රාවණ රජ සමය ලෝක ඉතිහාසයට අලූත් පිටුවකි. ඉන්දියාව, චීනය, ඊජිප්තුව පිළිගනිමින් ගොඩ නගන මහා ශිෂ්ඨාචාර අතරේ රාවණ යුගය මඟ හැරුණේ ඇයි...?
ලෝක ශිෂ්ඨාචාරයේ තූතන්කාමන්, පිරමීඩ වැනි නෂ්ඨාවශේෂ ඉතිහාසය පුදුම කරවද්දී රාවණ වැනි රජවරු මිත්‍යාවක්, ප‍්‍රලාපයක් හැටියට ඇතැම් ලාංකිකයන් විසින් මිහිදන් කරනු ලබන්නේ ඇයි? ඉන්දියාව අදත් රාම පිළිගනී සීතාව පිළිගනී. රාමාගේ හමුදාවේ හනුමාද පිළිගනී. රාමායනය ආදී මූල ග‍්‍රන්ථ ඔවුහු දේවත්වයෙන් සලකති. නමුත් ‘පෙරළුණු පිට හොඳයි’ කියන්නා සේ ලාංකිකයෝ මහා වංශය දේවත්වයෙන් පුදති. එයම ඉතිහාසය ලෙස ගෙන අදහති.
සියල්ලෝම විජයට එහා ලංකාවේ ඉතිහාසයක් තිබුණු බවද පිළි ගනිති. එය හාරා මතුකර ගැනීම ‘කම්මැලිකමට’ තබා ලැබුණ දෙය එකම සත්‍යය කොට ගනිති. එබැවින් පැහැදිලි වරදක් ඉතිහාසය සම්බන්ධයෙන් අපට තිබේ.
අපි ඉතිහාසයෙහි ඇතැම් තැන් වරදවාගෙන තිබේ. අපි මේ මතු කරගෙන යන්නේ ඒ යෝධ කැණීමයි. හමුවන, සියලූ නටබුන් අද නැතත් හෙට හෝ ඉතිහාසය මේ යැයි පිළිගන්නවා ඇත. ලාංකීය උරුමයේ මහ මොළකරු, රාවණගේ කතාවේ අලූත් තැනකි.
රාවණ රජතුමා ස්ථිර වහල් සේවයක් තබා 6ගත්තෙකි. ඒ සඳහා වහලූන් බඳවා ගත්තේ එරිත‍්‍රියාව, සුඩානය, අප‍්‍රිකාව යන රටවලිනි. රාවණට අවශ්‍ය සියලූ මෙහෙකම් මොවුන් හරහා කර ගත්තේය. යුද්ධයකට පවා ගෙන යා හැකි විශාල සෙනඟක් ඒ අතර වූහ.
චීනයේ මාහෝ කුමාරයා රාවණට උපකාර පිණිස එන්නට කැමැත්තෙන් පසු විය. රාවණ ඒ කිසිම උපකාරයක් නැතිව සටනට බැස්සේය.
රාවණට අයත් වහලූන්ට කී පොදු නම වූයේ දසියුස්ය. රාවණ ‘දසිස්’ නමින්ද හැදින්විණි. රාවණ කතාවට අනුව මේ වහල් ජනයා පදිංචිකොට ඇත්තේ පුරාණ හරප්පාවේය. එදා ඉන්දියාවට අයත් වුවද අද පකිස්ථානයට අයත් ප‍්‍රදේශයෙකි. හරප්පාව යනු ඔබ අසා ඇති පැරැුණි ඉන්දීය ශිෂ්ඨාචාරයකි. රාවණ රජතුමාට සිහිමුර්ජා වීම රාමගේ හමුදාව පිළිගත්තේ රාවණගේ අවසානය හැටියටය. එබැවින් රාමගේ හමුදාව රාවණගේ උදවුකාරයන් විනාශ කිරීමේ මෙහෙයුමක් ආරම්භ කළහ.
රාමගේ වානර හමුදාව සයිබීරියාවට ගොස් එහි බෝම්බ නිෂ්පාදකයෙක් ලවා ජලකර බෝම්බයක් සකස් කොට ගත්හ. එහි පළමු බෝම්බයෙන් ඉන්දියාවේ දකුණු ප‍්‍රදේශයේ රාක්‍ෂ ජනයා ජීවත් වූ ප‍්‍රදේශය සම්පූර්ණයෙන් විනාශ වී ජලයේ ගිලී ගියේය. බෝම්බය කොතරම් දරුණුද කියනවා නම් බෝම්බය ඇට වූ වානර හමුදාවේ විශාල පිරිසක්ද මරණයට පත් වූහ. තවත් විශාල රාජ්‍යයක්ද විනාශයට පත් විණි. යුද්ධයෙන් පසු එළැඹි පළිගැනීමේ පශ්චාත් කාල සීමා රාවණගේ විශාල පිරිසක් මරණයට පත් වූ යුගයක් විය. රාවණට සහාය දුන් සියලූ දෙනා සොය සොයා යමින් ප‍්‍රහාර එල්ල කිරීමට හනුමා ඇතුළු වානර හමුදාව දිගටම කරගෙන ගියේය. මේ ක‍්‍රියාදාමය නිසා දහස් ගණනක් යක්ෂ ගෝත‍්‍රිකයෝ මිය ගිය අතර රාජ්‍යයක් පිටින් නැසී වැනසීමට පත් විණි.
හමුදාවේ ඊළඟ ප‍්‍රහාරය හරප්පාවට යොමු කිරීමට තීරණය විණ. එහි සිටියේ රාවණගේ වහලූන් සංචිතයයි. හරප්පාවටත් පෙර යක්ෂ ගෝත‍්‍රිකයන් සිටි තවත් ප‍්‍රධාන නගරයකට ප‍්‍රහාර එල්ල කිරීමට රාම හමුදාව කටයුතු කළහ. ඒ හරප්පාවට සැතපුම් 300ක් පමණ ඈතින් ඉන්දු නිම්නයේ පිහිටි රකුස්ජාරෝ ප‍්‍රදේශයයි.
සියවස් ගාණක් පොළොව යට වැළලෙන රාවණ රාජ්‍යය සීගිරිය යට ස්ථිරව රැුඳී තිබෙයි. එය ගොඩ ගත හොත් ලෝක ඉතිහාසයේ අති දැවැන්ත ශිෂ්ඨාචාරයේ ඇතුලාන්තය ලංකාවෙන් ගොඩනැගෙනු ඇත. මොහෙන්දෝජාරෝ - හරප්පා පමණක් නොව මිසර-චීන ශිෂ්ඨාචාර වලට වඩා දියුණුවක් සංවර්ධන වූ, නාගරික ශිෂ්ඨචාරයක් තවම අපේ මහ පොළොව යට තිබේ. එයට කිඳා බසින දිනයක, රාවණ ලෝකයේ මහා අධිරාජ්‍යයා හැටියට කවුරු කවුරුත් පිළිගනු ඇත.
මේ රකුස්ජාරෝ ප‍්‍රදේශය ලංකාවේ සිටි යක්ෂ ග්‍රෝතික ජනයා සශ‍්‍රීකව සෞභාග්‍යමත්ව ගත ක4ළ විශාල කොළණියකි. රාමගේ හමුදාව රකුස්ජාරෝව විනාශ කිරීමේ උපායට යොදා ගත්තේ ඉන්දු නිම්නයයි. වහාම දහස් ගාණක් හමුදාව එකතු වී ඉන්දු නිම්නයට වේල්ලක් කපා විශාල ජල කඳක් රකුස් ජාරෝවට එකවර නිදහස් කළේය. එම ජල කඳින් දැවැන්ත නගර නිර්මාණයක් ක්‍ෂණිකව යට වී ගියේය. එම රකුස්ජාරෝව පසුව මළවුන්ගේ නගරය වී මොහෙන්දොජාරෝ යැයි නම් විණ.
යක්ෂ ග්‍රෝතිකයන් බුරුතු පිටින් විනාශ කිරීමට රාමගේ හමුදාව කළ දැවැන්ත පළි ගැනීමකි. ඒ සමඟම අනගි ශිෂ්ඨාචාරයක් ජලය අතර සැඟවිණ. අද මොහෙන්දොජාරෝවෙන් ගොඩට පැමිණ ඇත්තේ රාවණ රජ සමයට අයත් ඒ මහා ශිෂ්ඨාචාරයය. ඉන්දියාවට අයත් යැයි ගැඹුරින් විශ්වාස කරන මොහෙන්දොජාරෝ සහ හරප්පා ශිෂ්ඨාචාරයන්හි මුල් ආරම්භය රාවණ යුගයට අයත්ය. එහි ජීවත්ව ඇත්තේ රාවණගේ පරම්පරාවේ ජන කොට්ඨාසයන්ය. අද ගොඩ ගන්නා මේ සියලූ ශිෂ්ඨාචාර නටබුන් රාවණ ඉතිහාසයේ නටබුන් බව ආචාර්ය මිරැුන්ඩෝ ඔබේසේකර මත පළ කරයි.
හරප්පාවද දැවැන්ත මිනිස් සංහාරයක් වූ ප‍්‍රදේශයකි. බැබිලෝනියාව හා ඊජිප්තුවේ මිනිසුන් ආයුධ රැුගෙන හරප්පාවට කඩා පැන එහි විසූ මිනිසුන් කපා කොටා මරා දැමී යැයි ආචාර්ය මිරැුන්ඩෝ සඳහන් කරයි. හරප්පාව කැණීම් වලදී වැඩි වශයෙන් ආයුධ හමුවීමට හේතුව හැටියට ඝාතනයක් නිසා හරප්පා ජන සංහාරය වීම උදාහරණයක් ලෙස දැක්විය හැකිය.
1 කෙසේ වෙතත් මොහෙන්දොජාරෝ සහ හරප්පා ශිෂ්ඨාචාර දෙකම ලංකාවට නෑකමැති සීගිරියේ මුල් යුගයට අයත් දැවැන්ත නගර නිර්මාණ වෙයි.
සීගිරිය රාවණගේ ප‍්‍රධාන බල මූලස්ථානය බැවින් ඒ අවට අඩි සිය ගාණක් යට දැවැන්ත අධිරාජ්‍යයක් සතු අගනුවරක් මුණ ගැසෙයි. මොහෙන්දොජාරෝ හරප්පාවේ එතරම් දියුණු ලක්‍ෂණ හමුවේ නම් සිගීරිය යට සැඟවුණු දැවැන්ත අතීතයක් තිබේ.
දැනට සොයාගත් ඉන්දු නිම්න ලක්‍ෂණ වලට අනුව, නාන තටාක, ගෙවල් පේළි, වීදි, මාළිගා, දේවාල, නගර මන්දිර, ළිං, දිය බසින කාණු ආදිය හමුව ඇත. පර්යේෂණ කළ අයගේ මතයට අනුව මොහෙන්දොජාරෝ සහ හරප්පා ජලාශ‍්‍රිත නාගරික දියුණු ශිෂ්ඨාචාරයකි. නූතන ඉතිහාසඥයන් සඳහන් කරන පරිදි මෙවැනි දියුණු ශිෂ්ඨාචාර ලෝකයේ හමුවීමද දුර්ලභ දෙයකි.
විශේෂයෙන් රන්, රිදී, පිත්තල හා යකඩ කර්මාන්තයද, කපු භාවිතයෙන් ඇඳුම් සකසා ගන්නට ඇතැයිද කියන කාරණා මත ලංකාවේ යක්ෂ ගෝත‍්‍රික නෑකම වඩාත් ඉස්මතු වේ. කුවේණිය කපු කටිමින් සිටි කතා පුවතට අනුව ඈතට ගියත් රාවණ රජ පරපුරේ අය කපු කැට ඇඳුම් සකසා ගන්නට ඇත. ඉන්දු නිම්න ලක්‍ෂණ හරහා එවැනි තොරතුරු ගොඩ ගැනීම රාවණගේ පසුබිමට වඩාත් ‘මුක්කු’ ගසන්නකි.
2 ආචාර්ය මිරැුන්ඩෝ සඳහන් කරන පරිදි ඉන්දු නිම්නයෙන් හමුවූ රැුවුළ වවාගත් ශ්‍රේෂ්ඨ මිනිසාගේ හිස මොවුන්ගේ රජු යැයි විශ්වාස කළ හැකිය. ඒ අනුව ශිෂ්ඨාචාරයේ ඉහත කී ප‍්‍රතිමාව රාවණ රජුගේද යන්න ගැඹුරින් විශ්වාස කිරීමේ ගමනට සූදානම් විය යුතුය.
හරප්පාව හා මෙහෙන්දොජාරෝ ගැන මුල්ම පර්යේෂණ කර ඇත්තේ ඉංග‍්‍රීසි ජාතිකයන්ය. ඔවුන් දක්වන තොරතුරු අනුව ඉතා පැහැදිලිව මේ ශිෂ්ඨාචාර දෙකම රාවණ සමයේය. රාවණ කතා පුස්කොළ පොතට අනුව මෙකී නගර රාවණ රජුගේ බල ප‍්‍රදේශයට අයත් ඒවා වෙයි.
රැුවුළ වැවූ මිනිසාගේ හිස පර්යේෂණවල යෙදුණු ඉංග‍්‍රීසින්ටද පුදුම උපදවන සොයා ගැනීමක් විය. එවක රැුවුළ වවා ඇත්තේ ලංකාවේ යක්ෂ ගෝත‍්‍රිකයන් පමණි. අදත් ආදිවාසී ජනතාව යකුන් අදහන අතර ඔවුහු බොහෝ විට දිගු රැුවුළ වවා ගෙන සිටිති. රැුවුළ වැවීම පුරාණ ලාංකීය ලක්‍ෂණයකි.
කාල සමයන් ඔස්සේ ඉදිරියට යාමේදී ඉන්දියාවේ ශිෂ්ඨාචාර රාවණ රජුගේ බල ප‍්‍රදේශ යන තැන නැවතුමක් හදන්නට අපට සිදුවේ. ඒ අනුව රාවණ යනු ශිෂ්ඨාචාර ගොඩ නැගූ අධිරාජවාදී රජෙකි. රාවණ රජු ලංකාවේ වාසය කළ සියලූ තැන් කාලයාගේ ඇවෑමෙන් පසට යට වී තිබේ. සියවස් ගාණක් පොළොව යට වැළලෙන රාවණ රාජ්‍යය සීගිරිය යට ස්ථිරව රැුඳී තිබෙයි. එය ගොඩ ගත හොත් ලෝක ඉතිහාසයේ අති දැවැන්ත ශිෂ්ඨාචාරයේ ඇතුලාන්තය ලංකාවෙන් ගොඩනැගෙනු ඇත. මොහෙන්දෝජාරෝxහරප්පා පමණක් නොව මිසරxචීන ශිෂ්ඨාචාර වලට වඩා දියුණුවක් සංවර්ධන වූ, නාගරික ශිෂ්ඨචාරයක් තවම අපේ මහ පොළොව යට තිබේ. එයට කිඳා බසින දිනයක, රාවණ ලෝකයේ මහා අධිරාජ්‍යයා හැටියට කවුරු කවුරුත් පිළිගනු ඇත.
උපුටා ගැනීම් සහිතයි ....ප්‍රිය මිතුරු මිතුරියනි ඔබ මෙම වෙබ් අඩවිය හා පළකෙරෙන ළිපි පිළිඹඳව සෑහීමකට පත්වේනම් like කිරීමෙන් හා share කිරීමෙන් මිතුරන් අතරේ බෙදාහැරීමට කාරුණික වන්න...ඔබගේ වටිනා අදහස් දැක්වීමද (''Comment'') අගය කොට සළකමි...ස්තුතියි....අබිරහස් අඩවිය - Abirahas Adawiya
No comments:
Post a Comment