිසියම් ප‍්‍රමාණයකට මානසික ශක්තිය දියුණු කරපු උදවිය. එම අධි මානසික ශක්තිය නිවසේ ප‍්‍රශ්නගත ස්ථානවලට යොමුකර එම තැන්වල කිසියම් වෙනසක් තිබෙනවා දැයි හඳුනා ගන්න පුළුවන්. ඕනෑම පුද්ගලයකුගේ ශරීරය වටා අපේ පියවි ඇසට නොපෙනෙන ශක්ති වළල්ලක් පිහිටා තිබෙනවා. එය හඳුන්වන්නේ ඕරාව (Aura) යන නමින්. අධ්‍යාත්මික වශයෙන් දියුණු පුද්ගලයන්ගේ ඕරා එක ශක්තිමත්. මානසික අතින් දුර්වල පුද්ගලයන්ගේ ඕරා එක ඉතා දුර්වලයි. එසේම ඕරා එකේ වර්ණාවලියක් තිබෙනවා. රෝගී පුද්ගලයන්ගේ වර්ණාවලිය අවර්ණ තත්ත්වයක් පෙන්නුම් කරන්නේ. අවර්ණ තත්ත්වයක් කියන්නේ ඕරා එකේ දුර්වල වීමක්. දුර්වල ඕරා එකක් තිබෙන පුද්ගලයෙක්ගේ ශරීරයට මියගිය අදෘෂ්‍යමාන සියුම් ශරීර ඇති ආත්මයන්ට ඇතුල් වීම පහසුයි. දියුණු අධ්‍යාත්මික ශක්තියක් තිබෙන පුද්ගලයෙක්ට පුළුවන් කිසියම් අදෘශ්‍යමාන ආත්මයක් ඇතුළු වී තිබෙන පුද්ගලයෙක්ව හඳුනා ගන්න. විනීතාගේ ශරීරයටත් කිසියම් අදෘෂ්‍යමාන ආත්මයක බලපෑමක් තිබෙන බව අපි හඳුනා ගත්තා.,

නමුත් එපමණකින්ද ඔවුන් පූර්ණ නිගමනයකට නොඑළඹෙයි. දැන් ඔවුන්ගේ සූදානම නිවසේ අසාමාන්‍ය ශබ්ද තිබෙන බවට හඳුනාගත් ස්ථානවල විද්‍යුත් උපකරණ සවිකර නවීන විද්‍යාත්මක ක‍්‍රමවේදයකින් එය තහවුරු කර ගැනීමයි. විශ්වපානි පැරානෙමල් සංගමයේ සාමාජිකයන් සතුව ඒ සඳහාම භාවිත කරන පරිගණකවලට සම්බන්ධ කළ විද්‍යුත් උපකරණ කිහිපයක් තිබිණි. මධ්‍යම රාත‍්‍රිය එළැඹීමට හෝරා දෙකක් පමණ තිබියදී ඔවුන් එම උපකරණ නිවසේ හඳුනාගත් ස්ථානවල ස්ථානගත කළේය. එම විද්‍යුත් උපකරණ මොනවාද එයින් සිදුවන්නේ කුමක්දැයි මම ඔවුන්ගෙන් ඇසුවෙමි.
අපි මේ ස්ථානගත කරන මැෂින්වලින් සිදු කෙරෙන්නේ මෙම ස්ථානයේ චුම්භක ක්ෂේත‍්‍රය මැනීම. K2 The Meeter මැෂින් එකෙන් සාමාන්‍ය චුම්භක ක්ෂේත‍්‍රය පෙන්වන අතර ඵැක ඵැැඑැර මැෂින් එකෙන් එම ස්ථානයේ චුම්භක ක්ෂේත‍්‍රය ගැඹුරින් මනිනවා. ඉතින් සාමාන්‍ය තත්ත්වය ඉක්මවා යන විදියට චුම්භක ක්ෂේත‍්‍රයේ වෙනස් වීම් සිදුවෙනවා නම් අපි ඊළග පියවරට යනවා.
එසේ සඳහන් කරමින් ඔවුන් චුම්භක ක්ෂේත‍්‍ර පරීක්‍ෂා කරන උපකරණ තිිබියදීම තවත් විද්‍යුත් උපකරණ කිහිපයක් එහි සවිකළේය. එම විද්‍යුත් උපකරණ අතර අදාළ ස්ථානයේ වායු පීඩනය සහ උෂ්ණත්වය වෙනස් වන ආකාරයද මිනිස් කනට නොඇසෙන ශබ්ද හඳුනා ගැනීමේ ශබ්ද සංවේදක උපකරණයක් ද විය. පසුව අවසාන වශයෙන් පියවි ඇසින් දැකිය නොහැකි දර්ශන ලබාගැනීම සඳහා භාවිත කරන විශේෂිත කැමරාවක්ද (gost hunting) (emwra) ඔවුන් එහි ස්ථානගත කළේය. එම ක‍්‍රියාවලිය අවසානයේ පවුලේ වැඩිහිටි සාමාජිකයකු හැර විනීතා සහ පවුලේ සෙසු සාමාජිකයන් සුපුරුදු ලෙස විදුලි පහන් නිවා දමා නින්දට යෑමට සැලැස්වීය.

එළැඹෙමින් පැවතියේ මධ්‍යම රාත‍්‍රියයි. ඝන අඳුර පමණක් රජ කරන රාත‍්‍රිය පැවතියේ පූර්ණ නිහඬ බවකි. පෙර අප සඳහන් කළ නිවසේ සවිකළ විද්‍යුත් උපකරණවල සම්බන්ධතාවය පැවතියේ නිවසින් පිටත මිදුලේ තබා තිබෙන පරිගණක කිහිපයකටය. එම පරිගණක තිර මත සටහන් වෙමින් පැවතියේ පුදුම දෙයකි. විනීතාගේ කාමරයේ එතෙක් ඒකාකාරී මට්ටමින් පැවති චුම්භක ක්ෂේත‍්‍රය ක‍්‍ර‍්‍රමයෙන් වෙනස් වෙමින් පැමිණියේය. ඒ සමගම වායු පීඩක මානය මගින් ලබාදෙන දත්ත මගින් පෙන්නුම් කළේද එම ස්ථානයේ වායු පීඩනය වෙනස් වන අයුරුය. සියුම් ලෙස උෂ්ණත්වය වෙනස් වන අයුරුද ක‍්‍රම ක‍්‍රමයෙන් පෙන්නුම් කළේය. දැන් සියල්ලන්ගේ අවධානය පරිගණක තිරය වෙතය. ඒ සියලූ දත්ත සාමාන්‍ය තත්ත්වය ඉක්මවා යමින් තිබියදී එක විටම පරිගණක තිරයේ ඇටසැකිලි වැනි රූපයක් (spm) මතුවිය. පොළවට ස්පර්ශ නොවී පැවැති එම සැකිලිි රූපයේ ප‍්‍රමාණය ඒ්කාකාරී ප‍්‍රමාණයකින් තිබුණේ නැත. එය එසැණින් මිනිස් ශරීරයට වඩා විශාල වන අයුරුද ඇතැම් විට කුඩා වන අයුරුද දිස්විය. නමුත් ඒ සැමට වඩා විශ්මිත කාරණය නම් එම සැකිලි රූපය නිදාගෙන සිටින විනීතාගේ ශරීරයේ සිට එකවිටම එළියට පැමිණි අයුරක් දිස්වීමයි.
සිදුවෙමින් පවතින්නේ කුමක්ද යන්න පිළිබඳව අධ්‍යාත්මකවේදී කසුන් නාගොඩ විතාන යළිත් මට කරුණු පැහැදිලි කළේය.
දැැන් අපිට පිළිගන්න වෙනවා මෙතන අසාමාන්‍ය තත්ත්වයක් තියෙනවා කියලා. සාමාන්‍යයෙන් මිනිස් ඇසට පෙනෙන්නෙ ආලෝක කිරණවලින් 1% ප‍්‍රමාණයක් පමණයි. ඉන්ෆරේට් (Inferate) සහ අල්ට‍්‍රාවයිලට් (uitravilet) තත්ත්වයේ ආලෝකය තුළ තිබෙන දෙයක් සාමාන්‍ය මිනිස් ඇසට දර්ශනය වෙන්නෑ. අමනුෂ්‍ය බලවේග සිටින්නේ මේ ඉන්ෆරේට් සහ අල්ට‍්‍රාවයිලට් තත්ත්වයේ් ආලෝක කිරණ අතර. ඒවා සියුම් ශරීර. ඉන්ෆරේට් ආලෝකය යටතේ තිබෙන අපේ කැමරාවට එම රූප හසුකර ගන්න පුළුවන් වුණේ ඒකයි.
විනීතාගේ රෝගී තත්ත්වයට හේතුව අදෘෂ්‍යමාන බලවේගයක බලපෑම බවට අවසන් නිගමනයකට එළැඹියේ එසේය. මේ පරීක්‍ෂණ ක‍්‍රියාවලියේ මුල් පියවර වූ විශ්වපානී පදනමේදී විනීතා මෝහනයට පත් කළ විට එම ශරීරයට පැමිණ සිිටින්නේ ඇගේ පෙර ආත්මයේ සැමියා වන ඇඩම්ස් බව මෝහන කථනයේදී හෙළිවිය. දැන් සිදුකළ විද්‍යාත්මක පරීක්‍ෂණයේදී එය වඩාත් තහවුරු විය.

කෙසේ හෝ විනීතාගේ ශරීරයෙන් ඇඩම්ස් නමැති අදෘෂ්‍යමාන ආත්මය ඉවත් කිරීම එතරම් පහසු කටයුත්තක් වූයේ නැත. ජීවත්ව සිටියදී ඇඩම්ස් යනු මුස්ලිම් ආගමිකයකු බැවින් එම අදෘෂ්‍යමාන ආත්මයට තෙරුවන් පිළිබඳ ගෞරවයක් තිබුණේ නැත. මේ නිසා එම ආත්මය ප‍්‍රථමයෙන් තෙරුවන් කෙරෙහි නම්මවා ගැනීමට සිදුවිය. එය පහදා දීමට යෑමේදී විවිධාකාර වූ කරදර බාධක සිදුකිරීම නිසා එම ආත්මයට දඬුවම් කිරීමට පවා සිදුවූ අයුරු කසුන් මහතා මෙසේ පැහැදිලි කළේය.

අපේ ප‍්‍රතිකාර ආරම්භ වූ මුල් කාලයේ කිසි ලෙසකින්වත් එම අදෘෂ්‍යමාන ආත්මය සමග ගනුදෙනු කරන්න බැරි වුණා. ඒ නිසා එම ආත්මය මෙල්ල කර ගැනීමට ඔහු අපට පුච්චන්න සිද්ධ වුණා. පුච්චනවා කියන්නෙ ගින්දරෙන් පුච්චනවා නෙවෙයි. මනස එක්තැන් කරල මම කලින් කීව අපේ ශරීරය වටා තිබෙන ඕරා එකෙන් පිටවන කිරණ එම ආත්මය වෙත යොමු කළා. ඔහු මෙල්ල වුණේ ඊට පස්සෙ. පස්සෙ තෙරුවන් කෙරෙහි වන ගුණ කියා දී අපි ඔහුට කරන්න හදන්නෙ හොඳක් කියන එක ගැන විශ්වාසය ඇති කළා. ඊට පස්සෙ ඔහු විනීතාව අත්හැර යන්න එකග වුණා. අපි ඔහුව නිදහස් කළේ නුවර වැල් බෝධිය අසලට. මිනිස්සු බොරු කීවට අමනුෂ්‍යයෝ කිසිම විටක බොරු කියන්නෙ නෑ. එකග වුණා වගේම කිසි දිනෙක ආයේ විනීතට කරදර සිදුවුණේ නෑ. රෝගය සුව වුණා.,
විනීතාගේ රෝගය සුව කිරීමට තමන් එකදු බෙහෙත් පෙත්තක් හෝ ලබා නොදුන් බව ඔහු කීවේය. මෙවැනි වෛකල්පිත ප‍්‍රතිකාර ක‍්‍රමවේද මෙන්ම හොල්මන් අවතාර යනු විවාද සම්පන්න මාතෘකාය. නමුත් බෙහෙත් පෙත්තක් හෝ ශරීරගත නොකර මානසික රෝගයක් හෝ සුව කිරීමට හැකිනම් එයම මිනිස් ශරීරයට කොතරම් අගනේද?
තිස්ස ගුණතිලක
divaina
================================================
උපුටා ගැනීම් සහිතයි ....!!! 
දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....
අබිරහස් අඩවිය - Abirahas Adawiya 

No comments:

Post a Comment