Friday, August 5, 2016

කුණඩලීණී ශක්තිය 03...kundalani shakthiya .අබිරහස් අඩවිය - Abirahas Adawiya

අප ශරීරයේ නාඩි පද්ධතියේ ක‍්‍රියාකාරිත්වය උදෙසා උපයෝගී වන වායුධාර පහක් ගැන යෝග විද්‍යාවේ සඳහන් වෙයි. ඒවා බැඳී පවතින්නේ ශරීරයේ චක‍්‍රයන් ආශ‍්‍රිතවය. මෙය අවබෝධ කර ගැනීමෙන් යම් යම් කාර්යයන් උදෙසා චක‍්‍ර යන්ත‍්‍ර ලෙස ක‍්‍රියාත්මක වන බව සන්සදනය කිරීමෙන් අවබෝධ කරගත හැකි වේවි.
වායු වර්ග 5

1. හෘදය – ප‍්‍රාණ වායුව

2. ගුදය – අපාන වායුව

3. නාභි – සමාන වායුව

4. බෙල්ල – උදාන වායුව

5. ශරීරයේ සියලූ කේෂ මූලයන්ගෙන් ව්‍යාන වායුව

අප සාමාන්‍ය ව්‍යවහාරයේදී දන්නේ ආශ්වාස ප‍්‍රශ්වාස වායු ධාරා පිළිබඳ පමණි. යෝග විද්‍යාවේදී යහපත් ශරීර යන්ත‍්‍රණයකට මෙම පංච වායු ධාරාම හේතු වෙයි.

මෙම වායු ධාරා පිළිබඳ යෝග විද්‍යාව තුළ කතා කිරීමට හේතු වන්නේ ශරීරය පුරා ඇති නාඩි 72000 ක‍්‍රියාත්මක වීම උදෙසා මෙම වායු හේතු සාධකයක් වීමයි. මෙම වායු හොඳින් ක‍්‍රියාත්මක වනවිට සිරුර පුරා දිවෙන ධමනි හරහා නාඩි ක‍්‍රියාත්මක වීම සිදුවෙයි.

යෝග විද්‍යාවට අනුව දිනකට පුද්ගලයකු ජීව වායුව තව නාස්කුහර හරහා 21600 වරක් ආශ්වාස ප‍්‍රශ්වාසයෙන් සිදුකරයි. යෝග විද්‍යාව හරහා සිදුවන්නේ මෙම වාර ප‍්‍රමාණය අඩු වැඩි වශයෙන් පාලනය කිරීමයි.
ඉඩා නාඩිය හා පිංගල නාඩිය ආරම්භ වන්නේ නාස් කුහරවලිනි. එහිදී දකුණ නාසයෙන් පිංගල නාඩිය ආරම්භ වෙයි. එය සූර්ය නාඩිය ලෙස හඳුන්වයි. රස්නය අධික දිවා කාලයේදී ආශ්වාස ප‍්‍රශ්වාසය සිදුවන්නේ දකුණු නාස් කුහරය තුළිනි.
වම් නාස් කුහරයෙන් ඉඩා නාඩිය ආරම්භ වෙයි. එය චන්ද්‍ර නාඩියයි. සඳ බලවත් රාත‍්‍රීන්වලට ආශ්වාස ප‍්‍රශ්වාසය සිදුවන්නේ වම් නාස් කුහරයෙනි.
යෝග භාවනා හරහා සිදුවන්නේ චන්ද්‍ර නාඩියත් සූර්ය නාඩියත් එකවර ක‍්‍රියාත්මක කරවීමයි. අප එක් නාස් කුහරයක් තුළින් හුස්ම ගෙන අනෙක් නාස් කුහරය හරහා හුස්ම මුදා හරින්නේ ඒ උදෙසාය.
අග්නි ශක්ති යෝග
රුද්‍ර යෝගවල තවත් පහසු යෝග ක‍්‍රමයක් වනුයේ අග්නි ශක්තිය මුල් කර ගනිමින් සිදුකරනු ලබන චක‍්‍ර අවධි කිරීමයි. පෙර යෝගීයු මේ යෝග වැඞීම උදෙසා බහුල ලෙස උපයෝගී කරගනු ලැබුවේ රාත‍්‍රී කාලයයි. ඒ සඳහා අරමුණු කර ගනු ලැබුවේ ස්වාභාවික ගිණි මැලයයි. එනම් එම අග්නි ශක්තිය හරහා තම ශරීරයේ චක‍්‍ර අවධි කිරීම මේ හරහා සිදුවුණි. රාත‍්‍රි කාලය මේ සඳහා උපයෝගී කර ගැනීමට හේතුවූයේ රාත‍්‍රී කාලයේදී ස්වාභාවිකවම ඉඩා නාඩිය නැතහොත් චන්ද්‍ර නාඩිය ක‍්‍රියාත්මක වී පැවතීමයි. අග්නිය හරහා පිංගල නාඩිය අවධි කරවයි.
අග්නි ශක්ති යෝග වැඞීම උදෙසා නිවසක් තුළදී නම් තරමක් විශාල තිරයක් දැමූ පොල්තෙල් පහනක් හෝ විශාල ඉටි පන්දමක් උපයෝගී කර ගත හැකි වෙයි.
පද්මාසනය හෝ ඔබට පහසු අසුනක සිටින විට ඇස් මට්ටමට අංශක 30 පමණ ඉහළින් සිටින ලෙස මෙම අග්නිය තබා ගැනීම තුළින් වඩා වැඩි ප‍්‍රතිඵලයක් ලැබිය හැකි වෙයි. එසේම තමාගේ ඇස්වල සිට අඩි 7 පමණ දුරින් මෙම ආලෝකය ස්ථාන ගත කළ යුතුය. ඇස් මට්ටමෙන් ඉහළට හිස එසවීමටද විශේෂ හේතුවක් ඇත. අස් මට්ටමෙන් 300-450 අතර මට්ටමට එය ඔසවන විට ඉඩා නාඩිය හා පිංගල නාඩිය එකවර ක‍්‍රියාත්මක වීම ඇරරෙඹයි. මෙය සාමාන්‍ය වැදුම් ක‍්‍රමවේදයන්හිදීද උපයෝගී කරගත හැකි ක‍්‍රමයකි.
1. පෙර ලෙසින්ම මාපට ඇඟිල්ල හා දඹරැුඟිල්ල එකිනෙක සම්බන්ධ කර අත්ල ඉහළට සිටින සේ දෙඅත් දණහිස මත ලබා යෝග වැඞීමට සූදානම් වන්න. ආශ්වාස හොඳින් හුස්මක් ඉහළට ගෙන රඳවා තබාගෙන පිට කරන්න. (1.4.2 අනුපාතයට* මේ ආකාරයට වට තුනක් යෙදෙන්න.
2. ඉන්පසු දෙනෙක් ඇර ඇස් පිල්ලම් ගැසීමකින් තොරව එක එල්ලේ පහන් දැල්ල දෙස බලා සිටින්න. ඇස්වලින් කඳුළු වන තුරු බලා සිටිය යුතුය. ඉන්පසු ඇස් පියාගෙන ඔබේ නළල මැද හය වැනි චක‍්‍රය වන ආඥා චක‍්‍රය තුළ පහන් දැල්ල මවාගෙන එය දිගින් දිගට පවත්වාගෙන යන්න.
3. ටික වේලාවකින් එය නොපෙනී ගියහොත් යළිත් පහන් දැල්ල දෙස බලා සිට එය යළි යළිත් සිදුකරන්න. මෙය විනාඩි 24 පමණ යෙදීම ප‍්‍රමාණවත්ය.
සාමාන්‍ය ජීවිතය තුළදී රුද්‍ර යෝග වැඞීමේදී බොහෝ කාලයක් ඒ සඳහා යෙදීම නොකළ යුත්තකි.
චක‍්‍ර අවධි කිරීම හා භෞතික ජීවිතය සමපාත කිරීම ඉතා වැදගත් කාරණයකි.
================================================
උපුටා ගැනීම් සහිතයි ....!!!
දයාබර පාථක සහෘදයිනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම්  like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....

අබිරහස් අඩවිය - Abirahas Adawiya 

No comments:

Post a Comment